د امریکا د متحده ایالاتو د جګړې وزیر پیټ هېګسټ وایي، چې واشنګټن د خپل پوځ د بیا رغونې په لړ کې د غښتلي مخنیويکوونکي ځواک سیاست بېرته پیاوړی کوي، څو د کورنیو او بهرنیو ګواښونو پر وړاندې اغېزناک ځواب ولري.
هر کال د ډسمبر په وروستۍ ورځ د نړۍ په بېلابېلو ښارونو کې رڼاګانې بلېږي، کلیساوې د مذهبي مراسمو لپاره چمتوالی او لوی اکثریت کورنۍ د یو بل د لیدو لپاره تیاری نیسي. دا فضا د کرېسمېس د رارسېدو نښه ده؛ هغه ورځ چې د پېړیو په اوږدو کې یې خپل مذهبي، ټولنیز او کلتوري بڼې بدلې کړې دي.
د عدالت او ازادۍ لپاره د افغان ښځو غورځنګ د «یلدا شپې» په تړاو راټولېدنه کې ویلي، د طالبانو پر وړاندې د افغان ښځو مقاومت دوام لري او په وینا یې، د ښځو له معنالرونکې حضور پرته عادلانه راتلونکې شونې نهده.
طالبانو د کابل ښار د څلورمې امنیتي حوزې په شاوخوا سیمو کې دوه کسان له ۲۳۰۰ تابلېت «K» سره یو ځای نیولي دي. طالبان وايي، له دغو کسانو ۸ جوړې ښځينه افغاني جامې چې پهکې «شیشه» مخلوط شوي و، هم ترلاسه شوي دي.
د ډونالډ ټرمپ ادارې اعلان کړی، چې نږدې ۳۰ سفیران او نور لوړپوړي مسلکي ډېپلوماټان به له بهرنیو ماموریتونو څخه بېرته واشنګټن ته وغواړي، څو ډاډ ترلاسه شي چې د امریکا سفارتونه د «امریکا لومړی» له تګلارې سره سم فعالیت کوي.
د پاکستان دیني عالمانو په یوې غونډه کې له افغان طالبانو او پاکستاني چارواکو وغوښتل، چې خپلمنځي ستونزې د خبرو له لارې حل کړي. دغو دیني عالمانو د یوه لس مادهییزې اعلامیې په خپرولو سره له دواړو لوریو غوښتي، چې د ښه ګاونډيتوب د اصولو پر بنسټ د دایمي سولې او ثبات لپاره هڅې وکړي.
امنیتي سرچینو افغانستان انټرنشنل ته ویلي، د واڼه په سیمه کې پر یوې پوځي اکاډمۍ د شوي خونړي برید د ځانمرګي بریدګر هویت افشا شوی. د سرچینو په وینا، دغه بریدګر جانالله ایوبي نومېده، په «زاهد» مستعار نوم پېژندل کېده او د ننګرهار ولایت د مهمنددرې ولسوالۍ د کوچیانو کلي اوسېدونکی و.
د امریکا د کورني امنیت وزیرې کریسټي نوم اعلان کړی، چې د ناقانونه کډوالو د داوطلبانه وتلو د هڅولو لپاره یو نوی تشویقي پروګرام پلي کېږي، چې لهمخې به یې کډوالو ته نغدي مرسته او وړیا ټکټ ورکړل شي.
د اسراییل لومړي وزیر بنیامین نتنیاهو ویلي، چې د ایران د اټومي پروګرام او د سیمې د وروستیو بدلونونو په اړه به د امریکا له ولسمشر ډونالډ ټرمپ سره خبرې وکړي.
د جرمني د کورنیو چارو وزارت اعلان کړی، چې د دوشنبې په ورځ ۱۴۱ نور افغان پناهغوښتونکي له اسلاماباد څخه د چارټر الوتکې له لارې د هانوفر ښار ته ولېږدول شول.
