آرشیف

د رومانیا د ملي دفاع وزیر رادو میروتا د ټرمپ له څرګندونو سره هممهاله د دوشنبې په ورځ له هغو رومانیايي سرتېرو سره وکتل چې په افغانستان او عراق کې ټپیان او معلول شوي دي.

د طالبانو رییس الوزرا د بحرين د نويو ځوانانو اسيايي سياليو او د سعودي عربستان د اسلامي هېوادونو د پيوستون سياليو څخه مډال ګټونکي افغان ورزشکاران د ځانګړې غونډې پر مهال په ډالیو وستایل. په دې ډالیو کې موټر او موټرسایکلونه شامل وو.

د طالبانو په ولکه کې د افغانستان برېښنا شرکت وایي چې د متحده عربي اماراتو د «ایچ ایچ ایم» په نوم کمپنۍ په افغانستان کې د ۱۰۰۰ مېګاواټه ګازي برېښنا د تولید په برخه کې پانګونې ته لېوالتیا ښودلې ده.

د طالبانو د رياست الوزرا اداري مرستيال عبدالسلام حنفي فاریاب ولایت ته د سفر په لړ کې د یاد ولایت له یو شمېر تاجرانو او پانګوالو سره په کتنه کې غوښتنه کړې، چې افغان سوداګر دې په دې سړه هوا کې له را ستنو شویو افغانانو سره د خپل توان په کچه مرستې وکړي.

د مکسیکو په سالامانکا ښار کې د فوټبال په یوه لوبغالي کې د وسله والو ډزو لږ تر لږه ۱۱ کسان وژلي او ۱۲نور یې ټپیان کړي دي. د سیمه‌ییزو چارواکو په وینا، قربانیان د فوټبال لوبې له پای ته رسېدو وروسته سره راټول شوي وو.

د طالبانو تر واک لاندې د ټولګټو وزارت وايي، چې د سالنګونو لارې په ګډون د کندهار ـ ارزګان، د غزني ولایت د ناور او جغتو ولسوالیو لارې او په غور کې یو شمېر نښلوونکي مسیرونه د واورې د ورېدو او شدید توپان له امله د ترافیکو پر مخ تړل شوي دي.

په پکتیا ولایت کې د طالبانو ځایي چارواکي وایي چې په دغه ولایت کې یې ۳۸ درملتونونه، واړه کلینیکونه او نور روغتیايي شخصي مراکز د قانوني کاري جوازونو د نه درلودو او له روغتیایي قوانینو څخه د سرغړونې له امله، تړلي دي.

په ننګرهار کې د طالبانو مرستیال والي مولوي غلام الرحمن حیدري په ختیځ کې د یو این ډي پي له مشر اناتولي بالینو سره په کتنه کې ویلي چې په ننګرهار کې د راستنو شویو کورنیو لپاره نمونوي ښارګوټی جوړوي. نوموړي له اناتولي بالینو څخه د دغه ښارګوټي په جوړېدو کې همکاري غوښتې ده.

د طالبانو تر واک لاندې د کابل د عامې روغتیا ریاست یوه چارواکي ویلی، چې ګوزڼ ناروغي لا هم په افغانستان کې شته. د پولیو د عملیاتي مرکز استازي ویلي، چې د پولیو واکسین کمپاین به د راتلونکې دوشنبې په ورځ پیل او تر پنجشنبې پورې به دوام ولري.

په قرغیزستان کې د طالبانو سفیر ملا عبدالشکور حقاني د دغه هېواد د بهرنیو چارو وزارت د څلورمې سیاسي څانګې له مشر ایبېک مالابېکوویچ سره کتلي. د طالبانو سفارت زیاتوي، په دې ناسته کې د دوه اړخیزو اړیکو، اقتصادي همکاریو او د سیمې د هېوادونو ترمنځ د تعامل پر لارو چارو خبرې شوې دي.

د طالبانو ویاند په کابل کې د افغان ورزشکارانو ستاینغونډه کې ویلي چې په نړيواله کچه د افغان ورزشکارانو ځلېدل د ټول افغان ولس ګډ وياړ دی. نوموړي اعتراف وکړ، چې ددې ډلې اوسنی نظام له اقتصادي پلوه ستونزو سره مخ دی او خصوصي سکتور او سوداګر دې له افغان ورزشکارانو سره مرسته وکړي.

