له پاکستان څخه افغانستان ته جبري ستانه شوي یو شمېر کډوال شکایت کوي، چې له څو میاشتو راهیسې په خېمو کې ژوند کوي او له سختو اقتصادي ستونزو او لوږې سره مخ دي، خو د دوی په خبره، تر اوسه ورته کافي مرستې نهدي رسېدلي.
د خېبرپښتونخوا مردان ولسوالۍ په رستم سیمه کې د مرمر په نړېدلي کان کې بند پاتې یو کارګر، له ۱۷ ورځو وروسته ژوندی ژغورل شوی.نوموړي ویلي، د باراني اوبو په څښلو ژوندی پاتې شوی، په داسې حال کې چې د پېښې پر مهال اته نور کارګر مړه شوي وو.
یو ۱۹ کلن افغان ځوان د فرانسې د مارسی ښار ته نږدې د لپن میرابو په سیمه کې پر وزو او پسونو د جنسي تېري په تور نیول شوی او محکمې ته معرفي شوی دی. د راپورونو لهمخې، که پرې جرم ثابت شي، نو له درې کلونو بند او ۴۵ زره یورو جریمې سره به مخ شي.
د ملګرو ملتونو د ښځو څانګې په یوه نوي راپور کې ویلي، چې د اسراییل د یرغل له پیل راهیسې تر اوسه پورې په غزه کې له ۳۸ زرو زیاتې ښځې او نجونې د اسراییلي بریدونو له امله وژل شوي او له ۱۱ زرو څخه زیاتې نورې ښځې د ټپونو له کبله د تل لپاره معیوبې شوې دي.
د پاکستان حکومت اعلان کړی، چې د دغه هېواد لومړي وزیر شهباز شریف د ډیزل په بیه کې د پام وړ کمښت منظور کړی دی. د رسمي خبرپاڼې له مخې، دا پرېکړه د جمعې په ورځ شوې او د ډیزل بیه ۳۲ روپۍ او ۱۲ پیسې راکمه شوې ده.
د طالبانو د صنعت او سوداګرۍ وزیر په ترکیې کې د انتالیا ډيپلوماسۍ فورم په څنډه کې له خپل ترکي سیال سره په کتنه کې له ترکیې وغوښتل، چې په افغانستان کې د درملو پر سکټور پانګونې وکړي. د افغانستان او پاکستان د لارو او سوداګرۍ له بندېدو وروسته افغانستان د درملو له کمښت سره مخ شوی دی.
د جمهوري غوښتونکو خوځښت د افغانستان د روان سیاسي بنبست د حل لپاره د یوې پراخې ملي اجماع پر بنسټ د لویې جرګې د جوړېدو غوښتنه کړې ده. د دوی په باور، دا جرګه کولای شي په افغانستان کې د یوه مشروع، حسابورکوونکي او د خلکو د ارادې پر بنسټ د حاکمیت رامنځته کېدو لپاره زمینه برابره کړي.
د افغانستان لپاره د پاکستان ځانګړي استازي محمد صادق خان د پاکستان لپاره د پولنډ له سفیر ماچیه پېسارسکي سره په لیدنه کې ویلي، چې ترهګرې ډلې نه یوازې د پاکستان او سیمې امنیت ته، بلکې تر سیمې هاخوا هېوادونو ته هم خطر پېښوي.
د افغانستان د کرېکټ بورډ مشر میرویس اشرف خبر ورکړی، چې د افغانستان د کرېکټ ملي لوبډلې پخوانی لوبغاړی شاپور ځدراڼ ناروغ دی او اوس مهال په هند کې تر درملنې لاندې دی. د کرېکټ د نړۍ ستورو راشد خان او شاهد اپريدي هم د نوموړي پر ناروغۍ خواشیني څرګنده کړې ده.
په افغانستان کې د خبریالانو د وضعیت په اړه اندېښنې زیاتې شوي، ځکه ۳۶۰خبریالانو، د رسنیو کارکوونکو او د بشري حقونو فعالانو په یوه پرانیستي لیک کې د طالبانو له لوري د بندي خبریالانو د سملاسي او پرته له شرطه د خوشې کېدو غوښتنه کړې ده.
