آرشیف

هغه افغان ژباړونکي چې په افغانستان کې یې له هالنډي پوځ او حکومتي ماموریتونو سره کار کړی و، وايي د اروپايي ټولنې د کډوالۍ د نوي تړون له مخې به نور د دایمي استوګنې اجازه ترلاسه نه کړي.

د جمهوریت پر مهال په پاکستان کې افغان سفیر نجیب‌الله علي‌خېل، ویلي چې د ټرانس‌افغان د رېل پټلۍ ستره سیمه‌ییزه پروژه، د افغانستان او پاکستان ترمنځ د اړیکو له عادي کېدو او د اسلام‌اباد له «صادقانه همکارۍ» پرته له جدي ستونزو سره مخ کېدای شي.

د طالبانو د کډوالو کمېسیون وايي، پاکستان او ایران یوازې د جمعې په ورځ (د غبرګولي ۲۹مه) له بېلابېلو لارو ۵۸۵ کډوالې کورنۍ چې شمېر۳۰۶۰ کېږي، په جبري ډول افغانستان ته اړولي دي. د دغه کمېسیون په وینا، په همدې ورځ ۳۹۸ کورنۍ خپلو سیمو ته لېږدول شوي او له ۵۵۳ کورنیو سره مرستې هم شوې دي.

سرچینو افغانستان انټرنشنل ته خبر ورکړی، چې د جمعې په ورځ (د غبرګولي ۲۹مه) په هرات ښار کې د طالبانو یوه غړي د دوو ماشومانو تر لفظي او فزیکي شخړې وروسته پر دوو ځوانانو ډزې کړي او دواړه یې ټپیان کړي دي.

د طالبانو د صنعت او سوداګرۍ وزیر نورالدین عزیزي وایي، د قزاقستان د لومړي وزیر مرستیال او د اقتصاد وزیر سریک ژومانګارین په مشرۍ یو لوړپوړی پلاوی کابل ته راغلی دی. دا پلاوی چې قزاقستاني سوداګر هم پکې شامل دي، په افغانستان کې د پانګونې د بېلابېلو فرصتونو د ارزولو په موخه دا سفر کړی.

د مقاومت جبهې سرچینو د جمعې په ورځ (د غبرګولي ۲۹مه) افغانستان انټرنشنل ته تایید کړه، چې اروپایي ټولنې د احمد مسعود په مشرۍ له دغې جبهې سره، د «کډوالۍ کړکېچ د مدیریت» په تړاو خبرې کړې دي.

یو طالب چې له پاکستان سره په نښته کې ټپي شوی، د هند پلازمېنې نوي ډیلي ته لېږدول شوی او هلته تر درملنې لاندې دی. د افغانستان انټرنشنل خبریال د جمعې په ورځ په نوي ډیلي کې له دغه ټپي طالب او د هغه له دوو ملګرو سره لیدلي دي. نوموړی د ټپونو له امله په سمه توګه نه‌شي ګرځېدلای.

د پاکستان د لومړي وزیر سیاسي سلاکار رانا ثناءالله د تحریک انصاف ګوند پلاوي ته ډاډ ورکړی، چې حکومت به یې د پخوانیو قبايلي او نيمي قبايلي سيمو «فاټا او پاټا» د مالیاتي معافیت د غځولو په اړه د پيسو له نړیوال صندوق (ای‌اېم‌اېف) سره خبرې وکړي.

د عوامي نشنل ګوند عمومي مرستيالې سکرترې او د پارلمان پخوانۍ غړې شګفته ملک له افغانستان انټرنشنل- پښتو سره په مرکه کې ویلي، له زده‌کړو او اساسي حقونو څخه د افغان ښځو او نجونو بې برخې کول د غندلو وړ دي.

سرچینو د جمعې په ورځ له جنیوا څخه افغانستان انټرنشنل ته د یوه انځور په لېږلو خبر ورکړی چې د طالبانو دوه چارواکي د دغه ښار په «ماینینګر» هوټل کې لیدل شوي دي.

د پاکستان د بشري حقونو کمیسیون د خيبرپښتونخوا د مردان ولسوالۍ په یوه درمسال (ګوردواره) کې د دوو سېکانو وژل چې د راپورونو له مخې د دغه ځای ساتونکي وو، په کلکه غندلي دي.

