د ناروې کډوالو شورا په ۲۰۲۵کال کې «له پامه غورځول شوي بېځایه کېدو ناورین» د لسو هېوادونو نوملړ خپور کړ. افغانستان دغه نوملړ کې پنځم ځای لري او د هغه هېوادونو په کتار کې راغلی، چې د بېځایه کېدو له پراخ ناورین سره یې د نړۍوالې ټولنې لهخوا کافي پاملرنه او ملاتړ نهدی ترلاسه کړی.
غدیر خُم د اسلامي تاریخ یوه مهمه پېښه ده چې د هجرت په لسم کال د حجةُ الوداع څخه د راستنېدو پر مهال په کې رسول الله د حضرت علي کرم الله وجهه په اړه وویل: «د چا چې زه مولا یم، علي یې هم مولا دی». ددې پېښې اصل د مسلمانانو ترمنځ منل شوی، خو د «مولا» د کلمې په تفسیر کې اختلاف شته.
د ایران د بهرنیو چارو وزیر عباس عراقچي ادعا کړې چې د متحده عربي اماراتو د ابوظبي له لوري په ځینو پوځي عملیاتو کې د مستقیمې ښکېلتیا شواهد موجود دي.
د نجونو د زدهکړو او د تعلیم د حق افغان فعال مطیعالله ویسا د ۲۰۲۶ کال د «ازادۍ جایزې» ګټونکی اعلان شوی او د فرانسې په کان ښار کې د ځانګړو مراسمو پر مهال ورته د دغې جایزې مډال سپارل شوی دی.
د یو شمېر دولتي پوهنتونونو زدهکړیالانو د پنجشنبې په ورځ افغانستان انټرنشنل ته ویلي، چې د طالبانو ادارې په وروستیو میاشتو کې د دوی بدلاعاشه نه ده ورکړې. د دوی په وینا، دې وضعیت د کور کرایې، خوړو برابرولو او د ورځنیو لګښتونو د پوره کولو په برخه کې له جدي ستونزو سره مخ کړي دي.
د یمن د اطلاعاتو وزیر معمر الاریانی ویلي، چې د عربي خلیج هېوادونو پر ضد د ایران د بریدونو هرکلی د حوثـ .ـیانو او تهران ترمنځ د ژورې اړیکې او بشپړې همغږۍ څرګندونه کوي.
د افغانستان لپاره د ملګرو ملتونو د سیاسي استازولۍ دفتر (یوناما) ویلي، چې په افغانستان کې د اوبو مخ پر زیاتېدونکی کړکېچ د خلکو پر ژوند پراخې منفي اغېزې کړې دي او ښځې او ماشومان تر نورو ډېر له دې ستونزې زیان ویني.
د طالبانو تر ادارې لاندې د المپیک، بدني روزنې او سپورټ ادارې مشر مولوي احمدالله وثیق، د روسیې په سنټ پترزبورګ ښار کې د نړیوال اقتصادي فورم په څنډه کې د داغستان جمهوریت د ورزش له وزیر ساجد سره د ورزشي همکاریو او دوهاړخیزو اړیکو د پراختیا په اړه خبرې کړې دي.
د امریکا ولسمشر ډونالډ ټرمپ ویلي، چې متحده ایالاتو د ایران د حکومت د پوځي وړتیاوو او رهبرۍ جوړښت ته سخت زیان رسولی او ادعا یې کړې چې د ایران سمندري او هوايي ځواکونه نور اغېزناک نه دي پاتې.
د شانګهای د همکارۍ سازمان د سرمنشي مرستیال احمد سعید مرادزاده ویلي، چې افغانستان د دغه سازمان په نقشه کې نږدې په مرکز کې ځای لري. نوموړي په سینټ پیټرزبورګ کې د نړیوالې اقتصادي غونډې پر مهال له سپوتنیک خبري اژانس سره په مرکه کې د افغانستان جیوپولیټیک موقعیت مهم بللی دی.
د تېر جمهوري نظام پر مهال د دفاع وزارت د پالیسۍ او ستراتیژۍ مرستیال تمیم عاصي وایي، چې په وروستیو میاشتو کې په افغانستان کې د ښځو او نجونو د وژنو نامعلومې او جنجالي پېښې زیاتې شوې دي.
