په ایران کې د لاریونونو پراخېدو په غبرګون د یاد هېواد ولسمشر مسعود پزشکیان ویلي:« که اړتیا وي، زه به خپله له لاریونوالو سره خبرې وکړم». په ایران کې له شپږو ورځو راهیسې د ډالر پر وړاندې د تومان ارزښت د رالوېدو له امله پراخ لاریونونه روان دي.
د طالبانو تر واک لاندې ملي ټلویزیون د خپاره شوي راپور لهمخې، د طالبانو مشر په مستقیم ډول د دې ډلې د قول اردوګانو په منځنیو رتبو کې د یو شمیر ګومارنو فرمان صادر کړی دی. په خبر کې دا نهدي ویل شوي، چې دا ګومارنې د طالبانو د دفاع وزارت د وړاندیز پر بنسټ شوي دي.
د نوي زېږدیز کال له پیل سره سم د یوه اونس سرو زرو بیه تر ۴۴۰۰امریکايي ډالرو لوړه شوې ده. د تېر کال په پیل کې د یوه اونس سرو زرو بیه شاوخوا ۲۶۰۰ډالر وه، خو جیوپولیټیکي کړکېچونو او د سود کچې د ټیټېدو اټکلونو د خوندي پانګې په توګه ددې نجیبه فلز بیه لوړه کړې ده.
د پاکستان د بهرنیو چارو وزارت ویلي، چې اسحاق ډار د سعودي عربستان د بهرنیو چارو له وزیر شهزاده فیصل بن فرحان سره د سیمې د وروستي وضعیت په اړه ټیلیفوني خبرې کړې دي.
د امریکا د کانګرس غړي کارلوس خمنیز د ایران د خلکو د اعتراضونو په ملاتړ کې د ایران ښځو او نارینه وو ته د ازادۍ غوښتنه کړې او ویلي یې دي، چې د ایران دیکتاتوري نظام باید د تاریخ «خځلځي» ته وغورځول شي.
سرچینو افغانستان انټرنشنل ته ویلي، چې طالبانو د سمنګان پوهنتون په نوې لوحه کې ازبکي ژبه او فارسي کلمه لرې کړې دي. د دواړو ژبو ځینو ویونکو د طالبانو پر دې اقدام نیوکه کړې او غوښتنه یې کړې، چې ازبکي ژبه او فارسي کلمه دې په لوحه کې بیرته شاملې شي.
د ایران د پارلمان رییس محمد باقر قالیباف په دغه هېواد کې د روانو لاریونونو په اړه د ټرمپ څرګندونو ته په غبرګون امریکا ته خبرداری ورکړی، چې د هر ډول احتمالي بې پروا اقدام په صورت کې به ټول امریکايي مرکزونه او ځواکونه هدف وګرځول شي.
د ایران د بهرنیو چارو وزارت پخوانی وزیر جواد ظریف وایي، اسراییل په سیمه کې د سولې او د ایران او امریکا د پخلاینې فرصتونه لهمنځه وړي دي.نوموړي زیاته کړې، چې د ډيپلوماسۍ په نوم د ټرمپ فشار هېڅکله د ایران پر وړاندې نهبریالی کېږي.
د سعودي عربستان او د سویلي یمن د بېلتونپالو ځواکونو ترمنځ د تاوتریخوالي له زیاتېدو سره، ریاض د «سویلي انتقالي شورا» پورې تړلی یو پوځي کمپ د حضرموت په الخصه سیمه کې په نښه کړی دی.
د ایران د بهرنیو چارو وزیر عباس عراقچي په دغه هېواد کې روانو لاریونونو او د ټرمپ وروستیو څرګندونو ته په اشارې ویلي، چې د حاکمیت د نقضېدو په صورت کې دوی پوهیږي، چې کوم ځای په نښه کړي. نوموړي زیاته کړې: «د ټرمپ پیغام احتمال لري د هغو کسانو تر اغېز لاندې وي، چې له ډیپلوماسۍ وېرېږي».
