پښتون سیاستوال او د پاکستان د سنا پخوانی غړی افراسیاب خټک وایي، پر کندهار د پاکستان د تېرې شپې بریدونه له ګواښوونکي پیغام سره سره تر ډېره ننداریز وو. د هغه په وینا، د طالبانو بېپيلوټه الوتکو د جګړې څرنګوالی بدل کړی او پاکستان ته یې سرخوږی جوړ کړی دی.
د طالبانو د ریاستالوزرا اداري مرستیال عبدالسلام حنفي د دغې ډلې او پاکستان ترمنځ وروستیو نښتو ته په اشارې، له ګاونډیو او د سیمې له هېوادونو سره د متقابل درناوي پر بنسټ د ښو اړیکو غوښتنه کړې او ویلي یې دي، چې له هېچا سره جګړه نه غواړي.
د اروپا د فوټبال اتحادیې (یوفا) په دوحه کې د ارجنټاین او هسپانیې ترمنځ د بینالقارهيي سوپر جام (فینالیسیما) پایلوبه لغوه کړه. ټاکل شوې وه، چې دا لوبه د وري اوومه نېټه ترسره شي.
د خېبر پښتونخوا په لکي مروت کې د امن کمېټې غړی ملک نبيالله بنخېل د ناپېژندو وسلهوالو په ډزو کې ووژل شو. د ځايي سرچینو په وینا، دغه پېښه نن (یکشنبه د کب ۲۴مه) ماخوستن رامنځته شوې او بریدګر هم په تېښته بریالي شوي دي.
د روغتیا د نړۍوال سازمان مشر ویلي، چې په لبنان، عراق او سوریه کې د روغتیایي خدماتو د ملاتړ لپاره یې ۲ میلیونه ډالره بېړنۍ بودیجه ځانګړې کړې ده.
د افغان اېواک په نوم د افغانانو د بیامېشتېدنې د همغږۍ سازمان مشر شاون وان ډیور ویلي چې د امریکا د کډوالۍ او ګمرک ادارې په توقیف کې یو پخوانی افغان نظامي مړ شوی دی.
د اختر په رانږدې کېدو سره په بلخ ولایت کې د دولتي ښوونځي یو شمېر ښوونکي وايي، چې له تېرو دریو میاشتې راهیسې یې معاشونه ځنډېدلي دي. ښوونکي نیوکه کوي، چې په افغانستان کې د ښوونکي معاش کم دی خو بیا هم اړوندې ادارې ښوونکو ته پر وخت معاشونه نه ور کوي.
د امریکا ولسمشر ډونالډ ټرمپ خبرداری ورکړی چې کېدای شي د ایران د تیلو پر مهم صادراتي مرکز خارګ ټاپو نور بریدونه هم وکړي. هغه ویلي چې د جګړې د پای ته رسولو لپاره له تهران سره د هوکړې لپاره لا چمتو نه دی.
د طالبانو د کندهار ولایت مرکزي بندخونې ویاند، رفیع الله زاده، وایي چې د کوچني اختر د رارسېدو په مناسبت یې د دغه ډلې د مشر ملا هبت الله په امر ۲۰۱ تنه بندیان ازاد کړي او د ۳۹۳ کسانو د بند موده یې راکمه کړې ده.
په کندهار کې ځایي سرچینو افغانستان انټرنشنل ته وویل، چې د کندهار د ځانګړې قطعې قومندان حافظ حبیب د پاکستان د تېرې شپې په هوايي برید کې ټپي شوی دی. د سرچینو په وینا، له هوايي برید وروسته تېره شپه حافظ حبیب په ټپي حالت کې د کندهار مومند روغتون ته د درملنې لپاره لېږدول شوی دی.
د ملګرو ملتونو د ماشومانو د ملاتړ صندوق (یونیسف) وايي چې په ۲۰۲۵م کې د افغانستان د ښوونې کیفیت د لوړولو لپاره یې له ۵۴۰۰۰ څخه په ډیرو ښوونکو پانګونه کړې ده.
