د پاکستان د دفاع وزیر خواجه اصف ویلي، چې له افغانستان سره حالاتو کې بدلون راغلی، د افغان کډوالو اوږدمهاله حضور دې پای ته ورسول شي او حکومت دې د پاکستان اقتصاد د کډوالو له انحصاره وژغوري.
د فلسطین یوه لوړپوړي چارواکي د یکشنبې په ورځ ویلي چې د محمود عباس په مشرۍ د فلسطین اداره د غزې اوربند د پیاوړتیا او بیا رغونې په برخه کې همکارۍ ته چمتو ده.
د پاکستان د سیاسي ګوندونو ګډ ایتلاف پر پاکستان د طالبانو د تیرې شپې له برېد وروسته ناسته کړې او غوښتنه یې کړې، چې دواړه هېوادونه دې روانه شخړه د خبرو او تفاهم له لارې حل کړي.
د اوکراین ولسمشر ولادیمیر زیلېنسکي وایي چې د امریکا له ولسمشر ډونالډ ټرمپ سره یې په دوو ورځو کې دویم ځل خبرې کړې دي. زیلېنسکي د یکشنبې په ورځ وویل چې خبرې د کیېف د هوايي دفاع او د اوکراین د پوځي او اوږد واټنه وسلو د وړتیاوو پر پیاوړتیا متمرکزې وې.
د افغانستان د وحدت اسلامي ګوند مشر محمد محقق وایي چې طالبانو له څلور کلن «نامطلوب حاکمیت» وروسته، له۲۱زیاتو ترهګرو ډلو ته په پناه ورکولو او د افراطي مفکورو په ترویج، افغانستان او سیمه د لا زیات بحران او بېثباتۍ پر لور سوق کړي دي.
د حزب اسلامي مشر ګلبدین حکتیار ویلي، چې طالبان دې پر کابل او پکتیکا د پاکستان د وروستیو بریدونو او له هغه وړاندې د ټرمپ له خوا د بګرام د نیولو د ګواښونو او پایلو په اړه ولس ته وضاحت ورکړي. نوموړي ویلي، چې افغانستان د یوې بلې تحمیلي جګړې په درشل کې دی.
جرمني چارواکي تمه لري، چې ډېر ژر به له برلین څخه افغانستان ته د مجرمو کډوالو د اخراح الوتنې پیل شي. د جرمني د کورنیو چارو وزیر الکساندر ډوبرېنډت ویلي چې فدرالي حکومت له طالبانو سره د بېرتهستنېدونکو افغانانو په اړه د یوې هوکړې لاسلیکولو ته نږدې شوی.
د پاکستان لپاره د طالبانو د لومړۍ دورې سفیر عبدالسلام ضعیف پر افغانستان د پاکستان وروستیو بریدو ته په اشاره ویلي، چې پاکستان په مکرر او قصدي ډول تېروتنې کوي او «د شر او فتنو» زیږنده دی، خو اوس یې پایله برعکس ده.
پاکستاني چارواکو ویلي چې د تېرې شپې له نښتو وروسته یې د یکشنبې په ورځ له افغانستان سره پر دیورنډ کرښه تورخم، چمن، خرلاڅي، انګور اډه او غلام خان لارې تړلې دي. د افغانستان او پاکستان ترمنځ دوه مهمې لارې تورخم او چمن د یکشنبې په ورځ وتړل شوې.
د پاکستان د پوځ د عامه اړیکو دفتر وایي، چې په دیره اسماعیل خان کې د پولیسو پر روزنځي د تېرې شپې د وسله والو په برید کې ددوی ۶ تنه سرتېري وژل شوي دي. د یاد دفتر اعلامیه کې ویل شوي، چې په برید کې ټول وسله وال وژل شوي دي.
د پاکستان د پوځ د عامه اړیکو دفتر اعلان وکړ، چې د طالبانو د تېرې شپې په بریدونو کې یې ۲۳ سرتېري وژل شوي او ۲۹ نور ټپیان دي. پاکستاني پوځ ویلي، چې له ۲۰۰ ډېر افغان طالبان او د هغوی ملاتړي جنګیالي یې وژلي دي. طالبانو ویلي، چې په جګړه کې یې ۵۸ پاکستاني پوځیان وژلي دي.
