د ملګرو ملتونو د ماشومانو ملاتړ صندوق (یونېسف) وايي، په افغانستان کې د نجونو پر زدهکړو او د ښځو پر کار دوامداره محدودیتونو د افغانستان په ناخالص کورني تولید کې د ۰.۵ سلنه کمښت لامل شوی دی.
د جنوبي کوریا د ولسمشر لی جې-میونګ واکمن ډیموکراټیک ګوند د سیمهییزو ټاکنو په لومړنیو پایلو کې د اکثریت څوکۍ ګټلې دي، خو په ورته وخت کې د پلازمېنې سیول ښاروالۍ د مهمې څوکۍ د بایللو له ګواښ سره مخ شوی دی.
د امریکا متحده ایالاتو اعلان کړی، چې لبنان او اسراییل د اوربند پر یوه هوکړه سلا شوي دي. د رویټرز خبري اژانس د راپور له مخې، دغه خبر د امریکا د بهرنیو چارو وزارت له لوري د یوې ګډې اعلامیې په خپرولو سره اعلان شوی دی.
د ایټالیا لومړۍ وزیره جورجیا ملوني په دې هېواد کې د درېیو افغان پناهغوښتونکو او یوه پاکستاني وګړي د ژوندي سوځول کېدو په غبرګون کې ویلي چې دغه «وېروونکي جنایت» سخت ټکان ورکړی او حکومت به یې عاملین د عدالت منګولو ته وسپاري.
نړیوالو رسنیو راپور ورکړی چې د افغانستان د ښځینه فوټبال لوبډله، د فوټبال نړیوال فدراسیون (فیفا) له لوري په نړیوالو سیالیو کې د ګډون د اجازې د ترلاسه کولو وروسته، په نیوزیلنډ کې د کوک ټاپوګانو د ښځینه فوټبال لوبډلې پر وړاندې د دوستانه سیالیو ډګر ته ښکته کېږي.
د طالبانو تر واک لاندې د افغانستان د فوټبال فدراسیون اعلان کړی، چې د هېواد د فوټبال اتلانو لیګ د لومړي پړاو غوراوي سیالۍ د مرکزي زون په کچه پیل شوې دي. دغه سیالۍ د کابل په کوربتوب ترسره کېږي او د بېلابېلو ولایتونو شپږ لوبډلې پکې د بل پړاو د جواز ترلاسه کولو لپاره سیالي کوي.
د طالبانو بهرنیو چارو وزیر امیرخان متقي وايي، له هغو شاوخوا ۵۰ هېوادونو سره له ۲۰ کلنې جګړې وروسته دا تمه نهلري، چې اوس پر دوی «ګلان» وشیندي. هغه زیاته کړه، په سیمه کې له یوه هېواد پرته په نورو ټولو کې سفارتونه لري او په وینا یې: «که څوک ورسره اړیکې نهغواړي هغه د هغوی کار دی».
د افغانستان د څېړونکو شبکه وایي، چې په هېواد کې د چاپېریال ناورین له وچکالۍ، سېلابونو، د اوبو له کمښت، ککړتیا، خوراکي ناامنۍ او پر ښارونو له زیات فشار سره تړلی دی او اغېزې به یې په راتلونکو کلونو کې د افغانستان د خلکو پر ژوند سیوری وغوړوي.
د طالبانو تر ادارې لاندې د ترانسپورټ او هوايي چلند وزارت د هوا پوهنې ادارې ویلي، چې د پنجشنبې په ورځ د هېواد په ۱۶ ولایتونو کې د ورښتونو، تالندې او برېښنا او د ناڅاپي سېلابونو د راوتلو احتمال شته.
د امریکا د استازو جرګې یو پرېکړه لیک تصویب کړی چې موخه یې د ایران اسلامي جمهوریت پر وړاندې د ولسمشر ډونالډ ټرمپ د جګړې واکونه محدودول او د دې جګړې پای ته رسول دي.