د اوکراین ولسمشر ولادیمیر زیلنسکي د روسیې ولسمشر ولادیمیر پوتین ته په یوه پرانیستي لیک کې د څلور کلنې جګړې د پای ته رسولو لپاره د مستقیمو خبرو اترو وړاندیز کړی او خبرداری یې ورکړی چې که داسې ونه شي، کېیف مبارزې ته چمتو دی.
د افغانستان پخواني ولسمشر محمد اشرف غني د ایتالله العظمي محمد اسحاق فیاض مړینه یوه ستره ضایعه بللې او د هغه کورنۍ او پلویانو ته یې د خواخوږۍ پیغام وړاندې کړی دی. هغه زیاته کړې، ارواښاد فیاض، چې د افغانستان له اصلي زامنو څخه و، کلونه یې په عراق کې د دیني علومو په تدریس تېر کړل.
د روغتیا نړیوال سازمان (ډبلیو ایچ او) وایي، چې ناامنه خوراکي توکي هر کال په نړۍ کې د شاوخوا ۸۶۶ میلیونه ناروغیو او نږدې ۱،۵ میلیونه مړینو لامل ګرځي. افغانستان هم یو له هغو هېوادونو څخه دی چې د دې ستونزې له جدي اغېزو سره مخ دی.
یو شمېر افغان او هسپانوي فعالانو او ښاریانو د پنجشنبې په ورځ د هسپانیا د پلازمېنې مادرید په ښار کې د اروپایي پارلمان د دفتر مخې ته لاریون وکړ. دغو معترضانو له طالبانو سره د اروپایي بنسټونو د هر ډول رسمي بلنې، کوربتوب او تعامل پر وړاندې خپل مخالفت څرګند کړ.
په مصر کې د طالبانو سفارت وايي، چې طالب سفیر مولوي عبدالمقیم قرار په قاهره کې د اذربایجان د خپلواکۍ ورځې په مناسبت جوړو شویو مراسمو کې ګډون کړی او د اذربایجان له سفیر سره یې د دواړو هېوادونو ترمنځ د اړیکو د پیاوړتیا په اړه خبرې کړې دي.
طالبانو هغه الوتنه لغوه کړې چې ټاکل شوې وه، له جرمني څخه ایستل شوي افغان کډوال کابل ته ولېږدوي. د جرمني «اېنډيار» په نوم خبري اژانس د رسمي سرچینو له قوله راپور ورکړی چې دا اقدام په جرمني کې د طالبانو د ډیپلوماتیک حضور د پراخولو لپاره د دغې ډلې د هڅو یوه برخه ده.
د ملګرو ملتونو پراختیايي پروګرام (یو اېن ډي پي) وايي، یوه ګډ پلاوي بامیان ولایت ته د سفر پر مهال د خلکو د معیشت، د ښځو د پیاوړتیا، روغتیايي خدمتونو، خوراکي خوندیتوب او د فرهنګي میراثونو د ساتنې په برخو کې روانې هڅې له نږدې ارزولي دي.
د طالبانو د المپیک، بدني روزنې او سپورټ ادارې ویلي، چې د افغانستان د فوټبال ملي لوبډلې د مالدیف ۲۰۲۶ کال په څلور اړخیزو سیالیو کې خپله دویمه لوبه د بنګلادېش د ۲۳ کلونو څخه د کم عمرو له لوبډلې سره صفر پر صفر مساوي پای ته ورسوله.
اوکراین د سویډن له حکومت سره د «ګریپن» جنګي الوتکو د پېرلو لوی تړون لاسلیک کړی او اعلان یې کړی چې دا الوتکې به د دغه هېواد د هوايي ځواک د ملا تیر جوړ کړي. چې تمه ده ګریپن به د روسیې پر وړاندې جګړه کې د لومړی ځل لپاره وازمویل شي.
د پنجشېر لپاره د طالبانو د رسنیو دفتر مسوولین وايي، په تېرو درېیو کلونو کې ۱۶۵ دښمنۍ پر سولې بدلې شوې دي. د دوی په وینا، په دې سره په یادو دښمنیو کې ښکېلې لسګونه کورنۍ بېرته خپلې مېنو ته ستنې شوې دي.