د فرانسې ولسمشر امانوېل مکرون ویلي، ډونالډ ټرمپ یوازې هغه وخت د نوبل د سولې جایزې ګټونکی کېدای شي چې په غزه کې روانه جګړه پای ته ورسوي. هغه په نیویارک کې له خبریالانو سره د خبرو پرمهال ویلي، د دې لپاره اړینه ده چې په اسراییل فشار راوړل شي؛ ترڅو په غزه کې روانه جګړه ودروي.
د روان کال له پیل راهیسې نږدې ۳ میلیونه افغانان هېواد ته راستانه شوي، چې دا د نړۍ تر ټولو ستره سرحدي کډوالي بلل کېږي. د دې پراخ بهیر له امله د هېواد نفوس یوازې په ۹ میاشتو کې ۶.۵سلنه زیات شوی. هره ورځ د ۱۰ تر ۱۵ زره کسانو راستنېدنه د افغانستان پر محدودو سرچینو دروند فشار راولي.
د طالبانو د سترې محکمې رییس عبدالحکیم حقاني د سېشنبه په ورځ د بنګله دېش د عالمانو له یوه پلاوي سره په کتنه کې وویل، په افغانستان کې داسې اسلامي نظام حاکم شوی چې ټوله اسلامي نړۍ یې غوښتونکې ده. اخو، ډېریو اسلامي هېوادونو له طالبانو غوښتي چې نجونو ته د زده کړو د دوام اجازه ورکړي.
د اروپایي ټولنې د کمېسیون مشرې اورسولا وان ډرلاین د سوریې له ولسمشر احمد الشرع سره تر لیدنې وروسته د دې هېواد د راتلونکو پړاوونو او ننګونو په اړه خپل دریځ څرګند کړی دی.
د اوکراین ولسمشر ولادیمیر زېلېنسکي له فاکس نیوز سره په مرکه کې ویلي، احساس کوي چې چین نه غواړي د اوکراین او روسیې تر منځ جګړه پای ته ورسېږي او زیاته کړې یې ده، چې ټرمپ کولی شي د دغې جګړې په اړه د چین نظر بدل کړي.
د فرانسې ولسمشر امانوېل مکرون د ملګرو ملتونو په عمومي اسامبلۍ کې د وینا پر مهال د نړۍ د اوسني وضعیت په اړه اندېښنه څرګنده کړې او وایي، سره له دې چې د دې سازمان غړي له ۵۱ هېوادونو څخه ۱۹۳ ته رسېدلي، نړۍ لا هم د ژور وېش او اړیکو د ماتېدو له ستونزې سره مخ ده.
د ازبکستان ولسمشر شوکت میرضیایف د سې شنبې په ورځ (د تلې لومړۍ) د ملګرو ملتونو په عمومي مجمع کې وویل، په افغانستان کې د سولې او ثبات لپاره نړۍواله ټولنه باید په متحد ډول هڅې وکړي. هغه زیاته کړه، د سیمې او نړۍ د امنیت لپاره د افغانستان وضعیت ته باید په نه سترګه ونه کتل شي.
طالبانو د کندهار په ګډون په یو شمېر ولایتونو کې د ژوندیو موجوداتو د انځورونو پر خپرولو له بندیز لګولو وروسته اوس په هرات کې هم د ساکښو د انځورونو پر خپرولو بندیز ولګاوه. د افغانستان د رسنیو ملاتړ سازمان دا پرېکړه د بشري حقونو له نړۍوالو قوانینو سره په ټکر کې بولي.
د سیاسي چارو کارپوه او د افغانستان په جمهوري نظام کې د ولسي جرګې پخوانی غړی رمضان بشردوست وايي، د ملګرو ملتونو په عمومي غونډه کې د طالبانو ګډون یا نه ګډون د افغانانو لپاره څه ګټه نه لري او په وینا یې اوس داسې کس نشته، چې په دغه ډول غونډو کې ګډون او د افغان ولس په ګټه خبرې وکړي.
د تاجکستان ولسمشر امام علي رحمان د ملګرو ملتونو د عمومي مجمعې په وینا کې له نړۍوالې ټولنې وغوښتل، چې د افغانستان د وچکالۍ د ستونزې د حل او د دغه هېواد د ختیځ د وروستیو زلزلهځپلو د مرستې لپاره همکاري وکړي. نوموړي ټینګار وکړ، چې تاجکستان د دې بهیر په لړ کې د همکارۍ لپاره چمتو دی.
