د پنجاب اعلی وزیرې مریم نواز د دوشنبې په ورځ وویل، د خېبرپښتونخوا اوسېدونکي لا هم د "ډبرو زمانه" کې ژوند کوي او د دغه ایالت حکومت د ټکنالوژۍ په عصر کې د پرمختګ لپاره هېڅ ګام نه دی پورته کړی. هغې زیاته کړه، چې د خېبرپښتونخوا خلک له پرمختګ څخه بېبرخې پاتې دي.
په جنیوا کې د افغانستان استازي نصیر احمد اندېشه د طالبانو پر ډېری مشرانو تور ولګاوه، چې هغوی «په جلا نړۍ کې ژوند کوي» او داسې انګیري، چې د افغانستان او نړۍ د ۲۱مې پېړۍ له خلکو سره خبرې نه کوي، بلکې د لومړۍ پېړۍ په څېر د «پیرانو» یوې ټولنې ته وعظ کوي.
د پاکستان د عوامي نشنل ګوند مشر اېمل ولي خان په باجوړ کې د نن شپې چاودنې ته په اشارې سره ویلي، چې د پاکستان ایالتي او مرکزي حکومت په پښتونخوا کې د ترهګریزو پېښو په مخنیوي کې پاتې راغلی. هغه زیاته کړې، چې د پاکستان حکومت ته د پښتنو د ژوند او مال ساتنه لومړیتوب نه لري.
د هلمند لپاره د طالبانو د رسنیو دفتر ویلي، په دغه ولایت کې د طالبانو د امربالمعروف، نهې عن المنکر او شکایتونو اورېدو وزارت د توشېح شوي قانون د ښه تنفیذ په موخه جوړې شوې کمېټه کې یې هغو کسانو ته چې ږیرې خرېيي، د شرعي تغزیر ورکړې خبرداری ورکړی.
د جرمني د مالیې وزیر لارس کلینګبایل د دوشنبې په ورځ وویل، چې اروپایي ټولنه په یوه مهمه څنډه کې ولاړه ده او د دې اتحادیې هېوادونه باید د خپلو ملي ګټو تر شا پټ پاتې نهشي، بلکې باید د پرېکړو کولو او پرمختګ بهیر ګړندی کړي، ترڅو د اروپا نفوذ او واکمني لا پیاوړې شي.
د پاکستان د پخواني لومړي وزیر عمران خان زامن وايي، زندان کې د خپل پلار د روغتيايي حالت د خرابېدو په اړه سخت اندېښمن دي او د هغه د ليدنې لپاره يې د پاکستان د وېزې غوښتنه کړې ده. هغوی له پاکستاني چارواکو غوښتي، چې تر دوو کلونو زياتې جلاوالي وروسته دې ورته د پلار د ليدو اجازه ورکړي.
د بدخشان د راغستان ولسوالۍ په یوه کان کې د چاودنې له امله ۲ کان کېندونکي مړه او ۲ نور ټپيان شوي دي. د دغه ولایت لپاره د طالبانو د امنیه قومندانۍ ویاند وايي، د پېښې د رامنځته کېدو لامل لا تراوسه نهدی مشخص شوی، خو په اړه یې د څېړنو له دوام څخه خبر ورکړی دی.
افغانستان د څو بهرنیو مداخلو او جګړو کوربه پاتې شوی، خو له زیانونو سره، هېڅ حاکم نهدی توانېدلی چې د جنګي غرامت موضوع راپورته کړي. داخلي بېثباتي، کمزوری دولتي بنسټ، پټ توافقات او نړۍوالې انزوا همېشه خاموشي خپره کړې. دا یو تاریخي درس او د افغانستان د انزوا تکرارېدونکی سرنوشت دی.
د ناروې پولیسو د هغه ۲۸ کلن افغان کډوال د هویت په اړه معلومات خپاره کړي، چې د سلواغې په ۱۹مه نېټه په دغه هېواد کې وژل شوی و. پولیسو د وژل شوي ځوان نوم محمد طارق وزیري ښودلی دی.
د افغانستان د مخکېني جمهوري نظام د ملي امنیت سلاکار رنګین دادفر سپنتا د امریکایي سناتور لینډسي ګراهام د وروستیو څرګندونو په غبرګون ویلي، چې نوموړی ایران ته د "ازادۍ" راوستلو خبره کوي، خو پخوا یې په افغانستان کې د لا ډېرو زندانونو د جوړولو غوښتنه کوله.
