د هند د ترهګرۍ ضد فدرالي ادارې اعلان کړی، چې دوی د ډیلي په سرې کلا سیمه کې د خونړۍ چاودنې سره د تړاو په تور د کشمیر یو اوسېدونکی نیولی دی. یادې ادارې ویلي، چې نیول شوی کس امیر رشید علي نومېږي او د کشمیر اوسېدونکی دی.
نیویارک ټایمز د امریکا د کورني امنیت وزارت د اسنادو له مخې راپور ورکړی، چې دغه هېواد د کډوالۍ په پالیسۍ کې د بدلون پلان لري، ترڅو له مخې به یې د پناه غوښتونکو لپاره د شنه کارټونو ترلاسه کول نور هم ستونزمن شي.
په نننۍ نړۍ کې ډېری خلک په ځانګړي ډول ځوانان له وخته مخکې د زړښت نښې تجربه کوي او د غاړې او مخ پر شاوخوا د ژورو کرښو او ګونځو څرګندېدل اوس يوه عامه ستونزه ګرځېدلې ده.
د سوېلي کوریا نوی ولسمشر لي جې میونګ چې خپله د ماشومتوب پر مهال د یوې فابریکې د کارګر په توګه ټپي شوی و، ژمنه کړې چې په هېواد کې به د صنعتي پېښو لوړ شمېر راکم کړي. هغه دا ډول کاري چاپېریالونه «د مرګ ځایونه» بللي دي.
د هرات ولایت لپاره د طالبانو د والي ویاند وايي، د دغه ولایت د عامې روغتیا ریاست تر پرېکړې وروسته به په روغتونونو او روغتیایي کلینیکونو کې د نسخې لیکل په کمپیوټري بڼه ترسره کېږي. تر دې مخکې هم په ځینو نورو ولایتونو کې ورته پرېکړه شوې ده.
د ملګرو ملتونو د اقلیمي بدلون ۳۰مه غونډه «کاپ- ۳۰» د افغانستان له استازیتوب پرته ترسره شوه. دغه غونډه د برازیل په کوربتوب په بیلم ښار کې د لړم په ۲۴مه پیل شوه او د لړم تر ۳۰ مې نیټې به دوام وکړي.
د پاکستان د بهرنیو چارو وزارت ویلي، چې د ایران له لوري د اسلاماباد او طالبانو ترمنځ د منځګړیتوب له وړاندیز څخه هرکلی کوي.یاد وزارت ټینګار کړی، چې پاکستان د پولو د ترهګرو په اړه قوي دوسیه لري او د هېڅ منځګړیتوبکوونکي له ونډې به ډډه ونهکړي.
د طالبانو د ملي پراختیا شرکت ویاند نبيالله ارغندیوال هغه اوازې رد کړې، چې ګواکې د قوشتېپې کانال په شاوخوا کې شته ځمکې په اجاره ورکول کېږي. هغه وویل، د یادو ځمکو د وېش په تړاو تر اوسه پرېکړه نهده شوې.
د والیبال فدراسیون له لوري د پکتیا ولایت په احمدخېلو ولسوالۍ کې د ۳۲لوبډلو ترمنځ د والیبال سیالۍ له شل ورځني دوام وروسته پای ته ورسېدې.
د افغانستان د مویتای ملي لوبغاړو د ۲۰۲۵کال په نړۍوالو سیالیو کې چې د ازبکستان په پلازمېنه تاشکند کې ترسره شوې، د پام وړ بریا ترلاسه کړه او ټول ۱۰مډالونه یې هېواد ته وګټل.
طالبانو په بلخ کې یوه ښځه د «نامشروع» اړیکو په تړاو ۳۹ دُرې او په کابل کې یو نارینه د «لواطت» په تور ۳۵ دُرې وهلي دي. طالبانو ویلي، دغه کسان د دوی د سترې محکمې له تاییدۍ وروسته په عام محضر کې په دُرو وهل شوي دي.
هر کال د نوامبر ۳مه یکشنبه د هغو کسانو په یاد نمانځل کېږي، چې د ترافیکي پېښو له امله مړه کېږي. د ترافیکي پېښو له امله په نړۍ کې هره دقیقه دوه کسان مړه کېږي او دا له ۵ تر ۲۹ کلونو د ځوانانو لپاره د مړینې لومړنی لامل ګڼل کېږي. سږ کال دغه ورځ نن یکشنبه د نومبر پر ۱۶مه نمانځل کېږي.
د کانګو سیمهییزو چارواکو ویلي، چې د ختیځو سیمو په یوه نیمهصنعتي د مسو کان کې د شنبې په ورځ د یوه پله د نړېدو له امله شاوخوا ۴۹ تنه مړه شوي دي.
د ازبکستان ولسمشر شوکت میرضیایُف د یکشنبې په ورځ (د لړم ۲۵مه) د منځنۍ اسیا هېوادونو په اوومه سرمشریزه غونډه کې وویل، د افغانستان وضعیت د سیمې پر امنیت او دوامداره پرمختګ نېغ په نېغه اغېز لري او په وینا یې «جدي» پاملرنې ته اړتیا لري.
د حالوش په نامه د بشري حقونو سازمان وایي، د سراوان په ښار کې د ایراني سرتېرو په ډزو کې لږ تر لږه ۷ افغانان وژل شوي دي. راپور کې ویل شوي، چې دغه کډوال د جمعې په ورځ د سپاه پاسداران ځواکونو او ایراني پوله ساتو له خوا د څو کمینونو په ترڅ کې وژل شوي او یو شمیر نور ټپیان دي.
د طالبانو د دولتي شرکتونو لوی ریاست اعلان کړی، چې سبا دوشنبه به په کابل کې د «امام ابوحنیفه» تر نوم لاندې څلورم ملي او نړۍوال نندارتون پرانېستل شي.
د ترکیې رسنیو راپور ورکړی، چې یو افغان کارګر د دغه هېواد په کرشهیر ښار کې د لبنیاتو په یوه فابریکه کې هغه وخت مړ شوی، کله چې د څارویو د خوراکي توکو د مکس کولو یوې وسیلې (مېکسر) ته غورځېدلی دی.
افغان ټکواندو کار محسن رضایي د اسلامي هېوادونو د پیوستون په شپږم پړاو سیالیو کې تر اوسه په پرلهپسې توګه خپل ازبکستاني، عربي او اذربایجاني سیالانو ته ماتې ورکړې او د سپینو زرو مډال یې ګټلی دی. څو ساعته وروسته به د سپینو زرو مډال پر سر له ایراني سیال سره مخ شي.
د روسیې د دفاع وزارت ویلي، چې روسي ځواکونو د اوکراین د ژاپوریژیا په سویلي سیمو کې دوه کلي تر خپل کنټرول لاندې راوستي دي.
د ازبکستان ولسمشر شوکت میرضیایف نن د یکشنبې په ورځ د سیمه ییزې همکارۍ د بلاک د جوړولو وړاندیز وکړ چې هغه یې "د منځنۍ اسیا ټولنه" بولي. نوموړي وویل د یاد بلاک وړاندیز له ۸۰ میلیونو د زیاتو خلکو د اقتصادي ادغام او ودې لپاره یوه هڅه ده.
په راولپنډۍ کې د پاکستاني پولیسو مشر ویلي، چې د «غیر قانوني» افغانانو د پلټلو په موخه ددغه ښار په ګڼو کورونو، هټیو او هوټولو باندې عملیات ترسره شوي، چې په پایله کې یې ۷۶ افغان کډوال نیول شوي دي.