د کډوالو نړیوالې ورځې په مناسبت یوې افغانې کډوالې، چې ځان د رسنیو او ښځو د حقونو فعاله معرفي کوي، افغانستان انټرنشنل پښتو ته په استولي پیغام کې ویلي چې د پولیسو له لوري له نیول کېدو وروسته یې د کور وسایل لوټ شوي.
د طالبانو د کډوالو او راستنېدونکو چارو وزارت د کډوالو نړیوالې ورځې په درشل کې ویلي، چې د روان کال په تېرو پنځو میاشتو کې ۸۰۲ زره او ۷۷۲ افغانان په خپله خوښه او یا هم په جبري توګه افغانستان ته راستانه شوي دي.
د کډوالو د نړیوالې ورځې په مناسبت، د جرمني په توبینګن ښار کې د «افغانستان د ښځو پر وړاندې د جنسیتي اپارتاید پر ضد» تر سرلیک لاندې یوه روزنیزه او مدافعتي غونډه جوړه شوې، چې پکې د افغان ښځو د حقونو د ملاتړ او د جنسیتي تبعیض پر وړاندې د مبارزې پر لارو چارو بحث شوی.
د طالبانو د صنعت او سوداګرۍ وزارت وایي، د افغانستان او قزاقستان د خصوصي سکټورونو ترمنځ د سوداګریزو اړیکو د پراختیا په موخه ۲۵ د همکارۍ تفاهملیکونه لاسلیک شوي دي.
د افغانستان د ښځو د کرېکټ جلاوطنه لوبډله، چې د ۲۰۲۱ کال د اګست له بدلونونو وروسته له هېواده وتلې، وايي د انګلستان راتلونکی سفر به یوازې د لوبو لپاره نه وي، بلکې د نړیوالې کرېکټ شورا (اي سي سي) له لوري د رسميت پېژندنې د ترلاسه کولو لپاره به هم یو مهم کمپاین وي.
طالب پلوې رسنۍ المرصاد ادعا کړې چې د خیبر پښتونخوا خیبر ولسوالۍ د قمبرخېل په سیمه کې د داعش اړوند مرکزونه د نامعلومو وسلهوالو په مرګونو لېزري بریدونو کې په بشپړه توګه له منځه وړل شوي دي.
افغانيالاصله جرمن فوټبالر ندیم امیري د شنبې شپې په سیالۍ کې د بدیل لوبغاړي په توګه میدان ته ښکته شو او د خپلې اغېزناکې لوبې پر مټ یې د جرمني د فوټبال ملي لوبډله له ماتې وژغورله.
په کاناډا کې مېشتو یو شمېر افغانانو او د افغان پیوستون شبکې په هرات کې د طالبانو له لوري د ښځو او نجونو وروستي نیول، ګواښل او د هغوی پر وړاندې تاوتریخوالی په کلکو ټکو غندلی دی. طالبانو دوه اونۍ مخکې د حجاب په پلمه په هرات کې د ښځو نیول پیل کړل او بیا یې په تړاو اعتراضونه هم وځپل.
د بلخ لپاره د طالبانو والي محمد يوسف وفا په اداري نوبتي غونډه کې ویلي، چې ټول طالب مسوولین باید له «منفي تبلیغاتو» مخنیوی وکړي او د هرې غونډې اجنډا باید له اړوندې ادارې تاییدي ولري.
د افغانستان د جمهوري نظام پر مهال د کډوالو او راستنېدونکو چارو پخواني وزیر نور رحمان اخلاقي ویلي، چې هېواد د خلکو د رایو پر بنسټ جوړ شوي نظام ته اړتیا لري. هغه زیاته کړې، چې یوازې په یوه ولسواک نظام کې ټول وګړي له برابرو حقونو برخمن کېدای شي.
د ښځو د ازادۍ شبکې په افغانستان کې د طالبانو له لوري د ښځو او نجونو پر زدهکړو، کار او ټولنیز ژوند د لګول شویو سختو محدودیتونو له امله اندېښنه ښودلې او له نړیوالې ټولنې یې غوښتي چې د دوی د حقونو په ملاتړ کې عملي ګامونه پورته کړي.
