د طالبانو د بهرنیو چارو وزیر امیر خان متقي، ایران ته د سفر په څنډه کې، په تهران کې د بنګلهدېش د پارلمان له ریس حافظالدین احمد سره کتلي او د دواړو هېوادونو ترمنځ د سوداګریزو اړیکو د پراختیا او اقتصادي همکاریو په اړه یې خبرې کړي.
په کابل کې د ایران سفارت ویلي چې د ایران د مذهبي مشر علي خامنهاي د جنازې د مراسمو په څنډه کې، د ایران د کرنې وزیر او د ایران او افغانستان د اقتصادي همکاریو د ګډ کمېسیون مشر غلام رضا نوري قزلجه د طالبانو د لوړپوړي پلاوي، چې مشري یې ملا عبدالغني برادر کوي، هرکلی کړی دی.
ملګرو ملتونو د ماشومانو وجهي صندوق (یونیسف) د ننګرهار د سیمهییز او ولسوالیو روغتونونو لپاره د درېیمې ربعې په موخه د ۶۱۵ زره امریکایي ډالرو په ارزښت درمل سپارلي دي.
سره له دې چې افغانستان کې د طالبانو له لوري د بیان پر ازادۍ سخت محدودیتونه، پر رسنیو بندیزونه، سانسور او د طالبانو له لوري د خبریالانو نیول دوام لري، د دغې ډلې اطلاعاتو او فرهنګ وزارت وایي چې په بغلان کې یې د خبریالانو سره د همغږۍ غونډه ترسره کړې ده.
د افغانستان لپاره د پاکستان پخواني ځانګړي استازي اصف درانی وایي چې طالبان د ترهګرو ډلو د پناه ورکولو له امله د نړیوال مشروعیت له کمښت سره مخ دي او که دا وضعیت دوام وکړي، سیمه به له جدي امنیتي خطرونو سره مخ شي.
د طالبانو تر واک لاندې د دولتي شرکتونو لوی ریاست وایي چې د صنعت او کانونو پنځم ملي نندارتون په درېیمه ورځ کې د ننګرهار د وادي کرنیز شرکت د زیتونو تولیدات او د نجارۍ لرګین توکي نندارې ته وړاندې شوي دي.
له پاکستان او ایرانه افغانستان ته راستانه شوي زرګونه افغانان د هویت د رسمي اسنادو د نشتوالي له امله د کار، زدهکړو، دولتي خدمتونو او نورو اساسي اړتیاوو ته د لاسرسي له ستونزو سره مخ دي.
د افغانستان د شپږیزه کرېکټ لیګ په دوام، د خوست ولایت رحمت ولي مسرور کرکټ لوبغالی نن د دوو مهمو سیالیو کوربه توب کوي، چې پکې سپین غر پړانګان د بست ساتونکو او امو نهنګان د مس عینک اتلانو پر وړاندې د سیالۍ ډګر ته ښکته کېږي.
د برېتانوۍ خبریالې چارلي فالکنر د ۲۰۲۱ کال د اګست د کابل د سقوط هغه ورځې په تفصیل سره بیان کړې چې پکې شل کلن جمهوري نظام پای ته ورسېد، طالبان واک ته ورسېدل او د کابل له کوڅو تر هوايي ډګره د وېرې، بېباورۍ او نامعلوم راتلونکي یوه اوږده کیسه جوړه شوه.
په داسې حال کې چې د متحده ایالاتو د خپلواکۍ د ۲۵۰مې کلیزې نمانځنه روانه ده، سپینې ماڼۍ د ولسمشر ډونالډ ټرمپ له قوله ویلي چې امریکا د نړۍ تر ټولو ځواکمن، بریالی او استثنايي هېواد دی.
عرب نیوز تحلیلی راپور کې لیکلي، د طالبانو او پاکستان ترمنځ اوسنی کړکېچ د لنډمهاله اختلاف پایله نه ده، بلکې د کلونو راهیسې د رامنځته شوې بېباورۍ او د دواړو هېوادونو د امنیتي پالیسو دوام دی.
پاکستان او روسیې په اسلاماباد کې د ترهګرۍ پر ضد د ګډې کاري ډلې دولسمه غونډه ترسره کړې، چې پکې د افغانستان امنیتي وضعیت، د ترهګرۍ ضد همکاري او د دواړو هېوادونو ترمنځ د سوداګرۍ د پراختیا پر لارو چارو خبرې شوې دي.
په یمن کې د سعودي عربستان په مشرۍ پوځي ایتلاف ویلي، که په دغه هېواد د برید هر ډول هڅه وشي، نو په پرېکنده او بېساري ځواک به ورته ځواب ورکړل شي.
د کانګو دیموکراتیک جمهوریت حکومت وایي چې په دغه هېواد کې د ایبولا ویروس د تایید شویو پېښو شمېر ۱،۵۰۲ ته رسېدلی، چې له ډلې یې ۴۷۳ کسان مړه شوي دي.
د ملګرو ملتونو د ښځو څانګې او د ماشومانو د ملاتړ صندوق (یونیسف) د مصنوعي ځیرکتیا له لارې د ښځو ضد او زورونکي محتوا د چټکې پراختیا په اړه اندېښنه څرګنده کړې او وایي، د یادې ټکنالوژۍ د خوندي او مسولانه کارونې لپاره جدي مقررات او تدابیر اړین دي.
د پاکستان حکومت له لوري د بېاسنادو افغان کډوالو د نیولو او جبري ایستلو له امر وروسته، خیبر پښتونخوا نه د تورخم له لارې افغانستان ته د ستنېدونکو افغان کورنیو شمېر په چټکۍ سره زیات شوی دی.
د خیبر پښتونخوا د مرکز پېښور پولیسو د افغان کډوالو پر ضد د روانو عملیاتو په ترڅ کې ۷۰ افغان کډوال نیولي او ترڅنګ یې د هغه کورنو خاوندان هم د لنډ وخت لپاره توقیف کړي، چې خپل کورونه یې افغان کډوالو ته په کرایه ورکړي وو.
د برېتانيا د کارګر ګوند د مشرتابه نوماند انډي برنهام ويلي، که د لومړي وزير په توګه واک ته ورسېږي، نو د رد شویو افغان پناه غوښتونکو د بېرته ستنولو لپاره به له طالبانو سره هوکړهليکونه لاسليک کړي.
د ارجنټاین د فوټبال ملي لوبډلې لوبډلمشر لیونل مسي د کیپ ورډ پر وړاندې په لوبه کې په ګول وهلو سره، په نړیوال جام کې د پرله پسې اتو لوبو د ګول وهلو ریکارډ لا پسې اوږد کړ او د روان جام د لړۍ د تر ټولو ډېرو ګولونو وهونکي ځای ته ورسېد او د سرو زرو بوټ د سيالۍ مخکښ شو.
په تهران کې د ایران د پخواني مشر علي خامنهیي د جنازې په مراسمو کې د طالب چارواکو او د دې ډلې د مخالفو څېرو هممهاله ګډون په ټولنیزو شبکو کې د طالب پلویانو پراخ غبرګونونه راپارولي دي.
د بلوچستان د ازادۍ پوځ (BLA) د جمعې په ماښام (د چنګاښ ۱۲مه) په خپره کړې خبرپاڼه کې ادعا کړې، چې د بلوچستان د ګوادر ولسوالۍ په جیواني سیمه کې یې د پاکستان د ساحلي ځواکونو پر یوې اډې په برید کې له ۳۰ څخه ډېر سرتېري وژلي او لسګونه نور یې ټپیان کړي دي.