د پاکستان د پوځ د عامه اړیکو څانګې (ISPR) خبر ورکړی، چې د بلوچستان په کویټې او کیچ کې د یو لړ عملیاتو پرمهال ۱۸ وسلهوال وژل شوي دي. د یادې ادارې په خبرپاڼه کې راغلي، چې دغه عملیات یې د استخباراتي معلوماتو پر بنسټ ترسره کړي.
پر ډیورنډ کرښه د لارو بندېدو له امله په پاکستان کې تر رومیانو وروسته اوس په تېرو څو ورځو کې د پیازو بیې هم په بېسارې توګه لوړې شوې دي. د پیازو بیه چې مخکې له ۱۱۰ تر ۱۲۰ پاکستاني کلدارو پورې وه، اوس د هر کیلو بیه ۲۲۰ کلدارو ته رسېدلې ده.
په لغمان ولایت کې د طالبانو د ټرافیکو مدیر حبیب الله مبارز وایي، چې بېګاه شپه د لغمان ولایت اړوند «سرخکانو چوک» ته نږدې د درېیو موټرو د ټکر له امله د یوې مېرمنې په ګډون ۳ کسه مړه او ۱۸ نور ټپیان شوي دي.
د افغانستان د ۱۷ کلونو څخه کم عمره د فوټسال ملي لوبډله به نن د ځوانانو د اسیا جام سیالیو په پایلوبه کې له ایران سره لوبه وکړي. دغه لوبه د کابل پر وخت د شپې په ۸:۳۰ بجو د بحرین په کوربهتوب پیلېږي.
د پاکستان د لومړي وزير سياسي سلاکار رانا ثناءالله ويلي، چې د اسلاماباد او طالبانو ترمنځ د خبرو اترو د دوام لپاره باید پر کابل د واکمنې ډلې ډاډ یو ځل بیا ترلاسه شي؛ څو مذاکرات یو ځل بیا پیل شي. هغه ټینګار کړی، چې د کړکېچ د حل لپاره خبرې یوازینۍ د حل لاره ده.
د امریکا ولسمشر ډونالډ ټرمپ د دغه هېواد دفاع وزارت ته امر کړی، چې سملاسي دې د اټومي وسلو ازموینه پیل کړي. هغه د امریکا دفاع وزارت ته دغه لارښوونه د چین له ولسمشر سره تر لیدنې وړاندې کړې ده.
د ایران د کورنیو چارو وزارت د امنیتي چارو مرستیال علي اکبر پورجمشیدیان ویلي، دوی د ایران له نورو ادارو سره په ګډه د روان کال له پیل څخه تر ۱.۵مېلیونه ډېر افغانان له خپل هېواده اېستلي دي. هغه وایي، له دې ډلې ډېری یې په خپله خوښه افغانستان ته ستانه شوي دي.
د امریکا ولسمشر ډونالډ ټرمپ او د چین ولسمشر شي جېن پېنګ د اقتصادي اړیکو د پیاړوتیا په موخه په سویلي کوریا کې له یو بل سره کتلي دي. که څه هم د یادې لیدنې او خبرو جزییات لا نهدي شریک شوي؛ خو ټرمپ وړاندې تمه ښودلې وه، چې د مهمو موضوعاتو په اړه به ګټورې خبرې ولري.
د افغانستان د مخکېني جمهوري نظام پر مهال د کانونو او پټرولیم وزیره نرګس نهان وایي، طالبانو په تېرو څلورو کلونو کې ښځې محرومې کړې او د جنسي توپیر سختدریځه تګلارې یې پرې پلي کړې دي. د هغې په وینا؛ طالبان د ښځو له ځواک څخه وېره لري او هڅه کوي ټولنیز حضور یې په بشپړه توګه ختم کړي.
د پاکستان د پنجاب ایالت د راولپېنډۍ ښار پولیسو خبر ورکړی، چې په دغه ښار کې د مېشتو بېاسناده افغانانو د نیولو عملیاتو پرمهال یې ۷۴ کسان نیولي دي. پولیسو د یوې خبرپاڼې په خپرولو سره ویلي، د عملیاتو پرمهال یې هغه پنځه پاکستانیان هم نیولي چې افغانانو ته یې کورونه په کرایه ورکړي وو.
تازه د برېټانیا حکومت اعلان کړی، چې د مېلیسا توپان له کبله د کارابین سیمې او په ځانګړې توګه د جامایکا هېواد له اغېزمنو سره د ۳۰۳ مېلیونه ډالرو په ارزښت مرستې کوي.
