امریکایي رسنۍ «سيبياېس» نیوز راپور ورکړی، چې پر اسراییل د ایران له توغندیزو بریدونو څو ساعته وروسته، د نړیوالو بازارونو د اوونیزو معاملو له پیل سره سم د نفتو بیې لوړې شوې دي.
د طالبانو د المپيک، بدني روزنې او ورزش رياست د ازبکستان په کوربه توب د رزمي ورزشونو اسيايي سياليو ته د لارموندنې څلورم پړاو او نويو ځوانانو اسيايي سياليو کې مډال ګټونکي لوبغاړي د يوې ځانګړې غونډې په ترڅ کې د ډاليو په ورکړې سره وستایل.
د افغانستان د حقونو څار بنسټ وایي، د طالبانو له لوري په هرات ولایت کې د «بدحجابۍ» په تور د نجونو او ښځو خپلسري نیول د بشریت ضد جرم او د جنسیتي اپارتاید د پیاوړتیا څرګنده بېلګه ده.
د ایټالیا ساحلي ګارد اعلان کړی، چې مالټا ته نږدې د کډوالو د یوې کښتۍ د چپه کېدو له امله یې د ۱۰ کسانو جسدونه له اوبو راایستلي دي. د چارواکو په وینا، ۴۸ نور کډوال د یوې کب نیوونکې کښتۍ له لوري ژغورل شوي دي.
د امریکا ولسمشر ډونالډ ټرمپ ویلي، چې د ایران په اړه هر هغه هوکړه چې متحده ایالات یې وکړي، د اسراییل لومړی وزیر به یې منلو ته اړ وي، ځکه وروستۍ پرېکړه د ده په وینا د امریکا له لوري کېږي.
په افغانستان کې د ښځو د وضعیت په تړاو د موبي ګروپ (طلوعنیوز) د بنسټګر سعد مُحسني څرګندونو د ګڼو «منفي» غبرګونونو په درشل کې د بشري حقونو فعاله ډیوه پتنګ وايي، سعد مُحسني «حقیقت» ویلی دی. سعد مُحسني بیا ویلي، په یاده مرکه کې یې پر طالبانو ډېرې نیوکې هم کړې دي.
د عوامي نشنل ګوند مشر ايمل خان ويلي، د پښتنو د ستونزو حل په سوله يیزه، د اساسي قانون لاندې مبارزې، پر پوهه او اقتصاد ولاړ دی، هغه زیاته کړې چې ګوند یې د وسله والو لښکرو د جوړولو سره کلک مخالفت کوي.
په افغانستان کې د ښځو د وضعیت په تړاو د موبي ګروپ (طلوعنیوز) د مالک سعد مُحسني څرګندونو ګڼ غبرګونونه راپارولي دي. په دې لړ کې د ملي امنیت پخواني رييس رحمتالله نبیل هغه ته په خطاب کې ویلي، په جمهوريت کې ځواکمن او شتمن شوئ او اوس له استبداد سره ولاړ یئ.
د امریکا د څارګرې ادارې (سي ای اې) پخوانۍ کارکوونکې سارا اډمز د فرشته عمادي د مړینې په اړه د طالبانو له لوري د ځانوژنې ادعا رد کړې او ویلي یې دي چې دا ادعا د باور وړ نه ده او که څوک د طالبانو پر دغه ادعا باور کوي «ډیر ناپوهه» دي.
د طالبانو د کورنیو چارو وزارت د نشهيي توکو پر وړاندې د مبارزې مرستیال د سوالګرو راټولولو کمېټې په میاشتنۍ غونډه کې وویل، هغو سوالګرو ته چې مسلکي وړتیاوې لري، په دولتي ادارو کې دې د کار زمینه ورته برابره شي. دا په داسې حال کې ده، چې ډېری لوستي ځوانان د کار له نشتوالي سرټکوي.
د پاکستان تر ولکې لاندې د ازاد کشمير پوليسو ادعا کړې، چې د ګډې ولسي کاري کمېټې لخوا په ډزو کې څلور امنيتي سرتيري وژل شوي او ۲۰ نور ټپيان شوي. بل خوا کمېټې ويلي چې په پرلت د ځواکونو له لوري ډزې شوي او اوښکې بهیونکی ګاز پرې کارول شوی دی. دوی وایي چې په ډزو کې یو تن وژل شوي هم دی.
