په پاکستان کې د بشري حقونو پېژندل شوې پښتنې فعالې بشرا ګوهر، د پاکستان پر امنیتي ځواکونو او د بلوچستان پر حکومت سختې نیوکې کړې دي او پوښتنه یې کړې چې که عام وګړي له «طالب ترهګرو سره جګړې» ته اړ کېږي، نو امنیتي ځواکونه د څه لپاره دي.
د زاویه نیوز په یوې تازه نظرپوښتنه کې چې ۱،۷ میلیونه کسانو په کې برخه اخیستې، نږدې۷۵،۴ سلنه ګډونوالو د طالبانو له ادارې څخه نارضایتي ښودلې ده. په مقابل کې یوازې ۲۱ سلنه خلکو د دغه نظام ملاتړ کړی او ۳،۶ سلنه نور بېطرفه پاتې شوي دي.
د طالبانو د کډوالو ستونزو ته د رسېدنې عالي کمېسیون دارالانشاء په خپل ورځني راپور کې ویلي، چې د چنګاښ په ۱۶مه نېټه له پاکستان او ایران څخه ۴۹۷ افغان کډوالې کورنۍ، چې ټولټال ۲۶۱۵ تنه کېږي، په جبري توګه هېواد ته ستنې کړل شوې دي.
د تېر جمهوري نظام د عامې روغتیا پخوانۍ وزیره ثریا دلیل، وایي چې ملګري ملتونه طالبان د افغانستان د رسمي حکومت په توګه په رسمیت نه پېژني او له همدې امله دغه ډله د دې سازمان په غونډو کې د ګډون لپاره نه بلل کېږي.
د اسراییل لومړي وزیر بنیامین نتنیاهو، ویلي چې د امریکا د ولسمشر ډونالډ ټرمپ سره د ایران په تړاو د ځینو اختلافونو سربېره، د دواړو هېوادونو مشران د اساسي مسایلو په اړه همغږي او ګډ دریځ لري.
کله - کله تاریخ په لویو ښارونو کې نه لیکل کېږي؛ بلکې ځینې تاریخونه د یوې کډوالې کورنۍ له سخت ژوندانه پیلېږي او تر نړیوال کچ رسېږي. دا کیسه د یو سیاستوال، جګړه مار یا میلیونر نه ده، بلکې د داسې یوه ځوان ده چې د جګړو له امله له خپل وطنه بېځایه شو.
د ترکیې امنیتي ځواکونو د سېشنبې په ورځ اعلان وکړ چې په ادرنه ښار کې یې ۲۴ افغان کډوال له دغه هېواده د «غیر قانوني وتلو» پرمهال نیولي دي. په نیول شویو کسانو کې اووه ښځې او شپږ ماشومان هم دي. ټول نیول شوي کسان د بهرنیو وګړو د ایستلو یوه مرکز ته لېږدول شوي دي.
د طالبانو د صنعت او سوداګرۍ وزیر ویلي چې د صنعت او کانونو د اونۍ د پنځم نړیوال نندارتون پر مهال د افغانستان د خصوصي سکټور او ایران او نورو بهرنیو لوریو ترمنځ د یو میلیارد ډالرو په ارزښت ۵۰ هوکړه لیکونه لاسلیک شوي دي.
د طالبانو د ریاست الوزرا اداري مرستیال عبدالسلام حنفي په کابل کې د ملګرو ملتونو د پراختیایي پروګرام او کډوالو عالي کمېشنرۍ له استازو سره په کتنه کې پر ایران او پاکستان په غیر مستقیم ډول نیوکه کړې، چې کډوال یې د نړیوالو قوانینو خلاف اخراج کړل.
د طالبانو د بهرنیو چارو وزیر امیرخان متقي د ملګرو ملتونو له دوو لوړپوړو چارواکو سره د افغان کډوالو د وضعیت، جبري اخراج، بشري او پراختیايي مرستو، بدیل معیشت او د راستنېدونکو د اړتیاوو په اړه خبرې کړې دي. متقي له ملګرو ملتونو نه په بهر کې د توقیف افغانانو په تړاو همکاري غوښتې.
د ملګرو ملتونو د پراختیايي ادارې مشر ډي کرو او د کډوالو عالي کمېشنر مزارشریف ته په سفر کې له ایران او پاکستان نه له راستنو شویو ښځو او بېځایه شویو کډوالو سره لیدلي دي. د ملګرو ملتونو یادو چارواکو د راستنېدونکو د معیشت او خوندیتوب پر اړتیا ټینګار کړی دی.
