د ملګرو ملتونو د بشري مرستو همغږۍ اداره «اوچا» وایي، د جګړې له پیل راهیسې په سوډان کې تر نهه مېلیونه ډېر خلک په کور دننه بېځایه شوي او ۲۱ مېلیونه بیا له سختې لوږې سره مخ شوي دي. د راپورونو له مخې؛ د جګړې د دوام له امله مرستو ته د اړمنو خلکو لاسرسی خورا محدود شوی دی.
د افغان اېواک مشر شان وانډيور د کالیفورنیا د والي ګېون نیوسم څرګندونې شریکې کړې او ویلي یې دي، چې د کډوالۍ سخت اقدامات کورنۍ بېثباته کوي. هغه وایي، دغه پالیسۍ زرګونه افغانان چې امریکا ته د تګ په تمه دي؛ له ناڅرګند حالت سره مخ کړي دي.
اوکرایني چارواکي وایي، روسي ځواکونو د سېشنبې په سهار د دغه هېواد پر پلازمېنه کیف ښار پراخ توغندیز او د بېپیلوټه الوتکو بریدونه کړي چې له امله یې استوګنیزې ودانۍ، ښوونیز مرکزونه او سوداګریز تاسیسات زیانمن شوي او لږترلږه دوه کسان پهکې ټپیان شوي هم دي.
د روسیې د بهرنیو چارو وزیر سرګي لاوروف وايي، په منځنۍ اسیا کې امنیتي ګواښونه او په افغانستان کې بدلونونه د ډلهییز امنیت تړون سازمان لپاره تر ټولو مهمه مسله ده.
په مسکو کې د طالبانو سفیر ګلحسن وایي، د یادې ډلې اداره لېواله ده چې له روسیې څخه تېل، ګاز او نور توکي وارد کړي او هممهاله د افغان کارګرو د جذب او د کابل–مسکو د مستقیمو الوتنو د پیل په اړه هم خبرې روانې دي.
د افغانستان د فوټسال ملي لوبډله نن سې شنبه (د سلواغې ۱۴مه) د ۲۰۲۶کال اسیا جام فوټسال سیالۍ په نیمه پایلوبه کې د جاپان د ملي لوبډلې پر وړاندې د لوبو ډګر ته ښکته کېږي. دغه لوبه د کابل په وخت د ماسپښین په ۲:۳۰ بجو د اندونیزیا د جاکارتا ښار په ویلوډروم لوبغالي کې پیلېږي.
په پکتیکا کې پر کلدارو د راکړې ورکړی له امله د تېلو ۳ پمپونه او ۶ هټۍ وتړل شوې. د دغه ولایت لپاره د طالبانو د صنعت او سوداګرۍ ریاست وايي، چې یاد پمپونه او هټۍ د دوشنبې په ورځ په یوسفخېل ولسوالۍ کې تړل او مهرلاک شوي دي. یادو مسوولینو زیاته کړې، چې د څارنې بهیر همداراز دوام لري.
نیویارکټایمز د دوو باخبرو چارواکو په حواله لیکلي، چې علي خامنهيي د روسیې ولسمشر ولادیمیر پوتین ته پیغام لېږلی، چې تهران چمتو دی روسیې ته غني شوي یورانیم واستوي.
د ډله ییز امنیت تړون سازمان پرېکړه کړې، چې له افغانستان سره د تاجکستان د پولې د پیاوړتیا لپاره تاجکي ځواکونو ته وسلې او نور نظامي تجهیزات ولېږي، خو د کره نېټې په تړاو یې څه نهدي ویلي. دغې مسلې وروسته له هغې بېړنۍ بڼه خپله کړه، چې له افغان خاورې پر تاجکستان بریدونه وشول.
د کاناډا د ټورنټو ښار پولیسو د ایرانیانو د پراخ لاریون یوه ویډیو خپره کړې او ویلي یې دي، چې د یکشنبې په ورځ شاوخوا ۱۵۰ زره کسانو په دې لاریون کې ګډون کړی و. پولیس وايي، دغه پراخه ولسي غونډه په بشپړه توګه سولهییزه وه او هېڅ ډول ناوړه پېښه پهکې نه ده رامنځته شوې.
نیویارک ټایمز د دوو باخبرو چارواکو په حواله راپور ورکړی، چې ایران د وضعیت د ارامولو لپاره چمتو دی څو خپل اټومي پروګرام ودروي یا یې وځنډوي، چې دا ګام یو مهم امتیاز ګڼل کېږي.
