آرشیف

د امریکا ولسمشر ډونالډ ټرمپ د یوه خبریال د پوښتنې په ځواب کې ویلي، که تهران د واشنګټن له برید څخه ځان ژغورل غواړي، نو یوې نوې معاملې ته دې غاړه کېږدي.

د امریکا ولسمشر ډونالډ ټرمپ یو ځل بیا له افغانستان څخه د دغه هېواد د ځواکونو د وتلو بهیر او څرنګوالي په تړاو د پخواني ولسمشر جو بایډن تګلاره غندلې ده. ټرمپ ویلي، له افغانستان څخه د امریکایي ځواکونو وتل د «شرم وړ» کار وو.

د برېتانیا لومړي وزیر کې‌یر سټارمر د مونیخ په امنیتي کنفرانس کې ویلي، هېواد یې چمتو دی، چې له اروپا سره په دفاعي برخو کې نږدې همکاري وکړي، څو په ناټو کې پر امریکا د اروپا تکیه راکمه شي.

د افغانستان د جمهوري نظام د پخواني ولسمشر مرستیال امرالله‌ صالح وایي، چې د ازبکستان یو هوايي شرکت طالبانو ته د امریکا حکومت د نغدو پیسو د لېږد مسوولیت پر غاړه لري. هغه ویلي، د سلواغې په ۲۰مه همدې شرکت ۴۹ میلیونه ډالره نور هم کابل ته لېږدولي دي.

ملګرو ملتونو ویلي، چې له ۲۰۲۳ کال راهیسې له ګاونډیو هېوادونو څخه ۵،۵ میلیونه افغان کډوال په جبري توګه ستانه کړل شوي، چې له امله یې په افغانستان کې د مرستو سیستم له سخت فشار سره مخ شوی دی.

نیویارک ټایمز راپور ورکړی، چې د امریکا د جګړې وزارت یا پنټاګون له ایران سره د احتمالي جګړې لپاره چمتووالی نیسي. د راپور له‌مخې، په داسې حال کې چې د امریکا او ایران ترمنځ ډیپلوماټیکې خبرې روانې دي، پنټاګون خپل پوځي چمتووالی پیاوړی کړی دی.

د امریکا کانګرس ویلي، چې د ټرمپ ادارې پنځو داسې هېوادونو ته چې په ځینو کې یې د نړۍ فاسد «رژیمونه» هم حاکم دي د ۳۰۰ اخراج شویو کډوالو د منلو لپاره ۳۲ میلیونه ډالره ورکړي دي.

د پاکستان د جمعیت علمای اسلام مشر مولانا فضل‌الرحمان وايي، چې په افغانستان کې د روسیې او چین پانګونې د امریکا لپاره په هېڅ صورت کې د منلو وړ نه‌دي او واشنګټن غواړي، چې په دې برخه کې له پاکستان څخه د «پراکسي» په توګه استفاده وکړي.

د غزې د ملکي دفاع ادارې ويلي، چې شاوخوا ۸ زره مړي لا هم د غزې تړانګې په بېلابېلو سيمو کې د نړېدلو ودانيو تر کنډوالو لاندې پاتې دي. د دغې ادارې وياند وایي، تر ۳ زرو زيات کسان لا هم نادرکه دي او د هغوی د برخليک په اړه هېڅ ډول کره معلومات نشته.

د تېر جمهوري نظام د دفاع وزارت سرپرست شاه محمود میاخېل وایي، د ملګرو ملتونو د امنیت شورا له‌خوا پر طالبانو د بندیزونو څار ډلې ماموریت غځېدل پر کابل واکمنې ډلې او هېواد لپاره «منفي څراغ» دی. هغه زیاته کړې، د دغه ماموریت تمدید په دې معنا دی چې نړۍ د افغانستان وضعیت ته اندېښمنه ده.