د اټک په بېلابېلو سیمو کې پولیسو داسې بنرونه لګولي چې د افغان کډوالو د نیولو لپاره د معلوماتو په بدل کې د ۱۰زره کلدارو د انعام ورکولو ژمنه پکې شوې ده. دا اقدام داسې مهال کېږي چې په پاکستان کې د افغان کډوالو د نیولو او ایستلو لړۍ په وروستیو میاشتو کې چټکه شوې ده.
د طالبانو دفاع وزارت اعلان وکړ، چې د جنوبي وزیرستان په مرکز واڼه کې یې د پاکستان د پوځ پر ځانګړي کمپ هوايي برید کړی دی. یاد وزارت ویلي، چې په برید کې یې د واڼه په پوځي کمپ کې دپاکستان د ځانګړو ځواکونو ودانۍ او نور مهم تاسیسات په نښه کړي دي.
د پاکستان د سند ايالت سترې محکمې د پښتون ژغورنې غورځنګ د مخکښ غړي علي وزير د خوشي کېدو ضمانت منلی، خو علي وزير لا هم د سکهر په زندان کې بندي دی. د علي وزیر نږدې دوستانو افغانستان انټرنشنل ته وویل، چې سبا د مارچ پر ۱۶مه هيله ده، علي وزير له زندانه خوشی شي.
په انقره کې د طالبانو سفیر د افغانستان او ترکیې ترمنځ د ډیپلوماتیکو اړیکو د ۱۰۵مې کلیزې په مناسبت د روژه ماتي یوه مېلمستیا کې ویلي، چې د کابل او انقرې ترمنځ اړیکې به په راتلونکې کې لا پراخې او پیاوړې شي.
د افغانستان د ملي امنیت پخواني رییس رحمتالله نبیل ویلي چې د طالبانو مشر مولوي هبتالله اخوندزاده د«استنجا او استنشاق» په څېر ډېرو وړو موضوعاتو په اړه هم فرمانونه صادروي، خو پر افغانستان د پاکستان د بریدونو او تېري پر وړاندې غلی دی.
د ملګرو ملتونو سرمنشي انتونیو ګوترېش ویلي چې مسلمانان د نړۍ په بېلابېلو هېوادونو کې له تبعیض، ټولنیزو او اقتصادي محرومیتونو او د کډوالۍ له مغرضانه تګلارو سره مخ دي. هغه دا څرګندونې له اسلام د وېرې(اسلاموفوبیا) پر ضد مبارزې نړېوالې ورځې په مناسبت کړې دي.
د طالبانو د بغلان ولایت د اطلاعاتو او کلتور ریاست اعلان کړی، چې په دغه ولایت کې یې دوه لرغونې سیمې کشف کړي، چې «تاریخي مخینه یې د کوشانیانو دورې ته رسېږي». دغه سیمې د بغلان د مرکز د ۸ او ۹ سړکونو په مسیر او د «چمقله» لرغونې سیمې په اوږدو کې پرتې دي.
د جنوبي وزیرستان امنیتي چارواکو ویلي، چې د واڼه زیړینور پنډغالي ته نږدې د پاکستان د پوځي کمپ په شاوخوا کې یې یوه بې پیلوټه الوتکه راغورځول شوې ده. د سیمې د پولیسو مسوول طاهرشاه په وینا، دغه ډرون الوتکه له ناڅرګند ځایه ورغلې وه او د کمپ شاوخوا یې الوتنې کولې.
د اوکراین ولسمشر ولادیمیر زېلېنسکي ویلي، روسیې یوازې په تېره یوه اوونۍ کې پر اوکراین د ۱۷۷۰ ډرون، تر ۱۵۳۰ ډېرو هدایتشویو هوايي بمونو او ۸۶ توغندیز بریدونه کړي چې په دې کې له شلو زیات یې بالستیک توغندي وو.
د سره صلیب نړۍوال فدراسیون د اسیا – پاسیفیک څانګې او د سرې میاشتې ټولنې اعلان کړی، چې په افغانستان کې د وروستیو نښتو له زیاتېدو وروسته پکتیکا ولایت ته د بېړنیو مرستو او سرپناه توکي لېږي؛ څو له زیانمنو کورنیو سره مرسته وشي.