خوست کې د طالبانو والي عبدالرحمن حقاني د امر بالمعروف قانون د تطبیق کمېټې ناسته کې، دغه قانون د اسلامي ټولنې د سمون او د شرعي اصولو لپاره مهم بللی. له دې سره هممهاله د بشري حقونو د ځینو بنسټونو له لوري د دې قانون د اغېزو په اړه د اندېښنو او نیوکو راپورونه هم خپاره شوي دي.
د تورخم د مزدورانو ټولنه وایي، د تورخم دروازې اته میاشتنی بندښت نه یوازې د سرحدي سیمو مزدوران او ټرانسپورټ کارکوونکي زیانمن کړي، بلکې د پاکستان پر اقتصاد یې پراخ منفي اغېز کړی او خلک یې له سخت اقتصادي بحران سره مخ کړي دي.
د امریکا د کالیفورنیا ایالت په سنډیاګو ښار کې دوو تنکیو ځوانو بریدګرو پر یوه اسلامي مرکز ډزې کړې، چې له امله یې درې کسان وژل شوي او وروسته دواړه شکمن بریدګر هم د ځانوژنې له امله مړه موندل شوي دي.
د بښنې نړیوال سازمان (امینسټي انټرنشنل) په خپل تازه کلني راپور کې ویلي، ایران په ۲۰۲۵ کال کې ۲۱۵۹ کسان اعدام کړي، چې دا د نړۍ د ټولو ثبت شویو اعدامونو نږدې ۸۰ سلنه جوړوي او د تېرو لسیزو تر ټولو لوړ شمېر بلل کېږي.
د بریتانیا د مشرانو جرګې غړې بارونس فیونا هاجسن ویلي، د طالبانو له لوري پر ښځو لګېدلو محدودیتونو د افغانستان راتلونکی له ژور بحران سره مخ کړی دی.
د تېر جمهوري نظام د ولسي جرګې غړي کمال ناصر اصولي ویلي، چې د «نجات څلی» ړنګول د افغانستان د سقاوي دورې د «فکري ملاتړ» په معنا ده او دا اقدام یې د تاریخي ارزښتونو پر ضد بللی دی.
د افغانستان لپاره د برېتانیا ځانګړي استازي رېچارډ لینډسي ویلي، چې په دوحه کې یې د طالبانو د سفیر سهیل شاهین سره د طالبانو او پاکستان د اړیکو د ښه کولو او د افغان ښځو او نجونو د ګډون پر اړتیا خبرې اترې کړې دي.
د ازبکستان د سوداګرۍ او صنایع خونې مشر بلخ کې د طالبانو له والي سره په کتنه کې د صنعتي او سوداګریزو اړیکو پر پراختیا ټینګار کړی او ویلي یې دي چې په دغه ولایت کې د ۱۵ زره ټنه کلني تولید په ظرفیت د یوې سترې نساجۍ فابریکې د جوړولو پلان لري.
د پاکستان د دفاع وزیر خواجه محمد اصف ویلي، اسلاماباد له طالبانو سره د تاوتریخوالي د کمولو په موخه د خبرو اترو بهیر له بېلابېلو لارو روان ساتلی او هڅه کوي چې د دواړو لورو ترمنځ د «کنټرول وړ همغږۍ» زمینه برابره کړي.
د ایران ولسمشر مسعود پزشکیان ویلي، د ایران اسلامي جمهوریت د درناوي، صلاحیت او ملي حقونو د خوندیتوب په چوکاټ کې خبرو اترو ته داخلېږي او هېڅکله به د هېواد او خلکو له قانوني حقونو شاتګ ونه کړي. هغه زیاته کړې، خبرې اترې د تسلیمۍ په مانا نه دي.
د ملګرو ملتونو د ماشومانو ملاتړ صندوق (یونیسف) په خپل یوه تازه پیغام کې ویلي چې په سختو او بحراني شرایطو کې ښوونځی د ماشومانو لپاره یوازې د زده کړې ځای نه دی، بلکې د ثبات، خوندیتوب او رواني هوساینې تر ټولو مهمه سرچینه هم ګڼل کېږي.
