د جمهوري نظام پرمهال په سریلانکا کې د افغانستان سفیر او د بېځایه شویو سازمان مشر محمد اشرف حیدري په خپلو تازه څرګندونو کې ویلي، چې د افغانستان د اوږدمهاله ثبات یوازینۍ لار د سیمې هېوادونو همغږې شوې ګډه پالیسي ده؛ نه جلا اقدامات.
د امریکا د کانګرس دوو غړو په کالیفورنیا کې د افغان کلتوري ټولنې له استازو سره ناسته کې ژمنه کړې، چې د بشردوستانه، د کورنیو د یوځای کېدو او د ځانګړې کډوالۍ ویزو (SIV) درېدلې لړۍ د بیا فعالولو لپاره به عملي ګامونه واخلي.
ټرمپ د «ټرمپ کلاس» په نوم د نړۍ ترټولو لویو او خورا پیاوړو جنګي بېړیو د جوړولو اعلان وکړ. هغه ویلي، دغه نوې جنګي بېړۍ به تر دې دمه د ټولو جوړو شویو بېړیو پرتله «سترې، ګړندۍ او ۱۰۰ چلنده پیاوړې» وي.
نوې ډیلي ته د طالبانو د عامې روغتیا وزیر د سفر تر پای ته رسېدو یوه ورځ وروسته د هند د بهرنیو چارو وزارت په یوې خبرپاڼه کې ویلي، چې دغه هېواد به د افغانستان د درملو اوږدمهاله اړتیاوې پوره کړي.
د طالبانو د کډوالو او بېرته راستنېدونکو چارو وزیر مولوي عبدالکبیر ویلي، چې واک ته د یادې ډلې له رسېدو راهیسې ۶،۸ مېلیونه کډوال له ګاونډیو او نورو هېوادونو افغانستان ته ستانه شوي او دغه شمېره د لوړېدو په حال کې ده.
د ۲۰۲۶کال اسیا جام سیالیو لپاره د چمتووالي پروګرامونو د یوې برخې په توګه د کوېټ پر وړاندې د افغانستان د فوټسال ملي لوبډلې دویمه تمریناتي لوبه ۳–۳ مساوي پای ته ورسېده. د لوبې لومړۍ پاڼۍ کې د افغانستان ملي لوبډله له ۲-۱ امتیازونو سره مخکښه وه.
د «ههنګاو» په نوم د بشري حقونو سازمان په یوه راپور کې په ایران کې د ښځو د وژنو د شمېر د زیاتوالي په اړه خبرداری ورکړی او لیکلي یې دي، چې په روان کال کې په دغه هېواد کې ۲۰۳ قضیې د ښځو وژنې ثبت شوې دي.
که له یوې خوا د عضلاتو د جوړولو لپاره سخت ورزش، وخت او هڅه ضروري وي، له بلې خوا یې پایلې هم ډېرې مثبتې دي. ځکه له دې سره د عضلاتو ځواک زیاتېږي، د بدن اضافي غوړ کمېږي او د کالوریو سوځولو وړتیا لوړېږي.
د پاکستان د لومړي وزير سياسي سلاکار رانا ثناءالله ویلي، چې تحریک انصاف د مذاکراتو اراده نهلري او د دې ګوند اجنډا بغاوت، ګډوډي او د سیاسي مخالفینو لهمنځه وړل دي.
د امریکا ولسمشر ډونالډ ټرمپ وايي، د وېنزوېلا د ولسمشر نیکولاس مادورو لپاره به دا «هوښیار کار» وي، چې واک پرېږدي. ټرمپ په دې وروستیو کې پر مادورو د فشار راوړلو په موخه د تېلو څو بېړۍ هم ضبط کړې دي.
اسټرالیا د بونډای له وسلهوالې پېښې وروسته چې پهکې لږ تر لږه ۱۵ کسان ووژل شول، د تر ټولو ډېر مېشتي ایالت نیوساوت وېلز ایالتي جرګې په یوې بېړنۍ غونډه کې د وسلو لرلو د څرنګوالي په تړاو یوه لایحه تصویب کړه. دغه لایحه به سبا پارلمان ته د تصویبېدو لپاره واستول شي.
