یو افغان پناهغوښتونکی په برېتانیا کې پر یوې ۱۲کلنې نجلۍ د جنسي تېري په تور مجرم وپېژندل شو. ۲۳ کلن احمد ملاخېل تېر کال د جولای میاشت کې د برېتانیا په مرکزي ښار نونېټن کې د ۱۳ کلونو څخه د کم عمره ماشومې پر دوه ځله جنسي تېري د واروېک کراون محکمې له محاکمې وروسته مجرم وبلل شو.
د سپوږمکۍ انځورونه ښيي، چې امریکایي ځواکونو په منځني ختیځ کې د خپلې تر ټولو لویې پوځي اډې العدید کې له ایران سره د تاوتریخوالي د زیاتېدو له امله له تېرې جنورۍ میاشتې راهیسې خپل توغندي په ګرځنده لاریو کې ځای پر ځای کړي، څو په چټکۍ سره د هغو لېږدول شونې وي.
د افغانستان د پخواني جمهوري نظام پر مهال د حج او اوقافو وزارت مرستیال شېخالحدیث محمد عثمان طارق وایي، چې د طالبانو جزایي اصولنامه له قران او نبوي سنت سره په بشپړ ټکر کې ده. هغه همداراز زیاتوي، چې د حنفي فقهې له نظره له طالبانو سره جګړه روا ده.
د امریکا د متحدو ایالتونو د ولسمشر مرستیال جيډيونس ویلي، چې د اذربایجان د جمهوریت ځواکونه د هغو وروستیو بهرنیو ځواکونو له ډلې وو، چې د افغانستان د تخلیې پر مهال ووتل او د ترهګرۍ پر ضد په نړۍواله جګړه کې یې مهم او اغېزناک رول لوبولی دی.
په کابل کې د ایران سفارت سرپرست عليرضا بېکدلي ویلي، د طالبانو ادارې د رسمیت پېژندنې لپاره هېڅ خنډ نشته. هغه زیاته کړې، چې په دې تړاو خبرې روانې دي او تهران به ډېر ژر د طالبانو اداره په رسمیت وپېژني.
اندونیزیا وایي چې د غزې لپاره د وړاندیز شوي ګډ پوځي ځواک د سرتېرو شمېر ۲۰ زره سرتېري کېدای شي او د دغه هېواد حکومت اټکل کوي چې تر ۸ زره پورې سرتېري ورته چمتو کړي، خو لا د پوځي ماموریت دقیق شرایط نه دي ټاکل شوي.
د قرغیزستان ولسمشر د سې شنبې په ورځ خپل اوږدمهالی متحد او د قرغیزستان د ملي امنیت د دولتي کمیټې مشر له دندې ګوښه کړی دی. کامچي بیک تاشییف له ۲۰۲۰ کال راهیسې لوړې امنیتي او حکومتي دندې درلودې او د ولسمشر جباروف اوږدمهالی متحد او دویم ځواکمن کس ګڼل کېده.
په پاکستان کې د روسیې سفیر البرت خوروف وايي، پاکستان د روسیې د تیلو د اکتشاف او تولید په برخه کې د همکارۍ لیوالتیا لري. نوموړی ویلي، چې روسیه چمتو ده له پاکستان سره د انرژۍ برخې په پیاوړتیا کې مرسته وکړي.
کندهار کې طالبانو د احمد شاه بابا د وخت د دولت د خزانې او مالي نظام مرکز نړولی. منډیګک بنسټ، چې د تاریخي سیمو څیړنه کوي، دا عمل د تاریخي حافظې له منځه وړل بللي. په ورته وخت کې د اطلاعاتواو فرهنګ پخواني وزیر کریم خرم ویلي، چې د دومره قدامت لرونکې ودانۍ اهمیت تر سرو زرو زیات دی.
د طالبانو د اطلاعاتو او کلتور وزیر شیر احمد حقاني وايي، چې د یتیمانو د ملاتړ په موخه په ټولو ولایتونو کې دارالایتامونه جوړ شوي، چې زرګونه یتیم ماشومان تر روزنې لاندې دي. د نوموړي په وینا، دوی د پخوانیو وژل شویو افغان سرتېرو یتیمانو ته هم پاملرنه کوي.