د پروان ولایت لپاره د طالبانو د امنیه قومندانۍ مسوولین وايي، د دغه ولایت د مرکز اړوند سیمه کې د یوې ټرافیکي پېښه له امله یو کس مړ او ۵ نور ټپیان شوي دي.
د روسیې د مرکزي بانک لومړي مرستیال ولادیمیر چیستیخین په مسکو کې د طالبانو له سفیر ګل حسن حسن سره په کتنه کې د افغانستان د بانکي سیستم د پیاوړتیا په برخه کې د همکارۍ ډاډ ورکړ. په دې کتنه کې د بانکي او اقتصادي همکاریو پر پراختیا هم خبرې شوې دي.
د طالبانو د هواپوهنې ادارې خبر ورکړی، چې سبا شنبه، د وري ۲۹مه په ۲۳ ولایتونو کې د سختو بارانونو، تالندې او برېښنا، تېزو بادونو او د سېلابونو د راوتو اټکل شوی.
د ترکیې په انتالیا ښار کې د ۲۰۲۶ کال د ډیپلوماسۍ نړۍوال کنفرانس د نړۍ د لسګونو هېوادونو د ولسمشرانو، لومړیو وزیرانو، د بهرنیو چارو وزیرانو او د نړیوالو سازمانونو د استازو په پراخ ګډون سره ترسره شو. په دغه کنفرانس کې د طالبانو د سوداګرۍ وزیر هم ګډون کړی.
د ملګرو ملتونو د بشري مرستو د همغږۍ دفتر «اوچا» په خپل تازه راپور کې ویلي، چې سږ کال په افغانستان کې د خوراکي توکو بیې په بېساري ډول لوړې شوې دي. د راپور لهمخې، د وریجو بیه تر ۴۷ سلنې، غنم ۲۰سلنه، غوړي ۱۰ سلنه او بوره ۱۹ سلنه لوړه شوې ده.
د طالبانو د تولګټو چارو وزارت ویلي، چې د بادغیس ولایت د مقر له سیمې څخه یې د قیصارـ لامان ۵۰ کلیو متره سړک رغنیزې چارې پیل کړي. د طالبانو په خبره دغه پروژه به په درېیو کلونو کې بشپړه شي.
ایران دولتي ټلویزیون اعلان وکړ چې له دې وروسته د هرمز په تنګي کې د نظامي بېړیو تګ راتګ منعه دی او یوازې ملکي بېړۍ کولی شي د ځانګړو لارو او د سپاه پاسداران د سمندري ځواکونو له اجازې وروسته له دغه تنګي څخه تېرې شي.
د پاکستان دولتي رسنیو راپور ورکړی، چې د ټيټيپي یو نیول شوی غړی امیر سهیل اعتراف کړی، چې په افغانستان کې یې په پوځي مرکزونو روزنه ترلاسه کړې ده. رسنیو د نیول شوي کس له قوله ویلي، چې د ټيټيپي مرکزونه په افغانستان کې دي او د طالبانو او د هند د استخباراتو لهخوا یې ملاتړ کېږي.
په افغانستان کې د مذهبي ازادیو پر وړاندې د محدودیتونو د زیاتېدو پر دوام د کندهار، بامیان او د کابل د ښوونې او روزنې پوهنتونونو ځني زدهکړیالان وايي، چې طالبان په پوهنتونونو کې د شیعه محصلانو د مذهب د بدلولو لپاره منظمې هڅې پیل کړې دي.
د عزیزي ګروپ مشر میرویس عزیزي اعلان وکړ، چې د تخار او بغلان ولایتونو د برېښنا فابریکو لپاره پېرل شوي ماشینونه او وسایل انتقال ته چمتو دي. نوموړي ویلي دغه ماشینونه د ۵۱۵ میګاواټه برېښنا د تولید ظرفیت لري.
د فرانسې خبري اژانس په یوه راپور کې ویلي، چې د کونړ ولایت په سرحدي سیمو کې د طالبانو او پاکستاني ځواکونو ترمنځ پرلهپسې نښتو او د توپچي بریدونو له امله د ماشومانو د زدهکړې بهیر درېدلی او سلګونه ماشومان له زدهکړو بېبرخې شوي دي.