آرشیف

ټاکل شوې چې سبا د جمعې په ورځ د امریکا ولسمشر ډونالډ ټرمپ او د روسیې ولسمشر ولادیمیر پوتین د الاسکا ایالت په المندورف هوايي اډه کې مخامخ خبرې اترې وکړي.

د ایران بهرنیو چارو وزیر، عباس عراقچي، ویلي چې په ایران کې د کورنیو غونډو، علمي او پوهنتوني حلقو او عامو خلکو تر منځ د اسراییل د احتمالي نوې پوځي حملې په اړه پوښتنې مطرح دي او ټولنه بې‌پروا نه ده.

د افغانستان امریکایي پوهنتون پخواني مشر، ډېوېډ سډني وایي، د امریکا د حکومت له لوري د دې پوهنتون د ملاتړ د بندېدو پرېکړه ډیره «ترخه» ده، سډني، خبرداری یې ورکړی چې د امریکا د مرستو بندېدل به د افغانستان میلیونونه وګړي د لوږې او د روغتیايي خدماتو د کموالي له ګواښ سره مخ کړي.

د کډوالو لپاره د ناروې هېواد شورا «این ار سي» د طالبانو د واکمنۍ د څلورم کال په مناسبت ویلي، چې د افغانستان د کلونو پرمختګونه په ځانګړې توګه د ښځو په برخه کې له منځه تللي دي.

د ملګرو ملتونو ځانګړي راپور ورکوونکي رېچارډ بېنېټ له نړیوالې ټولنې غوښتنه کړې چې د طالبانو د استبدادي او تشدد ډک رژیم نورمال کول ونه مني. هغه وايي، چې د طالبانو واکمني تلپاتې نه ده.

د طالبانو ویاند د ملګرو ملتونو سازمانو او نورو سازمانونو له خوا په افغانستان کې د لوږې او نورو ستونزو په اړه محاسبې ناسمې بللې دي او وايي، دغه ډول سازمانونه د جاسوسۍ، شر او فساد لپاره فعالیت کوي.

د طالبانو د واکمنۍ د څلورم تلين په مناسبت، د ملګرو ملتونو کارپوهانو پر دې ډلې د جنسیتي ځپنې، د بشري حقونو د نقض او د نړیوالو قوانینو د نقض تورونه ولګول او له نړیوالې ټولنې یې وغوښتل چې د طالبانو رژیم د عادي کولو د هر ډول هڅې مقابله وکړي او بدلون د افغانانو په مشرۍ راشي.

د امریکا ولسمشر ډونالډ ټرمپ ویلي، چې ګومان کوي د روسیې ولسمشر ولادیمیر پوتین د اوکراین جګړې د پای ته رسولو لپاره د یوې هوکړې کولو ته چمتو دی. ټرمپ په یوه راډیويي مرکه کې وویل: «زه فکر کوم هغه (پوتین) به معامله وکړي».

د طالبانو په بیا راژوندي کولو او ملاتړ کې د پاکستان رول او پټې اړیکې لا هم یوه پېچلې موضوع ده. د دې ډلې جوړښت، موخې او د پاکستان له لارې ملاتړ د افغانستان پر اوږده جګړه ژوره اغېزه لري، چې د جغرافیایي او امنیتي ستراتیژیو له اړخه د تحلیل او څېړنې وړ دي.

د قزاقستان مرستیال صدراعظم سریک ژومانګارین وايي، چې د قزاقستان لپاره په ټرانس ـ افغان رېل پټلۍ کې ګډون ډېر ګټور دی، ځکه دا نن تر ټولو چټکه لاره ده چې سمندر ته رسېږي. نوموړی وايي،د پروژې د تمویل لپاره د نویو شریکانو په لټه کې دي.

طالبانو ویلي، چې دوی به د افغانستان د نیولو د څلورمې کلیزې د نمانځلو په مناسبت پر کابل له هلېکوپترو ګلان وشیندي. د طالبانو د اطلاعاتو او کلتور وزارت ویلي، د دفاع وزارت هلیکوپټر به د جمعې په ورځ د کابل په اسمان کې «ښکلې هوایي نندارې» ترسره کړي او رنګارنګ ګلان به وشیندي.

