په ملګرو ملتونو کې د افغانستان دایمي استازي نصیراحمد فایق د ډیورنډ په اړه د محمد محقق وروستیو څرګندونو په غبرګون ویلي، په دې حساس پړاو کې په قصدي یا غیرقصدي ډول د ډیورنډ مسلې راپورته کول د افغانستان له اصلي او ژورو ناورینونو د عامه افکارو اړولو هڅه ده.
د پاکستان په راولپنډۍ ښار کې پولیسو په ناقانونه توګه د مېشتو افغان کډوالو پرضد د عملیاتو پرمهال یوه ۱۵ کسیزه افغان کورنۍ نیولې ده. په نیول شویو کسانو کې ښځې او ماشومان هم شامل دي.
د طالبانو تر واک لاندې د اریانا افغان هوايي شرکت خبر ورکړی، چې یوه بوینګ ۵۰۰-۷۳۷ ډوله چارتر الوتکه د کابل نړۍوال هوايي ډګر ته رسېدلې. د یاد شرکت په وینا؛ دغه الوتکه د ۱۲۶ مساپرو د لېږد وړتیا لري او په کورنیو او نړۍوالو الوتنو کې به وکارول شي.
د چهارشنبې په ورځ د پاکستان د هوایي ډګرونو ادارې خبر ورکړی، چې د هندي الوتکو پر وړاندې یې د خپل هوایي حریم تړل کېدو موده نوره هم غځولې او (د مئ تر ۲۴مې) به دغه بندیز دوام وکړي.
د ښځو او بشري حقونو د ملاتړ او ودې بنسټ «راواه» په یوې اعلامیه کې د پاکستان له حکومت نه غوښتي، چې د افغان کډوالو جبري اېستنې، نیونې او ځورونې دې سملاسي ودروي. یاد بنسټ پر اړوندو ادارو هم غږ کړی، چې د کډوالو د ژغورنې لپاره عملي اقدام وکړي.
د بلوچستان سر وزیر میر سرفراز بګټي یوې غونډه کې له دغه ایالت نه د افغان کډوالو د اېستلو روان بهیر و ارزاوه. ښاغلي بګټي یادې غونډې ته د وینا پرمهال ویلي، باید د افغان کډوالو د اېستلو لړۍ په ډاډمنه توګه پای ته ورسول شي.
د ملګرو ملتونو د خوړو نړۍوال پروګرام خبر ورکړی، چې د نورستان په کامدېش او برګمټال ولسوالیو کې ۱۳۶زره کسانو ته د اړینو توکو د مرستو د لېږد لړۍ پیل شوې ده. د یادې ادارې په وینا؛ د جګړو له امله په ختیځ نورستان کې لرو پرتو سیمو ته له څه باندې شپږو اونیو راهیسې لاسرسی محدود و.
د جمعیت علماء اسلام ګوند مشر مولانا فضل الرحمان له خبریالانو سره د خبرو پرمهال ويلي، چې د تحریک انصاف ګوند بنسټګر او د پاکستان پخوانی لومړی وزیر عمران خان باید له زندانه خوشې شي او هغه ته د هېواد په ټولو چارو کې د سیاسي رول لوبولو اجازه ورکړل شي.
د سعودي عربستان ولیعهد محمد بن سلمان د سېشنبې په ورځ په جده کې د سوریې له ولسمشر احمد الشرع سره ولیدل. دواړه خواوو د دوهاړخیزو اړیکو، اقتصادي همکاریو او د پانګونې پیاوړتیا، د سیمهییزو نښلوونکو پروژو او د سیمهییزو او نړۍوالو بدلونونو په اړه خبرې کړې دي.
نیویارک ټایمز ته باخبره سرچینو ویلي، چې د امریکا ولسمشر ډونالډ ټرمپ پلان لري د ۴۰۰ ماشومانو په ګډون شاوخوا ۱۱۰۰ افغان کډوال د قطر له پنډغالي څخه کانګو ته ولېږدوي. په دې ډله کې د امریکا د پوځ ژباړونکي، پخواني کمانډو او د افغان-امریکايي سرتېرو د کورنیو غړي شامل دي.
