د ملګرو ملتونو ځانګړي راپور ورکوونکي رېچارډ بېنېټ په زده کړو د نړیوالې ورځ په مناسبت خبرداری ورکړ چې د طالبانو له خوا په میلیونونو افغان نجونې او ښځې له ښوونې محرومې شوي دي، او دا نه یوازې د دوی ژوند، بلکې د ټول هېواد راتلونکی ته جدي ګواښ پېښوي.
د افغانستان د فوټبال فدراسیون اعلان وکړ چې د هرات، غزني او لوګر ولایتونو د فوټبال میدانونو د رغونې او د کندهار او بلخ د فوټبال پروژو قراردادونه ترلاسه شوي، چې د هېواد د فوټبال د پرمختګ او ځوانو لوبغاړو د استعدادونو د ودې لپاره مهم ګام ګڼل کېږي.
د طالبانو صنعت او سوداګرۍ ریاست مسوولینو ویلي، چې په دغه ولایت کې د لبنیاتو د پروسس له شلو څخه زیاتې فابریکې او کارخونې فعالیت کوي او د بازار اړتیاوې یې پوره کړي.
د پاکستان کورنیو چارو پخواني وزیر افتاب احمد خان شیرپاو ویلي، چې پاکستان ته د ترهګرۍ ګواښ له افغانستان څخه سرچینه اخلي. نوموړي همدا راز ویلي چې طالبان د دوحې تړون ته ژمن ندي پاتې شوي.
د تېر جمهوري نظام پر مهال د خوست والي حلیم فدایي د افغان جونو په زده کړو بندیز ته په غبرګون کې د طالبانو په سیاستونو سخته نیوکه کړې او ویلي یې دي چې د طالبانو سیاستونه له بنسټه غیرنارمل دي او د عادي کېدو وړ نه دي.
د طالبانو کورنیو چارو وزارت وایي، د کاپیسا امنیه قوماندانۍ اړوند ځواکونو یې د نجراب ولسوالۍ په یوه تلاشۍ کې له یو کرولا موټر څخه ګڼ شمېر توپنچې، مرمۍ او د نشهیي موادو ټابلیتونه کشف کړي او په تړاو یې دوه کسان نیولي دي.
د هرات سیمهییز طالب چارواکي وایي، د دغه ولایت د روږدو د درملنې مرکز ۳۵۰ رغېدلي روږدي د څلورو میاشتو فني او مسلکي زدهکړو وروسته بریالي فارغ شوي او اوس یې په مختلفو حرفوي برخو کې مهارتونه ترلاسه کړي.
د تعلیم نړیوالې ورځې په مناسبت، د ملګرو ملتونو دوه ادارو، یونسکو او یونسف په افغانستان کې د نجونو او ښځو د تعلیم د حق خوندي کولو غوښتنه کړې. دوی ټینګار کوي چې د ثانوي او لوړو زده کړو بندیزونه د ۲.۲ میلیونو نجونو راتلونکې ته زیان رسوي او د هېواد پرمختګ محدودوي.
د طالبانو کابل امنیه قومندانۍ وایي چې په دیارلسمه امینتي حوزه کې یې، یو کس د قتل په تور نیولی، چې په خپل کور کې یې یو تن د چاقو په وسیله وژلی و. طالبان وایي، تورن په خپل جرم اعتراف کړی دی.
د طالبانو تر واک لاندې د کډوالو ستونزو ته د رسېدنې عالي کمېسیون وایي، د جمعې په ورځ ۴۴۹ کډوالې کورنۍ چې ټول ۲۵۱۵ کسان کېږي، له ایران او پاکستان نه افغانستان ته جبري ستنې شوې دي. د دغه کمېسیون د معلوماتو پر بنسټ، راستنو شویو کورنیو سره د اړتیا وړ مرسته هم شوې ده.
افغانستان کې نږدې ۲۰۰ پاکستاني محصلین، د تورخم د لارې د تړل کېدو له امله له څو میاشتو راهیسې په افغانستان کې بند پاتې دي او له دواړو هېوادونو غواړي چې د هغوی د تګ راتګ ستونزه ژر حل کړي.
