په بغلان کې د طالبانو امنیې قوماندانۍ خبر ورکړی، چې د طالب چارواکو په حضور کې یې څه باندې ۹۳زره کیلو ګرامه بېلابېل نشهيي توکي د پلخمري ښار په کرکر سیمه کې سوځولي. یاده اداره زیاتوي، چې دغه نشهيي توکي یې په تېرو پنځو کلونو کې د بېلابېلو عملیاتو پرمهال کشف او نیولي وو.
د پېښور سترې محکمې د افغانستان د پخوانیو امنیتي او دفاعي ځواکونو د غړو، خبریالانو، وکیلانو، استادانو او یوشمېر نورو افغان کډوالو د ۱۲۳ عریضو په اړه لنډمهالی حکم صادر کړی او اړوندو ادارو ته یې امر کړی، چې دغه کسان دې د ۶۰ ورځو لپاره نه نیول کېږي او نه دې له پاکستان نه اېستل کېږي.
د بغلان یوشمېر اوسېدونکو افغانستان انټرنشنل ته ویلي، چې د دغه ولایت په خوست ولسوالۍ کې د طالبانو د احصايې مدیر قاري عطاالله خلکو ته جدي ستونزې جوړې کړې او ګڼ کسان ترې شکایتونه کوي. د دوی په خبره؛ هغه د یوې تذکرې جوړولو لپاره له خلکو له ۸۰۰ تر ۱۰۰۰ افغانیو ناقانونه پیسې اخلي.
روسیې د پنجشنبې په سهار (د چنګاښ ۱۱مه) د بېپیلوټه الوتکو او توغندیو پر مټ د اوکراین پر پلازمېنه کییف ښار برید وکړ. د رویټرز د راپور له مخې؛ په دغه برید کې شاوخوا پنځه کسان ټپیان شوي، استوګنیزې ودانۍ زیانمنې شوې او د کییف ښار د مرکز په یوه هوټل کې اور هم لګېدلی دی.
یو افغان افغانستان انټرنشنل ته په لېږلي پیغام کې ویلي، چې ایراني ځواکونو یو وار بیا د افغان مساپرو پر کاروان برید کړی دی. د هغه په وینا، یاد کاروان یوه میاشت وړاندې لادرکه شوی و؛ خو نن روښانه شوه چې دغه ځوانان د ایراني پولیسو لهخوا په ډزو وژل شوي دي.
د بدخشان اوسېدونکو افغانستان انټرنشنل ته په لېږلو پیغامونو کې ویلي، چې په وروستیو ورځو کې د دغه ولایت د کوکچې سیند د ترخو او غمجنو پېښو ډګر ګرځېدلی. د دوی په وینا؛ یوازې په تېرو څلورو ورځو کې تر ۱۲ ډېر کسان د دغه سیند په اوبو کې ډوب شوي دي.
د ملګرو ملتونو سر منشي انټونیو ګوترېش د «اعدام» سزا ورکړه یوه «غیرانساني» بڼه بللې او په باور یې دغه سزا د بېګناه خلکو ژوند له ګواښ سره مخ کوي. د نوموړي په وینا، دغه سزا (اعدام)په ۲۱مه پېړۍ کې هېڅ ځای نهلري. د راپورونو لهمخې، په نړۍ کې تر ټول ډېر اعدامونه په چین او ایران کېږي.
د بلجیم د فوټبال ملي لوبډلې د ۲۰۲۶ کال نړیوال جام د یوولسم پړاو (۱۶ غوره لوبډلو) په یوه زړه راښکونکې سیالۍ کې سنېګال ته ۳-۲ ماتې ورکړه او بل پړاو ته یې لاره وموندله.
د هرات لپاره د طالبانو د امنیه قومندانۍ مسوولین وايي، ۳ کسان یې د الکولي مشروباتو د تولید او خرڅلاوی په تړاو نیولي دي. د دغې قومندانۍ ویاند زیاتوي، دغه کسان د هرات ښار د دویمې امنیتي حوزې له شاوخوا سیمو په یو لړ موخهییزو عملیاتو کې نیول شوي دي.
