آرشیف

د افغانستان د فوټسال ملي لوبډلې ځوان لوبغاړی مهران غلامي د هسپانوۍ لوبډلې «اېل کاسیروس اېل هیدالګو مانزانارس» سره یوځای شو.

د ایکانومېک ټاېمز په یوې مقاله کې راغلي، چې پاکستاني پوځیان د خپلو «ژورو سټراتېژیو» له مخې افغانستان د خپل کور شاته انګړ ګڼي او تر هغې پورې چې دا دریځ ختم نه شي؛ د اسلام اباد او کابل ترمنځ اړیکې نه رغېږي.

نن په سعودي عربستان او نورو عربي هېوادونو کې لوی اختر نمانځل کېږي. حاجیان به نن له مزدلفې څخه منی ته ستانه شي او شیطان به په ډبرو وولي، د قربانۍ مناسک به ادا کړي، کعبه کې طواف کوي، سرونه به وخریي او احرام به خلاص کړي.

د ژغورنې نړۍواله کمېټه وايي، د امريکا له‌خوا د ۱۲ هېوادونو پر وګړو د سفر بنديز که څه هم ځینې استثناوې لري؛ خو د دغو هېوادونو ډېری خلک په ځانګړې توګه د هغو افغانانو د کورنۍ غړي چې امريکا ته تللي، له خپلو خپلوانو څخه د جلا کېدو له ګواښ سره مخ دي.

د خیبر پښتونخوا سر وزیر علي امین ګنډاپور وایي، چې دوی له زندانه د تحریک انصاف ګوند د بنسټ اېښودونکي عمران خان د خوشې کېدو کومه نښه نه ویني. هغه زیاته کړه، چې دوی د احتجاج حق لري او په خپل ځواک سره به اوسنی نظام مات کړي.

د ټېکنالوژۍ د پرمختګ په درشل کې ډېری متخصصان او څېړونکي دا باور لري چې مصنوعي ځیرکتیا یا Artificial Intelligence ښايي «فکري انقلاب» رامنځته کړي یا د انسانانو د فکر کولو او پرېکړو کولو په لار کې یو لوی بدلون راولي.

د ایران ایراف اژانس په یوه خبر کې ویلی، چې د امریکا-اسلامي اړیکو ټولنې په یوه خبرپاڼه کې د ټرمپ د حکومت دا پرېکړه غندلې، چې د افغان کډوالو لپاره یې د لنډمهالي خوندي وضعیت لغوه کړی. دغه ټولنې دا د امریکا د اخلاقي او ملي مسولیتونو سرغړونه ګڼلې ده.

پاکستان ټوډې ورځپاڼې په یوه مقاله کې د هند، افغانستان او پاکستان د اړیکو، ترنګلتیا او ناامنيو په منځ کې د چين مخ پر زياتېدونکي نفوذ ته اشاره کړې او د چين ملګرتيا يې د افغانستان په ګټه یاده کړې. ورځپاڼې ويلي، چې د اسلام اباد او کابل د اړیکو په رغولو کې د چين رول هند ناهیلی کړی.

د امریکا د ولسمشر ډونالډ ټرمپ او د ټېسلا شرکت اجراییوي رییس اېلن ماسک ترمنځ قوي لفظي شخړې زور اخیستی دی. ټرمپ ماسک ته خبرداری ورکړی چې صبر یې پای ته رسېدلی او د هغه له شرکتونو سره به دولتي قراردادونه له‌منځه یوسي.

د اوکراین د وسله‌والو ځواکونو لوی درستیز وايي، چې د جون په ۵مه نېټه اوکرایني ځواکونو د روسیې د بریانسک ولایت د کلینڅي ښار ته نږدې د روسیې د توغندیزو ځواکونو پر یوې نقطې توغندیز برید کړی دی.

یوه اونۍ مخکې له دې چې د فیفا کلب نړیوال جام رسمي پيل وشي، د سعودي عربستان عامه پانګوالو صندوق (PIF) د دې میاشتنی نړیوالو سیالیو رسمي شریک اعلان شو. دا سیالۍ به د جون له ۱۴مې څخه د جولای تر ۱۳مې د امریکا په بېلابېلو لوبغالو کې ترسره کېږي.

