د تېر جمهوري نظام پر مهال د ولسي جرګې پخوانۍ غړې مریم سلیمانخېل وايي، په افغانستان کې به نوی تعلیمي کال پيل شي، «خو د نجونو لپاره نه». هغه زیاتوي، د پنځم کال لپاره له شپږم ټولګي پورته د نجونو زدهکوونکو څوکۍ لا هم خالي پاتې دي.
د برېتانیا د لومړي وزیر دفتر اعلان وکړ، چې د دغه هېواد لومړي وزیر کېیر سټارمر د یکشنبې په ماښام د امریکا له ولسمشر ډونالډ ټرمپ سره خبرې وکړې.
واشنګټنپوسټ ورځپاڼې د څو ایراني او اروپايي چارواکو او یوه جګپوړي عربي مقام له قوله لیکلي، چې تهران د هغې جګړې د پای ته رسولو لپاره د ډیپلوماټیکې لارې موندلو هڅې رد کړې دي، چې د امریکا او اسراییل له خوا پیل شوې ده.
د اوکراین ولسمشر ولادیمیر زېلېنسکي ویلي، چې له روسیې سره د جګړې د پای ته رسولو لپاره د حل لارو موندلو په تړاو له امریکايي لوري سره دوه ورځني مذاکرات پای ته رسېدلي او داسې نښې شته چې له روسیې سره د بندیانو تبادله وکړي.
د اروپایي ټولنې یوه چارواکي رویټرز خبري اژانس ته ویلي، چې د دغې ټولنې د بهرني سیاست مسوولې کایا کالاس د ایران د بهرنیو چارو له وزیر عباس عراقچي سره ټلیفوني خبرې کړې دي.
د اسراییل د پوځ ویاند وایي، هېواد به یې له ایران او د هغوی له نیابتي ډلې حزبالله سره څو نورې اوونۍ هم په جګړه کې ښکېل وي.
د پاکستان پخوانی لومړی وزیر عمران خان وايي، د دغه هېواد قاضیانو خپل «روح او صداقت» د خپلو شخصي امتیازاتو په بدل کې پلورلی دی. هغه ویلي، پر ده د فشار راوړلو لپاره یې مېرمن په ۲۴ ساعته ډول په یوازېتوب کې ساتل کېږي.
د تېر جمهوري نظام پر مهال د ولسي جرګې پخواني غړي کمالناصر اصولي د نوي ښوونیز کال د پیلېدو په درشل کې غوښتنه کړې، چې له شپږم ټولګي پورته د نجونو زدهکوونکو پر مخ د ښوونځيو دروازې باید پرانېستل شي.
د بلوچستان ایالتي حکومت ویلي، په بلوچستان کې د تعلیمي ادارو رخصتي د «ملي پرېکړو» په رڼا او د «امنیتي وضعیت» له امله غځول شوې ده. دغه رخصتي به د روانې مارچ میاشتې تر ۳۱مې دوام وکړي.
د بشري حقونو په برخه کې د افغانستان لپاره د ملګرو ملتونو ځانګړي راپور ورکوونکي د نوروز او نوي تعلیمي کال د پیل په اړه پیغام کې ویلي، چې په افغانستان کې د یو بل نوي تعلیمي کال په پیل کې هم نجونو ته ښوونځیو ته د تګ اجازه نه ورکول کېږي.
پخواني ولسمشر حامد کرزي د جرمني د فرانکفورټ ښاروالۍ شورا ته د هوسۍ اندړ د بریالیتوب له امله مبارکي ویلې او زیاته کړې یې ده، که زمینه برابره وي افغان ښځې په داخل او خارج کې د ژوند په هره برخه کې ځلېږي.
د بشري حقونو په چارو کې د فرانسې سفیره ایزابل روم وایي، هېواد یې له طالبانو سره هر ډول خبرې اترې ردوي او هغه محدودوونکي قوانین غندي چې د ښځو بنسټیز حقونه او عامه ځایونو ته د هغوی لاسرسی یې په نښه کړی دی. مېرمن روم وویل، افغان مېرمنې باید په هره پرېکړه کې د بحث پر مېز حضور ولري.
د کندهار ښار د شپږو ناحیو او پنځو ولسوالیو اوسېدونکي د اوبو له سخت ناورین سره مخ دي. د ښار اوسېدونکي وايي، چې د څښاک اوبه په پیسو پېري او د ولسوالیو یو شمېر اوسېدونکي بیا د اوبو د کمښت له امله کډوالۍ ته اړ شوي دي.
د روغتیا نړۍوال سازمان مشر ټيډرس ادهانوم په منځني ختیځ کې روانې جګړې ته په اشاره ویلي، جګړه سوله نهراولي، بلکې دا یوازې راتلونکي نسل ته د کرکې نوي لاملونه ور زدهکوي. هغه د مخاطب له څرګندولو پرته ویلي: «سوله غوره کړئ».
د پاکستان د اورګاډو ادارې د ناڅرګندو لاملونو له مخې د مارچ پر۲۳ مه د یوې ورځې لپاره له کویټې څخه د ټولو اورګاډو تګ راتګ بند کړی دی. له پېښوره کویټې ته تلونکي اورګاډي هم له جېکب اباد څخه لغوه شوي دي.
د امریکا د کوینز بلفاسټ پوهنتون استاد مایکل سمپل وايي، که طالبان د امریکايي بندیانو د خوشې کولو په اړه د واشنګټن خبرداری له پامه وغورځوي، متحده ایالات به یې پر وړاندې اقدام وکړي.
د غزې په منځنۍ برخه کې په نصیرات کمپ کې د پولیسو پر یو موټر د اسراییل د هوايي برید په پایله کې درې کسان ووژل شول. روغتیايي چارواکو ویلي، چې په شمالي غزه کې هم په یوه برید کې یو کس وژل شوی.
ایران ویلي چې که د امریکا ولسمشر د دوی د انرژۍ تاسیساتو له منځه وړو په تړاو خپل ګواښونه عملي کړي، هرمز تنګی به په بشپړه توګه وتړي. ټرمپ ویلي و چې که ایران هرمز تنګی په ۴۸ ساعتونو کې په بشپړه توګه خلاص نه کړي، د برېښنا فابریکې به یې له منځه یوسي.
مشهوره پاکستانۍ ټیکټاکره ثنا جاوید د یکشنبې په ورځ په اسلام اباد کې په ډزو ووژل شوه. پولیسو وویل، چې شکمن وژونکي محمد صادق، چې د ثنا میړه و، هم د پېښې په ځای کې ځانوژنه کړې ده.
د ناټو سرمنشي مارک روټه وايي، د دغه پوځي تړون له شلو زیات غړي هېوادونه دا مهال په ګډه کار کوي چې هرمز تنګی پرانیستی وساتل شي. دغه تنګی د نړیوالو کښتیو لپاره حیاتي لاره ګڼل کیږي.
د پاکستان د کرکټ کورنۍ سیالۍ «سوپرلیګ» د منځني ختیځ وضعیت او سون توکو د بحران له امله له نندارچیانو پرته یوازې په دوو ښارونو، کراچۍ او لاهور کې، ترسره کیږي. د پاکستان د کرکټ بورډ مشر محسن نقوي اعلان وکړ، چې مینه وال کولای شي د خپلو ټکټونو پیسې بېرته واخلي.