آرشیف

طالبانو ویلي، چې د اقتصادي کمېسیون په غونډه کې د فراه ولایت د ابونصر فراهي بندر د پراختیا او په بندر کې د نویو تاسیساتو په اړه د ۴۰۰۰ جریبه ځمکې د ځانګړې کولو پرېکړه کړې ده.

سرچینو افغانستان انټرنشنل ته ویلي، چې په کابل کې د نجونو او ښځو د نیولو لړۍ د کندهار د والي ملا شیرین په امر د ملا هبت‌الله په لارښوونه پیل شوې. سرچینې زیاتوي، چې ملا شیرین لس ورځې وړاندې د امربالمعروف د نوي قانون د پلي کېدو څارنې لپاره کابل ته تللی و.

په سرپل ولایت کې ځايي سرچینو افغانستان انټرنشنل ته ویلي، د دغه ولایت د کوهستان ولسوالۍ په کچن کلي کې د ځمکې په سر د طالبانو خپلمنځي نښته شوې چې په‌کې دوه طالبان وژل شوي دي.

د طالبانو تر واک لاندې د افغانستان بانک لومړي مرستیال صدیق‌الله خالد ویلي، د لوېدیځ له‌خوا د افغانستان کنګل شوې شتمني د افغانانو حق دی او ټینګار یې کړی چې د بېرته‌ تر ترلاسه کولو لپاره یې د دغې ډلې چارواکي هلې ځلې کوي.

د افغانستان د پخواني ولسمشر لومړي مرستیال امرالله صالح چهارشنبه (د زمري لومړۍ نېټه) پر اېکس‌پاڼې لیکلي، چې جمهوریت یو د نه‌انکار او د نه منلو وړ اصل دی او د هغه نظام د کمزورتیاوو ښودنې او د اصل له پامه غورځونې هڅې یې ناسمې دي.

د طالبانو د بهرنیو چارو وزارت د قونسلي چارو مشر محمد شعیب بریالی وايي، چې دا مهال ۲۹ سیاسي او قونسلي استازلیو کې د پاسپورټونو د ورکړې لړۍ روانه ده. هغه زیاته کړې، چې په نږدې راتلونکې کې به د جرمني په بن ښار کې د پاسپورټ چاپ حوزه له څلور کلن ځنډ وروسته بیا فعاله شي.

د طالبانو د بهرنیو چارو وزیر امیرخان متقي وایي، چې تېرکال په څو هېوادونو کې د دغې ډلې د ماموریتونو کچه سفیرانو ته لوړه شوې؛ تر ۱۰۰ ډېر بهرني سفرونه برابر شوي او د یادې ډلې ډېپلوماټان اروپایي او اسیایي هېوادونو ته پېژندل شوي دي.

د غزني لپاره د طالبانو سیمه‌ییزو امنیتي چارواکو ویلي، چې د دغه ولایت د اجیرستان ولسوالۍ په لنګرخېل کلي کې د ځمکې په سر د وسله‌والې شخړې په تړاو چې درې کسان په‌کې ټپیان شوي وو؛ ۱۴کسان نیولي دي.

د طالبانو د امر بالمعروف نهې عن المنکر او شکایتونو اورېدو وزارت نن چهارشنبه (د زمري لومړۍ نېټه) د یوې خبرپاڼې په خپرولو سره ویلي، چې دوه کوډګر یې د کوډو له کتابونو او اسنادو سره یو ځای نیولي او عدلي بنسټونو ته یې سپارلي دي.

د ایران ولسمشر مسعود پزشکیان له الجزیرې سره په مرکه کې ویلي، چې «د ایران د اټومي پروګرام د پای ته رسولو خبره یو خیال دی.» نوموړي ویلي، چې تهران د اسراییل هر ډول اقدام سره د مقابلې لپاره چمتو دی.