د اسټرالیا د بهرنیو چارو وزارت وایي، چې د ایران د سپاه پاسداران پر درېیو ادارو او د دغه رژیم پر ۲۰ لوړپوړو چارواکو یې بندیزونه لګولي دي. په اعلامیه کې ویل شوي، چې دغو چارواکو او ادارو د ایرانیانو په ځپلو کې لاس درلود او په لاریونونو کې یې له خلکو سره تاوتریخوالی کړی.
د برېتانیا د کورنیو چارو وزیرې شبانه محمود ویلي، چې هېواد یې له پاکستان سره پیاوړې او مثبتې اړیکې لري. نوموړې په لندن کې له جیونیوز سره په ځانګړې مرکه کې وویل، چې د پاکستان او برېتانیې حکومتونه په دوامداره ډول له یو بل سره په اړیکه کې دي او پر بېلابېلو مهمو موضوعاتو خبرې کوي.
د افغانستان د فوټبال فډراسیون له څو کلونو راهیسې د خبریالانو له وېرې، اطلاعاتو ته د لاسرسي له محدودیت، د رسنیزو فعالیتونو له مخنیوي او په اوږدمهاله چوپتیا پېژندل کېږي. د طالبانو دغه کړنلاره د هرات ولایت د فوټبال فډراسیون ته هم غځېدلې ده.
د امریکا دفاع وزیر پېټ هېګسټ ایران ته خبرداری ورکړ، چې که چېرې له متحده ایالاتو سره له مذاکرې ډډه وکړي، پنټاګون "تر بل هر وخت ډېر اقدام ته چمتو" دی.
د طالبانو د اطلاعاتو او کلتور وزارت د جهادي اثارو او اسنادو د ثبت ریاست مشر سعید خوستي ویلي، د طالبانو د پیغام رسولو او رسنیز فعالیتونو چارې «ډېرې کمزورې» دي او که د «خواله رسنیو ډګر» بېپامه پرېښودل شي، نو «د دوښمن روایت پیاوړی کېږي او طالبان به ماته وخوري».
د اوکراین ولسمشر ولادیمیر زېلېنسکي وایي، نړۍ په ایران کې د تاوتریخوالي او د خلکو د وژنې ټولو اړخونو ته ځیر ده. هغه زیاته کړه، نړۍ ګوري چې د ایران رژیم څنګه په سیمه او نړۍ کې د جګړې او ناامنۍ خپرولو لپاره لویې سرچینې لګوي.
د برېتانیا حکومت اعلان وکړ، چې د ایران پر انتظامي قومندانۍ او ۱۰ ایرانیانو یې د بشري حقونو په جدي سرغړونو، د اعتراضونو په ځپلو او د معترضانو پر وړاندې د تاوتریخوالي په کارولو کې د رول لرلو له امله نوي بندیزونه ولګول.
د پاکستان دفاع وزیر خواجه اصف د دوشنبې په ماخوستن (د سلواغې ۱۳مه) په خپله اېکسپاڼه لیکلي، د کرېکټ د ژوندي ساتلو لپاره باید د کرېکټ لپاره یوه نوې نړۍواله اداره رامنځته شي، ځکه په باور یې د کرېکټ نړۍواله شورا یا ایسيسي په سوېلي اسیا کې د هند د سیاسي ګټو په لومه کې راګیر شوې ده.
اکسیوس د یوه اسراییلي چارواکي له قوله راپور ورکړی، چې د سپینې ماڼۍ ځانګړی استازی سټیو وېټکاف په پام کې لري، څو د سېشنبې په ورځ د اسراییل له لومړي وزیر بنیامین نتنیاهو سره وګوري. د دغه راپور لهمخې، وېټکاف به د اسراییل د پوځ د لوی درستیز ایال زمیر سره هم وګوري.
د پاکستان په بلوچستان ایالت کې د بلوڅ وسلهوالو د خونړیو بریدونو له ترسره کېدو وروسته، د دغه هېواد د دفاع وزیر د تور ګوته د افغانستان پر لور نیولې ده. خواجه اصف د دوشنبې په ورځ ادعا وکړه، چې په بلوچستان کې د فعالو بلوڅ وسلهوالو ډلو مشران په افغانستان کې مېشت دي.