د طالبانو ټولګټو وزارت وایي، چې د سالنګونو په لویه لاره کې د سختو ورښتونو، توپان او د لېد ساحې د محدودیت له امله یو شمېر هېوادوال او موټرچلوونکي چې بند پاتې وو، د مسولو ادارو له لوري خوندي ځایونو ته لېږدول شوي.
د کاناډا د محافظهکار ګوند مشرپییر پولیېور، د ولسمشر ډونالد ټرمپ څرګندونو ته په غبرګون کې ویلي، زرګونه کاناډایي سرتیري په افغانستان کې د هېواد دفاع او د ترهګرۍ پر وړاندې د جګړې په لومړۍ کرښه کې جنګېدلي، چې ۱۵۸یې خپل ژوند له لاسه ورکړی.
د امریکا ولسمشر ډونالد ټرمپ وایي، د ایران اسلامي جمهوریت باید له دې مخکې چې د امریکا له لوري یې پر اټومي تاسیساتو برید وشي، یوې موافقې ته رسېدلی وای، ځکه د هغه په وینا، دا برید ډېر سخت او ویجاړونکی و.
د ملګرو ملتونو سرمنشي انتونیو ګوترېش د تعلیم د نړۍوالې ورځې په مناسبت خپاره کړي پیغام کې ویلي چې د نړۍ په کچه شاوخوا ۲۷۲ میلیونه ماشومان او ځوانان د فقر، تبعیض، جګړو، بېځایه کېدو او طبیعي پېښو له امله له زدهکړو بېبرخې دي.
د افغانستان لپاره اروپایي اتحادیې ویلي، هر ماشوم په هېواد کې د زدهکړې حق لري او دوی په بېلابېلو پروګرامونو کې شاوخوا ۵۵ میلیونه یورو پانګه اچولې، څو ډاډ ترلاسه شي چې هېڅ ماشوم له ښوونې او روزنې بېبرخې پاتې نشي.
د امریکا ولسمشر ډونالډ ټرمپ یو نوی قانون لاسلیک کړی، چې له مخې به یې د انساني قاچاق قربانیانو ته دا امکان برابر شي چې خپلې پخوانۍ جزایي دوسیې لغوه او د نیول کېدو ریکارډونه پاک کړي، څو وکولای شي عادي ژوند ته بېرته وګرځي.
د افغانستان د تېر جمهوري نظام لوی څارنوال محمد فرید حمیدي وايي، د طالبانو لهخوا اعلان شوې جزايي اصولنامه نه یوازې د هېواد د ټولو وګړو د محکومولو سند دی، بلکې د بشري کرامت، قانوني برابري او د اسلام له بنسټیزو ارزښتونو سره په ښکاره ټکر کې قرار لري.
د ملګرو ملتونو د بشري حقونو شورا د خپلې ځانګړې ناستې په ترڅ کې د یوه داسې پرېکړهلیک په تصویبولو سره چې د څه باندې ۲۰ هېوادونو لهخوا وړاندې شوی و، په ایران کې د بشري حقونو وضعیت «سخت د اندېښنې وړ» وباله او د وروستیو سراسري اعتراضونو تاوتریخجن ځپل یې په کلکه وغندل.
نن د جنورۍ ۲۴مه (شنبه د سلواغې ۴مه) د زدهکړې له نړۍوالې ورځې سره برابره ده. د نجونو د زدهکړو ملي کمپاین وايي، په افغانستان کې د زدهکړې د پراختیا پر ځای د عصري علومو او د نجونو د زدهکړو پروړاندې یوه «نا اعلان شوې جګړه» پيل شوې او وايي، نړۍوال باید روان وضعیت عادي ونهګڼي.
جمهوري غوښتونکي سناتور ډېو مک کورمیک په اېکس شبکه کې لیکلي، چې له دوو اوونیو راهیسې د ایران حکومت د انټرنټ د بشپړ پرې کولو له لارې خپل خلک په بېرحمانه ډول ځپلي او د حکومت د بدلون غوښتونکي غږونه یې خاموشه کړي دي.