د جرمني په فرانکفورت ښار کې د ملي مرکې غونډه کې ګڼ افغان پوهانو، ټولنیزو شخصیتونو، مدني فعالانو اوښځو غوښتنه وکړه، چې په افغانستان کې دې افغان میرمنو ته د زده کړو، کار او فعاله ټولنیز ګډون حق ورکړل شي.
د هر هېواد ستراتیژي د خپل هیواد په لنډو، منځمهاله او اوږدمهاله ګټو څرخې. هغه هیوادونه د پرمختګ ګامونه اخلي، چې د خپلو دغو موخو لپاره تګلاره ولري. که تګلاره ونه لرې، په سیاست کې داسې ده لکه په ړوندو سترګو چې په نامعلومه خوا روان اوسي.
د طالبانو امر بالمعروف وزارت ویلي، چې پر ټولنیزو رسنیو د بهرني سریال د کرکټر د جامو اغوستلو د سټایل خپرولو په جرم یې په هرات کې څلور ځوانان نیولي دي. یاد وزارت ویلي، چې دغو ځوانانو د یوه بهرني سریال د کرکټر «توماس شلبي» د جامو اغوستلو سټایل تعقیباوه.
د طالبانو بلخ والي یوسف وفا د قزاقستان د ولسمشر ځانګړي استازي پرکین توکوموف په مشرۍ پلاوي سره د اقتصادي همکاریو او سیمهییزو ترانسپورتي دهلیزونو په تړاو خبرې کړې دي. طالبانو د نوموړي له قوله ویلي، «استانه د حیرتان بندر له لارې د اوسپنې پټلۍ د قزاقستان له مرکزي شبکې سره نښلوي».
د ایران د بهرنیو چارو وزارت د یکشنبې په ورځ وویل چې د امریکا له خوا شړل شوي ۵۵ ایرانیان به په راتلونکو څو ورځو کې تهران ته واستول شي. دا په وروستیو میاشتو کې دویمه ډله ده چې بېرته ایران ته لېږل کېږي.
د ایران د ولسمشر لومړي مرستیال ویلي، چې له طالبانو سره د اړیکو پراختیا لپاره فرصوتونه چمتو شوي او د کورنیو او بهرنیو چارو وزارتونو ته یې لارښوونه کړې، چې ژر تر ژره دې د افغان کډوالو او پانګوالو لپاره د همکارۍ پیاوړتیا تګلاره جوړه کړي.
د طالبانو د صنعت او سوداګرۍ وزارت وايي، د یا وزارت وزیر نورالدین عزیزي د چین له سفیر او سوداګریز استازي سره کتلي دي. د یاد وزارت په وینا، سفیر د چینایي پانګوالو ستونزې شریکې کړې او د اقتصادي اړیکو د پیاوړتیا غوښتنه یې کړې ده.
د روسیې د دفاع وزارت د یکشنبې په ورځ اعلان وکړ چې هوايي دفاعي ځواکونو یې د شپې۷۷ اوکرایني ډرونونه غورځولي دي. دغه ډرونونه د جنوبي او مرکزي روسیې د ۷ سیمو په فضا او د روسیې تر ولکې لاندې کریمیا کې نسکور شوي دي.
د طالبانو د امر بالمعروف، نهی عن المنکر او شکایتونو اورېدلو وزارت ادعا کړې، چې محتسبانو یې په کابل کې د یوې کونډې ښځې او یو « ۷ کلن ماشوم» د جبري نکاح مخنیوی کړی. د وزارت په وینا، د ښځې د خاوند له مړینې وروسته یې خسرګنۍ غوښتل دغه کونډه یوه ۷ کلن ماشوم ته په جبری ډول نکاح کړي.
په هرات کې د پلاستیک صنعت ټولنې مسوولان وايي چې دا مهال په دغه ولایت کې ۸ تولیدي شرکتونه فعال دي او هره ورځ شاوخوا ۱۰۰ ټنه بوجۍ او پلاستیک تولیدېږي. دوی زیاتوي، په هرات کې دغه فابریکې نه یوازې د سیمهییز بازار اړتیاوې پوره کوي بلکې خپل تولیدات نورو ولایتونو ته هم لېږي.
