د طالبانو ریاست الوزرا د دفتر عمومي رییس ملا عبدالواسع د وانګ بن چاینګ په مشرۍ د چین له لوړپوړو پانګهوالو سره په لیدنه کې په افغانستان کې د کاني زېرمو، لویو لارو، د سالنګ تونل او واخان دهلېز د پراختیا او پانګونې په اړه خبرې کړې دي.
د امریکا ولسمشر ډونالډ ټرمپ پر امریکايي رسنیو په نیوکه کولو سره ویلي، چې که د ایران سمندري او هوايي ځواکونه په بشپړ ډول له منځه هم ولاړ شي او مشران یې د تسلیمۍ اسناد لاسلیک کړي، بیا به هم رسنۍ دغه حالت د ایران بریا وبولي.
د روسیې د بهرنیو چارو وزیر سرګي لاوروف ویلي، چې مسکو د امریکا او ایران ترمنځ د مذاکراتو بهیر ته د مستقیم ننوتلو او یا لاسوهنې هېڅ اراده نه لري او د دغو خبرو د بریا لپاره هیلهمند دی.
د طالبانو د بهرنیو چارو وزارت په منځني ختیځ کې د تاوتریخوالي پر زیاتېدو اندېښنه ښودلې او په یوه اعلامیه کې یې د کوم هېواد له نوم یادولو پرته د متحده عربي اماراتو پر ملکي تاسیساتو د بېپیلوټه الوتکو بریدونه غندلي دي.
رویټرز خبري اژانس د سرچینو له قوله راپور ورکړی، چې پاکستان له عربستان سره د خپل دفاعي تړون په اډانه کې دغه هېواد ته ۸ زره پوځیان، جنګي الوتکې او د هوايي دفاع سیسټمونه لېږلي دي. رویټرز ویلي، دا ځواکونه بشپړ عملیاتي توان لري او موخه یې پر عربستان د احتمالي بریدو مخنیوی او دفاع ده.
دهرات-کابل پر لویه لار د باروړونکو موټرو چلوونکو افغانستان انټرنشنل ته ویلي چې پر دغې لارې د طالبانو له لوري د وزن کولو تلي (ترازوګان) ډېرې شوي او ورسره بېنظمي هم زیاته شوې ده. دوی وايي، د دې لارې په اوږدو کې د شاوخوا دولسو تلو فعالیت د موټرو تګراتګ له جدي ځنډ سره مخ کړی دی.
د افغان اېواک ادارې مشر شان وانډایور ویلي، د امریکا د بهرنیو چارو وزارت له لوري کانګرس ته وړاندې شوی راپور ښيي چې د افغانانو لپاره د ځانګړي کډوالۍ ویزو (SIV) پروګرام لا هم په رسمي ډول فعال دی، خو په ۲۰۲۶ کال کې هېڅ افغان ته ویزه نه ده ورکړل شوې.
د ایران د جګړې له امله د تېلو د بیو د بېساري لوړېدو په غبرګون کې، نن د دوشنبې په ورځ د کینیا په څو ښارونو کې پراخ لاریونونه پیل شوي او په ټول هېواد کې د عامه ټرانسپورټ کاربندیز مسافر له جدي ستونزو سره مخ کړي دي.
په کندهار کې د طالبانو د کرنې ریاست مسولین وايي، چې د کندهار ښار د اوومۍ حوزې د باغپُل په سیمه کې یې د ۵۸۱ کیلوګرامه پاکستاني امو د قاچاق مخه نیولې ده. طالبانو ویلي، دغه قاچاقي ام د هلمند د بهرامچي له لارې له پاکستان څخه افغانستان ته را انتقال شوې وو.
په کابل کې د خصوصي پوهنتونونو ځینو مسوولانو افغانستان انټرنشنل ته وویل، چې د طالبانو د لوړو زدهکړو وزارت پر محصلانو ژمنلیکونه لاسلیک کوي چې ږېرې پرېږدي. طالبانو له دې وړاندې د دولتي پوهنتونو پر محصلانو هم ورته ژمنلیکونه لاسلیک کړي دي.
د ملګرو ملتونو د بشري مېشتېدو پروګرام ویلي، له ۲۰۲۳ کال راهیسې افغانستان ته د میلیونونو کډوالو په راستنېدو سره د دغه هېواد د نفوس کچه په بېساري ډول زیاته شوې. یادې ادارې ویلي، چې د افغان کډوالو د مدریت او مرستې په موخه سبا په باکو کې یوه ځانګړې غونډه ترسره کېږي.
