آرشیف

لسګونو اروپایانو په بروکسل کې د اروپايي شورا مخې ته لاریونونه وکړل او د یادې شورا له مشرانو یې وغوښتل، چې پر غزې د اسراییل د بریدونو د بندېدو لپاره پرې بندیزونه ولګوي.

د افغانستان ډېری سیاستوالو د تېرې نیمې پېړۍ په ترڅ کې په نړۍوالو اړیکو په ځانګړي ډول له خپلو ګاونډیانو سره متزلزل او دوه‌مخې دریځونه لرل. دا غېر ثابت دریځونه د پټو استخباراتي اړیکو او شخصي ګټو پر بنسټ د لږو امتیازاتو په بدل کې و، چې له کلونو راهیسې د افغان ملت د ناکامۍ لامل شوی.

د روسیې ولسمشر ولادیمیر پوتین پرېکړه کړې، چې د اوکراین جګړه به تر هغه دوام ومومي، څو لوېدیځ هېوادونه د سولې لپاره د هغه شرایط و نه مني.

د سره صلیب د نړۍوالې کمېټې یوه لوړپوړي چارواکي خبرداری ورکړی، هغه افغان ماشومان چې له ایران څخه بېرته هېواد ته راستانه شوي، د افغانستان په پوله له جدي روغتیايي ستونزو، شدیدې ګرمۍ، کمزورو خدماتو او بشري ناورین سره مخ دي.

د سوریې پوځ زغره‌وال ګاډي او اکمالاتي موټر سوېدا ښار ته داخل کړي، څو د دروزو وسله‌والو او بدوي جنګیالیو ترمنځ د روانې اوونۍ تر نښتو وروسته امنیتي وضعیت کنټرول کړي.

د امریکا په متحده ایالاتو کې پرېنسټن پوهنتون اعلان کړی، چې یوه مهمه علمي او سیاسي ناسته به د افغانستان د اوسني وضعیت، په ځانګړې توګه د طالبانو له‌خوا پر ښځو او نجونو د لګول شویو محدودیتونو د اغېزو د ارزونې لپاره ترسره کړي.

د روسیې د بهرنیو چارو وزیر سرګي لاوروف د شانګهای د همکاریو سازمان د بهرنیو چارو وزیرانو له ناستې وروسته ویلي، چې په افغانستان کې د تلپاتې ثبات لپاره د ټولو قومونو او سیاسي ډلو ګډون په واک کې «یو اړین شرط» دی.

د بې پولې ډاکټرانو ټولنه وایي، چې په پاکستان کې پاتې افغانان د نیول کېدو له وېرې له داسې یوه حالت سره مخ دي، چې له امله یې روغتیايي خدماتو ته لاسرسی ورځ تر بلې ستونزمنېږي. دا وېره نه یوازې فزیکي روغتیا ته زیان رسوي، بلکې د افغان ټولنې رواني حالت یې هم سخت اغېزمن کړی.

د ۲۰۲۵ کال د جنورۍ څخه د جون میاشتې تر پایه پورې د افغانستان او پاکستان ترمنځ دوه اړخیزه سوداګري یو مېلیارد امریکایي ډالرو ته رسېدلې.

له کندهار ولایت څخه سرچینو افغانستان انټرنشنل - پښتو ته ویلي، چې د طالبانو د امر بالمعروف ریاست له لویو هوټلونو پرته په ټولو کوچنیو خوړنځیو، شېریخ‌خانو او ورته ځایونو کې د ښځو پر تګ بندیز لګولی دی. سرچينې وايي، چې په کندهار کې د ښځو پر ازاد تګ و راتګ بندیزونه ورځ تر بلې پراخېږي.

د روسیې د بهرنیو چارو وزیر سرګي لاوروف ویلي، چې د امریکا ولسمشر ډونالډ ټرمپ د اوکراین په تړاو خپلې وروستۍ څرګندونې د ناټو او اروپايي ټولنې تر سختو فشارونو لاندې کړې دي.

