په کابل کې د کرېکټ سیالیو د لوبڅارانو لپاره تازه دوه ورځنی روزنیز پروګرام جوړ شو. د افغانستان کرېکټ بورډ په وینا، دا پروګرام د دوشنبې او سېشنبې په ورځ ترسره شو چې پکې د افغانستان او ازبکستان ۱۸ لوبڅارانو ګډون کړی و.
د واشنګټن فريبېکن مجلې د باخبره سرچینو له قوله راپور ورکړی، چې حزبالله د ایران د ملاتړ له کمېدو وروسته، د خپلو مالي سرچینو د برابرولو لپاره په وېنزوېلا کې د نشهيي توکو قاچاق ته مخه کړې او په دغه هېواد کې یې خپل حضور پراخ کړی دی.
د انګلستان کرېکټ بورډ ویلي، چې دوی به د اسټرالیا پر وړاندې د دویمې او درېیمې ټېسټ لوبې ترمنځ د وقفې پر مهال د ملي لوبډلې د لوبغاړو د زیات الکولو څښلو راپورونه وڅېړي. ځینو رسنیو د انګلستان د ماتې یو له اصلي لاملونو د لوبغاړو د الکولو زیات مصرف بللی دی.
سندرغاړي فرهاد دریا د امستردام په کنسرت کې د یو ګډونوال د «سیاسي څرګندونو» د مخنیوي په اړه د خلکو د غبرګون ځواب کې وویل، کنسرټ د ښې یا بدې سیاسي بیانیې ځای نه، بلکې د موسیقۍ ځای دی. نوموړي له دې ګډونوال سره د خپل چلند دفاع کې زیاته کړه، دا اقدام د طالبانو د ملاتړ معنا نه لرله.
د عراق د برېښنا وزارت اعلان وکړ، چې ایران د یوه رسمي پیغام له لارې دې وزارت ته خبر ورکړی چې د «بېړني حالت» له امله یې بغداد ته د ګازو صادرات په بشپړ ډول درولي دي.
د اسراییل دفاع وزیر یسراییل کاټز تر هغه وروسته له خپل دریځ څخه شاتګ وکړ، چې د غزې تړانګه کې د اسراییلي ښارګوټو د جوړولو په اړه یې څرګندونې له پراخو نیوکو سره مخ شوې.
د ترکیې د کورنیو چارو وزارت تایید کړه، چې د لیبیا د پوځ د لوی درستیز محمد علياحمد الحداد د الوتکې ټوټې انقرې ته نږدې موندل شوې دي. د لیبیا د ولسمشرۍ شورا هم تایید کړه، چې الحداد وژل شوی دی.
د امریکا د بهرنیو چارو وزارت په خپله رسمي اېکسپاڼه کې په ایران کې د سیاسي بندیانو د خوشې کولو غوښتنه کړې.
په مشهد کې د طالبانو کونسلګرۍ وایي، چې د دوی کونسل نورمحمد متوکل د ترکیې د کونسل مراد ایرکول سره په لیدنه کې د غېرقانوني کډوالۍ د مخنیوي په اړه خبرې کړې دي. د طالبانو دغه استازي په ایران کې د افغان کډوالو لپاره د تعلیمي ویزو د اسانتیا په اړه هم بحث کړی دی.
په هرات کې د طالبانو د والي دفتر وايي، چې د لومړي ځل لپاره د شاوخوا ۴۰ زره امریکايي ډالرو په ارزښت یې سعودي عربستان او متحده عربي اماراتو ته ۱۰ کانټینره بېټرۍ صادرې کړې. دوی همداراز زیاتوي، چې دغه بېټرۍ د هرات په صنعتي ښارګوټي کې تولید شوې دي.
