افغان کرېکټ ملي لوبډلې د درېیو یو ورځنیو سیالیو د لوبلړۍ په لومړۍ لوبه کې بنګلهدېش لوبډلې ته ماتې ورکړه. افغان اتلانو د بنګلهدېش له لوري ورکړل شوی د ۲۲۲ منډو هدف ترلاسه او ورسره یو د صفر پر وړاندې مخکې شول. دغه سیالۍ د چهارشنبې په مازدیګر پیل او تر نیمې شپې یې دوام وکړ.
د امریکا ولسمشر ډونالډ ټرمپ د چهارشنبې په ورځ اعلان وکړ، چې دی د غزې جګړې د پای ته رسولو لپاره د یوه سولهییز تړون د نهایی کېدو په درشل کې دی او کېدای شي چې په نږدې ورځو کې منځني ختیځ ته سفر وکړي.
یونېسف او یونسکو په یوه ګډ راپور کې خبرداری ورکړی، چې د افغانستان د زدهکړې نظام له جدي ناورین سره مخ دی. دغه بنسټونه وايي، په افغانستان کې نه یوازې نجونې، بلکې هلکان هم له تعلیمي محرومیت او د زدهکړې له ټیټ کیفیت سره مخامخ دي.
په کابل کې د قطر سفیر میردف علي القشوطي د چهارشنبې په ورځ (د تلې ۱۶مه) د طالبانو د چاپېریال ساتنې ادارې له ريیس مطیعالحق خالص سره په کتنه کې وویل، د اقلیم بدلون یو نړۍوال ګواښ دی او نه ښايي اقلیمي او ټولنیزو موضوعاتو ته سیاسي رنګ ورکړل شي.
د قزاقستان د ټرانسپورټ وزارت د مرستیال په مشرۍ یوه پلاوي د طالبانو د کانونو او پټرولیم وزارت له سرپرست هدایت الله بدري سره په کتنه کې وړاندیز وکړ، چې د کان په بدل کې په افغانستان کې د رېل پټلۍ یوه برخه جوړوي. طالبانو بیا ویلي، چې د قانون لهمخې همکارۍ ته چمتو دي.
د خېبرپښتونخوا اعلی وزیر علي امین ګنډاپور د عمران خان د لارښوونې له مخې له خپلې دندې استعفا وکړه. نوموړي په خپل استعفا لیک کې لیکلي، دا د ده لپاره د ویاړ ځای دی چې د تحریک انصاف ګوند د بنسټګر او خپل مشر عمران خان د امر په درناوي د اعلی وزیرۍ له څوکۍ استعفا کوي.
د طالبانو د کډوالو او راستنېدونکو چارو وزارت سرپرست مولوي عبدالکبیر د دغې ډلې له درېیو نورو چارواکو سره په کتنه کې د افغان کډوالو د ستونزو د حل په اړه ویلي، چې د راستنېدونکو او په بهر کې د مېشتو افغان کډوالو د ستونزو د حل لپاره یې چمتووالی نیولی دی.
په خېبرپښتونخوا کې د پاکستاني طالبانو د تېرې شپې په بریدونو کې د ۱۱ پاکستاني پوځیانو تر وژل کېدو وروسته، د دغه هېواد پوځ ویلي چې دا برید د هند د استخباراتو په ملاتړ «ټيټيپي» کړی دی. خو «لانګ وار ژورنال» ویلي، چې اسلاماباد د هند په تورنولو سره غواړي ځان له مسوولیت څخه خلاص کړي.
د طالبانو د عامې روغتیا وزیر مولوي نور جلال جلالي په افغانستان کې د ایران له سفیر علي رضا بیکدلي سره په کابل کې د لیدنې پر مهال د افغان روغتیايي کارکوونکو د ظرفیت لوړونې، د درملو او طبي وسایلو د وارداتو او د کابل او بامیان روغتونونو د جوړېدو پر لارو چارو خبرې کړې دي.
افغان ورو توپ اچوونکي راشدخان نن د چهارشنبې په ورځ، د بنګله دېش کرېکټ ملي لوبډلې په وړاندې په توپ اچوونه کې درې ویکټې واخیستې او په دې سره لومړنی افغان توپ اچوونکی شو، چې په یو ورځنیو سیالیو کې یې ۲۰۲ ویکټې بشپړې کړې.