د پاکستان دفاع وزیر خواجه اصف د خيبرپښتونخوا په بنو ولسوالۍ کې له پرله پسې دوو چاودنو له رامنځته کېدو وروسته ويلي، اوس باید په یووالي سره د ترهګرۍ پر وړاندې پرېکنده مبارزه وشي او ترهګرو ته ماتې ورکړل شي.
د پاکستان د لومړي وزير دفتر ويلي، د اسلاماباد د تفاهملیک د لاسلیکولو په دوام به سبا (یکشنبه) د سویس په بورګنسټاک کې د امریکا او ایران تر منځ په تخنیکي کچه خبرې وشي. په دغو خبرو کې د ګډون په موخه شهباز شریف هم نن ماخوستن (شنبه د غبرګولي ۳۰مه) د سویس پر لوري روان شوی دی.
د افغانستان کرېکټ بورډ ویلي، چې د هېواد د کورني کرېکټ تر ټولو سترې شل اوریزې سیالۍ، د «ای انډ شپږیزه کرېکټ لیګ سوپرکولا سیالۍ»، د را روانې چنګاښ میاشتې په لسمه د خوست په رحمت ولي مسرور لوبغالي کې پیلېږي. د مسوولینو په وینا، په دغو سیالیو کې پنځه لوبډلې ګډون لري.
د کډوالو د نړیوالې ورځې په مناسبت، د افغانستان لپاره د بریتانیا او ایټالیا سفارتونو له افغان بېځایه شویو او راستنېدونکو د بشري ملاتړ پر دوام ټینګار کړی دی. دغو سفارتونو د شنبې په ورځ په جلا جلا خبرپاڼو کې ویلي، چې افغانستان ته به د دواړو هېوادونو مرستې دوام ومومي.
د افغانستان د تېر جمهوري نظام د ولسمشرۍ ماڼۍ پخواني ویاند صدیق صدیقي له اروپایي هېوادونو غوښتي چې په افغانستان کې د ښځو پر وړاندې د طالبانو چلند په رسمي توګه د «جنسیتي اپارتاید» په توګه وپېژني.
د پښتون ژغورنې غورځنګ (پيټياېم) د مرکزي کمېټې غړې نسيمه مندوخېل په افغانستان کې د طالبانو له لوري د زدهکړو له دوامه او په ټوله کې په ټولنیزو او سیاسي چارو کې له مشارکت څخه د افغان ښځو منع کېدل رد کړل او هغه یې د غندنې وړ وبلل.
په هسپانیا کې مېشتو یو شمېر افغان کډوالو د شنبې په ورځ (د غبرګولي ۳۰مه) د طالبانو د سختدریځو سیاستونو، نیونو او د ښځو ضد اقداماتو پر وړاندې دویم ځلي اعتراضي لاریون وکړ. دوی له هراتۍ ښځو سره د خپل پیوستون له اعلانولو سربېره له نړۍوالو وغوښتل چې د افغان ښځو ملاتړ وکړي.
د بلوچستان په دولتي روغتون کې چې څه موده مخکې د ډاکټرې ماه نور ناصر پر مخ تېزاب پاشل شوي، دمګړۍ یې د کراچۍ په یوه روغتون کې درملنه روانه ده. خو کورنۍ یې وايي، چې بايد په بېړني ډول یې درملنه وشي، څو سترګې یې وژغورل شي. ځايي حکومت ژمنه کړې، چې د درملنې لپاره به امریکا ته واستول شي.
د طالبانو د امربالمعروف، نهې عنالمنکر او د شکایتونو اورېدو وزیر خالد حنفي ویلي، چې افغان ځوانان له دین څخه خبر نهدي او هر کله چې د «حجاب» په تړاو اقدامات کېږي «نو دوی بیا اسلام پسې خبرې شروع کړي».
په ننګرهار کې د طالبانو د رسنیو دفتر د شنبې په ورځ ویلي، چې د دغه ولایت په هیموډیالیز روغتون کې د یوه ۲۰ کلن ناروغ له ښي پښتورګي څخه ۸۵ کوچنۍ تېږې په بریالیو عملیاتو سره اېستل شوې دي.