آرشیف

د ننګرهار مقام ولایت رسنیز دفتر وايي، چې په دغه ولایت کې یوې مور څلور ماشومان زېږولي چې درې هلکان او یوه نجلۍ دي. د روغتیا پالانو په وینا ، د مور او ماشومانو روغتیايي وضعیت د ډاډ وړ دی.

د طالبانو ستره محکمه وایي چې نن دوشنبه د سلواغې په ۱۳ مه نېټه یې په کابل او فاریاب ولایتونو کې د بېلابېلو جرمونو په تور پر ۴۰ کسانو په عام محضر کې د دُرو وهلو سزاوې عملي کړې دي.

د طالبانو تر کنټرول لاندې د لوړو زده کړو وزارت اعلان کړی چې د یادې ډلې د مشر د ځانګړي حکم له مخې، د کابل طبي علومو پوهنتون تر چتر لاندې د نبوي سنتي طب پوهنځي د جوړېدو وړاندیز منظور شوی دی.

د بلوڅ ازادۍ پوځ د وروستیو ځانمرګو عملیاتو څلورمه غړې هم یوه ۶۰ کلنه ښځه اعلان کړې ده. بي اېل اې په یوه اعلامیه کې ویلي چې حاتم‌ناز سملاني، چې تشکیلاتي نوم یې «ګل‌بي‌بي» و، د بلوچستان د بولان ولسوالۍ د غربوک کلي اوسېدونکې وه.

په کندهار کې ځایي سرچینو افغانستان انټرنشنل – پښتو ته ویلې چې په سپین بولدک ولسوالۍ کې د دریو وژل شویو ښځو د جسدونو پاتې شوني موندل شوي دي. په دغه ولایت کې د ښځو د جسدونو موندل کېدو یو ځل بیا د ښځو د خوندیتوب او د مرموزو قتلونو د زیاتېدو په اړه اندېښنې راپارولې دي.

د طالبانو کورنیو چارو وزارت ویاند عبدالمتین قانع وايي، چې د ملګرو ملتونو د مخدره توکو او جرمونو دفتر له خوا په افغانستان کې د مخدره توکو د کارونې په اړه وروستی راپور له سروې څخه یو کال وروسته خپور شو او د افغانستان له اوسنیو واقعیتونو سره سمه نه ده.

د طالبانو د اطلاعاتو او رسنیو مرکز مسوولانو د دې ډلې د سیاسي، امنیتي، عدلي او قضایي سکتورونو له ویندویانو او د کورنیو او بهرنیو رسنیو له مسوولانو او خبریالانو سره د همغږۍ ناسته کړې ده.

د طالبانو د عامې روغتیا وزارت وايي، د دوشنبې په ورځ، د سلواغې ۱۳مه، په هېواد کې د ماشومانو ګوزڼ يا پولیو پر ضد د واکسین څلور ورځنی کمپاین پیل شو. د یاد کمپاین په ترڅ کې به شاوخوا ۷،۳ میلیونه هغه ماشومان چې عمرونه یې له پنځو کلونو کم دي، د پولیو پرضد واکسین شي.

په کابل کې د ایران سفارت وایي چې سفیر علي رضا بېکدلي د طالبانو د سرحدونو او قبایلو چارو له وزیر ملا نورالله نوري سره د افغانستان او ایران د ګډ سرحد د تثبیت، او همدارنګه د سرحدي نښو او علایمو د نویو کولو پر موضوعاتو خبرې اترې کړې دي.

په روسیه کې د طالبانو سفیر ویلي، چې روسي شرکتونه دمګړۍ په کابل کې د طالبانو له اړوندو ادارو سره د اوبو د کوچنیو بریښنا بندونو د جوړولو په اړه خبرې کوي. هغه وویل، چې « یو شمېر شرکتونو لا دمخه افغانستان ته سفر کړی او له اړوندو ادارو او متخصصینو سره یې لیدنې او خبرې اترې کړې دي».

د پاکستان د بلوچستان ایالت سیمه ییزو چارواکو د دوشنبې په ورځ خبر ورکړ، چې وسله والو په واشک ولسوالۍ کې "پر دولتي تاسیساتو" برید کړی دی. چارواکو وویل، چې بریدګرو څو ودانۍ وسوځولې او ځینې دولتي موټر یې تښتولي دي.

