د طالبانو د امر بالمعروف وزارت وایي، چې په سرپل، فاریاب، غزني او کابل ولایتونو کې یې د درېیو مېرمنو د جبري ودونو مخه نیولې. دا اعلان په داسې وخت کې شوی چې په هرات کې د ښځو پر وړاندې د سختو اقداماتو او نیونو د طالبانو د ښځو د حقونو د پالیسۍ په اړه پراخې نیوکې راپورته کړې دي.
په جنیوا کې د افغانستان استازی نصیر احمد اندېشه وايي، د ملګرو ملتونو د مرستندویه پلاوي (یوناما) د ماموریت د غځولو په اړه د امنیت شورا راتلونکې پرېکړه ښايي وروستی فرصت وي چې دغه ماموریت له طالبانو سره د «سازګارۍ مدیریت» څخه ووځي او د سیاسي بحران د حل لپاره اغېزمن رول ولوبوي.
د افغانستان د مخکیني ولسمشر ویاند صدیق صدیقي وايي، د ملګرو ملتونو د مرستندویه پلاوي (یوناما) ماموریت کولی شول د افغانانو ترمنځ د یوې پایدارې سیاسي حللارې په رامنځته کولو کې اغېزناک رول ولوبوي، خو د هغه په وینا، دغه بنسټ په تېرو کلونو کې د طالبانو په خوښ ساتلو تمرکز کړی.
د امریکا ولسمشر ډونالډ ټرمپ له خپل روسي سیال پوتین سره په ټیلیفوني خبرو کې د اوکراین جګړې پای ته رسولو او له ایران سره تړون ته د نږدې کېدو یادونه کړې ده.
د اسراییل د کابینې د یوه وزیر دفتر ویلي چې د ایران د احتمالي برید په تړاو د بحث لپاره ددغه هېواد لومړي وزیر بنیامین نتنیاهو نن ماښام د امنیتي کابینې غونډه وربللې ده.
د اسراییل پوځ ویلي چې د لبنان د وسله والو یو جګپوړی قوماندان علي موسى دقدوق د سویلي لبنان په یوه هوایي برید کې د جمعې په ورځ وژل شوی دی.
د امریکا ولسمشر ډونالډ ټرمپ ویلي، له ایران سره د یوې موافقې امکان شته او تمه کېږي چې دا توافق په راتلونکو څو ساعتونو کې و شي. ټرمپ دا څرګندونې د فاکس نیوز له خبریال ټري ینګسټ سره په خبرو کې کړې دي.
د ایران ولسمشر مسعود پزشکیان ویلي، چې د جګړې او مذاکراتو په اړه پرېکړه یوازې د ایران د رهبرۍ او د هېواد د ملي امنیت عالي شورا صلاحیت دی او هېڅ فرد یا ډله باید ځان له رسمي چوکاټونو پورته ونه ګڼي.
د امریکا ولسمشر ډونالډ ټرمپ له ایران سره د سولې هوکړې ته د رسېدو په درشل کې د اسراییل لهخوا پر لبنان وروستی برید غندلی او وايي، په داسې حساس وخت کې باید دا برید نه وای شوی.
یو افغان ځوان وایي، د خپل ۶۸ کلن ناروغ پلار د درملنې لپاره یې د هند او پاکستان د ویزو اخیستلو هڅه کړې، خو له تېرو څلورو میاشتو راهیسې نه دی توانیدلی چې ویزه واخلي. هغه وايي: «د پیسو لرلو سره سره د پلار د درملنې وس نه لرم».
د ایران جګپوړي مرکچي محمد باقر قالیباف ویلي چې د بیروت پر جنوبي سیمو د اسراییل د یکشنبې برید ښيي چې امریکا نه غواړي یا نه شي کولای خپلې ژمنې عملي کړي. بل پلو، د ایران د ګډو ځواکونو د قوماندې مرستیال ویلي چې پر بیروت به د اسراییل بریدونه بې ځوابه پاتې نه شي.
د ګل پلورونکو لپاره د کال تر ټولو بوخت موسم د پسرلي او اوړي میاشتې دي او په همدې موسم کې د هېواد دننه د کرل شویو ګلانو ډولونه ډېر وي، خو د کابل د ګلفروشي کوڅې هټیوال وايي چې د ژمي په موسم کې د کمو معیاري شنو خونو له امله اړ کېږي چې تازه ګلان له ګاونډیو هېوادونو وارد کړي.
د پاکستان د پنجاب ایالت په ډېره غازي خان ولسوالۍ کې د پولیسو پر یوې پوستې موټربم برید شوی. سیمه ییزو چارواکو په پېښه کې د یو پولیس د وژل کېدو او څلورو نورو د ټپي کېدو خبر ور کړی. د سیمې د پولیسو په وینا، چاودنه په تونسه شریف سیمه کې پر «جنگوی» پوستې شوې ده.
سیمهییزو سرچینو افغانستان انټرنشنل ته ویلي چې د قاسم په نوم یو کس د کابل په کلکان ولسوالۍ کې خپله لور سیاه مو د بیلچې په وسیله وژلې ده.
دایران د عدلیې وزارت د بشري حقونو او نړیوالو چارو مرستیال ویلي چې ۱۶۲ افغان بندیان د دواړو هېوادونو ترمنځ د بندي محکومینو د لېږد د هوکړې له مخې طالبانو ته سپارل شوي دي.
د خیبر پښتونخوا په سوات کې د سیاسي ګوندونو ګډې جرګې په سیمه کې د ترهګریزو پېښو پر ډېرېدو او له وسله والو سره د ترهګرۍ ضد ادارې د ځینو افسرانو پر خواخوږۍ اندېښنه ښودلې. جرګې ویلي، چې په سوات کې د وسله والو مرکزونه فعال شوي.
په کابل کې د «افغان انلاین ټکسي» په نامه د ټکسي چلونې یوه شرکت فعالیت پیل کړی. دغه شرکت ویلي، چې د ځانګړي اپلیکیشن له لارې ۲۴ ساعته خدمات وړاندې کوي.
د جرمني د هېسن ایالت د هاناو ښار محکمه د دوشنبې په ورځ د هغه ۸۰ کلن افغان په اړه پرېکړه کوي، چې په کندهار کې د خپل ورو په وژنه تورن دی. څارنوالۍ هغه د عمربند سزا غوښتې ده.
د طالبانو د کانونو وزارت مرستیال د چین د بهرنیو چارو وزارت د اسیايي چارو له جنرال کونسل، په کابل کې د چین له سفیر او د عینک د مسو پروژې د قراردادي شرکت له مسوولانو سره په کتنه کې د یادې پرژوې د عملي چارو پر سملاسي پیلولو ټینګار کړی دی.
په کابل کې د جاپان سفیر کنیچي ماساموتو د طالبانو د اقتصاد له وزیر دین محمد حنیف سره په لیدنه کې ویلي چې هېواد یې پلان لري سږ کال په افغانستان کې د ۳۵ میلیونه ډالرو په ارزښت پراختیایې پروژې پلې کړي.
په خیبر پښتونخوا کې په تېرو ۱۸ میاشتو کې وسله والو ډلو پر پاکستاني ځواکونو ۱۸۲ ډرون بریدونه کړي، چې یوازې ۱۰۰ بریدونه پکې په تېرو پنځو میاشتو کې شوي دي. ترلاسه شوي معلومات ښيي چې تر ټولو ډېر بریدونه په شمالي وزیرستان او بنو ولسوالیو کې شوي دي.