په ننګرهار کې د طالبانو رسنیز دفتر ویلي، چې د اتحاد روغتیایي خدمتونو موسسې په نوم یوه مرستندویه بنسټ له پاکستان څخه ۱۰۰۰ راستنو شویو کورنیو ته د خوراکي توکو د وېش بهیر پیل کړ. یاد دفتر زیاتوي، دغو مرستو کې لوبیا، وریجې، اوړه، دال، بوره او غوړي شامل دي.

د ایران د نفت وزارت د نړۍوالو او سوداګریزو چارو مرستیال په کابل کې د طالبانو د تېل او ګازو د دولتي شرکت له مشر سره کتلي او د دواړو هېوادونو ترمنځ د اوږدمهاله همکاریو د پراختیا په تړاو یې خبرې کړې دي.

د اوکراين ولسمشر ولادیمیر زېلېنسکي وايي، چې د مونيخ د امنيتي غونډې په څنډه کې د ايران له وروستي ولیعهد رضا پهلوي سره ليدنه کړې ده. زېلېنسکي ويلي، په دې کتنه کې د ايران د اوسني حالت، د دغه هېواد د خلکو د اړتياوو او له هغوی سره د ملاتړ پر لارو چارو خبرې شوې دي.

د افغانستان لپاره د برېتانیا ځانګړي استازي ریچارډ لېنډسي د راډیو نړۍوالې ورځې په مناسبت ویلي، د افغانستان لپاره خپلواکې رسنۍ ډېرې مهمې دي.

طالبان وایي، د روان ۱۴۰۴ لمریز کال له پیل څخه تر اوسه څه باندې ۱۳ زره تاریخي اثار له بېلابېلو سرچینو څخه د افغانستان ملي موزیم ته لېږدول شوي دي.

د پاکستان د سرو زرو او قیمتي ډبرو ټولنې خبر ورکړی چې د سرو زرو د هرې تولې بیه د ۸۶۰۰ روپیو په کموالي سره ۵۱۹ زره او ۹۶۲ روپیو ته راښکته شوې ده. همدارنګه، د لس ګرامه سرو زرو بیه هم د ۷۳۷۳ روپیو په راټیټېدو سره ۴۴۵ زره او ۷۸۳ روپیو ته ټیټه شوې ده.

د طالبانو له‌خوا پر ازادو رسنیو له سختو محدودیتونو سربېره د راډیو په نړۍواله ورځ په کابل کې د «ادې» په نوم یوې خصوصي راډیو په فعالیت پیل وکړ.

د پاکستان د بشري حقونو شورا د دغه هېواد د پخواني لومړي وزیر او د تحریک انصاف ګوند مشر عمران خان د خراب روغتیايي حالت په اړه ژوره اندېښنه څرګنده کړې ده. تر دې وړاندې د عمران خان وکیل ویلي و، چې د هغه ښۍ سترګه ړندېدو ته نږدې ده.

د طالبانو تر واک لاندې د چاپېریال ساتنې ملي ادارې ویلي، چې د نیالګیو کېنولو ملي کمپاین یې د ننګرهار په پچیراګام ولسوالۍ کې پیل کړی او سږکال به د هېواد په ټولو ولایتونو کې ۱۷ میلیونه نیالګي کېنول شي.

د ملګرو ملتونو د کډوالو چارو عالي کمېشنرۍ اعلان کړی چې د ۱۴۰۲ کال د تلې میاشتې راهیسې تر اوسه له ګاونډیو هېوادونو څخه له ۵،۴ میلیونو ډېر افغان کډوال بېرته هېواد ته راستانه شوي دي. دوی ویلي، چې د راستنېدونکو او بې‌ځایه شوو د ملاتړ لپاره ۲۱۶ میلیونو ډالرو بېړنۍ مرستې ته اړتیا ده

د ترکیې په ادرنه ښار کې سرحدي ځواکونو د عملیاتو په ترڅ کې لږ تر لږه ۱۸افغان کډوال نیولي، چې د اروپا پر لور یې د غیرقانوني تګ هڅه کوله. د معلوماتو له مخې دغه نیول شوي افغانان وروسته له اداري چارو بشپړولو، د اړوند ښار د کډوالو ادارې ته د اخراج لپاره سپارل شوي دي.