د افغانستان د غالۍ تولیدوونکو او صادروونکو ټولنې د طالبانو د سوداګرۍ له وزیر نورالدین عزیزي سره د ځمکې نشتوالي، په استوګنیزو سیمو کې د فعالیت او د غالیو د ډیزاین کمښت په اړه خبرې کړې دي. عزیزي په غالیو کې سور رنګ د افغانانو د سرلوړۍ نښه بللې ده.
د امریکا ولسمشر ډونالډ ټرمپ په انقره کې د ناټو د سرمشریزې پر مهال ویلي چې ګرینلنډ باید د ډنمارک پر ځای د امریکا تر کنټرول لاندې وي. هغه ادعا کړې چې د دې موضوع له امله له ناټو سره د امریکا اړیکې زیانمنې شوې دي.
د امریکا ولسمشر ډونالډ ټرمپ د سېشنبې په ورځ وویل چې پر ترکیې لګېدلي بندیزونه لرې کوي او پر انقرې د اېف-۳۵ جنګي الوتکو د پلورلو په اړه به پرېکړه وکړي. ټرمپ دا څرګندونې په ترکیه کې د ناټو د سرمشریزې پر مهال له ولسمشر رجب طیب اردوغان سره د لیدنې د پیل پر وخت وکړې.
د طالبانو د کډوالو او راستنېدونکو چارو وزارت ويلي چې د یاد وزارت وزیر د ملګرو ملتونو له چارواکو سره د افغان کډوالو پر وضعیت، جبري اخراج، بشري مرستو او د همکاریو پر پراختیا خبرې کړې دي. د طالبانو د کډوالو وزیر ویلي، چې بشري مرستې باید سیاسي نه شي.
د امریکا ولسمشر ډونالډ ټرمپ د سېشنبې په ورځ وویل چې د روسیې له ولسمشر ولادیمیر پوتین او د اوکراین ولسمشر ولادیمیر زېلېنسکي سره یې خبرې کړې دي او هیله لري د اوکراین جګړه ډېر ژر پای ته ورسېږي.
د بریتاینا د ریفورم ګوند مشر نایجل فراژ د پارلمان د غړیتوب له دندې استعفا ورکړې، خو ویلي یې دي چې د خپلې څوکۍ لپاره به په راتلونکو ضمني ټاکنو کې بیا سیالي وکړي. فراژ د استعفا اعلان داسې مهال کړی چې د هغه د ګوند لپاره به په دې حوزه کې د پارلماني څوکۍ ساتلو نوې ټاکنې کېږي.
سرچینو افغانستان انټرنشنل ته ویلي چې طالبانو په بدخشان کې خپل یو غړی او د دغې ډلې د پوځ د لوی درستیز فصیحالدین فطرت نږدې کس عبدالمتین مبلغ نیولی دی. دغو سرچینو په وینا، مبلغ د هغه غږیز فایل تر خپرېدو وروسته ونیول شو چې د طالبانو د ځینو غړو پر ناسم چلند یې پکې نیوکه کړې ده.
د قزاقستان د اساسي قانون محکمې پرېکړه کړې چې ولسمشر قاسم جومارت توکایف د نوي اساسي قانون له مخې د ولسمشرۍ بلې دورې ته نوماندېدای شي. محکمې ویلي، د پخواني اساسي قانون له مخې تېرې شوې دورې د نوي قانون د اووه کلنې دورې په محدودیت کې نه حسابېږي.
اندونیزیا او هند د سېشنبې په ورځ د مهمو منرالونو، کرنې او دفاعي همکاریو په برخو کې یو لړ تړونونه لاسلیک کړل. د اندونیزیا د ولسمشرۍ ماڼۍ ویلي چې په دغو تړونونو کې د هند د توغندیز دفاعي سیستم د پېرلو تړون هم شامل دی.
د ناټو مشرانو د انقرې سرمشریزې ته د ډونالډ ټرمپ له رسېدو وړاندې د لسګونه میلیارده ډالرو دفاعي تړونونو اعلان وکړ. د ناټو سرمنشي مارک روټې وویل، چې غړي هېوادونه به د بې پیلوټه الوتکو ضد دفاعي وړتیاوو لپاره تر ۴۰ میلیاردو ډالرو ډېره پانګونه وکړي.