د پاکستان ډان ورځپاڼې راپور ورکړی، چې د چهارشنبې په ورځ په کشمیر کې د پاکستاني پولیسو او وسلهوالو ترمنځ په نښته کې شپږ کسان وژل شوي او پنځه نور ټپیان دي. د راپور له مخې؛ په وژل شویو کسانو کې څلور وسلهوال او دوه پاکستاني پولیس شامل دي.
په روسیه کې د طالبانو سفیر جمال ناصر غروال ویلي، د مسکو په ناسته کې د دغه ډلې ګډون ځکه مهم دی چې افغانستان د سیمې او نړۍوال امنیت سره تړلی هېواد دی.
د افغانستان ۱۷ کلنو د فوټبال ملي لوبډلې د کافا جام سیالیو په لړ کې تېره ورځ د تاجکستان پر وړاندې د ۳-۰ په توپیر ماتې وخوړه. دغه لوبه تېره ورځ د تاشکند په کوربهتوب ترسره شوه.
د سپینې ماڼۍ یوه چارواکي وویل، چې له حکومت څخه د اېلان ماسک د وتلو خبر "سم" دی او «د هغه د رسمي وتلو بهیر به له نن شپې پیل شي.»
د امریکا دفاع وزیر پېټ هېګسټ د لومړي ځل لپاره د اسیا په یوې لویې امنیتي غونډه کې ګډون کوي. نوموړی غواړي، چې اسیايي هېوادونو ته ډاډ ورکړي چې امریکا د چین په پرتله د دوی یو ډېر باوري شریک دی.
په پانامه کې مېشت افغان کډوال وایي، چې د مرکزي امریکا لهخوا دوی ته د ورکړل شویو استوګنې اسنادو د مودې له پای ته رسېدو سره له نامعلوم برخلیک سره مخامخ دي.
د ایران ولسمشر مسعود پزشکیان له عمان ټلوېزیون سره په مرکه کې وویل، دغه هېواد د سولهییزو موخو لپاره د یورانیمو له غني کېدو نه تېرېږي. نوموړی د سولهییزې اټومي انرژۍ د کارونې په برخه کې د ایران پر حق ټینګار کوي او وایي: «که هغوی غواړي ډاډ ترلاسه کړي، هر ډول همکاریو ته چمتو یو.»
رویټرز د دوو ایراني سرچینو په حواله راپور ورکړی، چې ښايي ایران په لنډمهالي ډول د یورانیمو غنيکېدل په دې شرط ودروي، څو متحدهایالات د دغه هېواد کنګل شوې شتمنۍ ازادې کړي او د ملکي موخو لپاره د تهران د یورانیمو د غنيکېدو حق په رسمیت وپېژني.
الجزیزې نړۍوالې ټلوېزیوني شبکې په افغانستان کې د خوارځواکو ماشومانو وضعیت ډېر ناوړه بللی دی. دې شبکې په کونړ ولایت کې د څو خوراځواکو ماشومانو له کورنیو سره مرکې کړي چې هغوی له ناسم اقتصادي وضعیت نه کړېږي.
د افغانستان لپاره د امریکا پخواني استازي زلمي خلیلزاد له افغانستانه بهر د طالبانو د «جهاد نه کولو اقدام» ستايلی دی. د طالبانو یوه غړي دوه ورځې وړاندې په یوې غونډه کې ویلي و، چې «د جهاد په نیت له هېواده بهر تلل نه شته او که څوک د امیر د امر سرغړونه کوي غاړې يې بندې دي.»
د بشري حقونو پنځو نړۍوالو بنسټونوپه یوه پرانیستي لیک کې د شهباز شریف په مشرۍ د پاکستان له حکومته غوښتنه کړې، چې په بلوچستان کې د بشري حقونو د فعالانو ځپل پای ته ورسوي.
خراسان ډایري د خپلو سرچینو له قوله خبر ورکړی، چې د تحریک طالبان پاکستان په یوه برید کې د یوه پاکستاني افسر په ګډون ۴ پوځيان وژل شوي او ۷ نور یې ټپيان دي. ټي ټي پي د پاکستاني پوځيان د بلاک ډلې پر یوې پوستې لومړی ډرون او وروسته وسله وال برید کړی.
د خبریالانو د خونديتوب کمېټې او ۱۴ نورو بنسټونو په یوه ګډه اعلامیه کې له پاکستاني حکومته غوښتي، چې د افغان خبریالانو او هغه کسانو چې له ګواښ سره مخ دي، له پراخ شړلو ډډه وکړي.
له خوست نه ولسي سرچینې افغانستان انټرنشنل-پښتو ته خبر ورکوي، چې د دغه ولایت په ټنیو ولسوالۍ کې د دوو کورنیو ترمنځ د نښتې په ترڅ کې د دوو ښځو په ګډون پنځه کسان وژل شوي دي.
د ایران د کورنیو چارو وزارت وایي، چې د ټولو افغان کډوالو د سرشمېرنې پاڼې باطلې شوې دي او ټول غیر قانوني کډوال باید د چنګاښ میاشتې له ۱۵مې نېټې وروسته له دغه هېواده ووځي. نوموړي زياته کړې، چې دا مهال په ایران کې ۶ مېلیونه او ۱۰۰ زره افغان کډوال اوسېږي.
د پاکستان د پنجاب ایالت د پلټنې څانګې د یوه راپور پر بنسټ، د دغه هېواد په ۱۲ ولسوالیو کې د پولیسو له زېرمو څخه د څه باندې ۲۴۵ مېلیونه پاکستاني روپیو په ارزښت وسلې او مهمات نادرکه شوي دي.
د طالبانو مرستیال ویاند حمدالله فطرت د روسیې د دفاع وزیر وروستیو څرګندونو ته په غبرګون ویلي، چې په افغانستان کې هېڅ خپلسرې ډله شتون نه لري. د نوموړي په وینا، د شلو ترهګرو ډلو د شتون مفکوره د امریکا د «اشغال» پر مهال رامنځته شوې وه
د امریکا ولسمشر ډونالډ ټرمپ د اسراییل لومړي وزیر ته خبرداری ورکړی، چې د ایران او امریکا ترمنځ د اټومي خبرو اترو بهیر ګډوډ نه کړي. نوموړي په یوه خبري کنفرانس کې ویلي: «په اوس وخت کې د داسې یوه اقدام وخت نه دی، ځکه مونږ ایران سره یوې حل لارې ته نږدې شوي یو.»
د طالبانو د صنعت او سوداګرۍ وزارت وايي، د دغې ډلې د سوداګرۍ وزیر نورالدین عزیزي په مشرۍ پلاوی په استانه نړۍوال فورم کې د ګډون په موخه قزاقستان ته ولاړ. د طالبانو په دغه پلاوي کې د ټولګټو وزارت د اورګارډي معیین او د دولتي شرکتونو مشر هم شامل دي.
د اسراییل لومړی وزیر بنیامین نتنېاهو د چهارشنبې په ورځ (د غبرګولي ۷مه) اعلان وکړ، چې د حماس ډلې مشر محمد سنوار چې د دغې ډلې د پخواني مشر یحیی سنوار کشر ورور و، د اسراییلي پوځ په هوايي بریدونو کې وژل شوی دی.
د افغانستان انټرنشنل د "جیش العدل؛ څنګه د طالبانو او ایران اړیکې ژورېږي؟" تر سرلیک لاندې څېړنیز راپور کې راغلي، چې د جیش العدل ډلې غړو امریکایي سپکو وسلو ته لاسرسی پیدا کړی دی.