د ملګرو ملتونو د کډوالو عالي کمیشنرۍ راپور ورکړی، چې د روان کال د مارچ له ۱۲مې د نومبر تر ۲مې پورې ۲.۷۸ میلیونه افغان کډوال له ایران او پاکستان څخه هېواد ته ستانه شوي دي. د راپور له مخې، د افغانستان او پاکستان ترمنځ د وروستیو نښتو له امله لارې بندې او د راستنېدو بهیر ځنډېدلی دی.
د برازیل په ریو دو ژانیرو ښار کې د نشهیي توکو د مافیایي ډلو پروړاندې د پولیسو عملیاتو کې لږ تر لږه ۱۳۲ کسان وژل شوي دي. د یاد ښار اوسېدونکو د چهارشنبې په سهار لسګونه مړي چې د شپې یې موندلي وو، په واټونو کې یو په بل پسې کېښودل.
د برازیل په ریو دو ژانیرو ښار کې د پولیسو له تاریخي مرګوني عملیاتو وروسته د ملګرو ملتونو د بشري حقونو عالي کمیشنر وولکر ترک د برازیلي پولیسو په جوړښت او کړنلارو کې د بېړني، جامع او اغېزمنو اصلاحاتو غوښتنه وکړه.
د پاکستان د کورنیو چارو پخواني وزیر افتاب احمد خان شېرپاو ویلي، چې په استانبول کې د پاکستان او افغان طالبانو ترمنځ خبرې د ناکامۍ له سیوري سره مخ دي، چې دا د اندېښنې وړ او نازک وضعیت رامنځته کوي. نوموړي زیاته کړې، چې خبرې اترې د سولې ټینګښت او دوه اړخیزې اړیکې پیاوړې کوي.
پاکستانۍ رسنۍ خراسان ډایري د خپلو سرچینو له قوله خبر ورکړی، چې د پاکستان پلاوی له ترکیې څخه د وتلو پر مهال د کوربه هېواد په ټينګار خپل سفر ځنډولی. په خبر کې راغلي، دا سفر وروسته له هغه وځنډول شو چې طالبانو د خپل دریځ د بیا کتنې خبره کړې ده.
د بلوچستان پخواني ایالتي وزیر او د بلوڅ ملتپاله غورځنګ ملاتړي، تارا چند د امریکا له ولسمشر ډونالډ ټرمپ څخه غوښتي چې د بلوچستان د خپلواکۍ ملاتړ وکړي او دا سیمه له پاکستان څخه بېله کړي.
په کابل کې د ایران سفیر علي رضا بیکدلي وویل، چې د لومړي ځل لپاره افغانستان ته د ایران د تېلو صادرات د رېل له لارې ترسره شول. هغه د چهارشنبې په ورځ په یوه ویډیويي پیغام کې وویل، چې د رېل له لارې د تېلو لېږد د دواړو هېوادونو ترمنځ د اقتصادي همکارۍ لپاره یو مهم ګام دی.
د پاکستان د اطلاعاتو او رسنیو وزیر عطاءالله تارړ د چهارشنبې په ورځ په یوې مرکه کې وویل، چې د طالبانو رژیم د استانبول د څلور ورځنیو خبرو اترو د ناکامۍ مسوول دی. نوموړي ټینګار وکړ، که له افغانستان څخه د پاکستان پر ضد بریدونه وشي، نو اسلاماباد د ځان د دفاع حق لري.
طالبانو ته نږدې رسنۍ «المرصاد» د یوې ویډیو په خپرولو سره ادعا کړې، چې د طالبانو له خوا په افغانستان کې د داعش ډلې د نیول شویو پاکستاني غړو اعترافونو ته یې لاسرسی موندلی، چې دا په دې ډله کې د پاکستاني وګړو او په دغه هېواد کې د یادې ډلې د جذب او روزنې د مرکزونو شتون څرګندوي.
د طالبانو د المپيک، بدنې روزنې او سپورټ اداره وايي، چې د افغانستان والیبال ملي لوبډلې د مرکزي اسیا په سیالیو کې دویم مقام خپل کړی او نن هېواد ته راستنه شوه. ملي لوبډلې په دې سيالیو کې ۶ لوبې ترسره کړې، چې په درېیو بریاوو سره پایلوبې ته ولاړه