د افغان او نړۍوالو مدني ټولنو یوې لویې ډلې د ملګرو ملتونو د بشري حقونو شورا او د دغې شورا غړو هېوادونو استازو ته په یوه پرانيستي لیک کې د افغانستان د ناوړه بشري وضعیت په اړه جدي اندېښنه ښودلې او یو ځل بیا یې د ځوابویلو د یوه خپلواک مېکانېزم جوړېدو غوښتنه کړې ده.
اوکرایني چارواکو ویلي، چې د اوکراین پر پلازمېنې کیف ښار د روسیې د بېپیلوټه الوتکو او توغندیزو بریدونو له امله لږ تر لږه څلور کسان وژل شوي او تر ۲۰ ډېر ټپیان دي. په وژل شویو کسانو کې یوه ۱۴کلنه ماشومه هم شامله ده.
د بندي عمران خان په مشرۍ د پاکستان تحریک انصاف (پيټيای) ګوند په وروستیو میاشتو کې د دغه هېواد د لوړو محکمو نه د پیاوړي ملاتړ په ترلاسهکولو کې پاتې راغلی دی.
د ۲۰۲۵کال کافا جام سیالۍ به سبا جمعه (د وږي په ۷مه نېټه) د افغانستان او ایران د فوټبال ملي لوبډلو ترمنځ په لوبې سره پیل شي. دغه لوبه به د مازیګر په ۴:۳۰ بجو د تاجکستان د حصار په مرکزي لوبغالي کې پیل شي.
د پاکستان د پنجاب ایالت ډېرې برخې د ستلج، راوي او چناب سېندونو د اوبو د لوړېدو له امله ډوبې شوې دي. دغه سېلابونو تر اوسه لږترلږه ۱۵ کسان مړه او تر ۶۰۰زره ډېر خلک یې اغېزمن کړي دي.
د طالبانو تر کنټرول لاندې افغانستان کې د ځانوژنو پېښو پر دوام؛ د خوست لږترلږه دوو ځايي باوري سرچینو افغانستان انټرنشنل-پښتو ته خبر ورکړی، چې په دغه ولایت کې یوه ۱۵ کلن ماشوم ځانوژنه کړې ده. د سرچینو په وینا؛ دغه ماشوم «کوثر» نومېده او د ښوونځي زدهکوونکی و.
د مکسیکو د مشرانو جرګې د چهارشنبې د غونډې په پای کې د اپوزیسیون او واکمن ګوند د غړو ترمنځ فزیکي شخړه رامنځته شوه. د مشرانو جرګې رییس او د واکمن مورینا ګوند د غړي ګیرارډو فرنانډیز نورونیا سره دغونډې پای او د ملي سرود د غږولو پرمهال شخړه وشوه.
د ډونالډ ټرمپ حکومت د قانوني کډوالۍ د محدودوونکو تګلارو پر دوام غواړي، چې د محصلانو، کلتوري تبادلې پروګرامونو او خبریالانو د ویزو د اعتبار موده راکمه کړي.
رویټرز راپور ورکړی چې د ملګرو ملتونو امنیت شورا چمتو ده، څو د پنجشنبې په ورځ د دې سازمان د سولې ساتونکو ځواکونو ماموریت د وروستي ځل لپاره تمدید کړي. د راپور له مخې، د «یونیفیل» ماموریت به د ۲۰۲۶ کال تر پایه دوام ولري او له هغې وروسته به د ځواکونو د وتلو یو کلن بهیر پیل شي.
د مډرن ډیپلوماسي وېبپاڼې په یوه مقاله کې راغلي، پاکستان چې په ۲۰۲۱ کال کې د طالبانو د واکمنېدو پر مهال په لومړیو کې هیله لرله، چې د دې ډلې په واکمنېدو سره به سرحدي تاوتریخوالي پای ته ورسېږي او یو باثباته ګاونډی به رامنځته شي، خو اوس دغه هیلې یې په بشپړه توګه له منځه تللې دي.
د امریکا ولسمشر ډونالډ ټرمپ د برېتانیا له پخواني لومړي وزیر ټوني بلېر او د منځني ختیځ په چارو کې د امریکا له پخواني استازي جرد کوشنر سره د غزې د جګړې په اړه د سیاست جوړونې ناسته وکړه.
د ملګرو ملتونو د بشري مرستو مرسیالې جویس موسایا د چهارشنبې په ورځ د امنیت شورا ته په خپل راپور کې وویل، چې د غزې په محاصره شوې سیمه کې قحطي اوس رسمي واقعیت ګرځېدلی او هره ورځ د لوږې له امله د ماشومانو او ملکي وګړو مړینې زیاتېږي، چې یوازې نن لس کسان مړه شوي دي.
باوري سرچینو افغانستان انټرنشنل-پښتو ته ویلي، چې د چهارشنبې په ماښام په خوست، ننګرهار او کونړ ولایتونو کې ډیورنډ کرښې ته نږدې په یو شمېر پرتو سیمو کې د تحریک طالبان پاکستان «ټيټيپي» او د حافظ ګل بهادر ډلې د جنګیالیو پر مرکزونو د نامعلومه بېپیلوټه الوتکو بریدونه شوي.
د ایران د کلتور او ارشاد وزیر سید عباس صالحی ویلي، چې هېواد یې له افغانستان سره د کلتوري اړیکو او ګډو همکاریو د پیاوړتیا ملاتړ کوي.
طالبانو د پروان ولایت په «هوفیان شریف» سیمه کې د تاریخي اثارو د اېستلو په تړاو د یوې پنځه کسیزې ډلې د نیولو خبر ورکړ.
د امریکا د نړۍوالو مذهبي ازادیو کمېسیون (USCIRF) په یوه تازه خپره کړې اعلامیه کې ویلي، چې د طالبانو تر واکمنۍ لاندې په افغانستان کې د مذهبي ازادیو لپاره هېڅ ځای نه دی پاتې شوی او دا ارزښت په بشپړ ډول منځه تللی دی.
له کونړ ولایت څخه ځایي سرچینو افغانستان انټرنشنل-پښتو ته تایید کړې، چې په خوست او ننګرهار ولایتونو کې د پاکستاني بې پیلوټه الوتکو له بریدونو وروسته په کونړ کې هم د چاودنو غږونه اورېدل شوي دي.
سیمه ییزو سرچینو افغانستان انټرنشنل-پښتو ته وویل، چې د پاکستان بې پیلوته الوتکې د شینوارو ولسوالۍ په ۲۸ ویاله سیمه کې د شاسوار په نوم د یوه کس پر کور بریدونه کړي دي.
د امریکا د منیاپولیس ښار په یوه کاتولیک ښوونځي کې یوه وسله وال کس پر ماشومانو ډزې کړي، چې له امله یې درې ماشومان وژل شوي او ۱۷تنه نور ټپیان دي.
د خوست په سپېره ولسوالۍ کې سیمه ییزو سرچینو افغانستان انټرنشنل- پښتو ته وویل، چې د دې ولسوالۍ په سورکاخ کلي کې د بې پیلوټه الوتکې برید شوی، چې په پایله کې یې دوه تنه ماشومان وژل شوي او شپږ کسان ټپیان دي.
افغانستان انټرنشنل – پښتو ته باوري سرچینو تایید کړې، چې پېژندل شوی دیني عالم عبدالسمیع غزنوي چې د طالبانو د ځینو پالیسیو پر وړاندې یې ښکاره نیوکې کولې، له شاوخوا یوې میاشتې بند وروسته خوشې شوی دی.