د کورنیو چارو وزارت یو متقاعد جنرال افغانستان انټرنشنل ته په لېږلي پیغام کې ویلي، چې پنځه کاله کېږي نه یې تنخوا اخیستې او نه یې تقاعد. د هغه په خبره، متقاعدین څو ځلې د طالبانو یاد وزارت ته ورغلي؛ خو هیڅ پایله یې نهده ترلاسه کړې.
د بېړیو څار نړۍوال شرکت مارین ټرافیک ویلي، سره له دې چې امنیتي اندېښنې لاهم پرځای دي او د جمعې او شنبې په ورځو پر دوو کښتیو بریدونه شوي؛ د هرمز تنګي له لارې د کښتیو تګراتګ لاهم دوام لري.
پر افغانستان د پاکستان تېری درگرده د یوه نوي عادت څېره اخلي. دا څووم، ان له دوه - درېیو کلونو راهیسې درگرده چورلکې د ډیورند له کرښې راتېريږي او پر څو ولایتونو بریدونه کوي او بېرته سلامتې اوړي. بس موږ یوو او په دا سهار ماتم او ویر.
سياېناېن خبري شبکې د دوو لوړپوړو امريکايي سرچينو په حواله راپور ورکړی، چې د امريکا د ولسمشر ډونالډ ټرمپ ځانګړی استازی سټيو وېټکاف له ايراني استازو سره د خبرو لپاره د قطر پلازمېنې دوحې ته تللی دی.
د اسټرالیا د بهرنیو چارو وزارت یو وار بیا خبرداری ورکړی، افغانستان ته سفر «ډېر خطرناک» دی او له خپلو وګړو او په اسټرالیا کې یې له مېشتو افغانانو غوښتي چې د هر دلیل له مخې د ودونو په مراسمو کې د ګډون یا د کورنۍ د لیدو لپاره هم افغانستان ته سفر ونه کړي.
د رزمي ترکیبي هنرونو (MMA) افغان لوبغاړی احمد سهیل جعفري به د انفینېټ اتلولۍ کمربند لپاره له پاکستاني سیال عظیم خان سره مخ شي. دغه سیالي به د ۷۰ کیلو ګرامه وزن په کټګورۍ کې (د چنګاښ په ۱۷مه) د اسلاماباد په لیاقت لوبغالي کې ترسره شي.
سیمهییزو سرچینو د دوشنبې په ماښام افغانستان انټرنشنل ته ویلي، د هرات پولې ته څېرمه ایراني پوله ساتو ځواکونو د افغانانو پر یوې ډلې ډزې کړې چې له امله یې یوشمېر افغانانو ته مرګژوبله اوښتې ده.
د ملګرو ملتونو عمومي منشي انتونیو ګوټرېش د پاکستان او طالبانو ترمنځ د وروستیو نښتو په اړه ژوره اندېښنه څرګنده کړې او له دواړو لورو یې غوښتي چې ژر تر ژره تاوتریخوالی ودروي او د ملکي وګړو خوندیتوب ته لومړیتوب ورکړي.
د افغانستان د سوداګرۍ او پانګونې خونې رییس سید کریم هاشمي د قرغیزستان د سوداګرۍ او اقتصاد وزارت له مرستیال میدیربیک تومانوف سره په لیدنه کې د دواړو هېوادونو ترمنځ د سوداګریزو اړیکو او د اقتصادي همکاریو د پیاوړتیا په اړه خبرې کړي.
د طالبانو تر کنټرول لاندې افغاني سرې میاشتې ټولنې ویلي، د ناروې سره صلیب د دغې ټولنې د روغتیايي پروګرامونو د ملاتړ او پراختیا ژمنه کړې ده. افغاني سره میاشت ټولنه زیاتوي، دمګړۍ د دغې ټولنې اړوند د رواني ناروغانو د ساتنې او درملنې په مرکزونو کې نږدې ۱۵۰۰ ناروغان تر درملنې لاندې دي.
