د بشري حقونو سازمان له فیفا غوښتنه کړې، چې د ۲۰۲۶ فوټبال نړیوال جام پر مهال دې پر امریکا فشار راوړي څو د کډوالۍ د پلي کوونکو ادارو عملیات وځنډول شي، ځکه د دې سازمان په وینا دا چاره کولی شي د مینهوالو او ګډونوالو حقونه له ګواښ سره مخ کړي.
د فرانسې حکومت ویلي، چې د ایرباس بنسټ په ملاتړ سره شاوخوا ۴۲ټنه بشري مرستې د افغانستان ملکي وګړو لپاره د اروپا د بشري هوايي دهلېز له لارې لیږدول شوې دي.
د جمهوریت پر مهال د اطلاعاتو، کلتور او ګرځندوی مرستیال وزیر زردشت شمس ویلي، چې د پاکستان له لوري د افغانانو پر ضد بریدونه دوام لري او د ملکي اهدافو په نښه کول د نړیوالو قوانینو ښکاره سرغړونه ده.
د طالبانو د دفاع وزارت وایي، چې د ۲۱۵ عزم قول اردو اړوند سرحدي ځواکونو په نیمروز ولایت کې په تېرو درې میاشتو کې لسګونه وسایط او د بېلابېلو ډولونو قاچاقي توکي او په تړاو یې ۱۵ تنه قاچاقبر نیولي دي.
د بریتانیا پاچا چارلز او د هغه مېرمن کامیلا د دوشنبې په ماسپښین په یوه رسمي دولتي سفر امریکا ته رسېدلي دي.
د خيبرپښتونخوا د اطلاعاتو او عامه اړیکو ځانګړي سلاکار، شفيع جان په مرکزي حکومت انتقادونه کړي، چې په دغه ايالت کې د ورګډو ولسواليو (پخوانۍ فاټا) ته ورکړل کېدونکې پراختیایي بودیجه یې درولي دي.
د کونړ ولایت د طالبانو د عامې روغتیا ریاست مشر، مظفر مخلص ویلي، چې د دوشنبې (غویي ۷مه) په ورځ د پاکستان د راکټي بریدونو له امله د مرګ ژوبلې شمېر لوړ شوې دی. هغه زیاته کړې، په یادو بریدونو کې د وژل شویو شمېر ۷ کسانو ته او د ټپیانو شمېر ۷۵ کسانو ته رسېدلی دی.
د جمهوریت پر مهال د افغانستان د پارلمان غړې انارکلي هنریار وایي، چې د هېواد د تعلیمي او علمي بنسټونو په نښه کول قصدي اقدام دی او دا ډول کړنې د افغانستان د پرمختګ او خپلواکۍ د مخنیوي هڅه ده.
په افغانستان کې د سعودي عربستان سفارت وایي، چې د ملک سلمان د بشري مرستو او امدادي مرکز له لوري، د توحید فاونډېشن په همکارۍ، د کندهار ولایت د کډوالو او راستنو شوو کورنیو لپاره ۹۹۲ خوراکي کڅوړې وېشل شوې دي.
د امریکا له لوري د افغان متحدینو له قطره څخه د کانګو ډیموکراټیک جمهوریت ته احتمالي لېږد سختې اندېښنې راپورته کړې، چې منتقدین یې د واشنګټن د پناه غوښتنې د پالیسۍ بدلون او له خپلو افغان همکارانو سره د ژمنو ماتول بولي.
د پاکستان د اطلاعاتو وزارت ویلي، چې د کونړ ولایت پر ملکي سیمو او د سید جمالالدین افغان پوهنتون د بریدونو په اړه راپورونه «بېاساس» دي او حقیقت نه لري.
د طالبانو د ویاند مرستیال حمدالله فطرت وایي، د پاکستاني پوځ له لوري د کونړ ولایت پر مرکز اسعداباد او ځینو ولسوالیو په تازه بریدونو کې ملکي تلفات اوښتي، چې پکې ۴ تنه وژل شوي او ۷۰ نور ټپیان شوي دي. هغه ویلي، طالبان دا بریدونه غندي او یو «نهبخښل کېدونکی جنګي جنایت» یې بولي.
په کابل کې د افغاني سره میاشت ټولنې په مرکزي مرستون کې د بېسرپرستو ښځو او اړمنو کورنیو د تولیداتو پنځه ورځنی نندارتون پرانیستل شو. په دې مراسمو کې د یادې ادارې مشر شهاب الدین دلاور، د ملي او نړیوالو بنسټونو استازو او یو شمېر کورنیو ګډون درلود.
د چمن او سپین بولدک سیمو کې د دوشنبې(غویي ۷مه) ورځې له سهار او بیا د ورځې په جریان کې د پاکستاني ځواکونو او افغان طالبانو ترمنځ دوه ځله نښتې شوي، چې شاوخوا دوه ساعته یې دوام کړی او په سیمه کې یې د درنو وسلو د ډزو له امله د وېرې فضا رامنځته کړې ده.
په کابل کې د ایران سفارت د یوې خبرپاڼې په خپرولو سره ویلي، چې د بیجار په مشرۍ د ایران د سیستان او بلوچستان والي د طالبانو د نیمروز ولایت له والي محمود سره لیدلي او د دوه اړخیزو همکاریو پر پراختیا غږېدلي دي.
د تېر جمهوري نظام پر مهال د سولې عالي شورا د دارالانشا مشر محمد اکرم خپلواک ویلي، چې پر کونړ پوهنتون( سید جمال الدین افغان پوهنتون)د پاکستان برید د نړیوالو قوانینو او بشري اصولو ښکاره سرغړونه ده او نړیواله ټولنه باید د دې په اړه عملي اقدامات وکړي.
د طالبانو د دفاع وزارت اړوند ۲۰۳ منصوري قول اردو وایي، چې د پکتیا ولایت په څمکنیو ولسوالۍ کې د کشفي عملیاتو پر مهال لسګونه میله وسلې، مهمات او په تړاو یې دوه قاچاقبران نیول شوي دي.
د بشري حقونو یو نړیوال بنسټ وايي، د کونړ ولایت په اسعداباد کې د پاکستاني پوځ وروستي بریدونه د ملکي وګړو لپاره درانه زیانونه اړولي او د تاوتریخوالي یوه اندېښمنوونکې بڼه ښيي.
د سره صلیب نړیوالې کمېټې (ای سي ار سي) ویلي، چې د افغانستان په نورستان ولایت کې د کامدېش ولسوالۍ روغتون ته یې د درملو او طبي تجهیزاتو یوه نوې جوپه رسولې، چې د روغتیايي خدماتو د دوام لپاره به مهمه ونډه ولري.
د جمهوریت پر مهال د کانونو او پټرولیم وزیرې نرګس نهان ویلي، چې په افغانستان کې د حکومتونو د پرلهپسې پرځېدلو یو مهم لامل د سیاسي نظام ناسم جوړښت او د حکومتولۍ تګلارې دي، چې د یوې محدودې ډلې د ګټو پر بنسټ جوړې شوې وې او د ټولنې نورې برخې یې له پامه غورځولې دي.
د جمهوریت پر مهال د دفاع وزارت سرپرست شاه محمود میاخېل ویلي، چې پاکستان یو ځل بیا په کونړ او سپین بولدک بریدونه کړي، چې پکې ملکي ځایونونه په نښه شوي دي. هغه دا اقدامات د بشري حقونو ښکاره سرغړونه بللې او خبرداری یې ورکړی چې دا ډول کړنې سیمه له جدي بحران سره مخ کولی شي.