له څه باندې ۴ میاشتو راهیسې د طالبانو لهخوا په عام محضر کې د میداني سزاوو د عملي کېدو کومه پېښه نهده ثبت شوې. خو سرچینې وایي، په همدې موده کې طالبانو د خپلې نوې پالیسۍ له مخې خلکو ته په پټه سزاوې ورکړې دي.
د افغانستان د زرغون بهیر ویاند زمان رفعت وايي، چې طالبانو سږکال د دغه سیاسي او پوځي بهیر شاوخوا ۸۵ غړي «محاکمه او اعدام» کړي دي. نوموړي له افغانستان انټرنشنل سره په مرکه کې زیاته کړې، دا مهال د یاد غورځنګ ۵۰۰ غړي د طالبانو په زندانونو کې دي.
د بښنې نړۍوال سازمان ویلي، چې په ۲۰۲۵کال کې په نړۍ کې د اعدامونو شمېر په تېرو ۴۴ کلونو کې تر ټولو لوړې کچې ته رسېدلی. دغه سازمان ویلي، د طالبانو تر واک لاندې افغانستان په سویلي اسیا کې یوازینی هېواد و چې تېرکال یې ۶ کسان او همدارنګه ایران په ورته موده کې ۲۱۵۹ کسان اعدام کړي دي.
د نېشن نیوز شبکې راپور ورکړی، چې د طالبانو سره پخوانی امریکایي زنداني ډینس کویل ویلي، ۱۴میاشتې یې د طالبانو په بند کې پرته له کوم رسمي تور او جرم تېرې کړې دي.
د لوګر ولایت ځینو اوسېدونکو افغانستان انټرنشنل - پښتو ته ویلي، چې د دغه ولایت د خروار ولسوالۍ په اسلام درې سیمه کې، نن یو ځل بیا د طالبانو له لوري په عام محضر کې پر څو کسانو د دُرو وهلو سزاوې عملي شوې. د دوی په وینا، نندارچیانو کې ماشومان هم شامل و چې دا یې د اندېښنې وړ بللې ده.
د طالبانو د سترې محکمې د راپور له مخې، د روانې میاشتې په لومړۍ اونۍ کې په فراه، جوزجان، بلخ، میدان وردګ او بدخشان ولایتونو کې دغه ډلې ۴۶ کسان د بند ترڅنګ په عام محضر کې په دُرو وهلي دي.
د طالبانو سترې محکې د یوې خبرپاڼې په خپرولو سره ویلي، چې د بدخشان په خاش ولسوالۍ کې یې د «زنا» په تور د یوې ښځې په ګډون دوه کسان په عام محضر کې ۳۹-۳۹ دُرې وهلي دي. یادې محکمې ویلي، چې دغه کسانو ته د یو کلن بند سزا هم ورکړل شوې ده.
د طالبانو سترې محکمې ویلي، چې په جوزجان او فراه ولایتونو کې یې د دوو ښځو په ګډون ۴۱ کسان د نشهيي توکو د تولید، پېر او پلور، روژې خوړلو او «زنا» په جرمونو په عام محضر کې په دُرو وهلي دي.
د طالبانو ستره محکمه وايي، په تېره اونۍ کې یې په ۱۱ ولایتونو کې د ښځو په ګډون ۴۰ کسان په عام محضر کې په دُرو وهلي دي. دغه کسان د اخلاقي فساد، د نشهيي توکو د کاروبار او کارونې او همداراز غلاوو په تړاو له ۲۰ تر ۳۰ دُرو وهل شوي دي.
د طالبانو سترې محکمې خبر ورکړی، چې د کابل ولایت په شکر درې ولسوالۍ او د ننګرهار په دره نور ولسوالۍ کې یې له «کوره د تېښتې، زنا او اخلاقي فساد» په تور درې ښځې او دوه نارینه په عام محضر کې په دُرو وهلي دي.
د طالبانو سترې محکمې خبر ورکړی، چې د ننګرهار په دره نور ولسوالۍ کې د دوی لومړنۍ محکمې یو کس ته د تښتونې او زنا په تور یو نیم کال د بند سزا اورولې او په دُرو هم وهل شوی دی. همدا راز بادغیس ولایت کې هم د طالبانو یوې محکمې د اخلاقي فساد په تور یو کس ته ورته سزا ورکړې ده.
