آرشیف

د لندن پولیسو د فلسطین اکشن ناقانونه ډلې ۵۵ غړي داسې مهال ونیول چې د پارلمان مخې ته یې په لاریون لاس پورې کړ.

د طالبانو تر واک لاندې د افغانستان د پولیو بېړني مرکز خبر ورکړی چې سبا (دوشنبه، چنګاښ ۳۰مه) د هېواد‌ په یو شمېر ولایتونو کې د ګوزڼ ناروغۍ د مخنیوي لپاره له پنځه کلونو کم عمره ماشومانو ته د پولیو څاڅکو د ورکړې کمپاین پیلېږي.

د شطرنج نړۍواله ورځ په ټوله نړۍ کې د دغې پخوانۍ او فکري لوبې د ارزښت او پراخې مینې د درناوي له کبله نمانځل کیږي. شطرنج یوه ذهني، ستراتیژیکه او تاریخي لوبه ده چې څه باندې یو زرو او ۵۰۰ کاله پخوانۍ مخینه لري.

العربیه خبري شبکې د امریکا ولسمشر ډونالډ ټرمپ په حواله ویلي چې د جون په میاشت کې د امریکا متحده‌ایالتونو له‌خوا پر ایران د برید په پایله کې د دغه هېواد اټومي بټۍ په بشپړ ډول ویجاړې شوې دي.

د پاکستان د طبیعي پېښو پر وړاندې د مبارزې ملي اداره وایي چې د اقلیمي بدلون، سختو بارانونو، توپانونو او سېلابونو له امله یوازې د روانې جولای میاشتې له پیله په دغه هېواد کې «۱۸۰ کسان مړه او تر ۵۰۰ ډېر» ټپیان شوي دي.

د امریکا د بهرنیو چارو وزیر مارکو روبیو د سوریې په سوېل کې د وروستیو تاوتریخوالو په اړه ویلي چې د امریکا متحده‌ایالات په تېرو درېیو ورځو کې له اسراییل، اردن او دمشق له چارواکو سره په همغږۍ د دې «وېرونکې او خطرناکې» سیمې د بدلون اړه فعال رول لوبولی دی.

د طالبانو د ریاست‌الوزرا اداري مرستيال عبدالسلام حنفي ويلي چې هره ورځ له ايران نه د اسلام‌‌کلا پر پولې له شاوخوا ۳۰ تر ۳۵ زرو افغان کډوال په جبري توګه هېواد ته ستنېږي.

د شپږیزه کرېکټ لیګ لسم پړاو سیالیو کې پرون شنبه (چنګاښ ۲۸مه) دوه سیالۍ وشوې چې لومړی یې د امو او بُست لوبډلو ترمنځ او دویمه یې د مس عینک او سپین‌غر ترمنځ وه.

نیویارک ټایمز ورځپاڼې لیکلي، په اوریګن ایالت کې د بادونو او وچې هوا له امله اور بل شوی چې په پایله کې تر ۹۵ زره جریبه ډېره سیمه کې خپور شوی دی. د اټکل له‌مخې، د روانې اوونۍ په پای کې هوا مناسبه کېږي او ښايي د اور د پراخېدو مخه ونیول شي.

په هرات کې د طالبانو رسنیز دفتر ویلي چې د یاد ولایت لپاره د دغې ډلې والي مولوي اسلام جار د ایران په خراسان رضوي ولایت کې د افغان کډوالو له یوه پنډغالي نه لیدنه کړې ده. نوموړی د ملا هبت‌الله په ځانګړي امر د کډوالو اړوند مسایلو حل لپاره ایران ته تللی.

د پاکستان د ښځو کرېکټ ملي لوبډلې د نړۍوالو لوبو لپاره خپل مهال وېش اعلان کړی دی. دغه مهال وېش چې د ۲۰۲۵ او ۲۰۲۶ کال لپاره دی، له پیاوړو لوبډولو سره د پاکستانۍ لوبډلې لپاره یو ورځنۍ او شل اوریزې سیالۍ په پام کې نیول شوې دي.

نړۍوالې رسنۍ وايي چې د جاپان خلک نن (یک‌شنبه) د مشرانو جرګې په ټاکنو کې برخه اخلي. اټکل کېږي چې خلک د اوسني لومړي وزیر شیګیرو ایشیبا پر ځای بل چا ته رايې ورکړي.

د طالبانو تر واک لاندې برېښنا شرکت ویلي چې د لومړي ځل لپاره یې د برېښنا لوړ ولټاژ تخنیکي کارکوونکو له ترکمنستان نه هرات ته د ۲۲۰ کېلوولټ وارداتي برېښنا رالېږد پروژې چارې بشپړې کړي دي.

رویټرز ليکلي چې پرون (شنبه) د لاس انجلس ښار ورمونټنایټ کلب مخې ته یوه سړي پر خلکو موټر خېژولی چې سملاسي هغه د خلکو له فزیکي شخړې سره مخ او وژل شوی دی. د راپور له‌مخې، د دې پېښې د ټپیانو شمېر تر ۳۰ ورسېد.

په ننګرهار کې د طالبانو والي ملا محمد نعیم اخوند ویلي چې دا ډله له پاکستان نه د ستنېدونکو کډوالو حقوقي ملاتړ، ټولنیز ادغام او بنسټیزو اړتیاوو پوره کولو ته ژمنه ده. هغه دا څرګندونې په تورخم ښارګوټي کې د کډوالو له یوه پنډغالي نه د لیدنې پر مهال کړې دي.

د طالبانو اقتصاد وزارت وایي، چې په تېر یوه کال کې د هېواد په کچه د ۶۹۵.۷ میلیونه ډالرو په ارزښت د غېر دولتي کورنیو او بهرنيو موسسو له لوري ۱۳۱۱ بېلابېلې پروژې پلې شوې دي.

په پنجشېر کې د طالبانو د کانونو او پټرولیم مشر محمد قاسم امیري وایي، چې د دې ولایت په پریان ولسوالۍ کې څه باندې ۲۵۰ د زمردو کانونه تثبیت شوي دي.

د ایران ولسمشر مسعود پزشکیان د افغان کډوالو د وضعیت د تنظيم او ستنېدو په اړه ویلي:«افغان کډوال زموږ وړونه او خویندي دي او اوسني اقدامات په ایران کې د دوی د شتون د تنظيم په اړه اړين دي.» نوموړي ټینګار کړی، چې د کډوالو د ستنېدو بهیر باید په درناوي او ارامتیا سره ترسره شي.

د طالبانو تر واک لاندې ‏له طبیعي پېښو سره د مبارزې ملي ادارې مشر نورالدین ترابي پر نړۍوالې ټولنې نیوکه کړې، چې د دې ډلې رسمیت پېژندل یې د ښځو د زده کړو، کار او د یو ټولګډونه حکومت په جوړولو پورې مشروط کړي دي.

د سوریې د بشري حقونو د څار ډلې د شنبې ماښام اعلان وکړ، چې دروزيانو د سوریې په سوېل کې د سوېدا له ښار څخه خپل رقیب وسله‌وال اېستلې دي.

د ازادۍ جبهې د سیاسي کمېټې مشر او د مقاومت جبهې د بهرنیو اړیکو مسوول د طالبانو له خوا د ښځو او نجونو په نیولو نیوکه کړې. داوود ناجي ويلي، چې د طالبانو دا اقدام «باید بې ځوابه پاتې نه شي» او علي میثم نظري وایي، دا یوازې د هغه ظلم یوه کوچنۍ برخه ده، چې په افغان ښځو ترسره شوی دی.