د هندي سینما (بالیووډ) د پېژندل شوي ستوري عامر خان ۹۱ کلنه مور زینت خان د هغه د راتلونکي "ستوري پر ځمکه" فلم له لارې د سینما نړۍ ته لومړنی ګام ږدي. هندي رسنیو له یوې خوا د فلم کیسه زړهراښکونکې بللې او له بلې خوا په دې فلم کې د عامر خان د مور ګډون یې د حیرانتیا وړ ګڼلی دی.
د طالبانو د صنعت او سوداګرۍ وزارت مسوولین وایي، هڅه کوي د افغانستان غالۍ تر دې وروسته د پاکستان پر ځای د ایران او ترکیې له لارې اروپايي بازارونو ته صادر کړي. ایراني رسنیو راپور ورکړی، چې د افغانستان غالۍ به لومړی ایران بیا ترکیې او له هغه ځایه اروپایي بازارونو ته ولېږل شي.
د متحده ایالاتو ولسمشر ډونالډ ټرمپ خبرداری ورکړی، چې که په لاسانجلس ښار کې د کډوالو د نیولو پر ضد لاریونونه نور هم پراخ شي، نو د سمندري ځواکونو (مرینز) د لېږلو امر به وکړي.
طالبانو په دایکنډي ولایت کې د ملایانو په ګډون لسګونه کسان یوازې له دې امله نیولي، چې د دوی له اعلان سره برخلاف یې د جمعې په ورځ د اختر لمونځ کړی دی. ځایي سرچینو افغانستان انټرنشنل ته ویلي، چې دغه کسان د دایکنډي په مرکز او اشترلي ولسوالۍ کې نیول شوي دي.
امریکایي چارواکي وايي، روسیې لا تر اوسه د اوکراین د "سپایډر وېب" عملیاتو پروړاندې بشپړ غبرګون نه دی ښودلی او ښايي ډېر ژر پراخ او څو اړخیز برید پيل کړي.
د سعودي عربستان وليعهد محمد بن سلمان د شنبې په ورځ د فلسطین پر وړاندې د اسراییلي یرغل د «ناوړه پایلو» د ختمولو لپاره د نړۍوالې ټولنې د مهم رول په اړه ټینګار وکړ.
د طالبانو د کورنیو چارو وزارت د کابل پنځمې حوزې اړوند کمپنۍ بازار کې د لیلامي توکو یوه سرای کې د اور لګېدنې د تاوانونو په اړه د پوره معلوماتو له ورکړې پرته وایي، چې ۱۳۹ هټۍ له سوځېدو ژغورل شوي دي.
ایران فرنټ پیج د غېر دولتي موسسې (مرسي کورپس) د تازه راپور په حواله لیکلي، چې په کابل کې د اوبو زېرمې په تېرو لسو کلونو کې د ښاري پراختیا او اقلیمي بدلونونو له امله تر ۳۰ مترو پورې راکمې شوې دي.
سي اېن اېن راپور ورکړی، چې د امریکا د ولسمشر وروستۍ پرېکړې د هغو افغانانو لپاره چې د جګړې پر مهال له امریکایانو سره همکاره و، د وېرې، بېباورۍ او خیانت احساس زیات کړی دی. د دې پرېکړې له مخې، د افغانستان په ګډون د ۱۲ هېوادونو وګړي امریکا ته له ننوتلو منع شوي دي.
د اوکراین ولسمشر ولادیمیر زېلېنسکي وایي، چې د روسیې ولسمشر ولادیمیر پوتین د سولې غوښتونکی نه دی او د اوکراین د بشپړ ماتولو په لټه کې دی. نوموړي دغه څرګندونې تر هغه وروسته وکړې، چې روسیې وویل ټانکونه یې د اوکراین د دونیڅک سیمې لوېدیځې پولې ته رسېدلي دي.
