د افغانستان او پاکستان ترمنځ یو ځل بیا پوځي ترینګلتیا لوړه شوې ده. د دواړو هېوادونو ترمنځ د ډېورند پر پوله له څو کلونو راهیسې وختپهوخت د ډزو، هوایي بریدونو او لفظي جګړو پېښې لیدل کېږي، خو د روانو دوو اونیو بریدونه د پاکستان له خوا د نړۍوالو اصولو له مخې سرغړونه ګڼل کېږي.
په ملګرو ملتونو کې د افغانستان دایمي استازي نصیر احمد فایق پر کابل او کندهار د پاکستان وروستي هوايي بریدونو ته په غبرګون کې ویلي، چې که دا ډول بریدونه دوام وکړي، افغانستان به په رسمي ډول د ملګرو ملتونو امنیت شورا ته شکایت وړاندې کړي.
په کابل کې معتبرو سرچینو افغانستان انټرنشنل ته وویل، د پاکستان الوتکو د کابل د څلورمې امنیتي حوزې په تایمني سیمه کې پر دوو ځایونو بریدونه کړي دي. د بریدونو مشخص اهداف تراوسه نه دي په ډاګه شوي. طالبانو تر اوسه پر کابل د پاکستان هوايي برید رسمي نه دی تایید کړی.
د طالبانو د اطلاعاتو او کلتور وزارت نشراتي مرستیال مهاجر فراهي له خلکو غوښتنه کړې، چې د یوې بشپړې دفاع لپاره ځانونه چمتو کړي او د طالبانو ترڅنګ ودریږي. فراهي د پاکستان له نوم یادولو پرته ویلي، چې دغه هېواد هم خپل ملت یرغمل نیولی او هم په سیمه کې شومې موخې لټوي.
د پاکستان ولسمشر اصف علي زرداري ددغه هېواد له پوځ مشر عاصم منیر سره په لیدنه کې ویلي، چې پاکستاني پوځ طالبانو ته « محتاط او اغیزناک» ځواب ور کړی دی.
پاکستاني سرچینو ادعا کړې، چې په کابل او کندهار کې یې هوايي بریدونه کړي، خو طالبان وايي، چې په کابل کې چاودنه د یوه ټانکر د چاودېدو له امله شوې ده. پاکستانیو سرچینو ویلي، چې ښايي د پاکستان پوځ د بریدونو په اړه وروسته جزئیات ور کړي.
د پاکستان پخواني لومړي وزیر عمران خان له زندان څخه د خیبر پښتونخوا نوي حکومت ته په استولي پیغام کې ټینګار کړی، چې د ترهګرۍ د ستونزې هواری له افغانستان سره له جدي خبرو پرته ناممکن دی.
د جمهوري نظام پر مهال د پارلمان غړې او د ښځو د حقونو فعاله فوزیه کوفي وايي، نړۍ د افغان ښځو او نجونو د حقونو او ښځو، سولې او امنیت د اجنډا په پلي کولو کې ناکامه شوې. نوموړې دا څرګندونې د برېتانیا د پارلمان د نړیوالې پرمختیا کمېټې ته د وینا پرمهال کړې.
د طالبانو حکومت د ریاستالوزرا اقتصادي مرستیال ملا عبدالغني برادر ویلي، یو شمېر روسي شرکتونه چمتو دي چې په افغانستان کې د نفت، جست، مسو او کرومایټ ډبرو د اکتشاف او استخراج، برېښنا تولید، اوبو مدیریت او صنعتي ماشینونو د تولید په برخو کې پانګونه وکړي.
پاکستاني ادارو د کراچۍ په ګلشن معمار کې د افغان کډوالو په یوه پنډغالي کې د کورونو پر نړولو پیل کړی. پاکستاني چارواکي وايي، دا چاره د ځمکو د غصب د مخنیوي په موخه کوي. په دغه کمپ کې ۱۵ زره افغانان اوسېدل، چې اوس یوازې ۱۵۰۰ تنه پکې پاتې دي.