یو شمېر هغه افغانان چې د جرمني د منلو فدرالي پروګرام تاییدلیکونه لري او په اسلام اباد کې د جرمني د نړیوالو همکاریو سازمان په کرایه شویو میلمستونونو کې اوسیږي، وايي، د اسلام اباد پولیسو یې پر استوګنځایونو عملیات کړي او تر ۳۰ ډېر کسان یې نیولي او اخراج کړي دي.

هند د پنجشنبې په ورځ وویل، هیله لري چې له متحده ایالاتو سره یې اړیکې د متقابل احترام او ګډو ګټو پر بنسټ مخته لاړې شي، څو هغه اندېښنې کمې شي،چې ګواکې اړیکې د واشنګټن د لوړو تعرفو له لګولو وروسته خرابې شوې دي.

د طالبانو د بهرنیو چارو وزیر امیرخان متقي په یوه لیک کې د پاکستان د بهرنیو چارو وزیر اسحاق ډار ته د پاکستان د ازادۍ ورځې مبارکي او د هر اړخیزو همکاریو او اقتصادي اړیکو د پیاوړتیا ډاډ ورکړی.

په خوست کې د طالبانو د اطلاعاتو او کولتور ریاست د دې ډلې د امیرالمومنین پېژندنې غونډه جوړه کړې ده. په دې غونډه کې د طالبانو د امیرالمومنین په وصف ویناوې او ترانې ویل شوې دي. طالبانو له دې وړاندې د امارت پېژندنې په تړاو د غونډو یوه لړۍ پیل کړې وه.

سرچینو افغانستان انټرنشنل ته وویل، چې د زمري پر ۲۹مه په کابل کې د افغانستان، پاکستان او چین درې اړخیزه ناسته کیږي، چې د بیجنګ ناستې د پرېکړو پر تعقیب، د ډیورنډ کرښې پر مدیریت، عملیاتي همغږۍ او ترهګرۍ ضد همکاریو پکې بحثونه کیږي.

د افغانستان وروستی نېږدې ۳۵ کلن تاریخ له سختو کړکېچونو او لوړو ژورو ډک دی. اړتیا ده چې د نویمې لسیزې له تورې دورې، د جمهوریت تر جوړېدو او بیا له نسکورېدو، تر اوسني طالباني اختناق پورې د هېواد د سیاست یوه ژوره تاریخي شننه وشي.

د پاکستان پوځ د روان کال (۲۰۲۵) له اوایلو نه په بلوچستان کې شپږم ځل پوځي عملیات پیل کړي او د پوځ او د بلوڅ ملتپالو وسله‌والو تر منځ خونړۍ نښتې روانې دي.

د طالبانو مشر د ملا نصرالدین په نامه د کندهار د ترافیکو مخکینی مدیر د کابل د ترافیکو د رییس په توګه ټاکلی دی. ملا نصرالدین د ترافیکو د مدیر په توګه له دندې وړاندې د کندهار د میوند ولسوالۍ د یوه کلي د جومات امام و . نوموړی د طالبانو د مشر له باوري کسانو شمېرل کیږي.

د پاکستان په پلازمېنه اسلام‌اباد کې د طالبانو سفارت د پاکستان د جوړېدو د ۷۹ کلیزې په مناسبت د دغه هېواد حکومت او خلکو ته مبارکي ویلې ده او د دواړو هېوادنو ترمنځ یې د اړیکو پر پیاوړتیا ټينګار کړی دی.

د افغانستان د رسنیو ملاتړ سازمان وايي، چې په پاکستان او ایران کې د خبریالانو د خوندیتوب لپاره یې په سوشل میډیا کمپاین روان ساتلی. د کمپاین تنظیموونکي تمه لري چې نړیوال سازمانونه او د بیان د ازادۍ ملاتړي هېوادونه به د افغان خبریالانو د خوندیتوب لپاره عملي ګامونه واخلي.