د قطر لومړي وزیر او د بهرنیو چارو وزیر محمد بن عبدالرحمن ال ثاني د دوحې نړیوال فورم پر دویمه ورځ وویل چې قطر د افغانستان د شل کلنې جګړې په پای ته رسولو کې بنسټیز رول لوبولی.
د خیبر پښتونخوا اعلی وزیر سهیل اپریدي د یکشنبې په ورځ په یوه ولسي غونډه کې د پاکستان د پوځ او مرکزي حکومت پر امنیتي تګلارو نیوکې وکړې او ویې ویل چې ۲۱ کاله د پښتو وینې توییږي، خو بیا هم ترهګري له منځه نه ځي او باید پالیسۍ بدلې شي.
د طالبانو د ټولګټو وزارت وايي، چې د سالنګ لویه لاره به سبا د بار وړونکو موټرو پرمخ پرانیستل شي. د یاد وزارت ویاند په وینا، د ټولګټو وزارت د کلني پلان له مخې د سالنګ لویې لارې د جوړونې کار تکمیل شوی دی.
د طالبانو د بهرنیو چارو وزارت د ستراتیژیکو مطالعاتو مرکز رییس د دوحې فورم په ناسته کې ویلي، چې واک ته د طالبانو له رسیدو وروسته یو شمېر هېوادونه د افغانستان په اړه لا هم پخوانی امنیتي او د کړکېچ لید او ځینې هېوادونه بیا اقتصاد محوره لید لري.
په کونړ کې ځايي سرچینو افغانستان انټرنشنل ته وویل، چې تېره ورځ د طالبانو امربالمعروف محتسبانو لس تنه زده کوونکي د فراغت مراسمو کې پر جامو د ملي بیرغ رسمولو او لاسلیکونو له امله نیولي. په یوه را رسېدلې ویډیو کې ښکاری چې د طالبانو محتسبین نیول شوي زده کوونکي موټر ته پورته کوي.
د طالبانو د ۲۱۵ قول اردو قوماندان او په نیمروز کې د یادې ډلې سیمه ییزو مسوولینو له ایران او پاکستان څخه د قاچاقي صادراتو او وارداتو، غیر قانوني سفرونو د مخنیوي او امنیتي مسایلو په په تړاو د همغږۍ ناسته کړې ده.
د یادې ډلې د هند څانګې په خپل شپږ دقیقې نوي مستند « له دشت لیلې نه د کابل تر سوبې» کې هڅه کړې د طالبانو سقوط او پر کابل بیاتسلط او د جګړې اوږد مسیر په پاکستان، لیبیا، کشمیر، یمن، سوماليا او نورو ترهګرۍ او جګړو سره ښکیلو هېوادونو کې بوختو جنګیالیو ډلو ته د یوه موډل په توګه وښيي.
په بدخشان کې ځايي سرچینو افغانستان انټرنشنل ته وویل، چې د طالبانو یو شمیر امنیتي چاوراکي په دغه ولایت کې د نشه یي توکو د کښت او د کانونو غیرقانوني کیندنې د مخنیوي او له تاجکستان سره د پولې د امنیت ټینګولو په تړاو دغه ولایت ته سفر کړی.
د طالبانو د کورنیو چارو وزارت وايي چې د نشهيي توکو سره د مبارزې ځواکونو یې په ۷ ولایتونو کې نږدې سل تنه روږدي کسان راټول کړي او د درملنې لپاره یې روغتونونو ته لېږدولي دي.
د ملګرو ملتونو د ښځو ادارې (UN Women)وايي، له تېرو ۳میاشتو راهیسې د طالبانو له لوري د دوی د سازمان اړوند ښځینه کارکوونکې خپلو دفترونو ته نه دې پرېښودل شوي. وایي، دا بندیزونه د ژغورونکو مرستو د فلج کېدو خطر زیاتوي او هغو ښځو او نجونو ته چې تر ټولو ډېره اړتیا لري مرستې نهشي رسېدی.
د تېر جمهوري نظام پر مهال د چارو ادارې مشر فضل محمود فضلي وایي، د پاکستان پوځ له بریدونو سره د ځینو افغان سیاستوالو ملاتړ او د طالبانو لهخوا د ملتپالنې دعوې، دواړه «فریبکارانه روایتونه» دي. هغه وایي، د افغانستان د ستونزو ریښتینی حل یوازې د ولس ارادې کې دی، نه د پردیو په ټوپک.