د کندهار یوشمېر اوسېدونکي وایي، په وروستیو ورځو کې د طالبانو د امربالمعروف محتسبینو لهخوا د خلکو د ظاهري بڼې، په ځانګړي ډول د ږېرو د لنډولو یا خرېلو په تړاو اقدامات زیات شوي او له همدې امله ګڼ شمېر کسان نیول شوي، پوښتنې ترې شوې او ځینې یې توقیف خونو او زندان ته لېږدول شوي دي.
پاکستان د منځنۍ اسیا هېوادونو ته د سوداګرۍ لپاره نوې ځمکنۍ لارې فعالې کړې دي؛ هغه لارې چې د افغانستان له خاورې پرته د ایران او چین له مسیرونو څخه د پاکستان بندرونو ته رسېږي. دغه اقدام د سیمې په سوداګریز او جیوپولیټیک جوړښت کې د پام وړ بدلون بلل کېږي.
یو کابل مېشتي افغانستان انټرنشنل ته ویلي: «موږ هغه اعتراض کوونکي یو، چې په ځینو څانګو کې د بېعدالتۍ، خپلوۍ او له واک څخه د ناوړه ګټې اخیستنې له امله ستړي شوي یو». هغه وایي، د طالبانو د مخابراتو وزارت امنیتي قوماندان د نورو کسانو پرځای خپل خپلوان پر دندو ګومارلي دي.
له نیمروز ولایت څخه یو ټکسي چلوونکي افغانستان انټرنشنل ته په لېږلي پيغام کې ویلي، چې په دغه ولایت کې د طالبانو د ترافیک چارواکو ټول ټکسي چلوونکي پر سړکونو له کار کولو منع کړي. نوموړي ویلي، چې طالبان د زرګونه ټکسي چلوونکو پوښتنو او ستونزو ته ځواب نه وایي.
د شمالي وزیرستان په مرکز میرانشاه کې د ۱۴۴مې مادې لګېدلي محدودیتونه د اتمې ورځې لپاره هم دوام لري. د امنیتي عملیاتو له امله د تګراتګ محدودیتونو، د مخابراتي او انټرنېټي خدمتونو پرې کېدو او د ښوونیزو بنسټونو تړل کېدو د سیمې د خلکو ورځنی ژوند اغېزمن کړی دی.
له هرات نه یوې مېرمنې افغانستان انټرنشنل ته په لېږلي غږیز پیغام کې ویلي، چې د طالبانو د امر بالمعروف ځواکونو د ۱۳زره افغانیو په بدل کې خوشې کړې ده. دغه مېرمن وایي، چې په کور کې د نارینه د نشتوالي له کبله بازار ته د خپلو ماشومانو لپاره د ښوونځيو اړوندو توکو د پېرلو لپاره تللې وه.
بلجیم د اروپايي ټولنې او طالبانو ترمنځ د افغان کډوالو د بېرته ستنولو په اړه د پلان شویو خبرو لپاره د طالب پلاوي د غړو امنیتي ارزونې پیل کړې دي. د بلجیم د بهرنیو چارو وزیر مکسیم پریوټ منلې، چې اروپايي کمېسیون بروکسل ته د احتمالي سفر لپاره د طالبانو د استازو نوملړ دوی ته سپارلی دی.
د جرمني په هامبورګ ښار کې یوشمېر افغانانو د یوې اعتراضي غونډې پرمهال په هرات کې د طالبانو لهخوا د ښځو د نیولو لړۍ د درېدو غوښتنه کړې. د غونډې ګډونوالو د ښځو نیول او د هرات د جبرییل سیمې له اوسېدونکو سره د طالبانو تاوتریخجن چلند غندلی.
په افغانستان کې د طالبانو له بیا واکمنېدو وروسته ښځینه خبریالانې له سختو محدودیتونو سره مخ دي. د راپورونو له مخې؛ ښځینه خبریالانې د افغانستان په یوشمېر ولایتونو کې د ټلوېزیون پر څپو له راڅرګندېدو منع شوې او د خبري ناستو پرمهال د پوښتنو او معلوماتو ته د لاسرسي حق هم نهلري.
یوشمېر افغان مېرمنې وايي، طالبانو د ښځو پر حجاب د تازه محدودیتونو په لګولو سره افغانستان د ښځو لپاره په «دوزخ» بدل کړی. یوې هراتۍ مېرمنې ویلي: «اوس په بازارونو کې د طالبانو محتسبین ان د ښځو پښې او لاسونه هم ګوري. که د پوستکي یو انچ هم ښکاره شي؛ نو ستونزه جوړوي».
