د متحدهایالاتونو د دفاع وزیر پېټ هېګسټ وايي، چې پنتاګون له افغانستانه د امریکايي ځواکونو د وتلو د ارزونې په تړاو یو ځانګړی ټیم جوړوي. نوموړي د سېشنبې په ورځ په یوه بیان کې د دغه ټیم دنده د امریکا خلکو او د دغه هېواد پوځ ته بشپړ ځوابویل او د روڼتیا ډاډمنېدل بولي.
له کندهار څخه سرچينو افغانستان انټرنشنل - پښتو ته ویلي، چې په کندهار کې نظامي محکمه د هبت الله امر نه پلی کوي او د دغه ولایت زندان کې شاوخوا ۵۰۰ ملکیان د سیاسي زندانیانو په نوم بې برخلیکه دي. سرچينو ويلي، په نیول شويو کسانو کې ډېری یې د پخوانيو نظامیانو د کورنۍ غړي دي.
د پښتون ژغورنې غورځنګ د یوه فعال غړي د خپاره شویو معلوماتو لهمخې، د مې میاشتې له ۱۱مې راهیسې د خېبرپښتونخوا په بېلابېلو سیمو کې د پاکستاني پوځ د بېپیلوټه الوتکو د شپږو هوايي بریدونو په ترڅ کې ۴۰ کسانو ته مرګژوبله اوښتې ده.
رویټرز د غزې د روغتیایي سرچینو له قوله راپور ورکړی، چې د اسراییل په تازه بریدونو کې ۵۵ کسان وژل شوي دي.
د امریکا د بهرنیو چارو وزیر مارکو روبیو وایي، چې متحده ایالاتو له غزې څخه لیبیا ته د فلسطینیانو د شړلو په اړه خبرې نه دي کړي. د نوموړي په وینا، متحده ایالاتو یوازې د سیمې له یو شمېر هېوادونو پوښتنه کړې ده چې ایا د غزې خلک مني او که نه.
طالبانو د کندوز ولایت په قلعه زال ولسوالۍ کې د یوې ښځې په ګډون دوه کسان د «زنا» په تور په دُرو وهلي دي.
د طالبانو تر واک لاندې ملي راډیو تلویزیون څخه نږدې ۳۰۰ کارکوونکي تنقیص شوي، چې ښځینه کارکوونکې، پخواني خبریالان او د تخنیک د برخې کارکوونکي پکې شامل دي. دا اقدام د طالبانو د رهبرۍ له لوري د دولتي ادارو د لګښتونو د کمولو په موخه د نوې تنقیص پالیسۍ یوه برخه ده.
د طالبانو تر واک لاندې افغاني سرې میاشتې رییس شهابالدین دلاور د ډنمارکي سره صلیب له مسوول او د دغه بنست د رواني ناروغیو د څانګې له مسوولې سره د سېلابځپلو او راستنېدونکو کورنیو د ستونزو د حل په هدف لیدنه کړې ده.
پاکستان له افغانستان نه د وارداتو پر وخت د برېښنايي فورم (EIF) شرط معافیت د جون میاشتې تر۱۴مې پورې غځولی. د پاکستان سوداګرۍ وزارت له قوله، دا پرېکړه د دوه اړخیزې سوداګرۍ پر وړاندې د خنډونو د مخنیوي او د اقتصادي فعالیت د نه اغېزمنېدو په موخه شوې ده.
په دوبۍ کې د نړیوال کلي (Global Village) ۲۹ پړاو، چې د ۲۰۲۴ کال د اکتوبر له ۱۶مې نېټې څخه د ۲۰۲۵ کال د می تر ۱۸مې پورې دوام وکړ، افغانستان وتوانېد چې تر ۴۰ د ډېرو هېوادونو په منځ کې درېیم مقام وګټي.
د روان کال په لومړۍ رُبع کې قرغیزستان افغانستان ته د تېلو او پټرولو صادرات زیات کړي دي. د قرغیزستان د ملي احصایې کمېټې د معلوماتو له مخې، دغه هیواد په دې موده کې ټولټال ۴۲میلیونه ۷۹۱،۷ زره لیتره تېل صادر کړي، چې ارزښت یې ۱۹،۵میلیونه ډالره ښودل شوی.
د هند او پاکستان ترمنځ له سیاسي کړکېچ او جګړې وروسته، د زاړه ډیلي د وچو مېوو مارکېټ د وارداتو په بندېدو سره له اقتصادي ستونزو او بیو لوړېدو سره مخ شوی دی.
افغانستان انټرنشنل ته رسېدلي لېستونه ښيي چې د طالبانو د کار او ټولنیزو چارو وزارت د وړوکتونونو ریاست شاوخوا ۹۰ تنه ښځینه ښوونکې او کارکوونکې تنقیص کړې او پر کور یې کښېنولې دي. ځینې تنقیص شوې ښوونکې د طالبانو دا کار غندي او وايي یاده ډله غواړي مېرمنې له کار څخه محرومې کړي.
د اروپايي اتحاديې هېوادونو سفیرانو په بروکسل کې په مقدماتي توګه له سوريې څخه د اقتصادي بندیزونو د لرې کولو هوکړه کړې ده. تمه ده چې دا پرېکړه به د اتحاديې د بهرنيو چارو وزيرانو له خوا د نن ورځې په ناسته کې رسماً اعلان شي.
د پاکستان فدرالي کابینې د سې شنبې په ورځ د دغه هېواد لوی درستیز جنرال سید عاصم منیر ته د فیلډ مارشل رتبه ور کړې ده. عاصم منیر د فیلډ مارشل رتبې ترلاسه کول د پاکستان د خلکو او وسلهوالو ځواکونو ګډ ویاړ بللی.
د طالبانو ستره محکمه وایي، په کابل ولایت کې یې د یوې ښځې په ګډون دوه کسان د «زنا» په تور او پنځه نور یې د نشه يي ټابلیتو او چرسو د خرڅلاو، پلور او قاچاق په تور محکوم او په دُرو وهلي.
د طالبانو عدلیې وزیر عبدالحکیم شرعي د روسیې په سن پترزبورګ ښار کې د نړیوالې حقوقي مجمع په ۱۳مه ناسته کې وویل چې طالبانو زندانونه د اصلاح، تربیې، شخصیت جوړونې او دیني پوهاوي په مرکزونو تبدیل کړي دي. عبدالحکیم شرعي وايي چې قضایي پرېکړې د اسلامي شریعت پر بنسټ کېږي.
د طالبانو د ریاست الوزرا اداري مرستیال عبدالسلام حنفي وایي، چې څوک افغانستان ته بې کيفيته درمل، خوراکي او غير خوراکي توکي واردوي او يا يې توليدوي، ملي خاين ګڼل کېږي.
د طالبانو د امر بالمعروف او شکایتونو اورېدو وزارت وايي چې په کابل کې یې د کوډګرو «یوه خطرناکه» ډله نیولې ده. یاد وزارت پر خپله اېکسپاڼه لیکلي چې د کوډګرو نیول شوې ډلې د دم او تعویذ په نومونو د کورنیو ترمنځ نفاق او ستونزې راولاړولې.
د ترکمنستان د اورګاډي ادارې رییس قربانوف سردار په مشرۍ یو لوړپوړی پلاوی هرات ته تللی او د دغه ولایت له والي شیخ مولانا نوراحمد اسلامجار سره یې د تورغونډۍ بندر پر پراختیا خبرې کړې دي.
د هندي پوځ یوه لوړپوړي جنرال ویلي چې هند دومره ځواک او وسلې لري چې کولای شي ټول پاکستان او ژورې برخې یې په نښه کړي.