آرشیف

د جرمني لومړي وزیر فریدرېښ مېرڅ ویلي، د جرمني په باور ایران د اوربند تړون مات کړی او د امریکا هغه پوځي ځواب، چې د ولسمشر ډونالډ ټرمپ په امر ترسره شو، پر ځای و.

د غزې روغتیايي چارواکي وايي، د چارشنبې په ورځ د اسراییل په هوايي بریدونو او ډزو کې د دوو ماشومانو په ګډون اووه فلسطینیان وژل شوي دي. خو د اسراییل پوځ ویلي، په غزه کې یې وسله‌وال په نښه کړي دي.

پاکستاني ژغورونکو د دغه هېواد د کې‌۲ هوايي شرکت د بوینګ ۷۳۷ کارګو الوتکې پاتې شوني د کراچۍ له ساحله لرې په عرب سمندر کې موندلي، خو د هغې د ۵ کسیزې عملې د برخلیک په اړه لا هم معلومات نشته او د لټون عملیات روان دي.

د فرانسې ولسمشر امانویل مکرون ویلي، د ایران له لوري فارس خلیج کې د امریکا پر پوځي اډو بریدونو د امریکا او ایران ترمنځ لنډمهالی تړون نقض کړی او تهران په دې اقدام سره تېروتنه کړې ده.

د طالبانو د کورنیو چارو وزیر سراج‌الدین حقاني د کډوالو په چارو کې د ملګرو ملتونو د عالي کمېشنر سره په لیدنه کې د افغان کډوالو د لېږد او ملاتړ په برخه کې د دغې ادارې له هڅو او همکاریو مننه کړې ده.

د ملګرو ملتونو د کډوالو عالي کمېشنرۍ او د ملګرو ملتونو د پراختیايي پروګرام مشرانو افغانستان ته د خپل سفر پر مهال د نړیوالې ټولنې پر دوامداره مرستو ټینګار کړی او خبرداری یې ورکړی چې د مرستو کمېدل به د دغه هېواد نازک وضعیت له خطر سره مخ کړي.

د طالبانو د ښار او کور جوړونې وزیر نجیب‌الله حیات حقاني د هرات د اسلام‌کلا بندر د پراختیا تفصیلي پلان لاسلیک کړ. د یاد وزارت په وینا، په دغه پلان کې د سړکونو، سوداګریزو او خدماتي ساحو، عامه تاسیساتو، او ترانسپورتي اسانتیاوو جوړول شامل دي.

پخواني ولسمشر حامد کرزي د سږني کانکور ازموینې د ترسره کېدو هرکلی کړی، خو په ازموینه کې د نجونو د نه ګډون له امله یې ژوره خواشیني څرګنده کړې او ویلي یې دي چې د افغانستان د پرمختګ لپاره د ټولو وګړو زده کړه حیاتي ارزښت لري.

ځايي سرچینو او د کندهار یو شمېر اوسېدونکو افغانستان انټرنشنل ته ویلي، چې په دغه ولایت کې مرموزې وژنې زیاتې شوې او طالبان نږدې هره ورځ په نظامي موټرو کې داسې جسدونه د ښخولو لپاره هدیرو ته لېږدوي، چې هویت او د وژل کېدو لامل یې هېڅ روښانه نه وي.

په مسکو کې د طالبانو سفارت ویلي، روسي چارواکو د دغه هېواد د استراخان په سیمه کې د «شمال-سویل» نړیوال ټرانسپورتي دهلېز په فورم کې طالب چارواکو او افغان سوداګرو ته د ګډون رسمي بلنه ورکړې ده.

د طالبانو د ټولګټو وزیر محمد عیسی ثاني په کابل کې د ترکمنستان له سفیر خواجه عوضوف سره په لیدنه کې د دواړو هېوادونو د اقتصادي، سوداګریزو او ترانسپورتي همکاریو، د اقینې–اندخوی د اوسپنې پټلۍ، د تورغونډۍ بندر د پراختیا او د انتقالاتو د زیاتوالي په اړه خبر کړې دي.