د طالبانو برېښنا شرکت عمومي اجراییوي رییس له ترکمن پلاوي سره په ګډه تخنیکي ناسته کې د هغو برېښنايي پروژو پر پرمختګ خبرې کړې دي، چې له مخې به یې د ترکمنستان برېښنا د افغانستان له لارې پاکستان ته ولېږدول شي.
د طالبانو د صنعت او سوداګرۍ وزیر نورالدین عزیزی نن چارشنبه (د تلې ۱۶مه)د ازادو زونونو د نړیوال سازمان په یوولسم کانګرس کې د ګډون لپاره چین ته لاړ.
د طالب چارواکو د محاکمې لپاره د افغان مېرمنو ولسي محکمه چې موخه یې د طالبانو لهخوا پر افغان ښځو او نجونو د ترسره شویو سیستماتیکو جنایتونو مستندول او نړۍ ته ښودل دي، د عدالت په برخه کې یو بې ساری ګام دی. عدالت که د مادرید له یوې کوټې هم پیل شي، د تاریخ لوری بدلولی شي.
په بلخ کې د طالبانو والي محمد یوسف وفا په کندها کې د ۳۴ والیانو او ولسوالانو په غونډه کې ویلي، چې «هېڅ دښمن» ته به اجازه ورنه کړي چې د دې ډلې حکومت او امیر ته زیان ورسوي. نوموړي ویلي، له خپل امیر سره یې تر مرګه بیعت کړی.
د افغانستان د ازادو رسنیو د ملاتړ بنسټ «نی» د ملګرو ملتونو د بشري حقونو شورا له نوي پرېکړهلیک څخه هرکلی کړی او له ملګرو ملتونو یې غوښتي چې د ترهګرو ډلو لپاره د لابي کولو عمل باید جرم وبلل شي.
د انټرنېټ څار نړیوال سازمان نېټ بلاکس خبر ورکړی، چې د دوی د څارونکو معلوماتو له مخې، په افغانستان کې د ټولنیزو رسنیو کارول محدود شوي دي. دغه سایټ ویلي، چې په افغانستان کې د انسټاګرام، فیسبوک او سناپ چټ کارول پر نوري فایبر د طالبانو د تېرې اونۍ له بندیز وروسته محدود شوي دي.
د طالبانو بهرنیو چارو وزیر مولوي امیر خان متقي له مسکو وروسته، د هند د بهرنیو چارو وزیر په رسمي بلنه نوي ډیلي ته لاړ. د یادې ډلې د بهرنیو چارو وزارت وايي، متقي به له خپل هندي سیال او یو شمېر نورو لوړپوړو هندي چارواکو سره پر سیاسي، اقتصادي او تجارتي اړیکو وغږیږي.
د واردیدونکو تېلو لپاره د طالبانو د نویو معیارونو له امله د ایران او عراق سلګونه تېل وړونکي ټانکرونه له تېرو دریو میاشتو راهیسې پر پوله بند پاتې دي. د تېلو یادو ټانکرونو ته د طالبانو له خوا افغانستان او یا هم بېرته ایران ته د تګ اجازه نه ورکول کېږي.
د پاکستان د جمعیت علمای اسلام مشر د افغانستان انټرنشنل یوې پوښتنې ته په ځواب کې وویل، چې پاکستان په تېرو شلو کلونو کې جنګیالیو ته ځای ورکړی و او له همدې ځایه امریکا ته د بمباریو لپاره اډې ورکړل شوې. هغه وویل، چې بې ثباته افغانستان هیڅکله د پاکستان په ګټه نه دی.
طالبانو ویلي، چې تېره ورځ د افغانستان په شمال کې د دې ډلې د ۲۰۹ قول اردو قوماندان ملا رحمت الله محمد له ازبکستان او تاجکستان سره پر پوله د طالبانو د سرحدي پوستو وضعیت څارلی دی.
د پاکستان تحریک انصاف ګوند د خیبر پښتونخوا په مشرۍ کې پر بدلون غور کوي او امکان شته چې اعلی وزیر علي امین ګنډاپور له دندې لرې او پر ځای یې سهیل اپریدی وټاکل شي. د ګوند مشرانو تراوسه په رسمي دول په دې اړه څه نه دي ویلي.