ایراني چارواکو ویلې، د عراق او افغانستان ترمنځ د لومړي ځل لپاره د رېل پټلۍ ګډ ترانزیټ پیل شوی او لومړنی ترانزیټي بار د ایران د کرمانشاه ولایت له لارې افغانستان ته لېږدول شوی دی.
د جرمني د کورنیو چارو وزارت او طالبانو ترمنځ له تخنیکي خبرو وروسته، کابل ته د افغان کډوالو د اخراج الوتنو شمېر لوړ شوی او په راتلونکي کې به نږدې هره اونۍ کابل ته د اخراج یوه الوتنه کیږي. بېلډ ورځپاڼې رپوټ ورکړی، چې د پلان له مخې به په میاشت کې تر درې پورې چارټر الوتنې کیږي.
د طالبانو د عامې روغتیا وزارت وایي چې د «باران» په نوم له یوې موسسې سره یې د روغتیايي خدمتونو د وړاندې کولو په موخه د ۴ میلیونه او ۳۱۴ زره او ۳۱۳ډالرو په ارزښت تړون لاسلیک کړی دی.
د اوکراین ولسمشر ولادیمیر زیلنسکي وايي، اوکرایني ځواکونو تېره شپه د روسیې د پوځي لوژستیک، د تېلو صنعت او هوايي دفاع پر مهمو تاسیساتو لرې واټن بریدونه کړي، چې د هغه په وینا د اوکرایني وګړو پر وړاندې د روسیې د بریدونو «عادلانه ځواب» دی.
د طالبانو د ریاستالوزراء اقتصادي مرستیال ملا عبدالغني برادر د قزاقستان د صدراعظم مرستیال او د اقتصاد وزیر سریک ژومانګارین سره په کتنه کې د دواړو هېوادونو ترمنځ د «اقتصادي همکاریو د لارې نقشې» پر ژر تر ژره نهایي کېدو ټینګار کړی
د طالبانو مالیې وزارت وایي چې د متقاعدینو د حقوقو د ورکړې په نهم نوبتي مهالوېش کې یې د عامې روغتیا وزارت متقاعدین او د دفاع وزارت د ډګرمنۍ رتبې متقاعد افسران شامل کړي دي.
په پاکستان کې د ایډز د ناروغۍ د پېښو د پرلهپسې زیاتېدو په اړه روغتیاپالانو او اړوندو بنسټونو اندېښنه ښودلې او له حکومت څخه یې غوښتي چې د دې ناروغۍ د مخنیوي، پېژندنې، درملنې او پاملرنې لپاره کورنۍ بودیجه زیاته کړي.
د افغانستان د جمهوري نظام پر مهال د ولسمشر لومړي مرستیال امرالله صالح ویلي، د افغانستان اړوند روان کړکېچ او پېښو د سم درک لپاره باید د پاکستان او طالبانو ادعاوې په احتیاط وڅېړل شي، ځکه د ده په وینا د دواړو لورو څرګندونې د باور وړ نه دي.
د طالبانو د کور او ښار جوړولو وزارت وایي چې د فراه ولایت د کډوالو ښارګوټي په اصلاحي پلان کې راستنو شویو کډوالو ته ۴زره ۲۷۷ استوګنیزې نمرې ځانګړې شوې دي.
د المجله په نامه یوې نړیوالې رسنۍ په یوه تحلیلي راپور کې ویلي چې روسیه له نږدې ۳۷ کلونو وروسته یو ځل بیا افغانستان ته ستنه شوې او د طالبانو له حکومت سره یې د افغان ځواکونو د روزنې او تجهیز لپاره د دفاعي همکارۍ نوې هوکړه کړې ده.
د طالبانو د کورنیو چارو وزارت وایي چې د جنايي جرمونو پر ضد د مبارزې ځواکونو یې په بېلابېلو عملیاتو کې ۱۳ تنه د غلا او د قیمتي لرګیو د قاچاق په تور نیولي دي.
د کډوالو د نړیوالې ورځې په مناسبت، یوې افغانې ښځې چې په پاکستان کې د استوګنې د قانوني اسنادو د نه لرلو له امله نیول شوې وه، افغانستان انټرنشنل پښتو ته په استولي پیغام کې ویلي چې په اډیاله زندان کې ورسره تبعیضي چلند کیده.
د تېر جمهوري نظام د اطلاعاتو او کلتور وزیر عبدالکریم خرم ویلي چې د امریکا او ایران ترمنځ د وروستیو سیاسي بدلونونو له امله ښايي د «اپسټین قضیه» بیا د نړیوالو بحثونو مرکز وګرځي. هغه ادعا کړې چې دا موضوع د جګړې پر مهال تر ډېره پټه ساتل شوې وه.
هندۍ سیالګره انکیتا کمار د افغانستان له ۱۲ ورځني سفر له بشپړولو او په ټولنیزو رسنیو کې له شهرت وروسته د افغانستان کې د روانو حالاتو په اړه ویلي چې افغانې نجونې د کار او زده کړو ازادي غواړي.
د طالبانو د سرحدي پولیسو عمومي ریاست وایي چې د کابل په نړیوال هوايي ډګر کې یې لس تنه د جعلي اسنادو د کارولو په تور نیولي دي.
د طالبانو د امر بالمعروف وزارت وایي چې په بلخ او غور ولایتونو کې یې درېیو ښځو ته یې د مهر حق اخیستی او د دوی په وینا د هغوی د شرعي حقونو د ترلاسه کولو زمینه یې برابره کړې ده.
د ملګرو ملتونو کارپوهانو او د بشري حقونو فعالانو په یوه راپور کې ویلي چې په افغانستان کې د ښځو او نجونو پر وړاندې محدودیتونه یوازې جلا جلا سرغړونې نه دي، بلکې د ښځو د عامه ژوند د له منځه وړلو لپاره یو منظم او قانوني شوی نظام رامنځته شوی چې د «جنسیتي اپارتاید» په نوم یادېږي.
د طالبانو سوداګرۍ او پانګونې خونې د معلوماتو له مخې، که څه هم له ۱۰ زرو څخه ډېرې ښځې اوس رسمي سوداګریز جوازونه لري، خو پراخ محدودیتونه او اقتصادي فشارونه د دې لامل شوي چې زرګونه نورې ښځې له لوړو مسلکي هیلو څخه واوړي او کوچنیو کاروبارونو ته مخه کړي.
د امریکا فضايي اداره «ناسا» وايي چې د فضا څېړنې او د سپوږمۍ د سپړنې پروګرام نه یوازې د فضا لپاره مهم دي، بلکې د فوټبال لوبې پر تخنیک هم اغېز لري، او دا اړیکه به د ۲۰۲۶ نړیوال جام پر مهال خلکو ته په ساده ډول وښودل شي.
د اسراییل ۱۴ چینل راپور ورکړی چې اسراییلي ځواکونو د جنوبي لبنان د علي طاهر په لوړو سیمو کې ایران جوړ د حزب الله د ځمکې لاندې د قوماندې مرکز نیولی دی. د راپور له مخې، ګومان کېږي چې د حزب الله سلګونه غړي د دغه مرکز دننه بند پاتې شوي وي.
د کډوالو نړیوالې ورځې په مناسبت یوې افغانې کډوالې، چې ځان د رسنیو او ښځو د حقونو فعاله معرفي کوي، افغانستان انټرنشنل پښتو ته په استولي پیغام کې ویلي چې د پولیسو له لوري له نیول کېدو وروسته یې د کور وسایل لوټ شوي.