د طالبانو ویاند ذبیحالله مجاهد په خپلې یوې تازه مرکه کې یو ځل بیا له امریکا سره د ښو اړیکو د لرلو غوښتنه کړې. نوموړي ویلي، د چین، روسیې او سیمې د نورو هېوادونو په څېر امریکا هم کولای شي په افغانستان کې حضور ولري.
امریکن اېرلاینز د پنجشنبې په ورځ وویل، چې د حکومتي اجازې له ترلاسه کولو او د امنیتي ارزونو له بشپړېدو وروسته پلان لري، چې ونزوېلا ته خپلې ورځنۍ الوتنې بېرته پیل کړي. دا اعلان یوازې څو اوونۍ وروسته له هغې شوی چې د امریکا پوځ د یاد هېواد ولسمشر ونیوه.
د خیبر پښتونخوا اعلی وزیر محمد سهیل خان اپریدي اعلان کړی، چې نوموړی په راولپنډۍ ښار کې د اډیاله زندان مخې ته رسېدلی، څو د خپل ګوند د مشر عمران خان د روغتیایي وضعیت په تړاو معلومات ترلاسه کړي. راپورونه دي چې پخوانی لومړی وزیر له زندان څخه روغتون ته وړل شوی.
د نورستان په منډول ولسوالۍ کې د ۱۶ لوبډلو ترمنځ د وزلوبې ژمنۍ سیالۍ د دوو لوبډلو ترمنځ ۱ـ۱ مساوي پای ته ورسېدې.
د طالبانو د عامې روغتیا وزارت وايي چې په کابل کې یې د سرطاني ناروغیو د تشخیص او درملنې لپاره لومړنی روغتون پرانیستی دی. دا روغتون د اروپایي ټولنې د مرستو له لارې د ۱۶ میلیونه ډالرو په لګښت او د روغتیا نړیوال سازمان ( ډبلیو ایچ او ) په تخنیکي همکارۍ جوړ شوی دی.
د بریتانیا پخوانی لومړي وزیر او د نړیوالې زدهکړې په برخه کې د ملګرو ملتونو ځانګړی استازی ګورډن براون وایي چې د طالبانو پر وړاندې د نړیوالې ټولنې د سازشي سیاست ناکام شوی او دې تګلارې په افغانستان کې د ښځو او نجونو د ځپلو لړۍ لا پسې شدیده کړې ده.
پاکستان د طالب پلوي ملا، شیرعلي حماد هغه څرګندونې په کلکه غندلي چې په کې یې د پاکستان او د مرکزي اسیا د هېوادونو پر ضد د جهاد غږ پورته کړی و. د پاکستان د بهرنیو چارو وزارت ویاند دا څرګندونې «پارونکې او ګواښوونکې» بللې دي.
د افغانستان لپاره د بریتانیا سفارت اعلان کړی چې د روانې اوونۍ په ترڅ کې یې د افغانستان د خلکو د بیړني بشري وضعیت د ارزونې په موخه، د افغان غیر دولتي بنسټونو په ګډون یوه ناسته ترسره کړې ده.
د استرالیا د بهرنیو چارو وزیرې، پني وانګ اعلان کړی چې هېواد به یې د نړیوالو شریکانو سره په ګډه د طالبانو پر ضد حقوقي اقداماتو ته دوام ورکړي. نوموړې ویلي، طالبان په افغانستان کې د ښځو پر وړاندې د هر ډول تبعیض د مخنیوي نړیوال کنوانسیون په پرلهپسې ډول نقض کوي.
سرچینې وايي، د طالب استخباراتو د غزني ولایت د مالستان ولسوالۍ د علماوو شورا پخوانی مرستیال جان علي اکبري، نیولی دی. د ځایي سرچینو په وینا، اکبري د یوه مکتب مدیر دی او د طالبانو استخباراتو تېره اوونۍ هغه په غزني ښار کې نیولی دی.
فرانس پرېس خبري اژانس د چین د ځايي چارواکو په حواله راپور ورکړی چې نند میانمار پولې ته نږدې د مېشتو جنايي ډلو ۱۱مهم غړي اعدام شوي دي. دغه کسان د انټرنیټي او ټیلیفوني درغلیو په پراخو شبکو کې د لاس لرلو په تور مجرم پېژندل شوي وو.
د طالبانو د کندهار د کرنې او مالدارۍ ریاست وایي چې د روان لمریز کال له پیل څخه تر دا مهاله پورې د دوی په همغږۍ شاوخوا ۲۳زره ټنه انار بېلابېلو بهرنیو هېوادونو ته صادر شوي دي.
د ملګرو ملتونو د خوړو او کرنې سازمان (ایف ای او) او د اسیا پراختیایي بانک په ګډه په افغانستان کې د ۱۰۰میلیون ډالرو په ارزښت د خوړو خوندیتوب او د کرنیزو معیشتونو د بیا رغونې د پروژې د پیل خبر ورکړی.
په کابل کې د اروپایي ټولنې دفتر وایي چې د ۲۰۲۶کال لپاره یې په افغانستان کې د کوچنیو او منځنیو کاروبارونو ته د پور ورکولو لپاره ۱۵میلیونه یورو پانګونه کړې ده.
د طالبانو سرحدي پولیس وایي چې په کندهار کې یې ډیورنډ کرښې ته څېرمه د سپینبولدک په بندر کې د ۵۴ کیلو ګرامه سپینو زرو د قاچاق مخه نیولې ده.
د طالبانو د امر بالمعروف او نهی عن المنکر ادارې په رسمي ډول په کاپیسا کې د ژوندیو موجوداتو د انځورونو خپرول منع کړي دي. د پرېکړې له عملي کېدو سره د کاپیسا ملي تلویزیون خپل فعالیت راډیویي بڼې ته اړولی او همدارنګه د خصوصي رسنیو فعالیتونه هم تر سختو محدودیتونو لاندې راغلي دي.
د سویلي افریقا په ختیځ کوازولوناتال ایالت کې یوه کوچني بس او باروړونکې لارۍ ټکر کړی چې له امله یې لږ تر لږه ۱۱ کسان مړه شوي او اووه نور سخت ټپیان دي. دا پېښه نن د پنجشنبې په سهار وختي د ډربن ښار ته نږدې رامنځته شوې ده.
د طالبانو د کورنیو چارو وزارت وایي چې په غزني او جوزجان ولایتونو کې یې د جنایي جرمونو په تور څلور کسان نیولي او همداراز په لوګر ولایت کې د څو جلا عملیاتو په ترڅ کې ۱۸ میله بېلابېلې وسلې کشف او ضبط کړې دي.
د پاکستان د پلازمېنې اسلام اباد یوې محکمې د خیبر پښتونخوا د اعلی وزیر، سهیل اپريدي، د نیولو حکم صادر کړی دی.
د پاکستان د پوځ مشر، عاصم منیر وایي چې د دغه هېواد وسلهوال ځواکونه د بنسټیز بدلون له پړاو تېرېږي او د جګړې بڼه د ټکنالوژۍ د چټکو پرمختګونو له امله په اساسي ډول بدله شوې ده.
د طالبانو ستره محکمه وایي چې په کابل ولایت کې یې د نشهیي توکو د خرڅلاو او قاچاق په تور ۱۸کسان په عام محضر کې په دُرو وهلي دي.