یو افغان الاصله اسټرالیایي وګړی په غزني ولایت کې خپل پلرني کلي ته د سفر پرمهال په ډزو وژل شوی دی. محمدعلي عطایي چې په افغانستان کې زېږېدلی و؛ وروسته اسټرالیا ته کډوال شو او د هغه هېواد تابعیت یې ترلاسه کړی و.
په هرات کې ځايي سرچینې وایي چې د پنجشنبې شپې په وروستیو ساعتونو کې د طالبانو لسګونه نظامي وسایط د ښار په بېلابېلو برخو کې په ګزمو بوخت وو او امنیتي حضور یې په څرګند ډول زیات شوی و.
د بيبيسي خبریالې لایس ډوسیټ د «په کابل کې تر ټولو غوره هوټل» کتاب په وسیله د «ښځو جایزو» د غیر افسانوي برخې د جایزې ګټونکې شوه او د افسانوي برخې جایزه د «ورجینیا ایوانز» ناول لیکوالې ته ورکړل شوه.
د اروپايي ټولنې د کورنیو چارو او کډوالۍ کمیسار مګنوس برونر بروکسل ته د طالبانو د استازو د بلنې له جنجالي طرحې دفاع کړې. هغه ویلي، اروپايي ټولنه افغانستان ته د رد شویو افغان پناه غوښتونکو د بېرته ستنولو لپاره «له طالبانو سره له خبرو پرته بله لار نه لري».
د طالبانو مخالفې ډلې، مقاومت جبهې مشر احمد مسعود په هرات کې د طالبانو لخوا د ښځو نیول او د خلکو پر وړاندې له تاوتریخوالي کار اخیستل په کلکه غندلي او ویلي یې دي چې د هرات د ښځو او نارینهوو ودرېدنه ښيي چې ظلم او زور هېڅکله د خلکو اراده نه شي خاموشه کولای.
د امریکا د استازو جرګې غړې جولي جانسن وایي، چې د امریکا د کورني امنیت وزارت دوو پرلهپسې وزیرانو لا هم نه ده روښانه کړې چې افغان پناه غوښتونکی محمد نذیر پکتیاوال څنګه د امریکا د کډوالۍ او ګمرکي تطبیق ادارې په توقیف کې مړ شوی دی.
د ایران- افغانستان د سوداګرۍ د ګډې خونې د رييس محمود سیادت په مشرۍ د ایران د خصوصي سکټور یو پلاوی د پنجشنبې په ورځ (د غبرګولي ۲۱مه) په یوه رسمي سفر کابل ته راغلی دی. د دغه سفر موخه د سوداګریزو او ټرانزیتي اړیکو پیاوړتیا په ګوته شوې ده.
د افغانستان کرکټ بورډ ویلي، د ملي لوبډلې چټک توپ اچوونکی محمد سلیم ساپی د هند پر وړاندې د یو ورځنیو نړیوالو سیالیو په اصلي نوملړ کې شامل شوی. نوموړی په وروستۍ ټېسټ لوبه کې د غوره توپ اچونې له امله د پام وړ وځلېد او شپږ ویکټې یې ترلاسه کړې وې.
په ایران کې د طالبانو سفارت وایي، چې د بنديانو د لېږد د کمېټې د یولسم پړاو په دویمه مرحله کې ۱۶۵ افغان بندیان، له قانوني پړاوونو او هویت تثبیت وروسته له ایران څخه افغانستان ته انتقال شوي، او په بدل کې یو ایرانۍ ښځینه زندانۍ ایران ته سپارل شوې ده.
د افغانستان د کرېکټ الف لوبډلې (افغان ابدالیان) د سریلانکا په کوربتوب د الف لوبډلو د درې اړخیزې لوبلړۍ په ترڅ کې په خپله لومړۍ لوبه کې د هند الف لوبډلې ته د ډياېل سیسټم لهمخې د ۴ منډو په توپیر ماتې ورکړه او په یادو سیالیو کې یې خپل سفر په بریا سره پیل کړ.
د افغانستان کرېکټ بورډ وایي، چې ملي لوبډله د هند پر وړاندې د دریو یو ورځنیو نړیوالو سیالیو د لوبلړۍ د پیل په موخه د هند درمسالا ښار ته رسېدلې ده، چې لومړۍ سیالي به د راتلونکې شنبې په ورځ ترسره شي.