د طالبانو بهرنیو چارو وزیر امیرخان متقي ویلي، د ټول افغانستان پر یوه لوېشت او یو اېنچ ځمکه مخالفین «تسلط» نهلري، بلکې دوی مسلط دي. متقي خبرداری ورکړ، چې د دوی پر وړاندې د مخالفت، بېاطاعتۍ او سرکشۍ هېڅ جواز نهشته او په ټینګار سره یې ویلي:«هېچاته دا حق نهشته چې مخالفت وکړي».
د امریکا ولسمشر ډونالډ ټرمپ ویلي، چې ایران د نړۍ لپاره یو ستر ګواښ و او که مهار شوی نه وای، کولای یې شول چې د منځني ختیځ سیمه له جدي ناورین سره مخ کړي.
د ملګرو ملتونو په سازمان کې د قطر دایمي استازې، عالیه احمد بن سیف الثاني، ویلي چې دوحه به د افغانستان په اړه خپلو ډیپلوماتیکو او د منځګړیتوب هڅو ته دوام ورکړي.
د اروپايي ټولنې د بشرپاله مرستو دفتر اعلان کړی چې د افغانستان د سېلابځپلو د ملاتړ لپاره یې د سره صلیب او سرې میاشتې نړیوال فدراسیون ته ۵۰ زره یورو اضافي مرسته ځانګړې کړې ده.
افغانستان انټرنشنل له یو شمېر هغو کسانو سره خبرې کړې دي چې په «ګولډ بياېس» کې یې پانګونه کړې وه. دوی وایي چې دغه د پانګونې پلاټفورم بند شوی او د دوی زرګونه ډالره پانګه هم په کې بنده پاتې ده، چې اوس یې د ایستلو امکان نه شته.
د طالبانو د ټولګټو چارو وزارت اعلان کړی، چې د هېواد په شمال کې د سختو بارانونو او سېلابونو راوتلو له امله د بغلان، سمنګان او تخار ولایتونو یو شمېر تړل شوې لویې او مواصلاتي لارې د ترافیکو پرمخ بېرته پرانیستل شوي دي.
اریانا افغان هوایي شرکت وایي، چې کابل ته د افغان حاجیانو په لومړنۍ راستنې شوې الوتکې کې یې مسافرو ته د طالبانو د مشر ملا هبت الله ۱۷ مه ګڼه فرمان په چاپي بڼه ویشلی دی. دا فرمان په ټولنه کې د ناوړه دودونو په تړاو دی.
د بلخ په مرکز مزارشریف کې د سهار څلور بجې دي. ښار لا هم د شپې په تیارو کې ډوب دی. شپاړس کلن بهزاد د سهار له روښنایۍ وړاندې له خوبه راپاڅېږي. د سهار لمونځ ادا کوي، جای نماز ټولوي او ښوونځي ته د تګ چمتووالی نیسي.
د هند په پلازمېنه ډهلي کې د چهارشنبې په ورځ (د غبرګولي ۱۳مه) په یوه هوټل کې د اورلګېدنې له امله لږ تر لږه ۲۱ کسان مړه شوي چې د پولیسو په وینا، ۱۲ تنه یې بهرني وګړي دي. دا پېښه له ۲۰۲۲ کال راهیسې په ډهلي کې د ورته پېښو له تر ټولو خونړیو څخه بلل کېږي.
د بحرین د کورنیو چارو وزارت د چهارشنبې په ورځ (د غبرګولي ۱۳مه) په خپله اېکسپاڼه اعلان وکړ، چې ۱۵ کسان یې له سپاه پاسداران سره د تړاو په تور نیولي دي.
یوه کابل مېشتي افغانستان انټرنشنل ته په استولي پیغام کې ادعا کړې، چې له درېیو کلونو راهیسې بېکاره دی او د دندې موندلو لپاره یې کړې هڅې بېپایلې پاتې شوې، ځکه چې په وینا یې «واسطه» نهلري. هغه زیاتوي، د طالبانو په حاکمیت کې له «واسطې» پرته دنده نهورکول کیږي.