آرشیف

د ټرمپ ادارې د امریکا پوځ لپاره په منځني ختیځ، افریقا او اروپا کې د نوو لوړپوړو پوځي مشرانو نوماندۍ اعلان کړې، چې پکې د ناټو لپاره نوی ستر قوماندان هم شامل دی.

جګړه د ملتونو د هست و نیست د ازموینې صحنه ده؛ خو دا ازموینه یوازې د وسلو او ځواک په تله نه تلل کېږي. جګړه له انسانه یوازې جسمي مقاومت نه غواړي، بلکې رواني، اخلاقي او فکري رهبري هم غواړي.

په هالنډ کې د افغانستان سفارت هغه راپورونه رد کړي چې ګواکې له خپل وېب‌سایټ او ټولنیزو شبکو یې د "افغانستان اسلامي جمهوریت" نوم او ملي بیرغ لرې کړی دی. دغه سفارت په یوه خبرپاڼه کې ویلي چې په ټولو رسمي مکتوبونو کې لا هم له پخوانیو نښانونو کار اخلي.

د ماشومانو د ساتنې نړیوالې ادارې «سیف دی چلډرن»خبر داری ورکړی چې په افغانستان کې له هرو پنځو ماشومانو یو تن، یا شاوخوا ۵میلیونه ماشومان، ښایي تر اکتوبر مخکې د لوږې له «بحراني» یا بیړني حالت سره مخ شي.

د روسیې یوه مخابراتي شرکت ، د امریکا تر بندیزونو لاندې دی، تېرکال په افغانستان کې د ۴ جي انټرنېټي خدماتو سیسټم نصب کړی، چې شاوخوا لس میلیونه کسان ترې استفاده کوي. په ۲۰۲۴ کال کې د پروټي کمپڼۍ ټېکنالوژي د افغانستان په څلورو ولایتونو کې نصب شوې ده.

د برلین عالي اداري محکمې پرېکړه کړې چې په افغانستان کې د جرمني محلي کارکوونکي د ویزې نه صادرېدو له امله ددغه هېواد پر حکومت دعوه نه شي کولای.محکمه وايي، حکومت قانوني مکلفیت نه لري چې د داخلې یا انټري ویزې ور کول تضمین کړي.

د طالبانو د چاپېریال ساتنې رییس په بیشکک کې د واورین پړانک ساتنې په نړیوال کنفرانس کې ګډون کړی او وايي، افغانستان د واورین پړانګ ساتنې ته ژمن دی.

په افغانستان کې د ملګرو ملتونو د کډوالوعالي کمشنرۍ (UNHCR) رییس عرفات جمال ویلي، چې په ایران کې د افغان کډوالو د وضعیت ارزونې او د هغوی د باعزته ستنېدنې لپاره به ډېر ژر یوه درې اړخیزه ناسته جوړه شي.

په کابل کې له ملګرو ملتونو سره یو شمېر افغان ښځینه کارکوونکې د ناڅرګندو کسانو له خوا ګواښل شوې دي، چې له امله یې اړې شوې د دفتر پر ځای له کوره کار وکړي.

یواځې ۱۶ کلن دی، خو لمر کټوازی له همدا اوس نه د فوټبال په نړۍ کې د یوه ستوري په توګه راڅرګند شوی. دغه افغان-استرالیایي ځوان چې د اسټرالیا د پلازمېنې کنبیرا په یوه مخکښ کلب کنبیرا کروشیا کې د بریدګر په توګه لوبې کوي، نه یوازې د فوټبال، بلکې د فوټسال په ډګر کې هم ځان ثابت کړی.

د پاکستان د دفاع وزیر خواجه اصف ویلي، چې له هند سره د شملې تړون نه مني او اوس د کشمیر د کنټرول کرښه بېرته د ۱۹۴۸ کال د اوربند کرښې حیثیت خپلوي.

سره له دې چې قزاقستان د افغانستان له لارې د اورګاډي نښلوونکې پروژې لپاره نیم میلیارد ډالره پانګونه پلان کړې، د طالبانو د رېل‌پټلۍ ادارې سلاکار وايي، چې افغان شرکتونه د تورغونډۍ–سپین بولدک رېل پټلۍ نه شي جوړولای.

هندله فرانسې وروسته یوازینی هېواد دی، چې د رافایل جنګي الوتکو تنه او ځینې برخې به له دې وروسته پکې جوړیږي. د فرانسې داسولټ ایوییشن او د هند ټاټا شرکت ترمنځ د یوه تړون له مخې، ټاټا به په حیدراباد کې یو مخکښ او عصري تولیدي مرکز جوړوي، چې د رافایل الوتکو کلیدي برخې به پکې تولیدیږي.

د طالبانو د سرحدي پولیسو ویاند ویلي، چې د سپین بولدک ـ چمن دروازه به د اختر په رخصتیو کې هره ورځ د څلورو ساعتونو لپاره د پلي تګ راتګ لپاره خلاصه وي.

د طالبانو تر واک لاندې د مخابراتو او معلوماتي ټکنالوجۍ وزارت وایي، په لومړي ځل د پکتیکا ولایت په تروې ولسوالۍ کې یې انټرنېټي او مکالماتي خدمات پیل کړل. طالبان وايي، د پکتیکا ولایت په محرومو او لرې پرتو سیمو کې ټول ۷۳ مخابراتي انټنونه جوړېږي.

د افغانستان د پخواني جمهوري حکومت لومړي مرستیال امرالله صالح امریکا ته د افغانانو پر سفر د بندیز په غبرګون کې ویلي، چې د ټرمپ اداره دې د سفر د بندیز پر ځای طالبانو ته د اونیزو ډالري کڅوړو پر لېږلو بندیز ولګوي.

ازبکستان د لوی اختر په مناسبت افغانستان ته ۱۸۳ ټنه خوراکي توکي د بشري مرستې په توګه لېږلي دي. د ازبکستان د سورخندریا د ولایتي ادارې د مطبوعاتي دفتر په وینا، دغه مرسته د حیرتان ښار د "استراس" شرکت په انګړ کې طالبانو ته سپارل شوې ده،

د طالبانو امر بالمعروف او نهی عن المنکر وزارت یو ځل بیا ویلي، چې په ودونو کې لوړ لګښتونه او له شریعت سره ناساز دودونه د اسلام خلاف دي او د ټولنې پر ارزښتونو، اقتصاد او د ځوانانو پر رواني حالت منفي اغېز کوي. خو منتقدان وايي، د طالبانو مشران له دې لارې نورو ودونو ته لاره برابروي.

د پاکستاني رسنیو د راپورونو له مخې، له افغانستان نه پاکستان ته د ډبرو سکرو او صابون تیږې واردات ځنډول شوي. پاکستان ته د ډبرو سکرو د وارداتو د ځنډولو لامل د اصلي هېواد د تصدیق پاڼې نه وړاندې کول ښودل شوي.

بلومبرګ په سیمه ییز سیاست کې د طالبانو ښکیلتیا ته په پام وايي، چې لویدیځ باید د هند او افغانستان د نږدې کېدو ملاتړ وکړي، ځکه دا ښايي یوازینۍ وسیله وي چې چین د سیمې له کنټرول څخه لرې وساتي.

د پښتونخوا د خیبر ولسوالۍ په ګودر سیمه کې د اوبو یوې څاه د کارولو په سر د دوو ګاونډیانو په شخړه کې د یوې ښځې او دوو وروڼو په ګډون ۴ کسه وژل شوي دي.