سيبياېس نیوز راپور ورکړی، چې د ټرمپ حکومت غواړي د زرګونه کډوالو د پناهغوښتنې دوسیې لغوه کړي او درېیمو هېوادونو ته یې ولېږي. حکومت هڅه کوي، ډېری پناهغوښتونکي د یوګانډا په څېر هېوادونو ته په لېږلو سره د اېستلو بهیر ګړندی کړي او هغوی نور امریکا ته د ننوتلو څخه منع کړي.
په سوېلي کلفورنیا کې یو شمېر افغانانو د یوې غونډې په ترڅ کې د «افغاناېواک» مشر شاون ونډایور له نه ستړې کېدونکو هڅو ستاینه وکړه او د درناوي په توګه یې هغه ته لونګۍ ور پر سر کړه.
په داسې حال کې چې افغانستان لا هم له سختو بشري ستونزو او د روغتیايي خدماتو له کمښت سره مخ دی، د کډوالو په چارو کې د ملګرو ملتونو عالي کمېشنرۍ (یواېناېچسيار) او اسلامي پراختیایي بانک د یوې نوې روغتیايي پروژې د پیل اعلان وکړ.
د امنیت شورا په غونډه کې د امریکا استازي د ایران د اټومي پروګرام په اړه وویل، چې متحده ایالات لا هم د ایران د اټومي پروګرام د حلوفصل لپاره خبرې اترې غوره لاره ګڼي.
په کندهار کې د طالبانو د مشر استوګنځي ته نږدې عینو مېنه کې لا هم ماشومان د ژمي په سړه هوا کې پر سړکونو ولاړ وي او خیرات غواړي. د سیمې اوسېدونکي وايي، د اقتصادي ستونزو له ډېرېدو سره دا حالت ورځ تر بلې اندېښمنوونکی کېږي او د ماشومانو راتلونکی له جدي ګواښ سره مخ دی.
په جرمني کې له ۵۰زیاتو نامتو څېرو له فدرالي حکومت غوښتي چې په افغانستان کې د برلین متحدان یا محلي کارکوونکي (Ortskräfte) جرمني ته ولېږدوي. پر لیک تلویزیوني کوربه ګونتر یاوخ، د نوبل جایزې ګټونکې هرتا مولر، هنرمند هاپه کرکلینګ او نورو لاسلیکونه کړي دي.
په هرات کې د صنعتي دستګاوو د یوې کارخونې مسوولین وايي، چې په لومړي ځل یې له افغانستان څخه تاجکستان ته صنعتي کارخونو او کانونو اړوند بېلابېلې دستګاوې صادرې کړې دي. ددغو صنعتي ماشین الاتو او دستګاوو ارزښت تر ۳۵۰ زره امریکايي ډالرو رسیږي.
په ننګرهار کې د طالبانو د کور او ښار جوړونې رییس مولوي محمد نبي سعید ویلي، چې په راتلونکو دوو ورځو کې به راستنو شویو کډوالو ته د ځمکو د وېش لړۍ په رسمي ډول پیل شي.
د امریکا د مخکیني ولسمشر جو بایډن زوی د ناقانونه کډوالۍ او له افغانستان نه د امریکايي ځواکونو د وتلو په تړاو د خپل پلار پر تګلارو نیوکې وکړې. هنټر بایډن له افغانستان نه د امریکايي ځواکونو د وتلو بهیر هم ناسم وباله او ویې ویل چې دا کار کېدای شوای په غوره ډول ترسره شوی وای.
د بلوچستان ځایي چارواکي وایي، چې ۱۷۹ تنه افغانان، چې ښځې او ماشومان هم پکې شامل دي، د پاکستان خاورې ته د ناقانونه داخلېدو او له دې هېواده په غیر قانوني لارو ایران ته د تګ په تور نیول شوي دي.
د طالبانو تر واک لاندې د کانونو او پټرولیم وزارت وایي چې د پنجشیر ولایت له کانونو څخه استخراج شوي درې زره او ۵۴۴ قیراطه زمرد یې د ازادې بولۍ له لارې پلورلي دي.