دریو باوري سرچینو افغانستان انټرنشنل ته وویل، چې د هرات په مرکزي ښار کې د طالبانو د امر بالمعروف ادارې د یوې ښځې د نیولو هڅه د سیمهییزو خلکو له مقاومت او نښتې سره مخ شوې ده، چې په پایله کې څلور تنه نیول شوي دي.
د طالبانو د مالیې وزارت د میوو شیرې تعرفه له ۶۰ سلنې ۲۰ سلنې ته راښکته کړې ده. دغه وزارت د یادې پرېکړې موخه د پانګونو جلب او د کورنیو میوو پروسس او بازار موندنه بللې ده. دغه پرېکړه به د روان کال په چنګاښ میاشت کې عملي شي.
پاکستاني پوځ ادعا کړې، چې د خیبر پښتونخوا د شمالي وزیرستان په مرکز میرانشا یې د عملیاتو پر مهال ۲۷ وسله وال وژلي دي. د پوځ د عامه اړیکو له دفتر څخه په خپره شوې خبرپاڼه کې راغلي، چې یاد عملیات یې په تېرو ۷۲ ساعتونو کې ترسره کړي دي.
د ازبکستان د یوه کرنیز شرکت رييس د طالبانو د صنعت او سوداګرۍ له وزیر سره په کتنه کې له ازبکستان سربېره روسیې او اروپايي هېوادونو ته د افغانستان د تازه میوو د صادرولو لپاره چمتووالی څرګند کړ. دغه شرکت په کال کې د ۲ زره ټُنه تازه میوو د صادرولو وړتیا لري.
د بلوچستان ایالت په مرکزي ښار کویټه کې د یوې ښځینه ډاکټرې (ماه نور ناصر) پر مخ د تېزابو د پاشل کېدو له پېښې وروسته ډاکټرانو په ټول ايالت کې اعتراضي کاربندیز اعلان کړی او روغتیایي خدمات یې درولي دي.
د ملګرو ملتونو د ماشومانو د ملاتړ صندوق (یونیسف) استازي تاجالدین اویوواله ویلي، په افغانستان کې روغتیايي کارکوونکي، په ځانګړې توګه ښځینه واکسیناتورانې، ماشومانو ته د واکسین رسولو او د هغوی د روغتیايي خدمتونو په وړاندې کولو کې مهم رول لري.
د طالبانو د امربالمعروف او نهې عنالمنکر وزیر محمد خالد حنفي وايي، که په هېواد کې د اسلامي نظام په تطبیق کې ناغېړي وشي، نو د خدای له لوري به په جدي توګه وپوښتل شي. هغه زیاته کړې، د خپلو افرادو د وینو له برکته وزیران او رییسان شوي او په ټوله کې حکومت په لاس ورغلی دی.
د ایټالیا په پلازمېنه روم کې د افغانستان سفارت په هرات ولایت کې د طالبانو له لوري د ښځو او نجونو د وروستیو نیونو په اړه د نړیوالې ټولنې پر چوپتیا نیوکه کړې او ویلي یې دي چې د هېوادونو او نړیوالو بنسټونو دوهګونی چلند د بشري حقونو د ملاتړ د ادعاوو باور تر پوښتنې لاندې راولي.
د اذربایجان د دولتي سرحدي خدماتو ادارې خبر ورکړی، چې له ایران نه په غیرقانوني توګه ور اوښتونکي دوه افغانان یې نیولي دي.
د کندز یو اوسېدونکی وايي چې د طالبانو په محکمو کې د عدالت ترلاسه کولو لپاره یې یو کال او درې میاشتې هڅې بې پایلې پاتې شوې دي. هغه وايي، تېر کال د طالبانو د امام صاحب ولسوالۍ د ښاروال موټر هغه لاندې کړی و، خو نه یې پوښتنې ته ورغلی او نه یې تراوسه ددرملنې لګښت ور کړی.