د طالبانو سترې محکمې اعلان کړی، چې د روان کال له چنګاښ څخه تر وږي میاشتې پورې ۱,۱۶۳ کسان د نظامي محکمو د پرېکړو پر بنسټ زنداني شوي دي. نظامي محکمې د هغو کسانو دوسیې څېړي، چې د طالبانو په اداره کې د نظامي کارکوونکو په توګه دندې ترسره کوي.
د اېچبياو ټلوېزون د مشهورې ډرامې «ده وایر» اداکار جېمز رینسن د جمعې په ورځ د ۴۶ کلونو په عمر ځان وژنه کړې ده. د لاسانجلس طبي چارواکو د هغه ځان وژنه تایید کړې ده.
کرملین وايي، هغه خبرې چې د اوونۍ په پای کې د اوکراین د جګړې د پای ته رسولو په اړه د روسیې او امریکا ترمنځ په میامي ښار کې شوي، باید د کوم بنسټیز بدلون یا «ماتې ورکونکي پرمختګ» په توګه ونه ګڼل شي.
د پاکستان د وفاقي کابینې وزیر طارق فضل چودري وايي، چې د تحریک انصاف له زنداني بنسټګر عمران خان سره به د فبرورۍ تر اتمې نېټې پورې لیدنې کتنې بندې وي.
د رحمتخان محمدي او محمد بلال هوتک په نومونو دوه افغان کډوال په لندن کې د «ګرېنډر» (Grindr) اپلیکیشن په کارولو سره د یو شمېر همجنسګرایانو کورونه لوټ کړي، چې د محکمې لهخوا په بند محکوم شول.
د غزې روغتیايي چارواکي وایي، چې په په روغتونونو کې د درملو شدید کمښت د زرګونو ناروغانو ژوند له ګواښ سره مخ کړی. چارواکي وايي، د درملو د کمښت له امله د ناروغانو د درملنې چارې له جدي ستونزو سره مخ دي او همدارنګه د لابراتوار ټېسټونو او د وینې بانک لپاره ۵۹ سلنه اړین توکي کم شوي.
د امریکا د کډوالۍ ادارې ویلي، چې د ولسمشر ډونالډ ټرمپ د ادارې د کډوالۍ د سختو تګلارو په لومړي کال کې ۱۸۲ داسې قضیې تشخیص شوې چې د ملي امنیت له پلوه خطر بلل کېږي او په ۲۰۲۵ کال کې نږدې ۱۹۶ زره کسانو ته د محکمې د حاضرېدو رسمي خبرتیاوې صادرې شوې دي.
د امریکا ولسمشر ډونالډ ټرمپ د دوشنبې په ورځ وویل، چې ګرینلنډ باید د متحده ایالاتو اړوند شي. نوموړي وویل، دغه سیمه د معدني زېرمو لپاره نهغواړي، بلکې د ملي امنیت لپاره ورته اړتیا لري. د ټرمپ دغې غوښتنې یو ځل بیا د ډنمارک او ګرینلنډ نیوکې راپارولې دي.
د امریکا د متحده ایالاتو د جګړې وزیر پیټ هېګسټ وایي، چې واشنګټن د خپل پوځ د بیا رغونې په لړ کې د غښتلي مخنیويکوونکي ځواک سیاست بېرته پیاوړی کوي، څو د کورنیو او بهرنیو ګواښونو پر وړاندې اغېزناک ځواب ولري.
هر کال د ډسمبر په وروستۍ ورځ د نړۍ په بېلابېلو ښارونو کې رڼاګانې بلېږي، کلیساوې د مذهبي مراسمو لپاره چمتوالی او لوی اکثریت کورنۍ د یو بل د لیدو لپاره تیاری نیسي. دا فضا د کرېسمېس د رارسېدو نښه ده؛ هغه ورځ چې د پېړیو په اوږدو کې یې خپل مذهبي، ټولنیز او کلتوري بڼې بدلې کړې دي.