آرشیف

د افغانستان د اسلامي حزب مشر ګلبدین حکمتیار په دې مقاله کې چې د هغه د دفتر له خوا افغانستان انټرنشنل ته لیږل شوې ده، د هند او پاکستان د وروستیو شخړو په اړه خپل نظر بیان کړی دی.

د فرانسې د خبري اژانس د راپور له مخې، نړیوال بانک د جمعې په ورځ په یوې اعلامیه کې ویلي، چې سعودي عربستان او قطر د سوریې پاتې پورونه، چې شاوخوا ۱۵.۵ میلیون ډالر وو، ادا کړي دي.

د طالبانود ریاست‌الوزراء اقتصادي معاونیت وایي، د افغانستان او روسیې ترمنځ د اقتصادي همکاریو د پراخېدو په موخه پنځه مهم تړونونه لاسلیک شوې دي. یاد معاونیت زیاتوي چې دا تړونونه د ټرانسپورټ، سوداګرۍ، د خصوصي سکتور د ودې او د صنعتي او لوجستکي کمپلیس د جوړولو په برخو کې لاسلیک شوي دي.

د تېر جمهوري نظام د ولسي جرګې پخواني غړي، ګل‌رحمن همدرد وایي، چې افغانستان د هغو هېوادونو له ډلې نه دی چې د سیاست له رحمته جوړ شوي وي، بلکې دغه هېواد تاریخ لیکلی او ملت یې زېږېدلی.

د اوکراین ولسمشر ولادیمیر زېلېنسکي وايي، چمتو دی، چې د سولې د ټینګښت لپاره ژر او عملي ګامونه واخلي، خو ټینګار کوي که روسیه پر یو بشپړ او بې قید و شرط اوربند موافقه ونه کړي، نو نړیواله ټولنه باید پر مسکو خپل فشارونه لا زیات کړي.

د قزاقستان په پلازمېنه استانه کې د "د اوبو امنیت او له پولو ور هاخوا د اوبو کارونه، ننګونې او حل لارې" تر عنوان لاندې نړیوال کنفرانس کې، د دغه هېواد چارواکو د افغانستان له خوا د قوش تېپې کانال د جوړولو په تړاو خپلې اندېښنې څرګندې کړې دي.

د طالبانو د ریاست‌الوزراء اقتصادي معاونیت وایي، دغې ډلې د ریاست‌الوزراء د اقتصادي مرستیال ملا عبدالغني برادر اخوند او د روسیې د لومړي وزیر د اقتصادي چارو د مرستیال الکسي اویرچوک د کازان ۱۶م نړیوال اقتصادي فورم په څنډه کې د افغانستان – روسیې لومړی سوداګریز فورم پرانیست.

د روسیې او اوکراین ترمنځ له درې کلونو وروسته د سولې لومړنۍ مخامخ خبرې له دوو ساعتونو کمې دوام وکړې او تر دې دمه د دواړو خواوو ترمنځ په خبرو کې د پرمختګ نښې نه ترسترګو کیږي. یوې اوکرایني سرچینې د مسکو غوښتنې «ناممکنې او نه‌منل کېدونکې» بللې دي.

د روسیې د لومړي وزیر مرستیال الیکسي اوورچوک وايي، چې د ټرانس-افغان ریل پټلۍ د جوړولو تخنیکي او اقتصادي ارزونې راپور به د ۲۰۲۶ کال په لومړیو کې بشپړ شي او له هغه وروسته به د عملي کولو پرېکړه وشي.

د امريکا د بهرنيو چارو وزير مارکو روبیو د مسکو او کیف تر منځ د «سولې خبرو اترو» لپاره د جمعې په ورځ استانبول ته ورسېد. دا له تېرو څلورو کلونو راهيسې د دواړو هېوادونو تر منځ لومړۍ مخامخ خبرې بلل کېږي.

د تحریک طالبان پاکستان د جماعت الاحرار څانګه منلې، چې د دوی څلور غړي په بلوچستان کې د ترهګریزو بریدونو پر مهال وژل شوي دي. دا بریدونه په تربت، ډالبندین، ګړدي جنگل او ګوادر کې ترسره شوي دي.

هندي رسنیو راپور ورکړی، چې د هند او پاکستان ترمنځ د ناندریو تر حل وروسته، په لاهور کې ولاړو ۱۵۰ افغان سوداګریزو لاریو ته د واګه بندر له لارې هند ته د داخلېدو اجازه ورکړل شوه.

د اسټرالیا فدرالي محکمې درې قاضیانو د سېډني په ښار کې د ابتدایي محکمې هغه پرېکړه تایید کړه چې له مخې یې د دغه هېواد باتجربه پخوانی سرتېری رابرتز اسمېت، د څلورو افغانانو د وژلو په تور د جګړه‌ییزو جنایتونو مرتکب بلل شوی و.

د افغانستان لپاره د روسیې ولسمشر ولادیمیر پوتین ځانګړي استازي ضمیر کابلوف ویلي، چې طالبانو خپل یو کس د افغانستان د سفیر په توګه مسکو ته ورپېژندلی دی. هغه د دغه نوماند نوم نه دی څرګند کړی، خو وایي د روسیې د بهرنیو چارو وزارت د یاد شخص ارزونه کوي.

د مخکني جمهوري حکومت د کانونو او پټرولیم وزیرې نرګس نهان ویلي، چې هندوستان د مخکني جمهوري نظام تر پرځېدو وروسته له افغانانو څخه په سختو شرایطو کې مخ واړولو او دا یې د اړیکو نوی باب پرانیست.

د مخکني جمهوري نظام د چارو ادارې پخواني رییس فضل محمود فضلي ویلي، پاکستان د افغانستان د مهارولو لپاره د انګریزانو د تګلارې له مخې د حزب اسلام مشر ګلبدین حکمتیار څخه د «سټراټېژیک بم» په توګه کار اخیستلی دی.

د طالبانو د کډوالو او بېرته راستنیدونکو چارو وزیر مولوي عبدالکبیر سره په ناسته کې اهل تشیع دیني عالمانو له هغه غوښتي، چې په ایران کې د «افغان کډوالو» ستونزې حل کړي.

د افغانستان په چارو کې د پاکستان ځانګړي استازي محمد صادق په خپله ایکس پاڼه لیکلي، چې په اسلام اباد کې یې د افغانستان لپاره د برېټانیا له ځانګړي استازي انډریو مک کوبري سره د افغانستان او سیمې په اړه خبرې کړې دي.

د ملګرو ملتونو د پراختیایي پروګرام (یو این ډي پي) په یوه تازه راپور کې ویل شوي، چې د تېر میلادي کال تر پایه پورې، په ټوله نړۍ کې شاوخوا «۸۳.۴میلیونه کسان» د جګړو، زورزیاتي او طبیعي پېښو له امله په خپلو هېوادونو کې له خپلو مېنو بې ‌ځایه شوي دي.

د طالبانو د ریاست الوزرا اقتصادي مرستیال روسیې ته د سفر په لړ کې د کازان ناستې په څنډه کې د موردوویا جمهوریت له ولسمشر ارتیوم الکسیویچ سره ناسته کې په دوه اړخیزې سوداګرۍ خبرې کړې دي.

هندي رسنۍ وایي، د طالبانو د بهرنیو چارو وزیر امیرخان متقي د هند د بهرنیو چارو له وزیر اېس جي شنکر سره په تازه ټلېفوني خبرو کې ژمنه کړې، چې د افغانستان له خاورې به هېڅکله د هغو ترهګرو ډلو ملاتړ ونه شي، چې له پاکستان سره تړاو لري.