د طالبانو له پېښو سره د مبارزې چمتووالي ادارې ویلي، چې د دغې ادارې مشر ملا نورالدین ترابي د ترکیې د کورنیو چارو وزارت له سلاکار ظفر کیشي سره په لیدنه کې د طبیعي پېښو د مدیریت، بشرپاله همکاریو او د دواړو لورو ترمنځ د همغږۍ د پیاوړتیا پر لارو چارو خبرې کړې دي.
وټساپ اعلان کړی، چې ډېر ژر به کاروونکي وکولای شي د خپل ټېلیفون شمېرې پر ځای د «کارننوم» له لارې له نورو سره اړیکه ونیسي. دغه شرکت ویلي، د دې نوې ځانګړنې لپاره د کارننوم د ثبت بهیر له روانې اونۍ پیل شوی او د روان کال په وروستیو کې به په تدریجي ډول ټولو کاروونکو ته وړاندې شي.
په جینوا کې د افغانستان استازی نصیر احمد اندېشه د ملګرو ملتونو د بشري حقونو د عالي کمېشنرۍ له نوې مرستیالې اوا دابو سره د افغانستان د بشري حقونو پر وضعیت او د سرغړونو د څېړنې د نوي خپلواک میکانیزم پر فعالېدو خبرې کړې دي.
د پښتون ژغورنې غورځنګ (پيټياېم) د خپلو څو هغو مخکښو غړو لپاره کمپاين پيل کړی، چې ځينې یې د غورځنګ په وينا، له يوې مودې راهيسې لادرکه او ځينې یې له کلونو راهيسې د پاکستان په زندانونو کې دي.
د امریکا ولسمشر ډونالډ ټرمپ او د ایران ولسمشر مسعود پزشکیان د خپلو تازه څرګندونو له لارې د دواړو هېوادونو ترمنځ د اړیکو او اټومي مسلې په اړه بېلابېل دریځونه څرګند کړي دي.
د طالبانو د حکومت ویاند ذبیحالله مجاهد ویلي چې که د پاکستان له لوري پر افغانستان بریدونه دوام وکړي، نو د کابل له لوري د پاکستان سفارت تړل هم یو له ممکنه انتخابونو څخه دی، خو په اوسني وخت کې د ده په وینا د طالبانو حکومت باید زغم او حوصله ولري.
په خیبر پښتونخوا کې د ښځو پر وړاندې د تاوتریخوالي پر زیاتېدونکو پېښو د ښځو د وقار لپاره د خیبر پښتونخوا د ښځو د وضعیت د ارزونې کمېسیون سخته اندېښنه ښودلې او د دغو پېښو غندنه یې کړې ده.
د بلوچ یووالي کمېټې ویلي، چې تېره شپه په کوټې ښار کې د دغې کمېټې د مرکزي غړې سمي دین بلوچ پر کور د پولیسو او استخباراتي ادارو له لوري چاپه وهل شوې، چې په ترڅ کې یې د کور دروازې ماتې او وسایل یې تلاشي شوي او همداراز قیمتي توکي او کتابونه یې وړل شوي دي.
ازادۍ جبهې ادعا کړې، چې د تخار په چاهاب ولسوالۍ کې یې د طالبانو د امنیه قوماندانۍ پر قرارګاه برید کړی او په ترڅ کې یې طالبانو ته درنه مرګژوبله اړولې، خو د کره شمېر په تړاو یې څه نهدي ویلي.
هند پر افغانستان د پاکستان بریدونه په کلکه غندلي او څرګنده کړې یې ده، چې په دې بریدونو کې د ښځو او ماشومانو په ګډون یو شمېر ملکي وګړو ته مرګژوبله اوښتې ده.
د افغانستان پخواني ولسمشر محمد اشرف غني د پاکستان د وروستیو هوايي بریدونو په غبرګون کې ویلي، چې د افغانستان پر ختیځو ولایتونو د پاکستان پرلهپسې بریدونه یوازې امنیتي پېښې نه، بلکې د هېواد د اوسني وضعیت، ملي دریځ او راتلونکي په اړه د ژور فکر او ملي ارزونې غوښتنه کوي.