د افغانستان د ملي امنیت پخواني سلاکار رنګین دادفر سپنتا وايي، چې له ګاونډیو هېوادونو سره باید دښمني ونه شي او نه هم باید چاته اجازه ورکړل شي، چې پر افغانستان برید وکړي.
د طالبانو د بهرنیو چارو وزیر په نوي ډیلي کې یوې خبري ناستې ته وویل، چې په نوي ډیلي کې افغان سفارت د طالبانو د بهرنیو چارو وزارت تر لارښوونې لاندې کار کوي او پخواني کارکوونکي هم ورسره همکار دي. متقي وايي، د تېر حکومت ۵۰۰ زره کارکوونکي له دوی سره کار کوي.
د طالبانو د بهرنیو چارو وزیر امیرخان متقي اعلان وکړ چې په پاکستان کې یوه ځانګړې کړۍ د افغانستان-پاکستان اړیکې ګډوډوي او د سیمې وضعیت کړکېچنوي. متقي ټینګار وکړ چې افغانستان له خپل سرحد او هوايي حریم څخه دفاع کوي او د سرغړونو په وړاندې لازم اقدامات شوي دي.
د طالبانو د بهرنیو چارو وزیر په نوي ډیلي کې ادعا وکړه، چې په افغانستان کې ښځې او نارینه له خپلو ټولو حقونو برخمن دي او د هیچا حق تر پښو، نه لاندې کېږي. نوموړي تایید کړه، چې په ډیلي کې د نوموړي خبري غونډې ته یوازې محدود شمېر خبریالان غوښتل شوي وو.
پاکستانۍ ډان ورځپاڼې نن یکشنبه (د تلې ۲۰مه) لیکلي، چې په پنجاب ایالت کې د ناقانانه افغان کډوالو د اېستل کېدو درېیم پړاو پیل شوی. پنجاب کې ۴۶ توقیف مرکزونه فعال شوي او په کې هغه بې اسناده افغانان ساتل کېږي، چې د تورخم له لارې یې افغانستان د استولو چارې بشپړې شوې وي.
د طالبانو د بهرنیو چارو وزارت درېیم سیاسي رییس ذاکر جلالي ویلي، چې دیوبند مدرسه نه یوازې دا چې د سیمې په کچه معتبر دیني مرکز دی، بلکې د افغانستان مخکينیو حکومتونو هم دې مدرسې ته د ستر علمي مرکز په سترګه کتلي دي.
د مخکني جمهوري نظام پر مهال د وسلهوالو ځواکونو جګپوړي قوماندان جنرال سمېع سادات د عمرې ادا کولو پر مهال د طالبانو د نسکورېدو او ماتېدو دوعا کړې. هغه پر خواله رسنیو لیکلي: «یاالله زموږ پر وطن ظالمان حاکمان دي او ته له مونږ سره مرسته وکړه چې دا ظالم رژیم مات کړو».
د پاکستان د علماو شورا مشر طاهر محمود اشرفي د طالبانو او د پاکستان د امنیتي ځواکونو ترمنځ د تېرې شپې نښتو ته په اشارې ویلي، چې یاده ډله دې له هند څخه پوښتنه وکړي چې پاکستان پرې څه محشر جوړ کړی و.
واشنګټن پوسټ د افشا شویو امریکایي اسنادو په حواله راپور ورکړی، چې لوی عربي هېوادونه سره له دې چې د غزې جګړه غندي؛ خو په پټه د اسراییل له پوځ سره خپله امنیتي همکاري پراخوي.
د طالبانو د عدلیې وزارت وايي، د کابل ښار په دویمه ناحیه کې یې ۲۹ دارالوکالو ارزولي او له امله یې ۶ دارالوکالې د یو شمېر ناقانونه فعالیتونو له امله تړل شوې دي. خو د ناقانونه فعالیتونو په تړاو یې جزییات نه دي ورکړي.