په تېر جمهوري حکومت کې چې ملي ټلوېزیون د افغانانو د خوښۍ، ملي یووالي او کلتوري بډایتوب یو روښانه انعکاس و، نن دا بنسټ یوازې د طالباني ویناوو او رسمي غونډو پرده ګرځېدلې ده.
د اسراییل امنیتي کارپوهانو د ایراني چارواکو د وروستیو څرګندونو چې ګواکي د اسراییل محرم معلومات او اسناد یې ترلاسه کړي، مبالغهامېزه بللې او دا یې د رواني جګړې د عملیاتو یوه برخه ګڼلې ده.
د اوکراین ولسمشر ولادیمیر زیلېنسکي د اې بي سي نیوز له خبریالې مارتا راداتز سره په یوه ځانګړې مرکه کې ویلي، چې هېواد یې د امریکا تر مشرۍ لاندې د اوربند هرکلی کوي، خو د روسیې ولسمشر ولادیمیر پوتین موخه د اوکراین بشپړه ماته ده.
د اسراییل دفاع وزیر یسراییل کاتز د یکشنبې په ورځ پوځ ته امر وکړ هغه مرستندویه کښتۍ ودروي چې د اقلیم فعالې «ګریتا تونبرګ» په ګډون یو شمېر فعالان پکې سپاره دي او غواړي د اسراییل سمندري بندیز مات کړي او غزې ته داخل شي.
د طالبانو د بهرنیو چارو وزارت مالي او اداري مرستیال محمد نعیم وردګ وايي چې دا ددې ډلې لویه لاسته راوړنه ده، چې ځینو هېوادونو یې سفیران په رسمي ډول منلي دي. نعیم وايي، د یو «موفق نظام» په شکل کې په ټوله نړۍ کې ددوی مثال نشته.
د ایران د نشهيي توکو ضد اداره وايي، چې د افغانستان له ګودامونو د نشه يي توکو قاچاق دوام لري او ایران، پاکستان، تاجکستان او روسیه د افغانستان د نشهيي توکو د قاچاق پر ضد په لومړۍ کرښه کې دي.
د ایران د بشری حقونو سازمان د یوې اعلامیې په خپرولو سره ویلي، چې دغه هېواد د کرج په قزل حصار زندان کې د دوو افغانانو په ګډون اووه تنه اعدام کړل. یاد کسان د «قتل» او «جنسي تیري» جلا جلا قضیو په تور اعدام شوي دي.
په داسې حال کې چې د وژل شویو سرتېرو د جسدونو د تبادلې او سولې خبرو اترو په اړه د مسکو او کییف تر منځ اختلافونه روان دي، روسي ځواکونو د اوکراین په ډنيپروپتروفسک سیمه کې پرمختګ کړی.
د طالبانو مشر هبت الله اخوندزاده د ډونالډ ټرمپ د سفر بندیزونو باندې نیوکه وکړه او امریکا یې "ظالمه" وبلله. د امریکا د ولسمشر د وروستۍ پریکړې په اړه چې د افغانستان په ګډون د ۱۲ هیوادونو وګړي امریکا ته له ننوتلو منع کوي، د طالبانو لومړنی ښکاره غبرګون دی.
د هبت الله په مشرۍ په کندهار کې او د ملا محمد حسن په مشرۍ په ارګ کې طالب چارواکو اختریزې ویناوي وکړي، خو سراج الدین حقاني د اختر د دوو ورځو په تېرېدو لا هم غایب دی او تر اوسه یې د لوی اختر په مناسبت هېڅ پیغام نه دی خپور شوی.
د ایران د استخباراتو وزیر اسماعیل خطیب وايي، چې ډېر ژر به هغه محرم اسراییلي اسناد افشا کړي، چې د ایران استخباراتي ادارو ترلاسه کړي دي. هغه دا اسناد یوه"قیمتي خزانه" وبلله او ویې ویل، چې دا به د ایران د دفاعي او تهاجمي وړتیاوو پیاوړتیا ته لاره هواره کړي.