د ملګرو ملتونو کارپوهانو خبرداری ورکړی، چې د امریکا او د اسلامي جمهوریت ترمنځ په هر ډول د سولې په تړون کې باید بشري حقونو تر پښو لاندې نه‌شي.

د افغانستان د تېر جمهوري نظام د کډوالو او راستنېدونکو چارو پخواني وزیر نور رحمان اخلاقي د طالبانو د مشر ملا هبت‌الله اخوندزاده هغه پرېکړه په کلکه غندلې چې په دولتي ادارو کې یې د کارکوونکو له لوري د ځیرکو موبایلونو پر کارولو بندیز لګولی دی.

یوناما د کډوالو د نړیوالې ورځې په مناسبت په یوې خبرپاڼه کې اعلان کړی، چې په ټوله نړۍ کې ۴۶،۱ میلیونه خلک د تاوتریخوالي، جګړو او ځورونو له امله د خپلو کورونو پرېښودو ته اړ شوي دي. دغه سازمان زیاتوي، افغانستان بیا په نړۍ کې د بې‌ځایه کېدو له یو تر ټولو ستر او جدي کړکېچ سره مخ دی.

یوه امریکایي چارواکي رویټرز ته ویلي، چې اسراییل او حزب‌الله د جمعې په ورځ پر اوربند هوکړه کړې؛ داسې یوه هوکړه چې د هغه په وینا، د امریکایي او قطري مرکچیانو په منځګړیتوب او د ایران په مرسته ترلاسه شوې ده. اسراییل ویلي، که حزب‌الله خپل بریدونه ودروي، اسراییل به هم بریدونه بند کړي.

د پاکستان د اطلاعاتو او نشراتو وزارت پر خیبر پښتونخوا او بلوچستان د ساده ډرون الوتکو په وسیله د داعـ.ش خراسان ډلې د په نښه کولو په اړه د افغان طالبانو ادعا او څرګندونې رد کړې دي. خو یوازې یې په خيبر ولسوالۍ کې «د طالبانو د يوې ساده ډرون» ورتلل تایید کړي دي.

د بریتانیا د ترانسپورټ مسوولینو ویلي، چې د جمعې په ورځ یې د لندن شاوخوا ۶۰ میله شمال ته د دوو رېل‌ګاډو د ټکر د راپورونو له ترلاسه کېدو وروسته بېړنی غبرګون پیل کړی دی. سیمه‌ییزو رسنیو ویلي، چې دغه پېښه د ګڼو کسانو د ټپي کېدو لامل شوې، خو د کره شمېر په تړاو یې څه‌ نه‌دي ویل شوي.

د اروپا پارلمان یوې غړې د افغانستان په دولتي ادارو کې د ځیرکو موبایلونو د کارولو د منع کېدو په غبرګون کې ویلي، طالبان په دې اقدام سره هڅه کوي، چې افغانستان له نړۍ سره په بشپړه توګه بې‌اړیکې کړي.

د بلوچستان ايالت سیمه‌ییز حکومت اعلان کړی، ډاکټره ماه نور ناصر چې د کوټې په دولتي روغتون کې پر مخ یې تېزاب پاشل شوي وو، د درملنې لپاره امریکا ته لېږي. د ډاکټرې پلار هم افغانستان انټرنشنل-پښتو ته دغه خبره تاييد کړه.

د امریکا فدرالي څارنوالانو یو پاکستاني الاصله امریکایي سوداګر او ۷ نور کسان د روغتیا برخه کې د ۳۸ میلیونه ډالرو د ادعا شوې درغلۍ په قضیه کې تورن کړي دي. ۷۸ کلن پروېز صدیقي چې په بروکلین کې سوداګر، د درملتون خاوند او د ټولنې مخکښ غړی بلل کېږي، د دې قضیې اصلي تورن دی.

د طالبانو تر واک لاندې د لوړو زده کړو وزارت د کابل پوهنتون په انګړ کې د طبي اکمال تخصص بستونو د شمولیت ازموینه نن د نجونو او ښځینه ډاکټرانو له حضور پرته واخیسته.