د چارو ادارې پخواني مشر فضل محمود فضلي د افغانستان د سیاسي تاریخ یوې مهمې مرحلې ته په اشارې ویلي، چې د هېواد د معاصر سیاست بنسټ نږدې سل کاله وړاندې د قانوني مساوات، ټولنیز عدالت او ملي حاکمیت پر اصولو اېښودل شوی و، خو نن دغه ارزښتونه یو ځل بیا تر پوښتنې لاندې راغلي دي.

د طالبانو د عامې روغتیا وزیر مولوي نور جلال جلالي ویلي چې هند له افغانستان سره د روغتیایي همکاریو ژمنه کړې ده. نوموړي ویلي، د دې همکاریو له مخې به نوی ډیلی په افغانستان کې د سرطاني ناروغیو او د تلسیمیا ناروغانو د درملنې لپاره یو مجهز تشخیصیه روغتیایي مرکز جوړ کړي.

په افغانستان کې د سره صلیب نړیوالې کمېټې استازې سیلویا ایزو د طالبانو تر واک لاندې د زندانونو چارو د سمون ادارې له مرستیال محمد بلال فاتح سره د ښځینه زندانیانو په اړه خبرې کړې دي.

د طالبانو لوړپوړي چارواکي وايي، دوی غواړي دوه امریکایي بندیان «هر څومره ژر چې ممکن وي» خوشې شي، خو د ټرمپ اداره وايي، درېیم بندي محمود حبیبي هم باید پکې شامل وي. طالبان د حبیبي له نیولو انکار کوي او د دوو نورو امریکايي بندیانو په بدل کې له ګوانتانانو د عبدالرحیم خوشې کېدل غواړي.

د طالبانو د بغلان ولایت امنیه قوماندانۍ په یوه مکتوب کې، چې افغانستان انټرنشنل ته رسېدلی، نیوکه کړې، چې د طالبانو د بغلان نظامي او ملکی مسوولان په رسمي وخت کې د وزلوبو د سیالیو ننداره کوي. په مکتوب کې راغلي، چې د طالبانو مسوولان له نظامي موټر او یونیفورم سره لوبو ته ځي.

د امریکا پخواني ولسمشر بېل کلنټن د ټرمپ ادارې د نوم له یادولو پرته د دغه هېواد له وګړو غوښتي چې د امریکايي ډموکراسۍ د ژغورنې لپاره مبارزه وکړي او له خپلو ازادیو ګټه واخلي.

د طالبانو د اطلاعاتو او فرهنګ وزارت د رسنیو ملاتړو درېیو سازمانونو پرته نور د ټولو بنسټونو جوازونه لغوه کړي او پر فعالیت یې بندیز لګولی. طالبانو ویلي، دغه بنسټونو په نړۍواله کچه د افغانستان د رسنیو ملاتړو سازمانونو باور ته زیان اړولی و.

په پکتیکا کې د افغانیو د دودول او د بیو د کنټرول کمېسیون خبر ورکړی، چې د دغه ولایت په مرکز کې یې د کلدارو د راکړې ورکړې له امله ۱۸ د پټرولو پمپونه او ۵ هټۍ تړلې دي. دغه کمېسیون خبرداری ورکړی، له هغو کسانو سره به قانوني چلند وکړي چې په کلدارو راکړه ورکړه کوي.

د طالبانو د ټولګټو چارو وزارت خبر ورکړی، چې د دوشي ـ بامیان لویه لار دا مهال د کوچنیو موټرو پرمخ خلاصه ده؛ خو هېوادوال کولای شي چې د سختې اړتیا په صورت کې د ځنځیر (چین) په تړلو سره په دغه لاره تګ راتګ وکړي.

د کرملېن ویاند دیمتري پېسکوف د دوشنبې په ورځ ویلي، چې د سولې په تړاو له امریکا او اوکراین سره په روانو خبرو کې د ځمکنۍ بشپړتیا موضوع د مسکو لپاره لاهم بنسټیز اهمیت لري.