چینايي کارګرو له څو میاشتو ځنډ وروسته، چې د خونړیو امنیتي بریدونو له امله رامنځته شوی و، د تاجکستان او افغانستان پولې ته نږدې د دوشنبې–کولما لویې لارې د یوې برخې د جوړولو چارې بېرته پیل کړې دي.
تخار کې د طالبانو امنیه قوماندانۍ اعلان کړی چې په تېرو درېیو میاشتو کې یې په دغه ولایت کې لږ تر لږه ۴۳۳ کسان د بېلابېلو جنايي جرمونو په تور نیولي دي. د دغې قوماندانۍ د معلوماتو له مخې، یاد کسان د تخار په مرکز او اړوندو ولسوالیو کې نیول شوي دي.
د ایران د بشري حقونو په چارو کې د ملګرو ملتونو ځانګړې راپور ورکوونکې، مای ساتو، ویلي چې د تهران او واشنګټن ترمنځ د کړکېچ د پای ته رسولو لپاره په روانو ډیپلوماټیکو هڅو کې د ایران خلک له پامه غورځول شوي دي.
د اروپايي پارلمان غړې هانا نیومن ویلي، له جرمني څخه افغانستان ته د افغان کډوالو ستنول یوه «احمقانه» پرېکړه ده او دا کار اروپا د طالبانو د فشارونو او باجغوښتنې پر وړاندې زیانمنوي.
د طالبانو د دفاع وزارت اعلان کړی چې په پاکستان کې د دوی د سېشنبې د شپې ډرون بریدونه د دغه هېواد د وروستیو هوایي بریدونو په غبرګون کې نه وو. د دغې ډلې په وینا، دا بریدونه د یوه عادي پوځي بهیر برخه ده چې په راتلونکي کې به هم دوام ولري.
په تهران کې د طالبانو د سفارت سرپرست فضلمحمد حقاني د ایران اسلامي جمهوریت د عالي دیوان له مشر حجت الاسلام جعفر منتظري سره کتلي او په ایران کې یې د مېشتو افغان کډوالو او بندیانو پر ستونزو خبرې کړې دي.
د قطر د بهرنیو چارو وزارت ویلي، د ایران او امریکا ترمنځ د خبرو بل پړاو به د ایران د پخواني مذهبي مشر علي خامنهيي د جنازې له مراسمو وروسته ترسره شي.
پخوانی جهادي قومندان حضرت علي له افغانستان انټرنشنل - پښتو سره په مرکه کې ویلي، پاکستان په افغانستان کې طالبان واک ته رسولي او په باور یې، که پاکستان د «جوړولو» فکر درلودلای، نو اوس به له پاکستان سربېره په افغانستان او نورو ګاونډیو هېوادونو کې ستونزې نهوای.
د افغانستان د بشري حقونو مرکز ویلي، چې طالبانو د محرم په ورځو کې لږ تر لږه ۵۵ شیعه ماتمکوونکي په کابل کې نیولي او په بېلابېلو ولایتونو کې یې د عاشورا او محرم پر مراسمو پراخ محدودیتونه لګولي دي.
په سویس کې د جنیوا د زرغون ګوند مشرې مریم یونس ابنر د اروپايي ټولنې له لوري د طالبانو بېشرطه سفر د شرم وړ بللی دي. هغې له افغانستان انټرنشنل سره په مرکه کې وویل چې اروپایي ټولنې په دې کار سره د افغان ښځو له حقونو سترګې پټې کړې دي.
د افغانستان او ایران د ګډې خونې مسوولینو د هرات لپاره د طالبانو له والي سره په کتنه کې د پرمختللې کرنې، د تخنیکي پوهې لېږد او له نوې ټکنالوژۍ څخه د ګټې اخیستنې په تړاو خبرې کړې دي. د یادې خونې مسوولینو د کرنې چارو په برخو کې د علمي پروګرامونو د پلي کولو لپاره چمتووالی ښودلی دی.
د طالبانو د ترانسپورټ او هوايي چلند وزارت د هوا پوهنې ادارې ویلي، چې د پنجشنبې په ورځ (د چنګاښ ۱۱مه) د هېواد په ۱۶ ولایتونو کې د سختو بارانونو، تالندې او برېښنا، ناڅاپي سېلابونو او تېزو بادونو اټکل شوی دی.