آرشیف

په ننګرهار ولایت کې د طالبانو د امنیې قوماندانۍ د نشه‌يي توکو پر وړاندې د مبارزې مديريت په جلال اباد ښار کې د ۶۹ سوالګرو له راټولولو خبر ورکړی دی. په دغه کسانو کې ماشومان هم شامل دي.

د پنجشنېر د علماوو شورا پخواني مرستیال عبدالمالک کورنۍ ته نږدې سرچینو افغانستان انټرنشنل ته ویلي، چې طالبانو نوموړی د کابل ښار په یوه جومات کې نیولی او نامعلوم لوري ته یې له ځانه سره وړی دی.

د طالبانو او پاکستان د بهرنیو چارو وزارت د «ټرانس افغان رېل پټلۍ» پروژې پر نهایي کېدو خبرې کړې او دواړه لوري په دې تړاو سره وروستۍ هوکړې ته رسېدلي دي. یاده پروژه د ازبکستان، افغانستان او پاکستان د نښلېدو او د اقتصادي همکارۍ د پیاوړتیا لپاره طرحه شوې ده.

د اتلانتیک شورا کارپوهانو د جرمونو د نړۍوالې محکمې له‌خوا د دوو طالب مشرانو د نیولو د حکم اغېزې ارزولي دي. کارپوهان وايي، چې د هبت الله اخوندزاده او عبدالحکیم حقاني د نیولو حکمونه دا ښیی چې نړۍواله ټولنه باید له طالبانو سره عادي چلند ونه کړي.

ټیک ټاک د یوه داسې اپلیکېشن پر جوړولو کار کوي، چې یوازې د امریکا کاروونکو لپاره به وي او له نړۍوالې نسخې سره به جلا الګوریټم او معلومات ولري. د راپورونو له مخې، دا اقدام د ولسمشر ټرمپ له خوا د TikTok د احتمالي پلورو لپاره زمینه برابروي.

د برېتانیا لومړي وزیر کې‌ير سټارمر د فرانسې له ولسمشر امانوېل مکرون سره د ناقانونه کډوالو د بېرته استولو په تړاو خبرې کړې دي او له پاریس څخه یې د لا پراخې همکارۍ غوښتنه کړې ده.

لینډا یاکارینو چې له ۲۰۲۳ کال راهیسې د اېلان ماسک د ټولنیزې شبکې "اېکس" اجراییه مشره وه، له خپلې دندې استعفا وکړه.

د پاکستان د بهرنیو چارو پخوانی وزیر او د پیپلز ګوند مشر بلاول بوټو زرداري وایي، چې د افغانستان جګړه د سوېلي اسیا د ترهګرۍ بنسټیزه ریښه ده او همدغه جګړه د اوسني ناورین لامل شوې، چې د سیمې پر حالاتو ژور اغېز لري.

د امریکا د سنا مجلس د بهرنیو اړیکو کمېټې مشر سناتور جېم رېش وایي، چې د ایران له لوري ډونالډ ټرمپ او نورو امریکايي وګړو ته د ترهګرۍ ګواښونه «په بشپړ ډول د منلو وړ نه دي» او واشنګټن به یې هېڅکله هم ونه زغمي.

د چین حکومت یو ځل بیا پر واشنګټن تور پورې کړی، چې د دغه هېواد په کورنیو چارو کې لاسوهنه کوي او ټینګار یې کړی چې تایوان د چین نه‌بېلېدونکې برخه ده.

په غزه کې د امریکا له ملاتړه برخمنو مرستندویه ادارو یو نوی سیسټم فعال کړی، چې له مخې یې خوراکي توکي اړو کورنیو ته تر دروازې رسېږي.

برېتانیا او فرانسه چې د اروپا یوازیني اټومي ځواکونه دي، د لومړي ځل لپاره ژمنه کړې چې د خپلو اټومي وسلو د کارونې پالیسي به همغږي کوي او د اروپا د امنیت پر وړاندې د هر ستر ګواښ په صورت کې به ګډ غبرګون ښيي.

وال سټريټ ژورنال راپور ورکړی، چې د امریکا ولسمشر د لوېديځي افریقا پر پنځو هېوادونو فشار راوړی، څو له دې هېواده اېستل شوي کډوال ومني. په راپور کې ویل شوي، ټرمپ ټينګار کړی چې دغه هېوادونه باید له امریکا څخه هغه اېستل شوي کډوال ومني، چې خپل هېوادونه يې ردوي.

د روسیې د بهرنیو چارو وزارت ویاندې ماریا زاخارووا ویلي، چې له طالبانو سره اړیکې او همکاري د سیمې د امنیت د پیاوړتیا، د ترهګرۍ او د نشه یي توکو د قاچاق پر ضد مبارزې لپاره ځانګړی اهمیت لري.

د افغانستان د ټلویزیونونو پېژندل شوي ممثل "مسکین" د سخت اقتصادي حالت له امله د ټولنیزو رسنیو له لارې د مرستې غوښتنه کړې.

د اسراییل لومړی وزیر بنیامین نتنیاهو امریکا ته د سفر پر مهال ویلي، چې د دوی پوځي عملیات په غزه کې لا هم بشپړ شوي نه‌دي. نتنیاهو زیاته کړې، چې د حماس پر ضد د جګړې پای ته رسېدل وخت ته اړتیا لري.

د ملګرو ملتونو د اټومي انرژۍ نړۍوالې ادارې مشر رافایل ګروسي ویلي، چې له ایران سره د اټومي وسلو د شتون په اړه کوم کره ثبوت شتون نه لري، خو د دغه هېواد له خوا اټومي انرژۍ اژانس سره د همکارۍ کمښت، نړۍوال امنیت ته د ګواښ اشاره کوي.

وروسته له هغه چې افغانستان انټرنشل ـ پښتو د ننګرهار ولایت په روغتونونو کې د ډاکټرانو د نالوستل کېدونکو نسخو په اړه راپور خپور کړ، د طالبانو د عامې روغتیا وزارت اقدام وکړ او د نالوستتل کېدونکو نسخو د ارزونې په اړه یې کمېسیون جوړ کړ.

د امریکا د بهرنیو چارو وزیر د چهارشنبې په ورځ په یوې خبرپاڼه کې اعلان وکړ، چې دوی د نیول شویو فلسطیني سیمو لپاره د ملګرو ملتونو پر ځانګړې راپور ورکوونکې فرانسیسکا البانېز بندیزونه لګولي دي.

د افغانستان د ډېپلوماتیکو مرکزونو او قونسلګریو د همغږۍ شورا وایي، چې پر ټولو ملتونو غږ کوي چې د طالبانو په غندلو کې سره متحد شي او په افغانستان کې د عدالت او بشري حقونو لپاره د مبارزې ملاتړ وکړي.

طالبانو په ننګرهار ولایت د مومندرې ولسوالۍ یوه تجربه‌لرونکې ښځینه ډاکټره له قانوني دلیل او رسمي پلټنې پرته د ادارې د اصولو خلاف له دندې ګوښه کړې ده.