د خېبر پښتونخوا په بنو ولسوالۍ کې ځايي اوسېدونکو افغانستان انټرنشنل – پښتو ته ویلي، چې نن دوشنبه د (غويي ۲۹مه) له سهار راهیسې په سیمه کې د نا امنۍ، هدفي وژنو او د وسلهوالو تښتونو پر ضد لاریون روان دی.
د خېبر پښتونخوا ایالت د نوښار ولسوالۍ پولیس وایي، نن د دوشنبې په سهار د (غويي ۲۹مه) د بره اضاخېلو په کلي کې درې ماشومان چې دوه یې خویندې او یو یې ورور دی د زهرجنو خوږو مټایانو په خوړلو مړه شوي دي.
د ایران حکومت ویاندې فاطمه مهاجراني ویلي، هېواد یې د افغان کډوالو د تنظیم او سمون لپاره د ځانګړو تګلارو تر څنګ یو شمېر پلانونونه لري چې له همدې امله یې په پولو کې د پرتو ولایتونو اړونده ادارو ته لازمې لارښوونې کړې دي.
د افغانستان لپاره د اروپایي ټولنې دفتر ویلي، چې د ۲۰۲۵ کال د اروپا بشري مرستو څلورم فورم (EHF) نن په بلجیم کې پیلېږي. اروپایي ټولنې په یوې خبرپاڼه کې ویلي، چې یاد فورم به د اروپایي کمېسیون او پولنډ هېواد په ګډ کوربهتوب ترسره کړي.
د خېبر پښتونخوا ایالت د پېښور ښار په بېلابېلو سیمو کې د سخت توپان تر څنګ د تېز باران له امله د یوه ماشوم په ګډون درې کسان مړه شوي او ۱۲ نور ټپیان دي.
د مخکیني جمهوري نظام د کډوالو او بېرته راستنېدونکو چارو وزیر نور رحمان اخلاقي ویلي، طالبانو نه یوازې افغانان له اسلامي او انساني ازادیو محروم کړي؛ بلکې هره ورځ یې له «تباهۍ او فلج» سره هم مخ کړي دي.
په کابل کې د جاپان سفارت وایي، چې د ۲۰۲۶تعلیمي کال بورسیو لپاره هغو افغان زدهکوونکو ته د غوښتنلیک د استولو لړۍ پیل شوې، چې غواړي د څېړنیزو پروګرامونو په برخه کې لوړې زدهکړې وکړي.
د هند (اېن ډي ټي وي) راپور ورکړی، چې د لشکر طیبه ډلې یو مشر رضاالله نظاماني چې په ابو سیف الله نظاماني مشهور و؛ د پاکستان په سند ایالت کې وژل شوی دی. د راپور له مخې؛ نوموړی په هند کې په ګڼو «ترهګریزو بریدونو» کې ښکېل و.
د طالبانو د برېښنا شرکت رییس عبدالباري عمر د ننګرهار له صنعت کارانو سره په ناسته کې له هغوی غوښتنه کړې، چې د برېښنا لګښتونو په ورکړه کې دې ناغېړي نه کوي او پر وخت دې تحویل کړي.
د بلوچستان د قلعه عبدالله ولسوالۍ په ګلستان بازار کې په یوې چاودنه کې څلور کسه وژل شوي او د یوه قومي مشر په ګډون ۲۰ تنه نور بیا ټپیان دي.
د طالبانو د بهرنیو چارو وزیر امیرخان متقي د «تهران فورم» خبرو اترو په ناسته کې ویلي، چې د هلمند د اوبو پر سر له ایران سره د شخړې د حل په برخه کې همکارۍ ته ژمن دی. هغه زیاته کړې، چې د ایران وچکالۍ ځپلو خلکو ته اوبه رسول یې «دیني مکلفیت» دی.
پر غزې د اسراییل په وروستیو بریدونو کې د حماس د پخواني مشر یحیی سنوار ورور زکریا سنوار او درې ورېرونه یې وژل شوي دي. د فلسطین د رسنیو مرکز ویلي، چې د سنوار د کورنۍ یاد غړي په نصیرات سیمه کې وژل شوي دي.
په روان کال کې تر اوسه پورې د هندي سینما (بالیووډ) ګڼ د لوړ لګښت او سترو فلمي لوبغاړو فلمونه خپاره شوي دي. د دې کال تر ټولو مشهورو فلمونو کې "چهاوا"، "ریډ ۲"، "سکای فورس" او "سکندر" شامل دي.
د اسراییل د لومړي وزیر بنیامین نتنیاهو دفتر د یکشنبې په ورځ اعلان وکړ، چې اسراییل د غزې محاصره کمه کړې ده او محدود مقدار خوراکي توکو ته به د داخلېدو اجازه ورکړي. دغه دفتر ویلي، چې دا پرېکړه یې په غزه کې د لوږې د ناورین د مخنیوي په موخه کړې ده.
طالبانو وایي، د کابل او ځینو ولایتونو په پوهنتونونو کې شاوخوا سل ملي او نړۍوال ژورنالونه جوړ شوي. د طالبانو تر واک لاندې ملي راډيو ټلویزیون د پوهنې وزارت له قوله راپور ورکړی، تراوسه په دولتي پوهنتونونو کې ۵۲ ملي او په خصوصي پوهنتونونو کې ۲۴ ملي او ۱۱ نړۍوال ژورنالونه جوړ شوي.
د بشري حقونو فعالې او د نوبل سولې جایزې ګټونکې ملالې یوسفزۍ د لبنان جګړه ځپلو سیمو کې د ماشومانو د زدهکړې لپاره د یو نیم لک امریکايي ډالرو مرسته کړې ده.
د طالبانو د ریاست الوزرا اداري مرستال عبدالسلام حنفي وایي، چې طالبان په افغانستان کې د هر ډول بهرنۍ پانګونې ملاتړ کوي. نوموړي دغه خبرې په کابل کې د چین له سفیر ژاو شېنګ سره په کتنه کې وکړې او زیاته یې کړه، چې اوسمهال په افغانستان کې پانګونې ته ښې زمینې برابرې دي.
د پاکستان د پوځ ویاند احمد شریف چودري د یکشنبې په ورځ هند ته خبرداری ورکړی، چې که د پاکستان پر خاورې هر ډول تېری وکړي، نو «د ژر، پرېکنده او سخت غبرګون» سره به مخ شي. نوموړي ټینګار وکړ، چې پاکستان به د هند برلاسی ونه مني.
د جرمني لومړی وزیر فریدریښ مېرڅ وایي، اروپایې مشران د امریکا د ولسمشر ډونالډ ټرمپ او روسیې د ولسمشر ولادیمیر پوتین له خبرو مخکې له ټرمپ سره خبرې کوي
د امریکا د مخکېني ولسمشر جو بایډن دفتر د یکشنبې په ورځ وویل، چې نوموړی د پروستات په یوه پرمختللي او تېز ډول سرطان اخته شوی، چې اوس یې هډوکو ته هم خپور شوی دی. د بایډن د دفتر په بیانیه کې ویل شوي، چې اوس هغه او کورنۍ یې له ډاکترانو سره د درملنې پر لارو چارو غور کوي.
د خېبر پښتونخوا د بنو ولسوالۍ خلک د دوشنبې په ورځ د (مې ۱۹مه) د امن ولسي پاڅون کوي. د دغه پاڅون موخه په سیمه کې روانه ناامني، د فرمان الله په نوم د یو استاد اختطاف او د پاکستاني حکومت له خوا د پښتون ژغورنې غورځنګ د رهبرۍ غړي صمد خان غیرقانوني نیونه بلل شوې ده.