د جرمني په بن ښار کې د طالبانو تر واک لاندې افغان کونسلګرۍ د کارزده کړې یا پرکتیکم یو نوی پروګرام اعلان کړی، چې له مخې یې محصلان او نوي فارغان کولی شي په یوه ډیپلوماټیکه استازولۍ کې عملي تجربه ترلاسه کړي.
د طالبانو د کانونو او پټرولیم وزارت ویلي چې د کندز ولایت د قلعهزال ولسوالۍ د سرو زرو کان د استخراج قرارداد یې له سبحان مومند او د اذربایجان اړوند یوه شرکت سره د ۲۰ میلیونه او ۲۴۰ زره امریکایي ډالرو په ارزښت د پنځو کلونو لپاره لاسلیک کړی دی.
په کابل کې د طالبانو استخباراتو د طلوع نیوز خصوصي ټلوېزیون دوه خبریالان عمران دانش او منصور نیازی زنداني کړي دي. طلوع نیوز ددې خبر په تایید سره ویلي، طالبانو دوی ته خبر ورکړی چې د نیول کېدو جزئیات به یې له «قانوني څېړنو» وروسته شریک شي.
د غزې روغتیايي چارواکي وایي، د اسراییلو په تازه هوايي بریدونو کې لږ تر لږه درې فلسطینیان وژل شوي، چې د حماس تر ادارې لاندې د پولیسو د جنايي څانګې یو لوړپوړی مسوول او د هغه مرستیال هم پکې شامل دي.
د جرمني حکومت د ۲۰۲۵ کال له می میاشتې راهیسې سلګونو افغان پناه غوښتونکو ته ورکړل شوې ژمنې بېرته اخیستې دي. د جرمني د کورنیو چارو وزارت د معلوماتو له مخې، له ۱۰۵۴ افغانانو څخه چې اوس هم جرمني ته د تلو انتظار باسي، یوازې ۱۲۶ کسان د سفر په رسمي بهیر کې پاتې دي.
د ملي جمهوري غورځنګ مخکښ او پښتون سیاستوال افراسیاب خټک وایي، په بنو کې وروستۍ خونړۍ برید او د پښتونخوا په جنوبي ولسوالیو کې نورې مرګژوبلې د پاکستان د ترهګرۍ ضد تګلارې ناکامي په ډاګه کوي.
د خیبر پښتونخوا حکومت وایي، د کرمې ولسوالۍ د خلکو د خوندیتوب لپاره یې د ټل–پاړاچنار پر لویه لاره ځانګړی امنیتي ځواک جوړ کړی دی.
د پاکستان د جماعت اسلامي ګوند پخواني مشر سراج الحق ویلي، په بنو کې پر پولیس چیک پوسټ په برید کې د ۱۵ پولیسو وژل کېدل د خېبرپښتونخوا د صوبایي حکومت او امنیتي ادارو د ناکامۍ څرګند ثبوت دی.
د ننګرهار ولایت مقام وایي، په دغه ولایت کې د پولیو ضد واکسین نوی کمپاین د روغتیايي ادارو او نړیوالو همکارانو په همغږۍ د عملي کېدو په حال کې دی، په داسې حال کې چې چارواکي د ناروغۍ د بشپړې محوې ته د نږدېوالي ادعا کوي.
طالبانو پوهنې وزارت یو پلاوی چې کونړ ولایت ته د پاکستان د بریدونو د ارزونې لپاره تللی وایي چې د پاکستان د بریدونو له امله د کونړ ولایت پر ډيورنډ کرښه پرتو ولسوالیو کې ۱۴ تعلیمي مرکزونه ویجاړ شوي دي.
د سند ایالت مرکزي ښار کراچۍ د پولیسو د ښځو او ماشومانو د ساتنې مرکز د تازه راپور له مخې، د روان کال له جنورۍ تر اپرېل پورې لږ تر لږه ۳۸۸ ښځې او ۱۰ ماشومان د کورني تاوتریخوالي، ځورونې او جنسي تېري قرباني شوي دي.
د ملګرو ملتونو په جینوا کې د افغانستان دایمي استازي نصیر احمد اندېشه ویلي، د افغانستان د راتلونکي سیاسي نظام، ولسي حاکمیت، د اساسي قانون د پلي کېدو، بشري حقونو او تلپاتې سولې په برخه کې د حساب ورکونې رول له مهمو موضوعاتو څخه ګڼل کېږي.
د خيبرپښتونخوا د بنو ولسوالۍ په فتحخېل سيمه کې د پوليسو پر يوې امنيتي پوستې په خونړي موټربم بريد کې لږ تر لږه ۱۲ پوليس وژل شوي او درې نور ټپيان دي. چارواکي وايي، د زورورې چاودنې له امله ټوله پوسته نړېدلې او يو شمېر سرتېري تر ملبې لاندې بند پاتې دي.
د طالبانو د صنعت او سوداګرۍ وزارت وایي، له ازبکستان د قرهقالپاقستان جمهوریت له پلاوي سره یې د څه باندې ۱۰۰ میلیونه ډالرو په ارزښت ۱۳ سوداګریز تړونونه لاسلیک کړي دي.
سیاسي شنونکی بهارات دوګرا په یوه تحلیلي لیکنه کې ویلي، افغانستان چې لسیزو جګړو، بهرنیو لاسوهنو او کورنیو شخړو سخت ځپلی، یوازې د لنډمهاله سیاسي تړونونو له لارې نه شي کولای رښتینې او دوامداره سولې ته ورسېږي.
د روزګان ولایت د امر بالمعروف ریاست وایي، محتسبینو یې د یوې ۱۲ کلنې نجلۍ د هغه اجباري نکاح مخه نیولې چې غوښتل کېده د کورنۍ له خوښې پرته له یوه ۵۰ کلن سپینږیري ته د پیسو په بدل کې واده کړل شي.
د خېبر پښتونخوا د خوراک ادارې په زېرمو کې د غنمو د ورکېدو تازه پېښو د احتمالي فساد او جدي بېنظمیو اندېښنې راپارولي دي. حکومتي پلټنې او رسمي اسناد ښيي چې د بنو او سوات له دولتي زېرمو څخه تر زر مېټريک ټنو زیات غنم ورک شوي دي.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، تېره ورځ ۷۷۴ کډوالې کورنۍ چې ټول ۴۰۳۰ کسان کېږي، له ایران او پاکستان نه افغانستان ته جبري ستنې شوې دي.
د پاکستان د اورګاډو ادارې اعلان کړی چې له کویټې ښار څخه د هېواد بېلابېلو سیمو ته د اورګاډو تګ راتګ د تخنیکي ستونزو له امله ځنډول شوی دی. دغې چارې د بلوچستان له مرکز سره د ریل پټلۍ اړیکې له خنډ سره مخ کړي.
د اندونیزیا چارواکي وایي، د «دوکونو» اورغورځونکو له چاودنې وروسته د دوو ورکو شوو سنګاپوري غرختونکو د لټون عملیات د پرلهپسې اورغورځونو او سخت باران له امله له ستونزو سره مخ شوي دي.
د ازبکستان د قرهقالپاقستان جمهوریت د عالي شورا د رییس په مشرۍ یو لوړپوړی دولتي او خصوصي پلاوی کابل ته رسېدلی، څو له افغان لوري سره د اقتصادي او سوداګریزو اړیکو د پراختیا په اړه خبرې وکړي.