د ایران ولسمشر مسعود پزشکیان د ملګرو ملتونو د عمومي مجمعې د اتیايمې ناستې د ګډون لپاره نیویارک ته رسېدلی دی.
د ملګرو ملتونو سرمنشي انتونیو ګوترېش د ملګرو ملتونو په عمومي اسامبلۍ کې د وینا پر مهال د نړۍ د راتلونکي په اړه څرګندونې کړي او له هېوادونو یې غوښتي، چې په ګډه پرېکړه وکړي چې غواړي څه ډول نړۍ راتلونکو نسلونو ته پرېږدي.
پاکستاني پولیسو افغان خبریال جواد اعتماد د سېشنبه سهار په اسلاماباد کې نیولی دی. د هغه د کورنۍ غړي او نږدې خپلوان وایي، پولیس شاوخوا لس بجې د فیصل ښارګوټي په سیمه کې د هغه کور ته ورغلي او پرته له دې چې نوموړی وضاحت ورکړي، له ځان سره یې بیولی دی.
د قطر امیر شېخ تمیم بن حمد بن خلیفه الثاني د ملګرو ملتونو په عمومي مجمع کې د خپلې وینا په ترڅ کې په دوحه کې د حماس پر مشرتابه د اسراییل برید خاینانه او دولتي ترهګري وبلله او زیاته یې کړه، چې اسراییلي پلاوی دوحې ته راغلی و او تر هغې وروسته یې د بمبارۍ پروګرام طرحه کړ.
د سوریې ولسمشر احمد الشرع د ملګرو ملتونو د عمومي اسامبلې پر مهال په نیویارک کې د امریکا د پوځ متقاعد جنرال او د «سي ای اې» پخواني مشر ډېوېد پټریوس سره کتلي. د دواړو خواوو د پخوانۍ دوښمنۍ تاریخ ته په کتو دا لیدنه غېر معمولي او بې سارې بلل کېږي.
د امریکا ولسمشر ډونالډ ټرمپ په نیویارک کې د ملګرو ملتونو د عمومي مجمعې په څنډه کې د اوکراین له ولسمشر ولادیمیر زېلېنسکي سره په کتنه کې وویل، د ناټو غړي هېوادونه باید د روسیې جنګي او بېپیلوټه الوتکې چې د دوی هوايي حریم ته ننوځي، رانسکورې کړي.
د سپینې ماڼې ویاندې کارولین لیویټ د ملګرو ملتونو په کلنۍ غونډه کې د دغه ادارې په تړاو د ولسمشر ډونالډ ټرمپ وینا ته په اشارې سره ویلي، چې په رښتیا هم دا اداره په عملي او هم په تشبیهي معنا «ناکامه» ده.
په ملګرو ملتونو کې د افغانستان د دایمي استازولۍ سرپرست نصیر احمد فایق وايي، افغانستان له تېرو څلورو کلونو راهیسې د مشروع او قانوني حکومت د نه لرلو له امله په دغه ډول نړۍوالو غونډو کې د وینا حق نه لري او یوازې ګډون کولی شي.
چين د سمندري ځواک په برخه کې یو بل مهم پړاو ترسره کړ، چې په دې سره دغه هېواد د الوتکو وړونکې بېړۍ «فوجیان» د خپل عصري مقناطیسي میدان په وسیله د تېزو تلونکو الوتکو بریالۍ الوتنه ترسره کړه.
د طالبانو اداري مرستیال عبدالسلام حنفي نن مازدیګر (سې شنبه د تلې لومړۍ) د افغانستان لپاره د ملګرو ملتونو له ځانګړې استازې روزا اوتنبایوا سره د مخه ښې کتنه وکړه او د هغې له خدماتو یې په مننې سره ورته د بریا هیله وکړه. په افغانستان کې د روزا اوتنبایوا ۳ کلن ماموریت پایته رسېدلی دی.
د بلخ ولایت لپاره د طالبانو والي محمد یوسف وفا په اداري او مشورتي غونډه کې وویل، افغان ولس سخت ځپل شوی او په دې کې داسې کورنۍ هم شته چې ان د ماښام د خوړلو لپاره څه نه لري. طالبانو تر اوسه په دومره صراحت سره د ولس د لوږې یادونه نه وه کړې.