د طالبانو د هرات ولایت چارواکو اعلان کړی چې د سلما بند د اوبو د خوشې کولو پروګرام به د روان کال د لړم په ۱۰مه نېټه پیل شي او د شلو شپو او ورځو لپاره به دوام کوي.
د طالبانو د ریاست الوزرا اقتصادي مرستیال ملا برادر په کابل کې د روسي شرکتونو له استازو سره په کتنه کې ویلي، چې دوی د کانونو په برخه کې د روسي شرکتونو له پانګونې هرکلی کوي.
د طالبانو د صنعت او سوداګرۍ وزیر نورالدین عزیزي چین ته د سفر په ترڅ کې د یاد هېواد له صنایعو او بنسټیزو پروژو لیدنه کړې او د پانګونې پر جذب او افغانستان ته یې د ټکنالوژۍ پر واردولو ټینګار کړی دی.
د ایران د بهرنیو چارو وزارت د کونسلګرۍ، پارلمان او د ایراني وګړو د چارو مرستیال وحید جلالزاده ویلي، چې دغه هېواد به د افغانستان له هریرود سیند څخه د خپلې حقابې لپاره له ډیپلوماسۍ او هرې ممکنه لارې کار واخلي.
کراچۍ کې د افغان کډوالو پاتې جایداد د غصب په حال کې دی. د کراچۍ په سهراب ګوټ کې د کډوالو پنډغالي کې ۱۵۶۸۰افغانان اوسېدل. دغه کډوالو رسنیو ته ویلي، چې په یاده سیمه کې دوی دغه ځمکه د پيسو په بدل کې پېرلې وه او د پاکستان حکومت یې هغه مهال مخه نه نیوله؛ خو اوس د پلور اجازه نه ورکوي.
د امریکا د ولسمشر ډونالډ ټرمپ ادارې اعلان کړی، چې د روانې اکټوبر میاشتې له لومړۍ نېټې د فدرالي حکومت له تړل کېدو وروسته ۴۱۰۸ فدرالي کارکوونکي له دندو ګوښه شوي دي.
په ملګرو ملتونو کې د افغانستان دایمي استازی نصیر احمد فایق وايي، د نړۍوالې ټولنې چوپتیا طالبان نور هم زړور کړي دي. هغه وایي:« موږ باید دغه چوپتیا ته د جرم د شریک په سترګه وګورو. د بشریت ضد جنایتونو قانوني تشرېح نه یوازې حقوقي اړتیا ده؛ بلکې اخلاقي وجیبه هم ده.»
د اوکراین په ختیځې خارکیف سیمه کې د روسیې له پرلهپسې بریدونو وروسته د اوکراین حکومت د دغه سیمې له اوسېدونکو غوښتي، چې له ځڼد پرته خپلې سیمې پرېږدي. ځايي چارواکو ویلي، چې څه باندې ۴۰۰ کورنۍ باید خپلې مېنې پرېږدي.
د سوېلي خراسان ولایت په مرکز بیرجند ښار کې د اقتصادي او سوداګریزو توکو نندارتون پیل ته یوازې څو ورځې پاتې دي. دغه نندارتون به (د تلې په ۲۶مه) پیل او د همدې میاشتې تر ۲۹مې نېټې به دوام وکړي، چې تر اوسه ۴۰۰ افغان سوداګرو ته پهکې بلنه ورکړل شوې.
په چین کې د طالبانو سفیر بلال کریمي له خپل روسي سیال اېګور مورګولوف سره په لیدنه کې د افغانستان او روسیې ترمنځ د سیاسي، اقتصادي او سوداګریزو اړیکو د پیاوړتیا، د پانګونې فرصتونو او د سیمې د اوسني وضعیت په اړه خبرې کړې دي.
د خیبر پښتونخوا د سر وزیر دفتر له لوري په خپرې شوې خبرپاڼه کې راغلي، چې د لوړې مراسم به نن ماښام په پېښور ښار کې ترسره شي. دا په داسې حال کې ده، چې د پاکستان حکومت د مخکېني سر وزیر علي امین ګڼداپور استعفا لا نهده منلې.