د بښنې نړېوال سازمان د یوې بېړنۍ اعلامیې په خپرولو سره له پاکستاني چارواکو غوښتي چې د بشري حقونو مدافعان «ایمان مزاري او هادي علي چټه» دې سملاسي او له قید و شرط پرته خوشې کړي.

د قطر د اسلامي هنرونو موزیم د اغا خان بنسټ په همکارۍ د افغانستان د تاریخ، هنر او کلتور له پنځه زره کلونو څخه زیاتې میراثي لاسته راوړنې د "د رڼا امپراتوري: د افغانستان سترګې او غږونه" تر سرلیک لاندې نندارتون کې وړاندې کړې. نندارتون به د مې تر ۳۰ پورې پرانېستی وي.

د طالبانو د کورنیو چارو وزات وایي چې په کابل، نیمروز او تخار ولایتونو کې یې په زرګونه نشه یي ټابلیټونه، سلګونه لیټره شراب او نور مخدره توکي نیولي دي.

یو مخکښ جمهوري‌پال امریکايي سناتور له ډونالډ ټرمپ غوښتي، چې له تهران سره د خبرو اترو پر ځای د ایران حکومت د نسکورولو هڅه وکړي. لېنډسي ګراهام ویلي:« په منځني ختیځ کې ریښتینې سوله هغه وخت راتلای شي، چې د ایران رژیم سقوط وکړي».

د جمهوري نظام پر مهال د افغانستان د ولسمشر لومړي مرستیال امرالله صالح ویلي، طالبانو د ۲۰۲۵کال له څه باندې ۲۰۰ میلیارد افغانیو عوایدو ۶۵ سلنه یې پر خپلې ډلې لګولي؛ په داسې حال کې چې یوازې درې سلنه یې روغتیا ته او ۱.۳ سلنه یې کرنې برخې ته ځانګړي کړي دي.

د طالبانو د کورنیو چارو وزارت وایي، چې په ۷ ولایتونو کې یې د بېلابېلو عملیاتو پر مهال ۲۲ تنه د «غلا، قتل، شرابو، اخلاقي فساد او د وسلو د ناقانونه لېږد» په تور نیولي دي. د دغه وزارت په وینا؛ نیول شوي کسان به تر لومړنیو پلټنو وروسته عدلي او قضايي ادارو ته ور وپېژني.

د خیبر پښتونخوا سر وزیر سهیل اپریدي له‌خوا د پاکستان پر حکومت او تګلارو تر سختو نیوکو وروسته، د دغه هېواد لومړي‌ وزیر شهباز شریف له هغه سره لیدلي او په سیمه کې یې د امن د ټینګښت لپاره د مرکزي او ایالتي حکومتونو پر همغږۍ او همکارۍ ټينګار کړی.

یو اسراییلي امنیتي چارواکي ویلي، چې د غزې او مصر ترمنځ د رفح مهمه لاره د دوشنبې په ورځ د یادې سیمې د اوسېدونکو د تګ‌راتګ لپاره په بشپړه توګه پرانیستل شوه. نوموړي زیاته کړې، چې دغه لاره هره ورځ د شپږو ساعتونو لپاره پرانیستې وي.

د ایران د وسله‌‌والو ځواکونو لوی درستیز عبدالرحیم موسوي وايي:« د غچ اخیستنې غوښتنه تر ۱۳مې ورځې پاتې ده او تر ټولو کوچنۍ تېروتنه به موږ ته د اقدام بشپړ واک راکړي». نوموړي‌ زیاته کړې، چې «د مقابلې او غچ اخیستنې لپاره چمتو یو».

د ۲۰۲۶کال نړۍوال شل اوریز جام چمتووالي سیالۍ په لړ کې د افغانستان کرېکټ ملي لوبډله نن د سکاټلنډ پر وړاندې خپله لومړنۍ تمریناتي لوبه کوي. دغه لوبه به نن ماسپښین ۲ بجې په بېنګلور کې پیل شي.