د افغانستان لپاره د ملګرو ملتونو د بشري حقونو ځانګړي راپور ورکوونکي ریچارډ بېنېټ په اېرلنډ پارلمان کې خبرداری ورکړی، چې طالبان د افغانستان ښوونیز سیسټم د خپلې ډلې د افراطي اېډیالوژۍ پربنسټ بیارغوي.
د ملکرو ملتونو د بشري چارو د همغږۍ دفتر (اوچا) ویلي، نږدې اته میاشتې وروسته له هغې سختې زلزلې چې په کونړ کې یې له ۲۱۵۰څخه ډېر کسان ووژل، لا هم سلګونه زره خلک بېړنیو بشري مرستو ته اړتیا لري.
په بلخ ولایت کې د ځانګړو مسلکي زدهکړو د لېسې نابینا او کاڼو زدهکوونکو د یوه لیک له لارې له کمزوري مدیریت او د مسلکي ښوونکو له نشتوالي شکایت کړی دی.
د خېبرپښتونخوا، د مومندو ولسوالۍ ځایي پولیسو ويلي، چې د کوکنارو د کښت پر ضد یې پراخه عملیات ترسره کړي او د کوکنارو کروندې یې له منځه وړی دی. د معلوماتو له مخې، دغه عملیات د مومندو په امبار او پړانګ غار سیمو کې ترسره شوي دي.
د ایرلنډ پارلمان اعلان کړی، چې په افغانستان کې د بشري حقونو وضعیت، په ځانګړي ډول د ښځو او نجونو حقونه، تر ارزونې لاندې نیسي او نږدې وخت کې به په دې تړاو یوه غونډه جوړه کړي.
د بشري حقونو د څار ادارې د افغانستان برخې څېړونکې فرشته عباسي ویلي، چې د افغان پناهغوښتونکو اخراج باید هېڅکله له طالبانو سره د کومې هوکړې پر بنسټ ترسره نه شي.
د امريکا ولسمشر، ډونالډ ټرمپ د ایران له اسلامي جمهوريت سره د دوه اوونيو اوربند د پای ته رسېدو په وروستيو ساعتونو کې، په خپلې ټولنيزې شبکې ټروت سوشل کې د يوې اعلاميې په خپرولو سره اعلان وکړ، چې اوربند به تر هغې وغځوي، څو تهران خپل وړانديز وړاندې کړي او خبرې اترې پايلې ته ورسېږي.
د خېبر پښتونخوا د سوات د رحیم اباد سیمې پولیسو ویلي، چې د سه شنبې په ورځ ناوخته پر یوه موټر د وسله والو د ډزو په پېښه کې درې کسان ټپيان شوي و، چې وروسته یې په روغتون کې ساه ورکړې ده.
د کونړ په مرکز اسعد اباد کې یو شمېر ځايي سرچینو افغانستان انټرنشنل – پښتو ته ویلي، چې نن شپه له یوولس نیمو بجو راهیسې یو ځل بیا د دغه ښار پر بېلابېلو سیمو د پاکستاني عسکرو له لوري توغندي توغول کېږي. سرچینو زیاته کړې چې تر اوسه په دغو بریدونو کې د مرګ ژوبلې په تړاو جزییات نشته.
د طالبانو د استخباراتو مرستيال تاجمير جواد بدخشان ته د خپل سفر پر مهال ويلي، چې دوی په ځينو هېوادونو کې د مخالفانو خوځښتونه له مخکې اټکل کړي وو. هغه زياته کړه چې له پيل راهيسې دوی په چمتووالي کې وو، څو د مخالفانو کړنې شنډې کړي.
د اروپايي پارلمان غړې، هانا نیومن، د طالبانو د تخنیکي پلاوي د احتمالي سفر په اړه، چې ټاکل شوې د اروپایي ټولنې له غړو هېوادونو د افغان کډوالو د اخراج پر موضوع خبرې وکړي، توند غبرګون ښودلی او ویلي یې دي چې اروپایي چارواکي «په بروکسل کې د طالبانو لپاره سرې غالۍ هواروي».