د طالبانو تر واک لاندې ارګ خبر ورکړی چې د قزاقستان د لومړي وزیر مرستیال، سیریک ژومانګارین، او ورسرت مل لوړپوړي پلاوي څخه ارګ کې د دغې ډلې د ریاستالوزرا د دفتر ریس، ملا عبدالواسع، له لوري هرکلی شوی.
د کډوالو نړیوالې ورځې په مناسبت د سمیعې په نوم د یوې افغانې محصلې کیسه خپره شوې؛ هغه محصله چې د طالبانو له بیا واکمنېدو وروسته د زدهکړو د دوام لپاره پاکستان ته تللې وه، خو د ویزې د ستونزو او د افغان کډوالو پر ضد د اقداماتو له امله بېرته افغانستان ته واستول شوه.
د طالبانو کورنیو چارو وزارت خبر ورکړی چې د نشهیي توکو پر ضد د مبارزې ځواکونو یې د ننګرهار ولایت په بېلابېلو سیمو کې د نشهیي توکو د قاچاق او پلور په تور ۲۳ کسان نیولي دي.
یو افغان کډوال چې د غزني ولایت په یوه لرې پرته دره کې یې د کوچنیوالي کلونه د شپانه په توګه تېر کړي، له کلونو بېوزلۍ وروسته کډوال شو او د ډنمارک په پلازمېنه کوپنهاګن کې د زړه د ناروغیو ډاکټر شوی او ټاکل شوې په راتلونکو میاشتو کې د دغه هېواد په یوه ستر روغتون کې خپله دنده پیل کړي.
د ازبکستان د ترانسپورت مرستیال وزیر جاسوربیک چوریف وایي چې د ترانس-افغان اورګاډي پټلۍ د جوړولو لګښت زیات شوی او د نوو ارزونو له مخې ښايي له ۷ میلیارده ډالرو واوړي. دا پروژه تر دې وړاندې شاوخوا ۴.۶ میلیارده ډالر اټکل شوې وه.
د بخښنې نړېوال سازمان د جنوبي اسیا سیمهییز دفتر وایي، په نړۍ کې د افغان کډوالو د جبري ایستنې لړۍ په چټکۍ سره روانه ده او ورځ تر بلې یې شمېر زیاتېږي. دغه سازمان زیاتوي چې دا له نړیوالو قوانینو سرغړونه ده او باید ودرول شي.
افغانستان کرېکټ ملي لوبډله نن د هند پر وړاندې د درېیو یو ورځنیو سیالیو د لوبلړۍ په وروستۍ او درېیمه سیالۍ کې د کوربه هېواد له لوبډلې سره مخ کېږي، چې د چنایي په MA چدمبرم سټیډیوم کې به د افغانستان پر وخت د غرمې ۱۲:۳۰ بجې پیل شي.
د طالبانو د کرنې، اوبولګولو او مالدارۍ وزارت د یو شمېر ولایتونو د تېرې اوونۍ مهمو کرنیزو او پراختیایي فعالیتونو راپور خپور کړی، چې پکې د بېلابېلو پروژو د پلي کېدو خبر ورکړل شوی دی.
د خیبر پښتونخوا د بنو ښار څخه شاوخوا ۴۰ کیلومتره لرې د برغنتو اړوند د احمدزي پولیس حوزې په سیمه کې په دوو پرلپسې چاودنو کې اووه کسان وژل شوي او درې نور ټپیان شوي دي.
یوه افغانه کورنۍ چې د ۲۰۲۱ کال د اګست له بدلونونو وروسته د خپل ژوند او امنیت له جدي خطرونو سره مخ شوې وه، د اسټرالیا د اپولو بې د رضاکارانو د اوږدو او دوامداره هڅو په پایله کې بالاخره خوندي ژوند او نوي پړاو ته رسېدلې ده.