د طالبانو پر تګلارو د ځینو طالب چارواکو او په ځانګړې توګه د سراجالدین حقاني له نیوکو وروسته طالبانو د هبتالله اخوندزاده د ځای ځایګي د تثبیت لپاره خپلې هڅې ګړندۍ کړې دي. طالبانو د جمعې ورځې د خطبې یوه برخه د امیر حکم او نافرمانۍ ته ځانګړې کړې وه.
افغانستان انټرنشنل - پښتو ته د حقانیه مدرسې یو شمېر سرچینو ویلي، چې د امنیتي ګواښونو له امله د حقانیه مدرسې د دستاربندۍ غونډه چې د روانې عیسوي میاشتې په ۸مه نېټه کېدونکې وه ځنډول شوې ده. د حقانیه مدرسې ویاند مولانا یوسف شاه د دستاربندۍ د غونډې د ځنډېدو پخلی کړی دی.
د طالبانو د هلمند په امنیه قومندانۍ کې سرچینو افغانستان انټرنشنل - پښتو ته ویلي، چې طالبانو په یاده قومندانۍ کې د تېر حکومت شاوخوا ۳۰ تنه مسلکي کارمندان له دندو وشړل. ګوښه شوي کسان وايي، دوی د طالبانو د هلمند امنیه قومندان امین الله زبیر په شخصي غوښتنه ګوښه کړای شوي دي.
د ترکیې د دیاربکر ښار پولیسو ۳۲ افغان کډوال چې د فاضله موادو د یوه ټانکر په پټو برخو کې پټ شوي وو، پېژندلي او نیولي دي. پولیسو پنځه کسان د انساني قاچاق د تنظیم کولو په تور هم نیولي دي.
د ترکيې ولسمشر رجب طیب اردوغان ويلي چې د راتلونکې دوشنبې په ورځ به د امریکا ولسمشر ډونالډ ټرمپ سره یوه ټيلفوني اړیکه ولري، تر څو د اوکراين او روسیې ترمنځ د سولې د هڅو او د غزې اړوند مسایلو په اړه خبرې وکړي.
هندي رسنیو د دغه هېواد د کډوالو چارو د ادارې له قوله راپور ورکړی، چې یو افغان وګړی یې د سفر د جعلي اسنادو کارولو په تور په چندیګړ کې د «بګت سینګ» په نړیوال هوايي ډګر کې نیول دی.
د بې پولې ډاکټرانو سازمان وایي، د ژمي له سړې هوا سره هممهاله له پاکستان څخه د افغان کډوالو جبري ایستلو په افغانستان کې بشري بحران لا پسې ژور کړی او د ښځو او ماشومانو ژوند یې له جدي ګواښونو سره مخ کړی دی.
د طالبانو د سرې میاشتې په ټولنه کې سرچینو افغانستان انټرنشنل - پښتو ته ویلي، چې د یادې ادارې مشر شهاب الدین دلاور په ۲۲ بېلابېلو بستونو کې خپلوان او خپل نژدې کسان ګمارلي دي. د دلاور له خوا په ترسره شویو ګمارنو کې په لومړی او دوهمو بستونو کې سلاکاران او امرین هم ټاکل شوي.
د افغانستان په چارو کې د پاکستان پخوانی استازی اصف درانی وایي، چې د طالبانو واکمني د افغانستان د پخوانیو واکمنو له کړنو سره کوم بنسټیز توپیر نه لري او دا هېواد د طالبانو تر واک لاندې د «ډبرو دورې» پر لور روان دی.
د اوکراین د پوځي استخباراتو مشر کییرو بودانوف د جمعې په ورځ اعلان وکړ چې د ولسمشرۍ ماڼۍ د دفتر د مشر په توګه یې د ولسمشر ولادیمیر زېلېنسکي، وړاندیز منلی دی.
د شمالي وزیرستان په مېرعلي کې نن د جمعې په ورځ د سیمې د امن په ملاتړ او د ترهګرۍ پرضد لویه ولسي غونډه ترسره شوه. دې ولسي غونډې ته د پښتون ژغورنې غورځنګ ځینو مشرانو په خپلو ویناوو کې ویلي، چې د وزیرستان ولسونه په سیمه کې امن غواړي.