د پی بي اېس خبري اژانس د راپور له مخې، د اروپايي ټولنې لوړپوړي ډیپلوماتان وایي چې له اسراییل سره د یوې نوې هوکړې په اړه چې موخه یې غزې ته د بشري مرستو زیاتول دي، د پلي کېدو تازه معلومات غواړي.

د اېنډېپنډنټ ورځپاڼې یوه نوې څېړنه ښيي، چې د برېتانیا د دفاع وزارت له‌خوا د افغان پناه غوښتونکو د شخصي معلوماتو د افشا کېدو له امله، طالبانو لږ تر لږه ۱۷ کسان وژلي دي. دغه پناه غوښتونکي له هغو کسانو څخه و، چې د ناټو او برېتانیا له ځواکونو سره یې په افغانستان کې همکاري کړې وه.

د عمران خان پخوانۍ میرمنې ریحام خان د پاکستان جمهوري ګوند په نوم د نوي سیاسي ګوند اعلان کړی دی. ریحام خان وویل چې هغه به له نن څخه یو غورځنګ پیل کړي چې په پارلمان کې به د خلکو استازیتوب وکړي او خپل سیاسي حرکت به له کراچۍ پیلوي.

د هالنډ د بهرنیو چارو وزیر کاسپر فېلډکمپ د امریکا د ولسمشر ډونالډ ټرمپ د هغې پرېکړې هرکلی کړی، چې ویلي یې دي امریکا به د ناټو متحدینو ته د اوکراین د ملاتړ لپاره وسلې ورکړي. فېلډکمپ وویل: «موږ باید پر روسیې فشار زیات کړو».

د طالبانو د کرنې، اوبولګولو او مالدارۍ وزارت مرستیال صدراعظم عثماني وايي نړیوالې ټولنې د نشه يي توکو پر وړاندې د مبارزې په برخه کې خپلې ژمنې نه دي عملي کړې. هغه وویل:«بزګرانو ته د بدیل معیشت برابرول او د دغه بهیر د پیاوړتیا لپاره د ملاتړ سرچینې برابرول دوی نه دي پوره کړي».

اروپايي اتحادیې د ایران د حکومت د مخالفینو د وژنې هڅو په تور، پر اتو کسانو او یوې شبکې بندیزونه ولګول. د اتحادیې په وینا، «زندشتي شبکه» چې له ایراني استخباراتو سره تړاو لري، له هېواده بهر د ایران ددولت مخالفان په نښه کوي.

د پاکستان د پوځ د عامه اړیکو دفتر وايي چې د اندونیزیا دفاع وزیر جنرال جافري سجام سوالدین د سې شنبې په ورځ په راولپنډۍ کې د پوځ په مرکزي قوماندانۍ کې د پاکستان د پوځ له لوی درستیز فیلډ مارشال عاصم منیر سره وکتل او د پوځي اړیکو د پیاوړتیا په اړه یې خبرې وکړې.

د هند د بهرنیو چارو وزیر د شانګهای سازمان د بهرنیو چارو وزیرانو غونډه کې وویل، چې نړیواله ټولنه، په ځانګړي ډول د شانګهای سازمان غړي هېوادونه باید د افغانستان د پراختیایي مرستو په برخه کې خپلې هڅې زیاتې کړي. هغه زیاته کړه چې هند به له خپلې خوا بې له شکه دا کار کوي.

د روسیې بهرنیو چارو وزیر سرګي لاوروف ویلي، مسکو غواړي پوه شي چې د امریکا د ولسمشر ډونالډ ټرمپ د هغو څرګندونو تر شا څه انګېزه ده، چې ویلي یې دي روسیه باید د ۵۰ ورځو په موده کې له اوکراین سره د سولې تړون ته غاړه کېږدي.

د جولای میاشتې پر ۱۱مه د پښتونخوا د باجوړ ولسوالۍ مرکز خار کې د عوامي نېشنل ګوند یو مخکښ غړی او د نوموړي ګوند د دیني علماوو څانګې مسوول مولانا خانزیب هغه وخت ناپېژاندو کسانو د ټوپک په ډزو شهید کړ، چې هغه باجوړ کې د ولسي امن پاڅون لپاره د خلکو د خبرولو او رابللو کمپاین ته روان و.