د طالبانو د اطلاعاتو او کلتور وزارت وایي چې ټولې لوحې او تبلیغاتي تابلوګانې باید د اسلامي شریعت احکامو او د افغانستان د طالبانو د ادارې له اصولو سره سمې وي.
د خیبر پښتونخوا د وضعیت عادي کولو او پر امنیت د باور په خاطر، د پاکستان د کرکټ د روان کال سوپر لیګ سیالۍ په پېښور کې کیږي. دا به لومړی ځل وي چې پېښور د (پيايسايل) لوبو کوربه توب کوي.
بلوچستان د پاکستان د سوېل تر ټولو لوی ایالت دی او د دغه هېواد شاوخوا ۴۴ سلنه خاوره جوړوي. د دې سیمې نفوس له ۱۵ میلیونو کم دی. بلوچستان د طبیعي زېرمو له پلوه بډایه دی؛ د سرو زرو، مسو، ګاز، سکرو او نورو ارزښتناکو توکو کانونه لري خو له دغو شتمنیو سره سره خلک په بېوزلۍ کې ژوند کوي.
ځايي سرچینو افغانستان انټرنشنل ته وویل، چې طالبانو د افغان پوځ یو پخوانی افسر او د هغه زوی له زندان څخه ازاد کړي دي. دوی تېره اونۍ په بادغیس ولایت کې نیول شوي وو او د سرچینو په وینا، دواړه د سې شنبې په ورځ، د سلواغې پر ۲۱مه، له غرمې وروسته خوشې شول.
د فیلیپین د ګمرک او مخدره توکو پضد ادارې په ګډو استخباراتي عملیاتو کې له افغانستان نه قاچاق شوي ۴۱ کیلوګرامه میتامفیتامین هایدروکلورایډ، چې په سیمهییزه کچه «شیشه» یادیږي، نیولي دي.
د طالبانو تر کنټرول لاندې د میدان وردګو ولایت د کرنې، اوبو لګولو او مالدارۍ ریاست وایي، چې د ربیس یا لیوني سپي ناروغۍ د مخنیوي لپاره یې د واکسیناسیون کمپاین پیل کړی او لسګونه څارویو ته یې واکسین تطبیق کړی دی.
په افغانستان کې د کار نړیوال سازمان رییس د طالبانو د کار او ټولنیزو چارو وزارت د کار چارو معین مولوي محمد زاهد احمدزي سره په کتنه کې ددې ډلې په ادارو کې د کاري چاپیریال او کارګرو د حقونو پر خوندیتوب ټینګار کړی دی.
د پاکستان دفاع وزیر په خپله وروستۍ وینا کې ویلي، چې لویدیز د افغانستان په مساله کې له پاکستان نه ګټه واخېسته، خو د تشناب کاغذ په څېر یې دوی پرېښودل. د اصف په وینا، د پاکستان دیکتاتورو جنرالانو له افغان جګړې نه د مشروعیت لپاره ګټه اخېسته.
د کابل یو شمیر اوسېدونکو افغانستان انټرنشنل ته وویل، چې په تېرو دوو میاشتو کې یې په هرو ۲۴ ساعتونو کې اته ساعته برېښنا نه درلوده خو د طالبانو برېښنا شرکت د لګښت لوړ بېلونه ور استولي دي.
د طالبانو ریاست الوزرا اقتصادي معاونیت وايي، چې ټاکل شوې سبا (چهار شنبه، د سلواغې ۲۲مه) د طالبانو د ریاستالوزرا اقتصادي مرستیال ملا عبدالغني برادر او د عزیزي ګروپ شرکتونو عمومي رییس میرویس عزیزي په حضور کې پنځه تړونونه لاسلیک شي.
د طالبانو د ریاستالوزرااقتصادي مرستیال ملا عبدالغني برادر په مشرۍ ددې ډلې اقتصادي کمېسیون تخنیکي کمېټې په خپله نوبتي غونډه کې د کرنې او مالدارۍ د پراختیا ملي پالیسي او د کبانو روزنې سکټور د پراختیا طرحه تایید کړې ده.