په لوګر کې پر ۱۰۰۰ بېوزلو او اړمنو کورنیو د یوې اندازې خوراکي او غېر خوراکي توکو مرستې وشوې. دغه مرستې د طالبانو له پېښو سره د مبارزې ادارې او یو شمېر نورو همکارو موسسو په همغږۍ برابرې شوې دي.
د بشري حقونو بنسټونه وایي، چې د ایران په بندخونو کې د اعدامونو کچه بېسارې لوړه شوې او یوازې د لیندۍ په میاشت کې لږ تر لږه ۳۳۸ بندیان اعدام شوي دي.
د طالبانو د کورنیو چارو وزارت ستر امنیتي مرستیال محمد ابراهیم صدر د خپلو ولایتي سفرونو په لړ کې د دوشنبې په ورځ (د مرغومې لومړۍ) په ننګرهار کې ولس يووالي ته راوباله او زياته يې کړه، که د ولس او نظام ترمنځ باور وي، نو «دوښمن» هېڅکله هم نهشي بریالی کېدای.
د طالبانو تر واک لاندې د افغانستان برېښنا شرکت ویلي، چې د ترکمنستان ـ هرات وارداتي برېښنا پرې شوي مزي یې په لنډمهاله ډول بېرته ونښلول. په هرات کې د وارداتي برېښنا مزي درې ورځې وړاندې پرې شوي وو.
پاکستان د لیبیا له ملي پوځ سره د څه باندې څلور میلیارد ډالرو په ارزښت د پوځي تجهیزاتو د پلورلو تړون کړی دی. دغه تړون تېره اونۍ د پاکستان د پوځ د مشر عاصم منیر او د لیبیا د ملي پوځ د مرستیال قوماندان صدام حفتر ترمنځ له لیدنې وروسته نهایی شوی.
ترکي رسنیو راپور ورکړی، چې د ترکیې د ملي استخباراتو سازمان د افغانستان او پاکستان ترمنځ سیمو کې د عملیاتو په ترڅ کې د داعش وسله والې ډلې یو لوړپوړی غړی نیولی او ترکیې ته یې انتقال کړی دی.
د امریکا د دفاع وزارت د یوې مسودې له مخې، چین ښايي د توغندیو په دریو اډو کې تر سلو زیات قاره وېشتونکي بالیسټیک توغندي ځای پر ځای کړي وي. مسوده وايي، بیجنګ د وسلو د کنټرول په تړاو خبرو اترو ته هېڅ لېوالتیا نه لري.
د طالبانو د ۲۱۵ عزم قول اردو قوماندان محمد ایوب خالد وايي، چې د طالبانو د ډلې مشر په «ځانګړي شفقت»، د افغانستان په هر نظامي مرکز کي مدرسې جوړې شوې دي. نوموړي د ۲۱۵ عزم قول اردو اړوند نظامي مدرسې په فراغت غونډه کې له طالبانو غوښتي، چې د خپل امیر اطاعت وکړي.
د سره صلیب نړیوالې کمیټې په خپل تازه راپور کې ویلي، چې په ۲۰۲۵ کال کې د افغانستان ۲۲،۹ میلیونه وګړو بشري مرستو ته اړتیا لرله. سور صلیب وايي، چې د عوایدو محدودو سرچینو، دوامدارې بېکارۍ او روغتیايي خدماتو ته محدود لاسرسي ډېرې کورنۍ له ستونزو سره لاس او ګریوان کړې دي.
د افغانستان د وزلوبې غوره لیګ اووم پړاو سیالۍ د سرپل لوبډلې په اتلولي پای ته ورسېدې. په پایلوبه کې د سرپل لوبډلې د بدخشان ټیم ته د صفر پر وړاندې په ۷ امتیازونو ماته ورکړه او د اتلولۍ جام یې خپل کړ.
د ایران یو شمېر رسنیو خبر ورکړی چې تهران د دوشنبې په ورځ په بېلابېلو ښارونو کې د توغندیو تمرینونه وکړل، خو وروسته دولتي رسنیو دا ډول خبرونه رد کړل او ویې ویل، چې په فضا کې سپینې لیکې د الوتکو له تېرېدو وروسته پاتې شوې دي.