د طالبانو سترې محکمې مرستیال ویاند منصور احمد حمزه رسنیو ته ویلي، چې په تېرو شپږو میاشتو کې په ۲۷ ولایتونو کې ۶۶۲ کسانو ته په عام محضر کې سزاوې ورکړل شوې دي. نوموړي ویلي، دغه محکمه «د الهي عدالت تامین، د ظلم مخنیوي او د اسلامي شرعي احکامو تطبیق ته ژمنه ده».
د طالبانو ستره محکمه وايي، په کندوز او غزني کې یې ۳ کسان په عام محضر کې په دُرو وهلي. د دغې محکمې په وینا، یاد کسان د اخلاقي فساد او غلا په تور له ۲۵ تر ۳۰ دُرو وهل شوي او همداراز له یو تر درېیو کلونو په بند هم محکوم شوي دي.
د طالبانو ستره محکمه وايي، په کابل کې یې ۱۶ کسان په دُرو وهلي. د کابل ولایت لپاره د طالبانو له نشهيي توکو او مسکراتو څخه د مخنیوي ابتدایي محکمې د مسوولینو په وینا، یاد کسان د نشهيي توکو د پېر او پلور او همداراز قاچاق په تړاو په دُرو وهل شوي دي.
د طالبانو سترې محکمې خبر ورکړی، چې د هېواد په بېلابېلو ولایتونو کې د دوی محاکمو د روانې وري میاشتې په تېره اونۍ کې ۲۴کسانو باندې د دُرو وهلو حکمونه صادر کړي او دا سزاوې تطبیق شوي هم دي. دغه سزاوې د کابل په ګډون سرپل، فاریاب، خوست او غور کې پلي شوي دي.
د طالبانو سترې محکمې خبر ورکړی، چې د ننګرهار په سرهرود ولسوالۍ کې یې د «غلا» په تور یو کس په عام محضر کې په ۳۹ دُرو وهلی دی. دغه محکمه وايي، چې یاد کس ته یې د یو کلن تنفیذي بند سرا هم ورکړې ده.
د طالبانو ستره محکمه وایي، چې په خوست ولایت کې یې یوه ښځه «له کوره د تېښتې» په تور په عام محضر کې په دُرو وهلې ده.
د طالبانو سترې محکمې په درېیو جلا جلا خبرپاڼو کې ویلي چې په غور، پکتيا او فارياب ولايتونو کې یې د یو ښځې په ګډون څلور کسان د بېلا بېلو جرمونو په تور په عام محضر کې په دُرو وهلي دي.
د طالبانو سترې محکمې خبر ورکړی، چې په کابل کې یې ۱۵ کسان د نشهیي توکو (شیشې، چرسو او ټابلېټ کا) د پلور او قاچاق په تور په عام محضر کې په دُرو وهلي دي. د یادې محکمې په وینا؛ دغه کسانو ته له اوو میاشتو تر درېیو کلونو د تنفیذي بند او له ۱۰ تر ۳۰ دُرو سزا ورکړل شوې ده.
طالبانو په تېره یوه اوونۍ کې په بېلابېلو ولایتونو کې د ښځو په ګډون ۶۰ کسان په دُرو وهلي دي. د طالبانو سترې محکمې د جلا-جلا خبرپاڼو په خپرولو سره ویلي، چې دغه کسان یې په غور، نیمروز، بلخ، ننګرهار، پکتیکا، سمنګان، فاریاب، دایکنډي، جوزجان، هرات او کابل ولایتونو کې په دُرو وهلي دي.
د طالبانو سترې محکمې د درېیو جلا خبرپاڼو په خپرولو سره ویلي، چې په بلخ، غور او نیمروز کې یې د یوې ښځې په ګډون ۱۹ کسان په دُرو وهلي دي. د یادې محکمې په خبره؛ دغه کسان یې «د خپل پلار د وهلو، د اخلاقي فساد، نامشروع اړیکو، غلا او لواطت» په تور په دُرو وهلي دي.
د طالبانو ستره محکمه وايي، چې په ننګرهار، نیمروز او پکتیکا ولایتونو کې یې «د مور او پلار د وهلو، نامشروع اړیکو او لواطت» په تور ۲۵ کسان په عام محضر کې په دُرو وهلي دي.