په کندهار کې د طالبانو د والي دفتر وايي، چې د هبت الله په امر یې د کندهار له زندانه ۲۶۰ تنه بنديان ازاد او د ۳ تنو د بند موده یې کمه کړې. خو سرچينې وایي، چې له دې زندانه خوشي شوي کسان ټول د جنايي جرمونو په تور نیول شوي وه او هيڅ سیاسي بندي په کې نه وو.

له ننګرهار نه سیمه‌ییزو سرچینو افغانستان انټرنشنل-پښتو ته خبر ورکړی چې د دغه ولایت په «دره‌نور» ولسوالۍ کې د طالبانو پر موټر چاودنه شوې چې په ترڅ کې یې د یوه قومندان په ګډون د دې ډلې څلور جنګیالي وژل شوي او یو بل ټپي شوی دی.

د ټکنالوژۍ میلیاردر ایلن ماسک په خپل ټولنیز پلاتفورم ایکس کې پوښتنه راولاړه کړې چې "ایا دا وخت نه دی رسېدلی چې په امریکا کې یو نوی سیاسي ګوند جوړ شي، چې د منځنیو ۸۰ سلنه خلکو استازیتوب وکړي؟"

ایران د قاچاق، ناقانونه کډوالۍ او امنیتي ګواښونو د مخنیوي لپاره له افغانستان سره د خپلو پولو په اوږدو کې د دېوال جوړول پیل کړي دي. دا پروژه چې کلونه وړاندې پېل شوې، اوس د ایراني چارواکو له‌خوا په ډېر جدي توګه څارل کېږي.

پر وسلو او نورو پوځي تجهیزاتو د طالبانو پر کم‌واکۍ له نیوکو سره سم، نن د دې ډلې دفاع وزارت په یوه خبرپاڼه کې ویلي، چې د کابل په دوو سيمو کې یې د عملياتو پرمهال یو شمېر سپکې او درنې وسلې نیولي دي. د طالبانو په وینا، د دې پوځي تجهیزاتو ترڅنګ یې دوه شکمن کسان هم نیولي.

اسوشيټېدپرېس د راپور له‌مخې، اسراییلي پوځ د غزې سوېل ته څېرمه په خان یونس سیمه کې د دوو اسراییلي-امریکایي یرغمل‌شویو مړي موندلي دي. ۷۰ کلنه جوډیت وېنسټاین او ۷۲ کلن ګاد هاګي، د ۲۰۲۳ کال د اکتوبر په ۷مه پر اسراییل د حماس په برید کې وژل شوي دي.

ولسمشر ډونالډ ټرمپ د پنجشنبې په ورځ پر خپل پخواني نږدې ملګري، اېلن ماسک، سختې نیوکې وکړې او ویې ویل چې د هغه د عامه مخالفت له امله "خورا ناامیده" شوی دی. ماسک د ټرمپ د مالي اصلاحاتو له پراخې لایحې سره مخالفت کړی، چې د هغه د اقتصادي اجندا اصلي محور بلل کېږي.

په پاکستان کې د امریکا ويزو ته په تمه افغانې کورنۍ ځانونه دوکه شوي ګڼي او هيله لري، چې د امریکا حکومت به یې د ژوند د خوندیتوب لپاره غږ اوري. د کډوالو د ملاتړ یوې ادارې سږ کال اټکل کړی، چې شاوخوا له ۱۰ زره څخه تر ۱۵ زره افغانان په پاکستان کې د وېزو د پروسس په تمه دي.

د اسراییل پوځ د پنجشنبې په ورځ د لبنان پلازمېنې بیروت په جنوبي څنډو کې میشتو خلکو د تخلیې خبرداری ورکړی دی. پوځ ویلي، چې دغه سیمې د حزب‌الله ډلې اړوند تاسیساتو ته نږدې دي.

د ټرمپ ادارې د امریکا پوځ لپاره په منځني ختیځ، افریقا او اروپا کې د نوو لوړپوړو پوځي مشرانو نوماندۍ اعلان کړې، چې پکې د ناټو لپاره نوی ستر قوماندان هم شامل دی.