د طالبانو تر کنټرول لاندې د ملي پراختیا شرکت رييس عبدالرحمان عطاش په مشرۍ یو پلاوی بېلاروس ته په رسمي سفر تللی دی. دغه پلاوي د بېلاروس د بهرنیو چارو وزارت له مرستیال سره په کتنه کې د صنعتي چارو په تړاو د همکاریو پر پیاوړتیا ټينګار کړی دی.
په افغانستان کې د کورنۍ د تنظیم نړیوال سازمان ډيکېټي مسوولان وايي، چې د طالبانو له بندیزونو سره سره، په ۲۰۲۴ کال کې د دوی د کورنۍ د تنظیم خدماتو له لارې د ۲۹۸ زره ناغوښتو امیندواریو مخه نیول شوې. وړاندې داسې رپوټونه ورکړل شوي وو چې طالبانو د زیږون د مخنیوي فعالیتونه بند کړي.
روغتیايي سرچینو الجزیرې ته ویلي، چې د یکشنبې په ورځ د غزې په تړانګه کې د اسراییل په تازه بریدونو کې لږ تر لږه ۱۱فلسطینیان وژل شوي دي. د دغو تلفاتو له زیاتېدو سره، د اکتوبر میاشتې راهیسې د اوربند له پیل وروسته د وژل شویو فلسطینیانو شمېر تر ۶۰۰اوښتی دی.
د خیبر پښتونخوا ایالت د باجوړ ولسوالۍ د ماموند په ملنګي سیمه کې د یوې پخوانۍ دیني مدرسې په ودانۍ کې پر امنیتي پوسته ځانمرګی موټربم برید شوی. سیمه ییز چارواکي وايي، چې په دې ودانۍ کې د پاکستان امنیتي ځواکونه اوسېدل او تر اوسه د اوو تنو مړي د پېښې له ځایه اېستل شوي.
د تاجکستان لوی څارنوال حبیبالله واحدزاده ویلي چې له افغان خاورې څخه د تاجکستان پر سرحدي سیمو شوي بریدونه، چې په پایله کې یې دوه تاجک پولهساتونکي او پنځه د چین وګړي ووژل شول، د هغو جنایي ډلو کار دی چې غواړي «زموږ اړیکې د چین له حکومت سره خرابې کړي».
د ایران د سرحدي ولسوالۍ تایباد ولسوال وايي، ایراني ځواکونو ۳۰۰ غیر قانوني افغان کډوال چې د ایران او افغانستان د ګډې پولې په شمال ختیځ کې د ورښت او سړې هوا له امله بند پاتې وو، ژغورلي دي.
د طالبانو د ټولګتو چارو وزارت وایي، چې د ملا هبت الله د فرمان پر بنسټ یې۱۰۰جریبه ځمکه د کابل ولایت په قصبې سیمه کې د صادراتي محصولاتو د پروسس په موخه د صنعت او تجارت وزارت مرستیال، مولوي شهاب الدین ثاقب په شتون کې یاد وزارت ته سپارلې ده.
د اټومي انرژۍ نړیوالې ادارې عمومي مشر رافایل ګروسي وایي چې د ایران د بهرنیو چارو له وزیر سید عباس عراقچي سره یې ژورې او تخنیکي خبرې پای ته رسېدلي دي.
د افغان مېرمنو د حقوقو د څار بنسټ د ارسا سازمان په همکارۍ د ۲۰۲۵م کال لپاره خپل کلنی راپور وړاندې کړ، چې په کې د ښځو او نجونو د حقونو د سرغړونو ۴۱۱قضیې ثبت او مستند شوي دي. په دې راپور کې شاوخوا ۳۰۰قضیې مستقیم تشدد ښيي چې د طالبانو لخوا ترسره شوې.
د امریکا پخواني ولسمشر بارک اوباما په یوه پوډکاسټ کې ویلي چې د ځمکې څخه بهر فضایي مخلوقات ریښتیا دي خو هغه یې نه دي لیدلي. اوباما ویلي، چې هغه ځمکې ته د فضايي مخلوماتو د راتګ هیڅ په اړه شواهد نه دي لیدلي.
د قزاقستان د بهرنیو چارو وزارت ویلي، چې د منځنۍ اسیا هېوادونو ځانګړو استازو د افغانستان د اقتصادي او امنیتي مسایلو په اړه ځانګړې ناسته، نن د یکشنبې په ورځ د سلواغې په ۲۷مه په یاد وزارت کې ترسره شوې ده.