الجزیرې رپوټ ورکړی، چې له تیرې میاشتې راهیسې د هند پولیسو د لومړي وزیر نریندرا مودي د هندو ملتپال ګوند (بيجیپي)تر واک لاندې ایالتونو پر ګڼو بازارونو او کورونو چاپې وهلې او لسګونه مسلمانان یې له دې امله نیولي، چې «له محمد ص سره د مینې اظهار کوي».
د طالبانو د کډوالو ستونزو ته د رسېدنې عالي کمېسیون وايي، په تېرو ۲۴ ساعتونو کې شاوخوا څلور نیم زره افغان کډوال له ایران او پاکستان څخه په جبري توګه افغانستان ته ستانه شوي دي.
په تورخم او سپین بولدک ولسوالیو کې ځینو افغان سوداګرو افغانستان انټرنشنل ته وویل چې د پاکستان حکومت د کراچۍ بندر ته ویلی، چې تر امرثاني پورې دې د افغان سوداګرو سوداګریز توکي نه باروي د طالبانو او پاکستان ترمنځ له جګړې وروسته پاکستان د تورخم او چمن لارې هم تړلې دي.
اېرنا خبري اژانس راپور ورکړی، چې له ایران نه د افغانانو د اېستلو سره په اقتصادي برخه کې د دغه هېواد ظرفیت محدود شوی او په ځینو مواردو کې له افغان کډوالو سره له تاوتریخوالي ډک چلند هم شوی دی.
سیمهییزو ځایي سرچینو افغانستان انټرنشنل پښتو ته ویلي، چې د کندهار د ښورابک ولسوالۍ په سرلټ سیمه کې یو ځل بیا د طالبانو او پاکستاني ځواکونو ترمنځ نښته شوې ده.
ټایمز اف انډیا ورځپاڼې راپور ورکړی، چې د هند د امرتسر او کابل ترمنځ به مستقیمې الوتنې بېرته پيل شي. د هند د پارلمان غړي وېکرم جیت سېنګ ساهني هم د دغه الوتنو بیا پېلېدل ستایلي او دا کار یې د دواړو هېوادونو په ګټه بللی دی.
د حالوش په نامه د بشري حقونو سازمان وایي، چې په اعدام محکوم شوی ۲۶کلن افغان د اصفهان زندان انفرادي خونې ته لېږدول شوی دی. دغه سازمان وایي، دغه ځوان حضرت اسحاقزی نومېږي او د فراه ولایت د جوین ولسوالۍ اوسېدونکی دی.
د طالبانو د بهرنیو چارو وزیر امیرخان متقي په نوي ډیلي کې له افغان سوداګرو سره په خبرو کې ویلي، چې یوشمېر افغانان په هند کې بندیان دي او په دې اړه یې د هند له بهرنیو چارو وزیر سره خبرې کړې دي.
د پاکستان دفاع وزیر خواجه اصف ویلي، چې له سرحدونو ساتنه د ایالتي حکومتونو نه؛ بلکې د فدرالي حکومت صلاحیت او مسوولیت دی. هغه زیاته کړې، چې د افغان کډوالو د وتلو موضوع هم فدرالي حکومت پورې اړه لري او فدرالي حکومت به په دې اړه پرېکړه کوي.
د ایران د سوېلي خراسان ولایت په مرکز بیرجند ښار کې د افغانستان او ایران لومړنی ګډ اقتصادي نندارتون د دواړو هېوادونو د سوداګریزو اړیکو د پراختیا په موخه پرانیستل شو.
د پاکستان دفاع وزیر خواجه اصف ویلي:« طالبان موږ جوړ کړي او له امریکا سره د نږدېوالي پرمهال مو پياوړي کړي؛ خو اوس د باور وړ نهدي.» هغه ټینګار کړی، چې اسلاماباد نه غواړي له طالبانو سره جګړه وکړي؛ خو د دښمنۍ پر وړاندې به نرم غبرګون ونه ښيي.
پاکستان د دوشنبې په ورځ په چمن کې د سلګونه بېاسناده افغان کډوالو د بېرته ستنولو لپاره د سپین بولدک -چمن دروازه د لنډې مودې لپاره پرانیستې وه. دغه کډوال د بلوچستان په بېلابېلو ښارونو کې مېشت وو.
سرچینو افغانستان انټرنشنل – پښتو ته ویلي، چې د طالبانو او پاکستان ترمنځ تر نښتو وروسته نن درېیمه ورځ هم د تورخم، سپین بولدک، غلام خان، انګور اډه او خرلڅي لارې بندې دي.
د ایران د بهرنیو چارو وزارت د یوه رسمي بیان په خپرولو سره د اسراییل په پارلمان کې د ایران په اړه د ډونالډ ټرمپ څرګندونې «شرموونکې» وبللې. په بیان کې راغلي، امریکا دغه «اخلاقي صلاحیت» نهلري چې پر نورو بېځایه تورونه ولګوي.
د روسیې د بهرنيو چارو وزارت په خپرې شوې خبرپاڼه کې راغلي، چې دغه هېواد د افغانستان او پاکستان ترمنځ پر ډیورنډ کرښه د ټیکاو هرکلی کوي. روسیې له طالبانو او اسلاماباد غوښتي، چې له زغم کار واخلي او خپل ټول اختلافات له سیاسي او ډیپلوماټیکو لارو حل کړي.
په مالیزیا کې شاوخوا ۶زره زدهکوونکي په انفلونزا ناروغۍ اخته شوي دي. د مالیزیا د پوهنې وزارت د دغه خبر په خپرولو سره ویلي، چې د خوندیتوب لپاره یې د ښوونځیو د رخصتولو اعلان هم کړی دی.
د پاکستان دفاع وزير خواجه اصف ومنله، که څه هم طالبان د اسلاماباد لهخوا جوړ شوي او پياوړي شوي؛ خو نور د دوی د باور وړ نیابتي ډله نهده.
د مکسیکو حکومت وايي، تېره اوونۍ په دغه هېواد کې د سختو بارانونو او سېلابونو له کبله ۶۴ کسان مړه او ۶۵ نور تري تم شوي دي. ځایي چارواکي وایي، د سختو ورښتونو له کبله نږدې ۱۰۰ کورونه، پلونه او ځینې سړکونه هم ویجاړ شوي دي.
د یو ورځنیو لوبو لړۍ په درېیمه او وروستۍ لوبه کې به نن افغان لوبډله د بنګلهدېش پر وړاندې د لوبو ډګر ته ښکته شي. دغه لوبه به د افغانستان په وخت له غرمې وروسته په ۳:۰۰ بجو په متحده عربي اماراتو کې پیل شي.
د طالبانو د بهرنیو چارو وزیر امیرخان متقي د هند د صنعت او سوداګرۍ له استازو سره په لیدنه کې ویلي، چې د افغانستان او هند د سوداګرۍ کچه نږدې یو مېلیارد ډالرو ته رسېدلې او په ورته وخت کې د دواړو هېوادونو ترمنځ د اقتصادي همکاریو د پراختیا زمینه برابره شوې ده.
په کندهار کې ځایي سرچینې وايي، چې د طالبانو په دويمې واکمنۍ کې د دولتي ښوونځیو کیفیت خورا ټیټ شوی؛ ځکه د ښوونځیو مشري طالبانو ته سپارل شوې، د څار څانګه لغوه شوې، له ساینسي علومو سره توپیري چلند کېږي، ډېری لابراتوارونه غیر فعال او اوس د ښوونکو لپاره روزنیز ورکشاپونه هم نه جوړېږي.