په خوست او پکتیا کې ځینې باوري سرچینې وايي، چې سېلابونه سې شنبه د (چنګاښ ۳۱مه) او بېګاه شپه ناوخته د خوست دوو ولسوالیو نادرشاه کوټ، صبریو او د پکتیا وزي ځدراڼ ولسوالۍ اړوند سیمو کې راوتلي چې خلکو ته یې مالي زیانونه هم اړولي دي.

طالبان وايي، په تېره یوه میاشت کې تر ۷۱۱ زرو ډېر کډوال د هرات ولایت د اسلام‌کلا له لارې راستانه شوي دي. د کډوالو چارو ته د طالبانو د رسېدنې او عامه پوهاوي کمېټې مسوول احمدالله متقي ویلي، چې له دې ډلې تر ۲۹۳زرو ډېر کسان په خپله خوښه او شاوخوا ۴۱۷ زره نور په جبري ډول اېستل شوي دي.

په خېبرپښتونخوا کې د تېرې شپې د سختو ورښتونو او سېلابونو له امله د شپږو ماشومانو په ګډون لږترلږه ۱۰ کسان مړه او دوه نور ټپیان شوي دي.

د جاپان لومړي وزیر شیګیرو ایشیبا د استعفا په اړه خبرونه داسې مهال لاس په لاس کېږي، چې اېتلافي حکومت یې (د روانې جولای میاشتې په ۲۱مه نېټه) ټاکنو کې د پارلمان ډېرې څوکۍ وبایللې.

د پکتیا اوسېدونکي افغانستان-انټرنشنل ته خبر ورکوي، چې طالبانو په دغه ولایت کې د ماشومانو د ګوزڼ یا پولیو ضد واکسین کمپاین د ناڅرګندو دلایلو له امله بند کړی دی.

د بشري حقونو او مرستندویه څه باندې سلو بنسټونو په یوه ګډ بیان کې له نړۍوالې ټولنې غوښتنه کړې، چې د غزې په تړاو بېړني اقدامات وکړي. دوی په یوه خوله په غزه کې له ځنډ پرته پر مرستو د لګېدلو محدودیتونو پای ته رسولو او د دايمي اوربند غوښتنه کړې ده.

د طالبانو د صنعت او سوداګرۍ وزارت د صنعت او سوداګرۍ چارو معین او ور سره مل پلاوي یې د پاکستان د صنعت او سوداګرۍ وزارت له یوه لوړپوړي پلاوي سره د دواړو هېوادونو ترمنځ د سوداګرۍ پراخوالي، ترانزیټي اسانتیاوو او متقابلو همکاریو پر پراختیا خبرې کړې دي.

د امریکا ولسمشر ډونالډ ټرمپ د دویم ځل لپاره د ملګرو ملتونو علمي، کلتوري او تعلیمي سازمان (یونسکو) څخه د امریکا د وتلو پرېکړه کړې ده. پرون سې شنبه د ( چنګاښ۳۱مه) سپینې ماڼۍ دغه پرېکړه اعلان کړه او ویې ویل، چې یونسکو د داسې اجنډا ملاتړ کوي چې هغه د امریکا له ګټو سره اړخ نه لګوي.

په پاکستان کې د سختو ورښتونو او سېلابونو راوتو له امله د مړو شویو کسانو شمېر۲۳۴ ته لوړ شو، چې نږدې نیمایي یې ماشومان دي او په ګلګت بلتستان کې بیا د ۲۵۰ سېلانیانو د ژغورلو په اړه هم راپورونه ورکړل شوي دي.

د پنجشېر ولایت د علماوو شورا پخواني مرستیال مولوي عبدالمالک ته نږدې سرچینو خبر ورکړی، چې د طالبانو له‌خوا د دوو اونیو بند او شکنجې وروسته دغه دیني عالم د روغتیایي وضعیت خرابېدو له امله د پنجشېر رخه سیمې روغتون ته لېږدول شوی دی.

په غزه کې روغتیایي چارواکي وايي، چې په تېرو ۲۴ ساعتونو کې د غزې پر بېلابېلو سیمو د اسراییل په بریدونو کې ۱۳۹ کسان وژل شوي او ګڼ نور ټپیان دي.