د ایران د بهرنیو چارو وزارت ویاند اسماعیل بقایي ویلي، چې هېواد یې د سیمې وضعیت په دقت سره څاري او ځواکونه یې د هر ډول احتمالي وضعیت پر وړاندې بشپړ چمتووالی لري. نوموړي ویلي، چې ایران به د مقابل لوري تر ټولو کوچنۍ تېروتنې ته سخت ځواب ورکړي.
د طالبانو ویاند ذبیحالله مجاهد د افغانستان په اړه د قرغیزستان د ولسمشر سدیر جباروف د وروستیو څرګندونو هرکلی کړی او ویلي یې دي، چې د دواړو هېوادونو ترمنځ اړیکې دوستانه دي. مجاهد زیاته کړې، چې په بېلابېلو برخو کې د دوه اړخیزو همکاریو د پراختیا لپاره کار روان دی.
د طالبانو د سرحدي پولیسو ریاست وايي، چې د تېرې یوې میاشتې په لړ کې یې په حیرتان، اسلامکلا او ابریښمپُل بندرونو کې د نږدې ۱۳ زره نشهيي ټابلیټونو او سلګونو زرو امریکايي ډالرو د قاچاق مخه نیولې ده. د چارواکو په وینا، د دغو قضیو په تړاو په یادو بندرونو کې ۳۴ کسان هم نیول شوي دي.
د طالبانو د کورنیو چارو وزارت ویلي، چې په هلمند، کندوز، بغلان او اروزګان ولایتونو کې یې د غلا، قتل او نشهيي توکو د پېر او پلور په تور ۲۲ کسان نیولي دي.
وېښتان د انسان د ښکلا، ځوانۍ او جذابیت مهمه برخه ګڼل کېږي، خو په دې وروستیو کلونو کې د عمر له زیاتېدو وړاندې د وېښتانو سپینېدل د ډېرو خلکو لپاره پر یوې جدي اندېښنې بدل شوي دي.
په پاکستان کې د طالبانو پخوانی سفیر عبدالسلام ضعیف وايي، چې چاپلوس سلاکاران، جاهل دوستان او متعصب ملګري د انسان تر ټولو بد دوښمنان دي. نوموړي د کوم طالب چارواکي د نوم له اخیستو پرته د کنایې په ډول ویلي، چې دا ډول کسان انسان له سمې لارې څخه باسي او د هلاکت کندې ته یې غورځوي.
په تاشکند کې د طالبانو سفارت ویلي، چې د یادې ډلې سفیر عبدالغفار بحر د بنګلهدېش له سفیر محمد منیرالاسلام سره په لیدنه کې د افغانستان او بنګلهدېش ترمنځ پر دوه اړخیزو اړیکو، سیاسي حالاتو او د سوداګریزو او اقتصادي موضوعاتو په تړاو خبرې کړې دي.
رویټرز خبري اژانس د یوې پاکستانۍ سرچینې په حواله راپور ورکړی، چې اسلاماباد د منځني ختیځ د شخړو د پای ته رسولو په تړاو د ایران اصلاح شوی وړاندیز له امریکا سره شریک کړی. سرچینې زیاته کړې، چې دواړه هېوادونه «په دوامداره توګه خپلې سرې کرښې بدلوي».
د طالبانو د روغتیا وزارت د درملو خدمتونو رییس بشیراحمد هارون وایي، چې دامهال په افغانستان کې ۱۲۰ د درملو جوړولو کارخونې فعالیت لري. د هغه په وینا؛ وروسته له هغې چې له پاکستان نه د درملو پر وارداتو بندیز ولګېده، د کورنیو تولیداتو له امله تر ډېره د درملو د کمښت تشه ډکه شوې ده.
د طالبانو عدلیې وزارت د دوشنبې په ورځ (د غویي ۲۸مه) په یوې خپرې کړې خبرپاڼه کې ویلي، هغه دولتي ځمکې او نمرې چې د دوی له لوري خلکو ته د استوګنې لپاره وېشل شوې یا پلورل شوې دي؛ د سوداګریزې ګټې لپاره یې پېر او پلور منع دی.