طالبانو ویلي چې په پنجشېر ولایت کې د ۲۶۹ میلیونه افغانیو په ارزښت د سړکجوړونې دوه مهمې پروژې پلې کېږي، چې موخه یې د ترانسپورتي اسانتیاوو برابرول او د اقتصادي ودې پیاوړتیا ښودلې.
د پاکستان لومړي وزیر شهباز شریف د کډوالو نړیوالې ورځې په مناسبت په خپل پیغام کې ویلي، د افغان کډوالو د بېرته مېشتېدو لپاره یو سولهییز، باثباته او اقتصادي پلوه پیاوړی افغانستان اړین دی.
هغه افغانې ښځینه فوټبال لوبغاړې چې له افغانستانه بهر د کډوالي ژوند کوي، وایي د دوی مبارزه یوازې د فوټبال لپاره نه، بلکې په افغانستان کې د هغو ښځو او نجونو لپاره هم ده چې له خپلو بنسټیزو حقونو محرومې شوې دي.
د طالبانو اړوند «المرصاد» رسنۍ خبر ورکړی چې ناپېژاندو وسلهوالو د خیبر پښتونخوا د قمبرخیلو په سیمه کې د داعش پر یوه مرکز وسلهوال برید کړی دی. المرصاد ندي ویلي چې دغه برید مرګ ژوبله لري او کنه.
د ملګرو ملتونو د ماشومانو د حقونو خپلواکو کارپوهانو د طالبانو له لوري د نجونو د ودونو په اړه نوی فرمان غندلی او ویلي یې دي چې دا پرېکړه د نړیوالو بشري حقونو له اصولو سره په ټکر کې ده.
د سيایاې پخوانۍ مامورې سارا اډمز ادعا کړې چې د طالبانو له لوري د داعش پر ضد د ترسره شوو عملیاتو په اړه راپورونه د کره شواهدو پر ځای د نا تایید شویو ادعاوو پر خپرېدو ولاړ دي. نوموړې وايي، دا ډول روایتونه باید له خپلواکې څېړنې پرته د واقعیت په توګه ونه منل شي.
د ننګرهار ولایت د طالبانو د کرنې، اوبو لګولو او مالدارۍ ریاست وایي چې سږ کال د پچیراګام ولسوالۍ د کچالو حاصلات د تېرو کلونو په پرتله زیات شوي دي.
د ملګرو ملتونو د ماشومانو د ملاتړ صندوق (یونیسف) او د پاکستان د بشري حقونو کمېسیون په ګډ راپور کې راغلي چې په پاکستان کې له اته میلیونو ډېر ماشومان په ماشومانو پورې تړلو کارونو بوخت دي.د یونیسف په وینا، دغه یو کروړ ماشومان د زدهکړو پر ځای کار ته اړ دي.
د مخکیني حکومت د دفاع وزارت د ستراتیژۍ او پالیسۍ مرستیال تمیم عاصي ادعا کړې چې د پاکستان استخبارات د افغان ډیاسپورا په منځ کې د نفوذ د پراخولو هڅې کوي. نوموړي د پخوانیو افغان پوځیانو او جمهوري چارواکو له لوري له دغو فعالیتونو سره یوځای کېدل «شرم او تاریخي ننګ» بللي دي.
هغه افغان ژباړونکي چې په افغانستان کې یې له هالنډي پوځ او حکومتي ماموریتونو سره کار کړی و، وايي د اروپايي ټولنې د کډوالۍ د نوي تړون له مخې به نور د دایمي استوګنې اجازه ترلاسه نه کړي.
د جمهوریت پر مهال په پاکستان کې افغان سفیر نجیبالله عليخېل، ویلي چې د ټرانسافغان د رېل پټلۍ ستره سیمهییزه پروژه، د افغانستان او پاکستان ترمنځ د اړیکو له عادي کېدو او د اسلاماباد له «صادقانه همکارۍ» پرته له جدي ستونزو سره مخ کېدای شي.