د ازبکستان د خصوصي پانګونې او سوداګرۍ خونې مشر د یوه پلاوي په مشرۍ په بامیان کې د طالبانو والي سره په کتنه کې د کرنیز سکټور د پراختیا، پانګونې، د کچالو تولید او پروسس په برخه کې د ګډو همکاریو پر پراخېدو ټینګار کړی او یلي یې دي چې د په برخه کې په یاد ولایت کې پانګونې ته چمتو دي.
د افغانستان د ۲۰کلنو کمعمره فوټبال ملي لوبډلې د ۲۰۲۶کال د منځنۍ اسیا د اتلولۍ سیالیو په لړ کې د قرغیزستان پر وړاندې په خپلې وروستۍ لوبه کې مساوي پایله ترلاسه کړه.
د امریکا د مرکزي استخباراتو ادارې پخوانۍ مامورې سارا اډمز ادعا کړې، په افغانستان کې د «بهرنیو عملیاتو» لپاره ځانګړي ځانمرګي روزنیز کمپونه فعال او له دغو کمپونو څخه روزل شوي تر سلو ډېر ځانمرګي بریدګر د مکسیکو د «سینالوا» کارټل په مرسته د امریکا له سویلي پولې دغه هېواد ته داخل شوي.
د پښتون ژغورنې غورځنګ (پي ټي اېم) مخکښ غړي ذکیم خان وزیر ادعا کړې چې د دغه غورځنګ فعال غړی فرید اپریدی د پاکستان د استخباراتي ادارو له لوري په پېښور کې نیول شوی او نامعلوم ځای ته وړل شوی دی.
د امریکا ولسمشر ډونالډ ټرمپ خبرداری ورکړی، چې د ایران حکومت په دې ښه پوهېږي چې «په نږدې راتلونکې کې به څه پېښ شي» او ویلي یې دي چې له تهران سره په روانو خبرو کې هېڅ ډول امتیاز ورکولو ته چمتو نه دی.
د تېر جمهوري نظام پر مهال د اطلاعاتو او کلتور وزیر عبدالباري جهاني ویلي، چې د اسلام د زوال او د اسلامي ټولنو د اختلافونو له مهمو عواملو څخه «ملايان» دي، او ادعا یې کړې چې تاریخ، مذهب او دیني متون هم د دوی پر «ناکاره رول» شاهدي ورکوي.
د فراګیر په نوم یوه بنسټ په خپل تازه راپور کې ویلي، چې په افغانستان کې د طالبانو پراخو محدودیتونو نه یوازې د ښځو بنسټیز حقونه تر پښو لاندې کړي، بلکې په هېواد کې یې د افراطګرۍ او ټولنیزې ناامنۍ د پراخېدو لپاره زمینه هم برابره کړې ده.
په متحده عربي اماراتو کې د طالبانو سفیر بدرالدین حقاني او د قزاقستان سفیر راوان جومابیک په ابوظبۍ کې د دواړو هېوادونو د سیاسي، اقتصادي او سیمهییزو اړیکو د پراخېدو، د افغانستان د ثبات او د ګډو همکاریو د پیاوړتیا په اړه خبرې کړې دي.
د خبریالانو د خوندیتوب کمېټې له اروپايي کمېسیون څخه په کلکه غوښتي، چې بروکسل ته د طالبانو د بلنې هر ډول پلانونه سمدستي لغوه کړي. د دغه سازمان یوه چارواکي هغې ډلې ته بلنه چې په افغانستان کې د رسنیو د سخت سانسور او د خبریالانو د ځپنې مسوولیت پر غاړه لري، یو «شرموونکی» ګام دی.
د طالبانو ریاست الوزرا د دفتر عمومي رییس ملا عبدالواسع د وانګ بن چاینګ په مشرۍ د چین له لوړپوړو پانګهوالو سره په لیدنه کې په افغانستان کې د کاني زېرمو، لویو لارو، د سالنګ تونل او واخان دهلېز د پراختیا او پانګونې په اړه خبرې کړې دي.