د امریکا ولسمشر ډونالډ ټرمپ ویلي، چې له ایران سره معامله او خبرې اترې یوازې د وخت ضایع کول دي او د ده په اند نور له تهران سره د خبرو بهیر پای ته رسېدلی دی.

په خوست ولایت کې د طالبانو د ځانګړې قطعې قوماندان «په ۱۲۰ میلیونه افغانۍ» د پکتیا د وزې ځدراڼ ولسوالۍ په سروټي سیمه کې ځان ته مجلل کور جوړ کړی. محلي سرچینې وايي، «ددغه کور لګښت د طالبانو د کورنیو چارو وزیر سراج الدین حقاني ور کړی دی».

طالبانو خبر ورکړی، چې د افغانستان لپاره د ملګرو ملتونو د سرمنشي د ځانګړي استازي نوي مرستیال برونو لیمارکي د طالبانو د هرات له والي سره لیدلي او ویلي یې دي، چې هرات د نشه‌یي توکو پر ضد مبارزې، اقتصادي هڅو او د کډوالو د مدیریت په برخو کې پام وړ لاسته راوړنې لري.

د پاکستان پوځ وایي، په بلوچستان ایالت کې د جولای له شپږمې راهیسې په دریو وسله‌والو بریدونو کې ۴۲ پوځيان او پولیس وژل شوي دي. پوځ د چارشنبې په ورځ ویلي چې په دغو پېښو کې ټولټال ۵۴ وسله‌وال هم وژل شوي دي. د پوځ ویاند یوځل بیا افغان طالبان د وسله والو په ملاتړ تورن کړل.

د طالبانو د کرنې، اوبو لګولو او مالدارۍ وزیر عطاءالله عمري د چارشنبې په ورځ په نوي ډیلي کې د هند د بهرنیو چارو وزارت له مرستیال پابیترا مارګریتا سره پر دوه اړخیزو اړیکو خبرې کړې دي.

د افغانستان لپاره د ملګرو ملتونو د بشري حقونو ځانګړي راپور ورکوونکي‌ د کرېکټ له نړۍوالې شورا غوښتې، چې په جلا وطنۍ کې د افغان ښځو د کرېکټ ملي لوبډله په رسمیت و پېژني او ملاتړ یې وکړي.

د طالبانو د بهرنیو چارو وزارت ویلي، چې امیرخان متقي او په کابل کې د متحده عربي اماراتو سفیر سیف الکتبي د لیدني پرمهال د دوه اړخیزو اړیکو، د همکاریو د پراختیا او سیمه‌ییزو موضوعاتو په تړاو خبرې کړي دي.

د طالبانو د ریاست‌الوزرا اقتصادي مرستیال ملا عبدالغني برادر د کډوالو په چارو کې د ملګرو ملتونو له عالي کمېشنر سره د افغان کډوالو وضعیت، راستنېدونکو ته د بشري او پراختیایي مرستو او راتلونکو همکاریو په اړه خبرې کړې دي. برادر د ملګرو ملتونو د پراختیایي مرستو زیاتولو غوښتنه کړې ده.

د طالبانو د کورنیو چارو وزارت ویلي چې د لومړي ځل لپاره یې د جنايي تخنیک ریاست د بیولوژیکي لابراتوار د ډي‌اېن‌اې د چټکې پېژندنې سیستم فعال کړی دی. یاد وزارت ویلي، چې د دغه سیستم په فعاله کېدو سره به د مجرمانو موندل اسانه شي.

په قزاقستان کې د طالبانو شارژدافیر د سیکا کنفرانس له سرمنشي کایرات ساریبای سره لیدلي او په یاد کنفرانس کې یې د افغانستان پر دایمي غړیتوب، د کنفرانس په غونډو کې د فعال ګډون او په اسیا او سیمه کې د افغانستان د رول په تړاو ورسره خبرې کړې دي.